أسيرة قلبي الفصل السابع عشر 17 - بقلم انجي جمال

انجي ببرود: اللي عندك اعملوا يا رامي مش رامي برضو.

رامي بعصبية: لسه برضو متعلمتيش الدرس اشتري نفسك و خافي مني كويس .

انجي بإبتسامة: هات اخرك و ردي علي اللي عملته معايا هيوصلك في اقرب وقت.

رامي بإعجاب: امممم يعجبني اوي النوع المتمرد اللي زيك .

انجي بإبتسامة: طب اتحمل اللي هيحصل بقا .ثم تغلق الهاتف بوجهه وتنظر لتجد الكل ينظر لها بانتباه وتركيز .

ميرنا بخوف: دا رامي العمري اللي كان عايز يأخدني معاه.

آسر بعصبية: هو دا وربنا ما انا سايبه.

انجي بإبتسامة: لا محدش يدخل انا هعرف اجيب حقي بنفسي .

مرام بضيق: ما انا قولتلك انك مش أد رامي العمري و متدخليش بس ازاي لازم توقعي نفسك في مشاكل .

لينظر لها كلاً من أيان و آسر و ميرنا بإحتقار وانجي بسخرية.....

انجي بسخرية: لي كنتي عايزاني اشوف واحدة بتتخطف أُدام عيني و اسيبها بسهوله كدا .

مرام بتدارك الأمر و توتر : انا مش قصدي كدا انا اقصد أن كان في رجاله كتير موجوده وكدا .

ميرنا ببكاء: انا أسفه يا أسيل اني سببتلك كل المشاكل دي .

انجي بإبتسامة: لو انا مكانك وانتي مكاني و في ايدك تساعديني هتساعديني و ألا هتسبيني و تقولي مليش دعوه.

ميرنا بتأكيد: اه كنت هساعدك .

انجي بتأكيد: يبقي انا معملتش حاجة غير اللي كان اي حد في مكاني عملها .

أيان بسخرية و هو ينظر باتجاه مرام: مش كل الناس تفكيرها زيك يا أسيل .

آسر بتفكير: طيب هتعملي اي دلوقتي يا أسيل .

انجي بإبتسامة: و لا حاجة .

لينظر لها الجميع ببلاهه ..

أيان بإستغراب: مش قولتي انك هتتصرفي .

انجي بتأكيد: ما انا هتصرف فعلاً.

آسر بإستغراب: لا ثواني انا توهت منك هتتصرفي ازاي و انتي بتقولي انك مش هتعملي حاجة .

انجي بتبرير: بأغلب الأوقات الواحد بياخد قرارات غلط و هو متعصب و بيخليه يغلط و ميفهمش الصح
و الفهم الغلط بيخلي مستوي فهم الإنسان يتراجع بشكل كبير و الشخص اللي بيتراجع مستوى التفكير و الفهم عنده هيضيع في متاهات العالم الكتيرة.

أيان بإعجاب: فعلاً لازم الواحد يفكر في أي قرار قبل ما ياخده و يحسبها صح .

آسر بمرح: هو انتي بتشتغلي في أمن الدولة يا أسيل و ألا اي يخربيت دماغك الماظ .

مرام بتعجب: انتي اتعلمتي دا كله فين .

انجي بشرود: الحياة اكبر مدرسه و انا الحياة علمتني كتير و كبرتني قبل سني و عيشت حياه مش حياتي .

ميرنا بإستغراب: قصدك اي .

انجي بإبتسامة: ها و لا اي حاجة ثم تهُم بالوقوف

انجي بإبتسامة: فرصة سعيدة إن أنا اتعرفت عليكوا هضطر امشي انا دلوقتي علشان أشوف الشقة و اروح القسم .

ميرنا بحزن: انا هاجي معاكي لاني مش هرتاح غير لو وقفت جمبك في المشكلة اللي سببتهالك .

انجي بإبتسامة: ما خلاص بقا يا ميرنا دي مشكلة صغيرة فداكي الشقة بتاعتي يا بنتي ..

