تحميل رواية «اسير قلبها» PDF

عمو ممكن توديني لماما.

= أنا مش عمو، أنا فارس. وبعدين أنا معرفش فين مامتك. إنتي اسمك إيه؟

_ اسمي ملك.

= طيب مش فاكرة بيتك فين ولا إنتي عايزة إيه.

_ ماما راحت عند ربنا، هي وبابا وتيتا. قالت لي: "إحنا هنروح لهم" وهي راحت لهم وسابتني لوحدي.

وفضلت تعيط.

فارس زعل أوي وقرر ياخدها معاه البيت.

= طيب كفاية عياط بقى يا ملوكتي وتعالي معايا البيت يلا.

_ هتوديني عند ماما.

= هروح أغير هدومي علشان بصي، لسه طالع من المدرسة. هغير هدومي ونروح لماما.

ملك فرحت جدًا وحضنته.

"هيه هروح لماما، أنا بحبك أوي."

فارس فرح لما شافها بتضحك، وفي نفس الوقت مش عارف يعمل إيه ويفهمها إزاي إن مامتها في مكان محدش بيروحه إلا لما يموت.

مشيت ملك مع فارس وهما ماسكين في إيد بعض.

_ بس بس.

فارس ضحك عليها.

"اسمي فارس يا هبلة."

= ممكن تجيب لي من البتاع دا.

وبص مكان ما شاورت لقى غزل البنات.

_ طيب يا حبيبتي تعالي معايا يلا.

= هييه هييه، أنا بحبك قد الدنيا.

فارس بضحك: "وأنا بحبك قد العالم."

جاب لها غزل البنات وبعد كده وصل البيت.

_ مامااا، يا رغد، فيروز جت.

"إيه عامل دوشة لي يا ابن مراد."

"إيه دا مين القمر دي."

= طيب عايز أكل، وحياة مراد حبيبك، وبعدين هحكيلكوا.

مراد جه من وراه.

"مراد حاف كده يا حلوف."

_ يا نهار فل يا أبو الفوارس، هو بابا بجد ورايا يا ماما.

فيروز ورغد واقفين يضحكوا على شكله.

رغد وهي بتضحك: "بص وراك وانت تتأكد."

_ لا لا، أنا خايف حد يقرصني أو يديني قلم على وشي علشان أتأكد إني مش بحلم.

وفانية كان مراد أداله على قفاه.

= آآه، كده اتأكدت.

وبص وراه لباباه.

"احم، إزيك يا بابا."

_ الله يسلمك يا شقي. ادخل يا أخويا علشان نتطفح وتقول مين البنت دي.

ملك بصت لرغد وراحت حضنتها فجأة كده.

_ يا لهوي ع القمر.

= أنا حبيتك أوي.

_ وأنا كمان يا روحي. إنتي اسمك إيه.

= اسمي ملك، وإنتي.

_ أحلى ملك يا ولاد. + أنا ياستي اسمي رغد.

= الله، اسمك جميل. ممكن أنا وإنتي نبقى أخوات.

_ أكيد يا حبيبتي، هو أنا أطول إن القمر تبقى أختي.

وباستها من وشها وخدتها للسفرة.

ملك راحت على فارس وشدته من البنطلون.

"فارس فارس."

_ إيه يا ملوكتي.

= انزل كده شوية.

فارس قعد على ركبته وبصلها.

"قولي يستي عايزة إيه."

_ أنا مش بحب أكل الأكل ده.

= طيب بتحبي تاكلي إيه يا حبيبتي.

ملك بشرود شوية: "اممم، بحب أكل رز بلبن."

_ طيب على فكرة الأكل ده جميل جدًا. كلي من ده، وبالليل هخلي ماما تعملك رز بلبن. ها، إيه رأيك.

= يعني الأكل ده طعمه حلو.

_ جدًا. يلا يستي، وأنا اللي ها أكلك.

ملك فرحت جدًا وقعدت على الكرسي جنبه، وهو بدأ يأكلها تحت نظرات عيلته اللي مستغربة الموضوع.

خلصوا أكل وحكى لهم اللي حصل، وقرروا يربوها.

_ أنا عايزة أنام أوي يا فارس.

= خديها يا رغد معاكي والنبي ونيميها.

_ ماشي، يلا يا حبيبتي.

ملك مرضيتش تروح مع رغد وبصت لفارس.

= يلا اطلعي مع رغد نامي معاها.

ملك عيونها دمعت لأنها اتعلقت بفارس ومش عايزة تنام مع رغد.

"بس أنا عايزة أنام معاك."

فيروز مسكت إيدها بحنية.

"بصي يا حبيبتي، مينفعش تنامي مع فارس علشان هو ولد وإنتي بنت."

ملك مش فاهمة يعني إيه كلامها وفضلت مصممة على رأيها.

_ خلاص يا ماما، هاخدها تنام معايا.

= ماشي يا حبيبي.

وطلع أوضته هو وملك.

_ هي دي أوضتك.

= آه، حلوة.

_ أوي أوي، دي شبه أوضة ماما. فارس، إنت مش قلت لي إنك هتغير هدومك وتوديني لماما.

فارس احتار ومش عارف يعمل إيه.

انت بتكدب عليا يا فارس ومش هتوديني لماما صح.

بصي يا ملك ماما راحت عند ربنا. احنا مينفعش نروح الا لما نموت.

يعني احنا مش هنروح لماما.

وبدأت عيونها تدمع.

لا يا حبيبتي مش بمزاجنا نروح لماما.

ملك قعدت في الأرض وفضلت تعيط.

أنا بحب ماما أوي عايزة أروح لها يا فارس علشان خاطري وديني لماما.

فارس عيونه دمعت لعياطها وهو حاسس بوجعها.

عارفة ماما كدا زعلانة منك علشان انتي بتعيطي.

ملك بطلت عياط وبصت له.

هي ماما شايفاني دلوقتي.

اه ولما بتشوفك بتعيطي بتزعل وكدا مش هتحبك تاني.

خلاص مش هعيط تاني أنا بحبك أوي.

وأنا كمان يا ملوكتي.مش يلا ننام ولا هنفضل قاعدين كدا.عندي دروس بكرة.

