أسيرة قلبي الفصل التاسع عشر 19 - بقلم انجي جمال

أيان بانتباه : حاسبي ثم يقوم بإدارتها خلفه لتُصيب الرصاصه كتفه من الخلف .
ليتوجه عمر للقبض علي الشخص الذي أطلق النار على أيان .

يتوجه آسر إلي أيان بسرعة : أيان انت كويس .

أيان بإبتسامة: كويس الحمد لله.

آسر بخضه: كويس اي دا كتفك بينزف .

أيان بإبتسامة يخفي بها ألمه: مفيش حاجة يا آسر قولتلك انا تمام هنخلص العمليه و نوصل البنات و المخدرات و الفلوس و بعد كدا هروح اعقم الجرح .

آسر بعصبية : كويس اي انت بتنزف جامد لازم نروح للدكتور دلوقتي .

أيان بضيق: خلاص بقي يا آسر و بعدين هي دي اول مرة يعني خلينا نخلص اللي ورانا الاول و بعد كدا تعقم الجرح .

يأتي إليهم عمر بعد أن أتم القبض على أفراد العصابة: انت كويس يا أيان .

أيان بإبتسامة متعبه: يا جماعة كويس خلاص خلصنا بقا مش عيل صغير انا و بعدين يلا بينا علي المديرية .

آسر بتأكيد: يلا و انت هتركب معايا و بعد ما نخلص هوصلك للدكتور بنفسي .

أيان : ماشي تمام يلا .

و بعد ذلك يتوجه كلا الي سيارته و يتوجهوا جميعاً لمديرية مكافحة المخدرات و بعد مرور بعض الوقت يصلوا لوجهتهم المطلوبة و يترجلوا من سياراتهم ..

لينزل أيان ومن خلفه باقي الفريق ليلاحظ آسر تعرقه بشده ...

آسر بقلق : أيان انت كويس .

أيان بتأكيد: اه ..

آسر و هو لا يلاحظ الدم بس ال تي شيرت الغامق الذي يرتديه أيان ثم يتوجهوا و من معهم من الفريق لمكتب اللواء صالح ليطرقوا الباب فيأذن لهم بالدخول فيدلفوا للداخل و يقوموا بتأدية التحية العسكرية .

اللواء صالح بفخر : اتفضلوا اقعدوا تسلم ايديكوا يا رجالة علي المهمة و الحمد لله طلعتوا بدون اي خساير .

عمر بإبتسامة: احنا المفروض نشكر سيادة المقدم أيان لان احنا مشينا علي الخطة اللي هو حطها لينا و يشرفنا أنه يشتغل معانا هنا .

آسر بتأكيد: فعلاً يا فندم خطته و توقيته كانوا في الوقت المناسب .

اللواء صالح بإبتسامة: و مش كدا و بس انا مش ناسي إن هو اللي حل لغز القضية دي و عرف الوقت و المكان لوحده .

أيان بألم يحاول إخفاؤه: انا معملتش غير واجبي و بعدين لو انتوا مش معايا مكنتش هنفذ الخطة لوحدي .

اللواء صالح بشك : انت متصاب و ألا اي يا سيادة المقدم .

آسر بتذكر : يا خبر ابيض دا انا نسيت حكاية الإصابة .

أيان بإبتسامة: عادي دي إصابة خفيفه يا فندم و بعد ما حضرتك تخلص هروح للدكتور .

اللواء صالح بترقب من شكله : انت متأكد .

عمر بصدمة : إصابة خفيفه اي دي رصاصه انت ازاي مش حاسس بيها .

أيان بضيق : يوه في أي بقا قولت هروح للدكتور .

اللواء صالح بتأكيد : طب تمام تقدروا تنصرفوا دلوقتي بما أن المهمة انتهت و احنا تشرفنا مقابلتك يا سيادة المقدم .

أيان و هو يقف : الشرف ليا يا فندم و عن إذن حضرتك كدا انا دوري انتهي هنا تؤمر باي شيء تاني .

اللواء صالح و هو يقف بجانبه و يُربت علي كتفه مكان الاصابه بدون قصد : تمام يا...... ليقطع كلامه صوت انين أيان من الألم

أيان بألم شديد: اه ..

آسر بسرعة: أيان انت كويس .

أيان بألم : اه تمام .

اللواء صالح و هو ينظر إلي يده التي تلطخت بدماء أيان : اي دا انت ازاي سايب إصابتك بالشكل دا من غير ما اتعالجها دا علي الاقل المفروض تربط علي كتفك بدل الدم اللي انت نزفته دا .