ميرنا موجهه كلامها لآسر : طب انت يا آسر روح معها علشان تخلص الإجراءات اللازمة لو سمحت .

آسر بتأكيد: انا كنت هعمل كدا أساساً .

انجي بنفي : انا اسفه بس مش هقبل اي مساعده انا هعرف اتصرف لوحدي .

أيان بإصرار: انتي متعرفيش حاجة هنا و دي اقل حاجة ممكن نعملهالك بعد موقفك مع ميرنا .

انجي بتأكيد: الموضوع والله مش مستاهل كل ده و لو عاوزه مساعده هتصل بيكوا .

آسر بإبتسامة: و الله لو قولتي اي مش هنسيبك .

أيان بإبتسامة: بالظبط كدا مهما هتقولي أو هتعملي احنا هنيجي معك .

انجي بإستسلام: خلاص تمام يلا .

مرام بضيق: طيب انا هروح بقي ابقي طمنيني عليكي يا أسيل .

أنجي : تمام ماشي.

آسر لميرنا: و انتي يا ميرنا هتاخدي العربية بتاعتي تروحي بيها و انا هركب مع أيان ثم يُعطيها مفاتيح سيارته .

أيان بإبتسامة: و انتي يا اسيل ابعتيلي location الشقة بتاعتك و احنا هنكون وراكي .

انجي بإبتسامة: ممكن رقمك .

أيان بإبتسامة: اكيد اكتبي عندك .............

انجي بتأكيد: خلاص تمام .

ثم يقوموا بالتوجه للخارج و كلا الي وجهته فركبت ميرنا سيارة آسر للتوجه لمنزلها و ركبت مرام سيارتها للتوجه لقصرها و ركبت انجي سيارتها و توجهت إلى العمارة التي تسكن بها و من خلفها أيان بسيارته و بجانبه آسر ....

و بعد مرور بعض الوقت يصلوا الي العمارة التي تسكن بها انجي فيترجلوا من السيارات وتوجهوا لمدخل العمارة فوجدوا البواب والظابط لسه موجود ومعاه ٣ عساكر ...

البواب : هي دي يا سعاده البيه الانسه أسيل
صاحبة الشقه اللي حصل عليها الهجوم .

الظابط و هو يمد يده لانجي: معك الظابط مراد سالم .

انجي و هي تمد يدها: أسيل عمران .

أيان بإبتسامة و هو يمد يده لمراد : المقدم أيان الجارحي أمن دولة

مراد بترحاب شديد: اهلا بحضرتك يا فندم.

آسر بإبتسامة و هو يمد يده هو الآخر: الرائد آسر المحمدي مكافحة المخدرات.

مراد بتوتر: و الله الموضوع مش مستاهل انا بس كنت عايز اخد أقوال الانسه .

أيان بجدية: هو انت عرفت مين اللي عمل كدا .

مراد بجديه: لسه بنحقق بس أن شاء الله هنوصل للي عمل كدا

آسر مكمل الحديث : طالما ملقيتش اللي عمل كدا يبقي الموضوع يستاهل إننا نكون هنا .

أيان : طيب يلا بينا يا أسيل هنشوف الشقه و ندور علي اي دليل .

مراد بتأكيد: احنا ملقيناش اي دليل و لا حاجة سليمه في الشقه كلها مدمرة .

آسر بتأكيد: تمام احنا برضوا هنبص بصه علي الشقه يلا بينا .

ثم يتوجهوا لركوب المصعد وتضغط انجي علي رقم ٥ و بعد قليل يصلوا لباب الشقه ليجدوا القفل مكسور ثم يتوجهوا لباقي الشقه ليُذهلوا من المنظر فالشقه مدمرة بشكل يبث الرعب في القلوب ...

أيان بغضب: مفيش و لا دليل .

آسر بغيظ : هو هدفه يخوفها وبس .

مراد بتأكيد: فعلاً لان مفيش لا سرقه ولا حاجة .