وخدها في حضنه وناموا هما الاتنين.

ياترى يا ملك روحتي فين.

يا بابا أهي غارت في داهية.مش عارف شاغل بالك بيها ليه.

علشان دي بنت أخويا وتبقا بنت عمك.يعني مفروض تخاف عليها زي أختك بالظبط.

أنا مالي بيها.أنا رايح الدرس يا بابا.

روح يا أخويا ربنا يهديك.

صباح الخير يا ملوكتي.

صباح النور يا أحلى ماما.

فارس قلبه وجعه أوي لأنها مفكرة إن مامتها جنبها.

قرب عليها وباسها من راسها.

قومي يا كسولة.

ماما فين.

إحنا قولنا إيه امبارح.

أنا عايزة ماما يا فارس.ماما وحشتني أوي.

فارس حضنها.

بس بقا يا ملوكة.ماما كدا هتزعل منك.

وأنا كمان زعلانة منها علشان هي مشيت وسابتني.

هجبلك شوكولاتة كتير وفساتين لو بطلتي عياط.

ملك فرحت زيها زي أي طفلة بتفرح من أقل حاجة.

بجد هتجبلي فساتين وشوكولاتة.

أه يا حبيبتي.بس نبطل عياط الأول علشان أجيبلك.

أهو بطلت عياط.هتجيبلي امتى بقا.

هروح الدرس ولما أجي هنروح أنا وانتي ورغد نجيب ليكي اللي انتي عايزاه.

هيييه هييه.

يلا ننزل علشان ناكل معاهم.

ونزلوا فطروا وهو مشي على الدرس وهي فضلت تعيط شوية وبعدين سكتت.

يلا نخرج نلعب في الجنينة.

هيه يلا.

إيه رأيك نلعب كورة.

ماشي يلا.

وهما بيلعبوا كورة الكورة خرجت برا الفيلا.

جريت ملك على الكورة.

ملك استني.

لااااااا.

حاسبي وشدها له.

"انتي كويسة يا ملك."

"آه أنا كويسة."

"بتجري ورا الكورة ليه، ينفع كده؟ العربية كانت هتخبطك."

"أنا آسفة."

وخدها ودخل الفيلا.

عدت الأيام والشهور والسنين لحد ما عدى عليهم 6 سنين وكبر فارس وملك.

ودلوقتي ملك في تالتة ثانوي وفارس شغال في المخابرات.

"أبيه فارس، بص جبت كام في امتحان الكيميا."

فارس كعادته بيشجعها.

"شاطرة يا حبيبتي، اتجدعي كده يا ملوكتي عشان تبقي أحلى دكتورة أطفال."

"إن شاء الله."

ولاحظت مسدج من بنت فاتضايقت أوي.

"مين دي يا أبيه."

فارس بتوتر.

"مش عارف، عادي هتلاقي واحدة بتبعت عادي."

"طب افتح الشات، اعملها بلوك."

"ماشي، هبقى أعمل لها. يلا يا حبيبتي روحي كملي مذاكرتك."

"مش هروح أذاكر إلا لما تعمل لها بلوك قدامي ودلوقتي."

فارس بعصبية.

"ملك، مش هكرر كلمتي تاني. روحي ذاكري يلا."

ملك زعلت وخرجت من أوضته وفضلت تعيط.

"مالك يا ملك، بتعيطي ليه يا حبيبتي."

"مفيش يا رغد، أنا هروح أذاكر."

"مش هسيبك إلا لما تقولي فيه إيه."

ملك بصوت مملوء بالبكاء.

"أنا.. مش هقدر أتكلم دلوقتي، هبقى أحكيلك بعدين."

ودخلت أوضتها بسرعة وقفلت الباب.

رغد راحت لـ فارس.

"فارس يا فارس."

"ادخلي يا رغد."

"هو انت زعلت ملك."

"هي بتعيط."

"جداً، انت عملت لها إيه."

"بعدين يا رغد، هقولك. سبيني دلوقتي عشان بعمل شغل مهم."

رغد اتضايقت.

"يوه، هي تقولي بعدين هقولك، وأنت تقولي بعدين هقولك. والله لأروح أكلم آدم قرة عيني. بلا قرف."

وخرجت من أوضته وراحت تكلم آدم خطيبها.

"بقالي 6 سنين بدور عليها ومش لاقيها، يعني إيه الكلام ده."

"يوه يا بابا، أنت لسه بتفكر فيها. ما هتلاقيها، يا ماتت يا عايشة في أي حتة بقى."

"مش عارف، أنت طالع قلبك قاسي لمين يا ابني."

"ولا قاسي ولا حاجة، أنت اللي حنين زيادة عن اللزوم."

"برضه هفضل أدور عليها لحد ما ألاقيها."

"ملك يا ملوكة.. ملوكتي.."

ملك بصوت غاضب.

"مش هفتح الباب يا فارس، حتى لو عملت أي حاجة."

فارس بضحكة جميلة.

"حتى لو جايب لك شوكولاتة كتير."

وبسرعة البرق كانت فتحت الباب وهي بتضحك.

"فين يا أبيه."

"مش هديها لك إلا لما تقولي لي مش زعلانة منك يا فارس."

"هاتها الأول وبعدين هقولك."

"طيب يا ستي، خدي جايب لك علبة شوكولاتة كاملة."

"شكراً، اتفضل أنت بقى، مع السلامة."

"والله بقى كده."

"آه، عشان أنت زهقت عليا وأنا معملتش حاجة، وبعدين بتكلم البنت دي ليه."

"عادي، هي كانت عايزاني أساعدها يستي في مشكلة كده."

"مشكلة إيه، واشمعنى أنت يعني."

وبعدين قالت بغيرة وغضب.

"آه، من حقها تكلمك، ما أنت حاطط صورتك ولابس ومتشيك وعيون بني وشعر أسود على دماغك، فاكيد بتكلمك عشان عايزة تستغلك بنت الـ.."

وراح حط إيده على بقها.

"ششش، افصلي إيه ده كله. وبعدين هو أنتِ بتغيري عليا يا ملك."