أيان بإبتسامة باهته: خلاص يا فندم بعد اذنك هروح للدكتور .

آسر بتأكيد: وانا جاي معاك .

أيان: خلاص ماشي يلا .

و بعد ذلك ينصرفوا ليتوجهوا للطبيب لمعالجة جرحه و ابدل ملابسه بقميص ابيض و بنطال اسود و حذاء رياضي ابيض وبعد ذلك انصرفوا كلا الي منزله ...............................................

********★*********★*********★*****

وبعد مرور بعض الوقت اشرقت الشمس مُعلنه بداية يوم جديد و احداث جديده

عند بطلتنا تستيقظ على صوت المنبه و بعد ذلك تتوجه إلى الحمام لأخذ شور سريع ثم تقوم بارتداء ملابس عبارة عن بنطال جينز كحلي اللون تي شيرت باللونين الأبيض و البيج و جاكت جلد من اللون الأسود و حذاء ذو كعب عالي أسود اللون و حقيبة و ساعة بنفس اللون

و بعد ذلك تتوجه للخارج ثم تقوم بإجراء اتصال هاتفي امجد ...

انجي بإبتسامة: صباح الخير .

امجد بإبتسامة: صباح النور .

انجي : بما انك بتشتغل بنفس مجالي و جيت مصر يبقي اكيد في الك معارف هنا و انا كنت عايزة اطلب منك طلب.

امجد بتأكيد: اي و لو شو بدك .

انجي بهدوء: انا كنت عايزة اعمل مؤتمر صحفي مهم جدا و يكون مع شركة كبيرة و من جهة تانيه اللي هنعمل معهم المؤتمر ناس معروفه جدا .

امجد بإبتسامة: خلص انا راح احكي مع مكتب معروف اكتير هون ما تعتلي هم انطري مني خبر و انا راح تلفنلك مرة تانيه .

انجي بتأكيد: اوك راح اُنطر منك خبر سلام .

امجد بإبتسامة: سلام ...

و بعد ذلك تقوم بالاتصال علي ميرنا...

ميرنا بإبتسامة: الو ..

انجي بإبتسامة مماثلة: صباح الخير .

ميرنا بإبتسامة: صباح النور .

انجي بتأكيد: انا كنت عايزة افكرك اني هروح امضي العقد النهارده لو حابه تيجي .

ميرنا بفرح: اكيد طبعاً المعاد أمتي .

انجي و هي تنظر بالساعه: كمان ساعتين .

ميرنا بإبتسامة: خلاص تمام هفطر و هعدي عليكي .

انجي بتأكيد: اوك تمام بس هبعتلك location الفندق اللي انا نازله فيه .

ميرنا بإستغراب: فندق اي ثم تقول بتذكر اه انتي نزلتي بفندق .

انجي بإبتسامة: اه هبعتهولك سلام .

ميرنا بإبتسامة: خلاص ماشي مع السلامة ثم تُنهي المكالمة .

.............................................................

أما في قصر السويفي فنجد أن الجميع مجتمع علي طاولة الطعام و الصمت يعم المكان ..

رغدة بضيق : لسه مش لقيتوا حل للمشكلة دي .

فريدة بسخرية: و الله لو عندك انتي حل قوليلنا و اتحفينا .

عمرو بتوتر: فعلاً يا ماما احنا لازم نحل الموضوع ده بأسرع وقت لأن كدا احنا بنخسر سُمعتنا و هنخسر كتير في الشغل .

فريدة بتكبر : مش تقلق الموضوع خلاص هيتحل .

مروة بسخرية: و دا ازاي بقا و مفيش حد بيعمل حاجة .

فريدة بغضب: هو في أي مش انا قولت الموضوع هيتحل يبقي هيتحل يعني و لا بتعملوا حاجة و فاتحينها مناحه عالفاضي و خلاص .

مروة بتوتر : مش قصدي بس يعني انا شايفه حضرتك مطمئنه فأكيد لقيتي حل و ألا اي .

فريدة بهدوء: فعلاً .

عمرو بتساؤل: و دا ازاي بقا .

فريدة بإبتسامه : أسيل .

مرام بضيق: مالها .

فريدة بهدوء: هي اللي هتحل الموضوع دا كله .

رغدة بضيق: و انتي ايه اللي مأكدلك أنها هتعمل حاجة .

فريدة بثقة: لأنها عايزة تعمل كتاب عني فأكيد هتكون حابه تثبت نفسها ليا و بما أن مرام بتقول انها مشهورة علي السوشيال ميديا فأكيد هتعرف تتصرف و تحل الموضوع فهمتوا و ألا اوضح اكتر من كدا .