انجي بتأكيد: فعلاً هو عمل كدا عل......... ليقطع كلامها دخول أحدهم للشقه ..

_______________________________________*****************************

عند مرام تصل للڤيلا الخاصة بهم و تنزل من سيارتها بعصبية ثم تتوجه للداخل و تصعد السلم ثم تدلف لغرفتها وتقوم بتكسير كل الاشياء الموجودة علي التسريحه الخاصه بها فيطرق الباب و تدخل والدتها .

مروة بإستغراب من حالة ابنتها : في أي يا مرام مالك .

مرام بعصبية وزعيق: سابني وراح معاها دا عمره ما خرج معايا و لو تشوفيه و هو يقولها أنه لازم يروحوا معاها و ألا الاصرار و هو بياكدا عليها ليه دا مشفهاش مرتين علي بعض .

مروة بغضب: يا بنتي مين دي اللي راح معاها و راح معاها ليه و فين .

مرام بضيق و غضب: الست أسيل اصل و تحكي لها كل ما حدث

مروة بغضب: انتي غبية يا بنتي ما اكيد طالما واقعه في مشكلة و بعدين انتي عارفه أيان بيساعد اي حد اي المشكلة لو ساعد صاحبتك .

مرام بحقد : طول السهره و هي شغلاهم حتي كلامها و تفكيرها عاجب أيان و انا حاسه بكدا من نظراته .

مروة بنفاذ صبر: طيب ما تعملي زيها شوفيه بيحب اي و اعمليه و بيكره اي و ابعدي عنه .

مرام بهوس : ايوه انا هعمل كدا بالظبط و أيان مش هيكون لحد غيري و اللي يفكر يوقف في طريقي علشان اوصل لقلبه هقتله ..

مروة بتأكيد: شاطرة استمري بقا علي الوضع ده و اتقربي من صفيه اكتر من كدا و أيان افضلي أُدامه علشان ميبصش برا .

مرام بإبتسامة: ايوه فعلا و عندي خطه علشان افضل أُدامه طول الوقت ...

مروة بتعجب : خطة اي دي ..

مرام بفرح: انا ...................

مروة بسعادة غامرة: أيوة كدا شغلي عقلك دا شوية و اثبتيلي انك بنتي ..

_______________________________________*****************************

في مكان اول مرة نروحه مكان يجلس فيه الفشله واللي بيشربوا مخدرات وخمره و كل ما حرمه الله ومن بينهم حازم السويفي ..

حسام صديق حازم المقرب : خد يا عم دا صنف أول مرة ينزل جايبه من واحد حبيبي .

حازم بإبتسامة و هو يأخذ منه سيجاره حشيش: هات يا عم اهي دي اللي بتهون علي الواحد .ثم يأخذ نفس منها و يخرجه ..

حازم بتلذذ : اممم جميله اوي بكام النوع دا .

حسام : ب ........؟

حازم بإبتسامة: لا بس تستاهل ..

حسام و هو يشم بودره : يا لهوي حاجة فوق الخيال بتخلي الواحد مش حاسس بحاجة .

حازم بإستمتاع : فعلاً و هي دي أهم ميزة في الحشيش و البودرة أنها بتخلي الواحد كأنه طاير في السما و مش حاسس باي حاجه .

حسام بتساؤل: مش خايف أن جدتك تعرف ..

حازم بلا مبالاة: لا يا عم عادي و بعدين دي ........

بسسسسس stop. كدا أولا اسفه جدا علي التأخير

لان الكهرباء بقالها اسبوع بيعملوا صيانه وبيقطعوا الكهرباء طول اليوم من ١٠ الصبح ل ٨ بالليل .

ثانيا أنا زعلانه منكوا اوي 💔💔لان مش كل اللي بيقرا البارت بيعمل ڤوت ويكتب كومنت يعني هتخسروا اي لو عملتولي ڤوت و كتبتولي رايكوا في الكومنتات واللي مش عاملي متابعة فضلا يعني يعمل متابعه للاكونت بتاعي🥺🥺