ملك بصت لمكان إيده إن هو يشيل إيده يعني، وفعلاً شالها.

"لا، هغير عليك ليه يعني؟ كتك القرف في أم حلاوتك دي. إيه بتبص لي كده ليه؟ مش بغير عليك على فكرة."

"واضح أهو."

"طب اخرج بقى خليني أتنيلي أذاكر عشان المستر هيشرب من دمي. + قولت لك ذاكر لي درس الفيزيا اللي مش فاهمه فيه حاجة. مذاكرتش لي حاجة بردوا."

"هاتي يختي كتابك واترزعي عشان أذاكر لك."

"مش بقول لك قمر، أنت أي قمر."

وجابت كتاب الفيزيا وهو قعد يذاكر لها.

بعد شوية.

"ملك، بصي عشان أنتِ عارفة أنتِ غالية عندي قد إيه، وعارفة أنا بحبك قد إيه بردوا، فـ أنتِ أول واحدة هتكوني عارفة بالموضوع ده."

ملك بفرحة.

"قول يا ابني، قول."

فارس خد نفس طويل شوية.

"أنا هخطب يا ملك."

فارس قرر يدور على ملك بنفسه، بس الأول يروح يعرف أهله ويفكر هيرجعها إزاي ويعرف مين خطفها.

وهو سايق عربيته لقى رسالة اتبعِتت له. فتح الرسالة، وأول ما شافها كان هيتجنن. كان فيديو لملك وهي نايمة في الأرض والدم حواليها في كل مكان.

"ملك لااا!"

وبعدها لقى رقم غريب بيرن عليه.

"أهلاً بأبو الفوارس."

فارس بغضب: "مين أنت؟"

الشخص بضحك عشان يستفز فارس: "عجبك الفيديو؟"

"أقسم بربي لآجيبك."

"مستنيك يا حبيب قلبي، تعالى يلا." وقفل السكة في وشه. "هه، جيت للموت برجليك يا فارس."

فارس قدر يعرف مكان الشخص ده من تتبعه للرقم، وبدون تفكير راح للمكان اللي هو فيه. كان عبارة عن بيت قديم.

"أهو شرف، هاتوه بسرعة."

خرجوا الرجالة بتوع الشخص ده وجابوا فارس.

"إزيك يا أبو الفوارس؟ عرفت بقا إن اللي بيجي على سامر الصياد ميكسبش."

"هفضل بردوا أمنعك إنك تدخل أسلحة ومخدرات جوة البلد، وهيجي يوم وأظبطك فيه وأنت ماسك المخدرات بإيديك، ومش هتردد لحظة إني أقتلك يا سامر."

سامر اتعصب وكوّر إيده وضرب فارس في وشه: "تبقى جننت على نفسك يا فارس. ادخلوا هاتوها."

دخلوا رجّالته وجابوا ملك. فارس كان رايح ناحيتها بس سامر منعه.

"استنى كدا وروّق."

فارس مستناش وراح ضاربه. سامر بدأ يرد الضرب له، وبدأوا يضربوا في بعض لحد ما ملك فاقت.

"آه... ف... فارس... آآآه." وفضلت تعيط من الرصاصة اللي كانت في كتفها.

فارس سمع صوتها وعرف إنها فاقت، وقف ضرب في سامر وراح ناحيتها.

"ملك يا حبيبتي، أنا معاكي، متخافيش."

"فارس حااااسب!" كان سامر جاب خشبة كبيرة ونزل بيها على راس فارس.

"فارس قوم عشان خاطري." وبدأت تعيط. "فارس افتح عينيك، قوم يا فارس."

***

"مش عارف فارس مش بيرد عليا ليه يا فيروز."

"ياترى يا حبيبي روحت فين؟ أكيد جاي دلوقتي ومعاه ملك."

"إن شاء الله."

***

"إيه ده يا نعيمة؟"

"ابنك يا عبدالرحمن، ابنك تاجر مخدرات."

"أنتِ بتقولي إيه يا نعيمة؟ انتِ اتجننتِ؟"

"ولا اتجننت ولا حاجة. لما ييجي ابنك، شوف لك صرفة معاه. أنا مش عارفة إزاي دخل المخدرات جوة بيتنا."

"دي آخرة تربيتي ليك يا سامر. الحمد لله إن ملك مكنتش معاك في البيت، محدش عارف كان إيه اللي ممكن يحصل. يا حبيبتي يا ملك، وحشتيني أوي يا بنت أخويا والله. آه لو أعرف مكانك يا بنتي."

(اتصدمتوا صح؟ سامر ابن عم ملك هو اللي خطفها. هو طبعًا ميعرفهاش ولا هي تعرفه.)

***

"اخرسي يا بت انتي."

"ابعد عني يا زبالة."

"صراحة، داخله دماغي أوي. الأ قول لي بقا، أنتِ أخت أبو الفوارس ولا حبيبته؟ ولا أقولك، مش مهم أعرف. المهم دلوقتي إنك تحاولي تقنعي فارس بإنه يسمح لي أدخل مخدرات للبلد من غير ما حد يعرف."

"عمري ما هقوله حاجة زي كده، لإن اللي زيك لازم يبقى في السجن دلوقتي."

سامر مسكها من شعرها جامد: "هتشوفي دلوقتي هعمل فيكي إيه، أنتِ وفارس بتاعك ده." وقعدها على الكرسي وكتفها وجاب سلكين كهربا.

في اللحظة دي، فارس فاق وباصص لسامر وبيفكر يعمل إيه. مسك الخشبة من غير ما حد ياخد باله، لإنهم واقفين عند ملك. وراح ضارب الرجالة بتوعه، وكده فاضل سامر.

سامر لف له، وكان فارس ماسك الخشبة وهينزل بيها على راس سامر، بس سامر مسك الخشبة وزق فارس بيها.

"أنت مفكر بعمايلك دي هسمح لك تدخل المخدرات للبلد عندنا؟"

"لا، بس على الأقل أخلص منك." فارس راح عليه ومسكوا في بعض، وفضلوا يضربوا بعض لحد ما سامر اتخبط في الباب ووقع في الأرض. فارس راح بسرعة على ملك وفكها.