عمرو بتأكيد: فعلاً انا ازاي مفكرتش في الموضوع ده.

فريدة بسخرية: و هو انت من أمتي بتفكر عادتك و ألا هتشتريها .

ليصمت الجميع ثم تتحدث فريدة موجهه كلامها لمرام : اتصلي على أسيل و اسأليها حلت الموضوع والا لسه .

مرام بضيق: حاضر ثم تقوم بإجراء اتصال هاتفي مع انجي .....

******★********★************

أما عند بطلنا فهو يستيقظ علي صوت طرق الباب .

أيان بصوت مبحوح أثر النوم : مين .

الخادمة : انا يا أيان بيه ايهاب بيه و صفيه هانم منتظرين حضرتك علي الإفطار .

أيان بعد أن استعاد تركيزه : خلاص تمام روحي انتي و انا نازل .

لتذهب الخادمة بعد ذلك و يقوم هو بالتوجه لأخذ شور سريع ثم يخرج بعد ذلك و يرتدي
قميص اسود و بنطال جينز ابيض وحذاء رياضي أسود اللون و ساعة بنفس اللون ثم يتوجه للاسفل فيجد و الديه ليُلقي عليهما السلام ثم يجلس على غير عادته من دون النظر إلى أي من والديه لينظر ايهاب بغضب لصفيه كأنه يلومها و يقول لها أرأيت ماذا فعلت طريقتك للتحكم بابنك ليسود الصمت علي الجالسين ليقطع الصمت ايهاب ..

ايهاب بإبتسامه: اي يا أيان عملت اي في القضية اللي كنت ماسكها .

أيان بهدوء : خلصتها امبارح و سلمتها .

ايهاب بفخر و هو يُربت علي كتفه مكان الاصابه : هو دا ابني ربنا يبارك فيك يا ابني .

لتتغير ملامح وجهه و تنكمش بألم : و يباركلي في عمر حضرتك .

صفية بتوتر: عندك لسه قضايا الفتره دي .

أيان بهدوء: لا .

ايهاب بهدوء: طيب يا أيان حيث كدا انت هتنزل تشتغل معايا في الشركه .

أيان بإبتسامة: انا اسف يا بابا بس انا مش حابب شغل الشركات ده و مكاني في المخابرات و بس .

ايهاب و هو يفهم سبب رفضه : بس انت لازم تتعلم من دلوقتي تمسك الشغل مكاني .

أيان بتهرب : شويه كدا و هبقي ارجع تاني .

ايهاب بتنهيده : خلاص يا ابني اللي يريحك اعمله بس مطولش .

أيان بإبتسامة: تمام .ثم ينظر لساعته ثم يقف و يوجه كلامه لوالديه .

أيان بإبتسامة: طب استأذن انا بقا لاني عندي شغل مهم دلوقتي و ل. ليقطع كلامه دخول آسر ..

آسر بمرح: صباح الخير يا جماعه .

ايهاب و صفيه : صباح النور .

صفية بإبتسامة: اتفضل يا آسر أفطر معانا .

آسر بمرح و هو يجلس : من غير ما تقولي انا واقع من الجوع و اكيد انتوا متوصين بالاكل علشان إصابة أيان ..

ايهاب و صفيه بصدمة: إصابة أيان .ثم يوجهوا نظراتهم لأيان .

أيان بعصبية: يا ابن الغبية يا مفجوع .

آسر بتوتر من نظراتهم : في أي يا جماعه هو أيان مش قاللكوا و ألا اي .

أيان بسخرية: لا يا اخويا البركة فيك .

صفية و هي تذهب إليه بسرعه : فين وريني كدا انت ازاي متقولش انك متصاب .

أيان بهدوء: خلاص يا ماما مفيش حاجة دي إصابة خفيفه و ليقطع كلامه آسر

آسر و هو يتناول الطعام: إصابة خفيفه اي دا واخد رصاصه في كتفه غير الدم اللي نزفه .

أيان بعصبية: الله يخربيتك يا زفت أوم من هنا .

إيهاب بقلق : بجد يا آسر إصابته خطيرة .

آسر بابتسامة هو يتذكر حديث الدكتور : هو ..

يا ريت الكل الكل و كمان مره الكل 😂😂
يقولي رأيه و يتفاعل مع البارت 🥺
عايزة شوية energy 😂😂
البارت الجاي ضرب نار بإذن الله 🥰
و انا منزله البارت دا علشان في بنات حبايبي طلبوه في الكومنتات فنزلته علشان خاطرهم 😚
😚😚
بس إن ملقيتش تفاعل هنزعل مع بعض 😂😂😂