"متخافيش يا حبيبتي، اهدي."

ملك بعياط: "مش خايفة يا حبيبي، أنا خوفت عليك."

"أنا ما فيا حاجة." وشالها وركبها العربية وخدها على المستشفى.

"هتبقي كويسة يا حبيبتي."

"خليك جنبي يا فارس، كتفي وجعني أوي."

"هي هتشيل لك الرصاصة يا حبيبتي وهتبقي كويسة إن شاء الله، متخافيش خالص."

ملك بثقلان في كلامها من أثر البنج: "طيب، خليك معايا يا فارس، أنا خايفة، خليك جنبي." وراحت في النوم. وهو فضل معاها في غرفة العمليات.

بعد ساعة في غرفة العمليات، فاقت ملك ووجدها فارس وباقي أفراد العائلة بجانبها.

فارس: عيون فارس، عاملة إيه دلوقتي؟

ملك: الحمد لله.

فارس: كدا يا ملوكة، خوّضتيني عليكي يا حبيبتي والله.

ملك: تعيشي وتاخدي غيرها يا رغد.

رغد: هو أنا مش هخرج من المستشفى الشؤم ده؟

ملك: شؤم؟

رغد: آه شؤم، من ساعة ما جيت ولا حد جابلي حتى شوربة لسان عصفور ولا ديك كده.

ملك: هو حد قالك إننا في مطعم ولا حاجة؟

رغد: لا، بس أنا تعبانة، المفروض يجيبوا أكل كده عشان المرضى يخفوا، مش يسيبوهم من غير أكل ولا شرب.

ملك: يا بنتي، أنتِ بقالك ساعة واحدة بس هنا ولسه فاقتة من البنج، يجيبولك أكل إزاي يعني وأنتِ نايمة؟

رغد: خلاص يا فارس، روّحني البيت، أكل هناك أحسن من هنا.

فارس: يلا، الدكتورة أصلاً قالتلي لو عايز تاخدها معاك دلوقتي خدها.

بعد نصف ساعة، وصلوا البيت، وفارس شال ملك وطلعها الأوضة.

فارس: هنزل أنا بقى، هبعتلك دادة بالأكل، وأنا هروح أشتري طقم جديد عشان أروح بيه للعروسة.

ملك، بعد ما كانت الضحكة على وشها اختفت تماماً، والحزن سيطر على قلبها لما افتكرت سيرة خطوبة فارس، ردت بحزن:

ملك: لأ، أنا هنام شوية، ولما أقوم هبقى آكل.

فارس باستغراب: يا بنتي، أنتِ من شوية كنتي هتموتي من الجوع، إيه اللي حصل بقى؟

ملك بنفاذ صبر: ياربي، مفيش، عايزة أنام شوية.

فارس: هسيبك تنامي شوية، ولما أرجع، لينا كلام تاني.

ملك مردتش عليه ولفّت وشها الناحية التانية ونامت، أو عملت إنها هتنام، وهو خرج يشتري اللبس.

.....

"آه والله لأعرفك يا فارس، وهقتلك حتى لو فيها موتي."

"يا بيه، فيه اتصال من ****."

"كويس، هات التليفون."

"أيوه، كله تمام."

"ده تمام ونص."

"طب الحمد لله، أما نشوف يا فارس مين فينا هيغلب التاني."

وأقفل الخط.

ياترى مين اللي كان بيكلمه؟

.....

"ملوكتي يا ملك."

ملك مسحت دموعها بسرعة:

ملك: ادخل.

فارس دخل:

فارس: عاملة إيه دلوقتي يا ست البنات؟

ملك فرحت أوي بالكلمة دي:

ملك: الحمد لله.

فارس: بصي، إيه رأيك في القميص ده؟

ملك: جميل، ذوقك حلو على فكرة.

فارس: عارف، عارف.

ملك: فارس، أنا عايزة أدور على أهلي.

فارس ساب اللي في إيده:

فارس: يعني إيه يا ملك؟

ملك: عايزة أشوف فيه حد عايش من أعمامي أو ولاد أعمامي، أي حد من قرايبي.

فارس: ليه يا ملك؟

ملك: وحشوني أوي، حاسة إني غريبة في الدنيا دي، ماما وبابا وتيتا، كله مات، مبقاش ليا حد غير ربنا، وأنتوا يا فارس، مش عارفة، نفسي يكون حد من أعمامي عايش، عمي ممدوح وعبدالرحمن وخالتي هند، كلهم وحشوني، بس معرفش هما عايشين فين، كإني فقدت الذاكرة.

فارس كان عايز يحضنها ويقولها أنا معاكي، بس مينفعش عشان حرام.

فارس: أنا جنبك ومعاكي يا ملك، وبابا وماما ورغد، كلنا معاكي يا حبيبتي.

ملك افتكرت كلامه إنه هيروح يخطب.

ملك: فارس.

فارس: إيه يا ملوكة؟

ملك: هتروح تخطبها امتى؟

فارس: أول ما تروقي كده، هنروح.

ملك: ماشي يا فارس.

عدت الأيام وملك خفت.

"ملك، ازيك."

اتلفتت وراها، لقيته أمير صاحبها في الدرس.

ملك: الله يسلمك يا أمير، إيه، فيه حاجة؟

أمير: ملك، أنا كنت عايز أقولك إني... يعني... أنا بحبك أوي والله.

الكلام ده طبعاً كان في مكان قريب من الفيلا. فارس كان راجع بعربيته وشافها واقفة مع ولد. نزل من العربية.

فارس: بتعملي إيه يا ملك مع الولد ده؟

ملك بخوف: مش بعمل حاجة يا فارس والله.

فارس بغضب: اسبقيني ع البيت يا ملك، وأنتَ يلا امشي من هنا، ومشوفكش واقف معاها تاني، سامع.

خد عربيته ودخلها الفيلا، وطلع بغضب لأوضة ملك، وأول ما دخل اتصدم!

ياترى فيه إيه؟ ملك حصلها إيه، أو فيه إيه في الأوضة؟

فارس طلع لملك وأول ما دخل لقاها ماسكة السكينة.

"بتعملي إيه يا ملك؟"

"مش بعمل حاجة، كنت بشوف السكينة دي حامية ولا لا."

فارس بغضب: "كنتي بتعملي إيه مع الزفت اللي كنتي واقفة معاه ده؟"

ملك بخوف من نبرة صوته: "مكنتش بعمل حاجة، هو كان بيقولي..."

"انجزي، بيقولك إيه؟"

"كان بيقول إنه بيحبني يعني."

فارس قرب منها ومسك دراعها: "وإنتي قلتي له إيه؟"

ملك حبت تغيظه أو تشوفه هيعمل إيه: "أنا ملحقتش أرد عليه، بس لو كنت رديت كنت هقوله وأنا كمان بحبك."

فارس بعصبية وضربها بالقلم: "عارفة يا ملك لو كنتي قلتي له كده، كان زمانك مدفونة دلوقتي. ولو قلتي الكلمة دي تاني يبقى إنتي اللي جبتيه لنفسك."

ملك ببكاء: "إنت ملكش دعوة بيا. مش إنت بتحب وهتخطب، يبقى أنا كمان ليا الحق أحب وأتخطب زيك يا فارس."

"لا يا ملك، ملكيش الحق تحبي حد. أقولك، مش هتخرجي من البيت يا ملك بعد كده. وأنا اللي هشرحلك كل حاجة وهتروحي على الامتحان بس."

"ليه يعني؟ إنت عايز مني إيه يا فارس؟"

فارس خرج قبل ما يقولها الحقيقة.

ملك فضلت قاعدة زهقانة بس فرحانة إنه هو اللي هيذاكر لها.

ملك نزلت تحت تتغدى والكل كان قاعد.

"جهزوا بقى عشان هنروح للعروسة النهاردة."

ملك بدأت تاكل بشراهة: "أنا مش هاجي معاكم."

"ليه يا ملك؟"

"عندي درس بكرة بدري ولازم أنام بدري."

"بكرة الجمعة يا ملك ومفيش عليكي دروس."

ملك احتارت، ملقتش غير إنها توافق: "ماشي يا فارس، هاجي خلاص. عن إذنكم يا جماعة." وطلعت على أوضتها.

فارس عرف إنها زعلانة منه إنه ضربها بالقلم، فطلع وراها.

أول ما دخل الأوضة لقاها بتعيط أوي وقاعدة في الأرض جمب السرير.

"يا ربي، أنا عارف إنك زعلانة مني، والله حقك عليا."

"..."

"طب بطلي عياط عشان ما أعملش حاجة غلط دلوقتي."

"..."

"والله هقوم أحضنك دلوقتي وكده حرام."

"..."

"شوفي، إنتي اللي بتجرجريني للغلط أهو."

ملك ضحكت أول ما قال بتجرجريني: "أنا بجرجرك؟"

"والله ضحكتك حلوة، شوفتي الدنيا بتبقى أحلى لما بتضحكي والله."

"طيب، شكراً."

"قومي اغسلي وشك يلا، والبسي وأنا هروح ألبس أنا كمان."

"ماشي يا فارس." وقام خرج.

مش عارفة أنا إزاي هروح معاه، مش هقدر أشوفهم جنب بعض ولا وهو بيكلمها.

وقامت لبست ونزلت تحت مستنية فارس ينزل.

"أنا جيت، كله جهز؟"

رغد بابتسامة: "تمام يا فندم."

"يلا بينا."

ومشوا راحوا لأهل العروسة. واتقدم فارس وأهلها وافقوا.

ملك قامت خرجت البلكونة وفارس وشاهيناز قاعدين مع بعض.

ملك لقت صوت وراها: "بتحبيه؟"

ملك مسحت دموعها وبصت وراها، لقيته مالك أخو شاهيناز: "هو مين ده؟"

"فارس."

ملك بتوتر: "لأ طبعاً، دا زي أخويا."

مالك: "امال العيون اللي كانت بتدمع من شوية دي كانت بتدمع ليه؟"

"مش بعيط ولا حاجة."

"مش هضغط عليكي يا ملك، ممكن أقعد معاكي نتكلم شوية؟"

"اتفضل."

ملك بإبتسامة: أكيد اتفضل.

قعد مالك ع الكرسي قصاد ملك ف البلكونة.

أنا ف سنة كام؟

تالته ثانوي. وانت؟

ربنا يوفقك يارب. أنا يا ستي ف أولي كلية، يعني أكبر منك ب سنة.

كلية إيه؟

هندسة.

ما شاء الله. ربنا معاك يارب.

يارب. وفيه حاجة صعبة عليكي ف المواد؟

لا الحمد لله كله تمام.

يعني ولا فيزيا ولا كيميا ولا أحياء.

ملك ضحكت: لا يسيدي ولا فيزيا ولا كيميا.

فارس سمع صوتها من برا بقا هيتجنن. يا ترى بتضحك ليه ومين ضحكها؟

خرج برا الصالون. وبص لقاها قاعدة ف البلكونة هي ومالك وقاعدين بيضحكوا. راح لهم بس هما مكنوش واخدين بالهم وواقف يسمعهم بيقولوا إيه.

على فكرة ضحكتك حلوة يا ملك.

ملك اتكسفت: شكراً يا مالك.

فارس بعصبية شديدة: أجيبلكوا اتنين لمون انت وهي؟

ملك بخوف وقامت وقفت: فارس!

اتفضل انزلي اسبقيني ع العربية تحت.

مالك وقف قدام ملك: فيه إيه يا فارس؟ قاعدين بنتكلم سوا شوية.

بصفتك إيه إن شاء الله؟ من النهارده ملكش كلام معاها، ولا كإنك تعرفها، سامع؟

مش فاهم انت إيه مشكلتك. وبخصوص بصفتي إيه، ف قريب هيبقا ليا كلام معاها وبصفتي خطيبها إن شاء الله.

عند السيرة دي راح ضاربه. والليلة اتقلبت خناقة وصفّت على كل واحد روح بيته. وملك طول الطريق بتعيط.

اطلعي يا أبله قدامي.

براحة يا فارس عليها.

محدش له دعوة، كل واحد ف حاله.

مراد بعصبية: فارس انت عارف انت بتقول إيه.

آه يا بابا. بعد إذنكم، هصفي حسابها معاها.

ملك طلعت أوضتها بسرعة وقفلت الباب بالمفتاح وفضلت تعيط.

فارس طلع وراها وفضل يخبط ع الباب.

افتحي يا ملك الباب.

ملك بصوت باكي: لا مش فاتحة.

فارس بصوت جهوري أفزع جميع من ف البيت: بقولك افتحييي الباااب يا ملللك.

ملك خافت أوي من نبرة صوته وراحت فتحت الباب بسرعة وجريت ناحية البلكونة.

فارس دخل وقفل الباب بالمفتاح: تعالي هنااا.

ملك بخوف وبتلعثم: لاااا.. مش هااجي و.. لو قربت مني ه.. هنط م البلكونه.

هتيجي ولا أجيبك أنا؟

ملك فضلت ترجع ورا وبقت قريبة من سور البلكونة.

فارس خاف عليها وحاول يهدي نفسه لحد ما تبعد من ع السور. تعالي يا ملك متخافيش.

ملك اتطمنت من نبرة صوته: مش هتعمل ليا حاجة؟

لا تعالي قدامي يلا.

حاضر. وقربت له. وف لمح البصر اتمحى كل الهدوء اللي كان فيه ورجع لعصبيته.

قاعدة بقا انتي وهو وبتهزروا وتضحكوا صح.

هو.. هو كان بيتكلم معايا شوية عادي يا فارس.

لا مش عادي يا ملك. مش عاااادي لما تقعدوا تضحكوا وتتكلموا. ودلوقتي هعاقبك على اللي عملتيه. أنا سكت المرة الأولى، إنما التانية مش هسكت يا ملك عشان متكرريهاش تاني.

فارس والله مش هتتكرر تاني. وبعدين أنا معملتش حاجة غلط على فكرة.

لما أقول غلط يبقى غلط، سامعة؟

سامعة سامعة. وغمضت عيونها وفضلت تعيط.

فارس بص لها بحب وهدى تماماً وراح حاضنها. بس يا حبيبتي كفاية عياط.

ملك بدون وعي حضنته أوي وفضلت تعيط بصوت عالي.

لو مبطلتيش عياط مش هجبلك حاجة حلوة.

حقك عليا والله. بس لما بشوفك مع حد تاني بتعصب. متعرفيش غيرتي عليكي قد إيه يا ملك والله.

ملك خرجت من حضنه: انت بتغير عليا؟

جداً.

طب ليه انت بتحبني يا فارس؟

أكيد يا حبيبتي. انتي زي أختي رغد بالظبط. ولازم أغير عليكي صح ولا لا.

ملك بجمود عكس اللي جواها: آه صح طبعاً.

طب يبقى دلوقتي تمسحي دموعك دي ويلا ننزل تحت شوية.

لا أنا هنام عشان أصحى الفجر أذاكر.

ربنا معاكي يا ملوكتي. لو صحيت الفجر هبقى أجي أخبط عليكي الباب لحد ما تصحي.

ماشي.

خرج فارس وهي غسلت وشها ونامت.

سامر.

أيوة يا بابا.

انت بتتاجر في المخدرات يا سامر؟

آه يا بابا بتاجر في المخدرات. فيه عندك مانع؟

أبوه سكت شوية وقرر يهدي ويشوف هيعمل إيه. لا معنديش مانع طبعاً.

كويس. وخرج وسابه.

هتعمل معاه إيه يا عبدالرحمن؟

مش عارف يا نعمة مش عارف. بس إن شاء الله هلاقي حل.

بعد تلات أسابيع جه يوم الشبكة بتاعت فارس وشاهيناز.

ملك.

أيوة يا فارس.

اجهزي يلا عشان هنروح نجيب شاهيناز من الكوافير. وحابب أنبهك على حاجة. لو شوفتك واقفة مع مالك دا تاني، أوعدك هتشوفي مني اللي عمرك ما شوفتيه ولا تحبي تشوفيه يا ملك. والبسي فستان واسع والخمار تظبطيه كدا.

ملك: طيب يا فارس.

بعد شوية جهزت وخرجت معاه.

في الكوافير.

يلا يا شاهيناز.

يلا يا حبيبي.

ملك قلبها بيتقطع. كانت تتمنى إنها تكون مكان شاهيناز.

مالك جه وقف جنب ملك: حاولي تحبي يا ملك وتنسي فارس.

فارس عيونه بتراقب ملك. وأول ما مالك وقف جنبها بص لها بنظرة لا توحي بالخير.

هحاول يا مالك. عن إذنك أنا بقى. وراحت ركبت العربية مستنية فارس وشاهيناز يركبوا.

وركبوا العربية ووصلوا القاعة. ونزلت ملك من العربية وهي داخلة القاعة خبطت ف حد واتصدمت من اللي شافته.

نزلت ملك العربية وهي داخلة القاعة خبطت في حد.

"آسفة جداً."

"ولا يهمك يا قمر."

ملك وطت تجيب المحفظة اللي وقعت منه وشافت صورة لها وهي صغيرة.

"انت تعرف البنت دي؟"

"دي ملك بنت أخويا. من يوم وفاة جدتها اللي هي أمي، واحنا مش لاقينها."

ملك واقفة بتسمع الكلام وبتعيط وأخيراً لقت عمها.

"انتي بتعيطي ليه؟"

"أنا ملك يا عمي."

عبدالرحمن مبقاش مصدق.

"ملك بنت أخويا!!"

"أيوا يا عمي."

عبدالرحمن ضمها له أكتر وفضل يعيط.

"يا حبيبتي يا بنتي وحشتيني يا ملك. والله وحشتيني يا بنت أخويا والله."

"وانت كمان يا عمي والله."

جه من وراهم هند مامت شاهيناز.

"إيه ده ملك! انتي تعرفي عبدالرحمن منين؟ وحاضنين بعض كده ليه؟"

"دي ملك يا هند بنت أخوكي."

"إيه!! انت بتقول إيه؟!"

"دي ملك يا هند بنت أخوكي."

هند عيطت وحضنتها وملك اتصدمت أكتر. يعني شاهيناز تبقى بنت عمتها.

شاهيناز وفارس باصين للي بيحصل وعلامات الاستغراب على وشوشهم.

"عايز أفهم اللي بيحصل."

"اكيد مستغربين دلوقتي من اللي شفتوه."

"جداً. فيه إيه يا ملك؟"

"أخيراً يا فارس لقيت عيلتي."

فارس اتصدم. معقولة عبدالرحمن يبقى عمها؟ وفكر شوية.

"يعني عمي عبدالرحمن أصلاً أخو طنط هند؟ يعني طنط هند تبقى عمة ملك وشاهيناز ومالك يقربوا لملك؟"

"بالظبط كده."

"إيه ده أنا اتصدمت بجد."

وبعد شوية لقى سامر جاي. وده جاي يكمل صدمتهم.

أول ما ملك شافته.

"فارس خد بالك من سامر، أنا خايفة يأذيك."

عبدالرحمن واقف مستغرب. هما يعرفوه منين؟

"انتوا عارفين سامر منين؟"

"ده إنسان وقح جداً يا عمي. تخيل خطفني عشان يهدد فارس بيا عشان يخليه يوافق يهرب مخدرات."

عبدالرحمن واقف ونفسه الأرض تنشق وتبلعه. مكسوف من اللي ابنه عمله.

"سامر يبقى ابني يا ملك. يعني يبقى ابن عمك."

ملك وفارس هيتجننوا.

"إيه."

"ازيكوا يا جماعة. إيه ده أبو الفوارس هنا؟ آه صح، انت العريس. أنا نسيت."

"سلم على بنت عمك يا سامر."

"هي فين يا بابا؟"

"قدامك أهي ملك بنت عمك يا سامر."

سامر اتصدم.

"أنا عارف إنك مصدوم. أصلاً النهاردة يبقى يوم الصدمة."

سامر بعد عنهم مصدوم أكتر إنه خطف بنت عمه وعمل فيها كده.

عدى الفرح بسلام، بس ملك الفرح مكنش بيعدي عليها بسلام نهائي.

"يلا يا ملك اركبي."

"تركب فين يا جدع؟ انت عايز تاخدها مني."

"مين اللي بياخدها من التاني؟ حضرتك عايز تاخدها وهي مفروض إنها عايشة معايا أصلاً."

"هي كانت عايشة معاك عشان مكنتش تعرف فين أهلها. إنما دلوقتي بقى ليها أهل."

"بس أنا اتعودت على وجودها معايا في البيت يا عمي."

"هتعيش معايا بعد كده."

"لأ هتعيش معايا أنا."

"هسيبها ليك النهاردة تحضر هدومها وكل حاجة ليها، وهاجي آخدها بكرة."

فارس مستحيل يخلي ملك تبعد عنه، بس هز راسه بالموافقة عشان يفضي الموضوع.

"ملك."

"نعم يا فارس."

"إيه ده انتي بتعيطي يا ملك."

"...."

"طيب فيه إيه."

"مفيش يا فارس، أنا بس فرحانة إني لقيت أهلي."

"آه بمناسبة الموضوع ده، هتقعدي معايا يا ملك ولا هتعيشي عند عمك؟"

ملك بصتله وخلص البارت.

هتعيشي معايا يا ملك ولا مع عمك.

رهف فكرت كويس.

أنا ولا هعيش معاك يا فارس ولا مع عمي، أنا أصلاً قبلها كنت بفكر أمشي.

فارس بغضب: يعني إيه يا ملك عايزة تسيبيني؟

فارس: اسمعني مش حكاية إني عايزة أسيبك، أنا لو عليا أفضل معاك وجمبك على طول والله بس مش هينفع.

فارس: ليه مش هينفع؟ ليه يا ملك؟ إشمعنا دلوقتي.

فارس: علشان أنا كبرت يا ملك.

فارس: بس يا ملك.

فارس: أنا آخر قرار هاخده إني همشي.

فارس بطل عصبية: وأنا قراري مفيش خروج برا البيت يا ملك.

فارس: أما نشوف قرار مين هيمشي يا فارس.

فارس خرج برا أوضتها وراح أوضته وبدأ يكسر في كل حاجة.

ملك خافت عليه وراحت أوضته بسرعة.

ملك: أنت بتعمل إيه يا فارس؟

فارس: اخرجييي برااااا.

ملك: مش هخرج.

فارس: قولتلك اخرجي بلااش تعانديني يا ملك.

ملك قربت منه ومسكت إيده.

ملك: ممكن تهدي؟

فارس بصلها بحب.

فارس: طول ما أنتِ جمبي أنا هفضل هادي.

ملك: وأنا جمبك أهو.

فارس: يعني مش هتسبيني يا ملك.

ملك: مش هسيبك يا فارس.

وقعدوا شوية سوا وكل واحد دخل أوضته ينام.

...........................

تاني يوم ملك كانت في الدرس وهي طالعة قابلت لقت مالك واقف.

مالك: إزيك يا ملك.

ملك: الله يسلمك يا مالك، إيه اللي جابك هنا؟

مالك: بالصدفة والله كنت جاي لواحد صاحبي هنا وقابلتك.

ملك: اه.

مالك: مش إحنا طلعنا قرايب؟

ملك ضحكت.

ملك: اه طلعنا قرايب.

مالك: يعني انتي بنت خالي.

ملك: انت مستغرب ليه؟

مالك: مش مستغرب ولا حاجة، تيجي نروح نشرب قهوة؟

ملك: مينفعش، بص يا مالك محدش يعرف إننا قرايب أصلاً فـ مينفعش إننا نخرج سوا، حتى لو كنا قرايب بردوا مينفعش.

مالك: عندك حق، طيب عندك مانع لو اتقدمتلك.

ملك بإحراج وكسوف.

ملك: أنا ماليش دعوة بالحوارات دي.

مالك ضحك.

مالك: حاضر.

ملك: همشي أنا بقا.

مالك: عيب عليكي ابن خالتك يبقا موجود ومتركبيش معاه.

ملك: مش عيب ولا حاجة، يلا سلام.

مالك: ملك هزعل والله، يلا اركبي.

ملك: طيب.

وركبت وهي متضايقة علشان فارس هيزهق عليها.

وصلنا بسرعة صح؟

ملك: بالعكس حسيت إن بقالنا ساعتين على الطريق.

مالك: ساعتين يا مفترية.

ملك: اه، أنا دا إحساسي.

مالك: حساسة أوي انتي.

ملك ضحكت.

ملك: اه أووي.

وهي بتضحك لقت حد بيخبط على الإزاز بقوة.

ملك: يالهوي، فارس.

ملك في سرها: بقا (يخرااباايي هتشلوح النهاردة، الله يخربيتك معرفتك السواد يا مالك يا ابن عمي عبد الرحمن).

ملك نزلت من العربية بخوف، وأول ما حطت رجليها على الأرض شدها بكل غضب من إيدها ومالك ماشي وراه علشان يلحق ملك.

مالك: فارس استنااا.

ملك: يا فارس إيدي وجعتني والله.

دا كله وفارس مش بيرد على حد وخد ملك وطلع أوضته وقفل الباب.

فارس: أنا قولتلك إيه يا ملك.

ملك: قولتلي متقفيش مع مالك تاني.

فارس: وإنتي عملتي إيه؟

ملك: ركبت معاه عربيته.

فارس: يبقا انتي عايزة إيه؟

ملك: عايزة سلامتك يا حبيبي.

فارس: مش وقته هزار يا ملك، عارفة أنا هعمل فيكي إيه.

ملك: إيه؟

فارس: هنتجوز يا ملك.

عارفة أنا هعمل إيه يا ملك؟

هتعمل إيه؟

هنتجوز.

ملك بصدمة: نتجوز!؟ دا اللي هو إزاي؟

فارس قعد ع الكرسي بهدوء: زي الناس.

يعني إيه يا فارس أنت فاهم أنت بتقول إيه؟

إيه هو أنا قولت حاجة غلط؟ قولتلك هنتجوز.

وشاهيناز؟

مش هتعرف.

مش هتعرف إيه؟

إننا اتجوزنا.

ملك بإستغراب: يعني إيه مش هتعرف يعني الكل هيعرف إلا هي.

لا ما هو محدش هيعرف.

إزاي يعني دا جواز ف السر دا يعني ولا إيه؟

بالظبط كدا يا ملوكتي.

ملك اتضايقت جدا من فارس وكلامه: ومين قالك إني هوافق اتجوزك أصلاً.

ما أنا مش باخد رأيك أنا هنفذ على طول حتى لو أنتِ مش موافقة.

فارس هو أنت اتهبلت ف مخك ولا فيه إيه بالظبط؟ إزاي تبقى خاطب وتروح تتجوز واحدة تانية؟ أنت بتحب مين بالظبط؟

فارس قرب ناحيتها وبص ف عيونها جامد: بحبك أنتِ يا ملك.

ملك فرحت جدا وأخيراً اعترف: بجد يا فارس؟

بجد يا عيون يا فارس. هاا موافقة تتجوزيني؟

قدام الكل إنما ف السر لا.

لا يا ملك جوازنا هيبقى ف السر.

ولما أنت بتحبني ليه نتجوز ف السر وليه خطبت شاهيناز؟

مش شغلك يا ملك. بعدين هتعرفي إن اللي أنا بعمله صح.

وأنا مش هتجوز ف السر يا فارس.

أما نشوف.

***

فارس مراد.

أيوة يا فندم.

قدامك أسبوع بالكتير والمهمة تكون انتهت.

حاضر يا فندم.

وقفل معاه الخط.

ياترى مهمة إيه اللي عايز يخلصها دي؟

***

ملك ملك ملك.

إيه يا فارس فيه إيه؟

تعالي معايا بسرعة.

فين يا فارس؟ فيه إيه؟

تعالي بس.

لبست ملك ومشيت معاه.

بعد شوية وصلوا ف بيت وطلعوا العمارة.

إيه دا يا فارس؟

ادخلي بس وهتعرفي كل حاجة.

دخلت ملك الشقة ولقت المأذون قاعد واتنين من صحابه قاعدين.

أنا قولتلك مش هتجوزك يا فارس إلا قدام الكل، صح ولا لا؟

صح. بس دا قرارك أنتِ مش قراري أنا. أنا قراري بنفذه على طول.

وأنا مش هتجوزك.

بعد شوية قعدها وكتب كتابه عليها مع منعها له بعدم كتب الكتاب، بس لا حياة لمن تنادي واللي ف دماغه بينفذه.

مبروك عليا أنا إنتِ يا ست البنات.

اللي عملته هتندم عليه خلي بالك.

مش أنا اللي بندم على قرار خدته يا روح قلبي. يلا بينا بقا نخرج نتفسح بمناسبة كتب كتابنا.

عارف يا فارس لو طولت أولع فيك دلوقتي مش هستنى لحظة.

فارس بإبتسامة: عارفة يا قلب فارس لو طولت أبوسك دلوقتي مش هستنى ثانية والله. فامشي وأنتِ ساكتة عشان معملهاش.

مشيوا مع بعض ف الشوارع من جمالها بقا.

تاكلي إيه يا ست البنات؟

مش هطفح.

عارفك بتحبي البيتزا. وطلب بيتزا لهم.

على فكرة قولتلك مش هاكل.

مبتخديش تقاومي الأكل أصلاً.

فارس أنت ليه اتجوزتني ف السر؟ أنت لو بتحبني كنت اتجوزتني قدام الكل يا فارس، صح ولا لا؟

والله هتفهمي كله بعدين.

مش عارفة أفهمك يا فارس.

كلي كلي بكرة تفهمي.

وقعدوا كلوا مع بعض وقضوا يوم جميل وركبوا العربية عشان يرجعوا البيت.

فارس.

عيونه.

أنا حاسة إن فيه حاجة هتحصل ليك، أنا خايفة أوي.

متخافيش يا حبيبتي، أنا معاكي أهو.

وبعدها سمع صوت ضرب نار.