رواية إتهام "مكتملة" الفصل الخامس عشر 15 - بقلم من يريد يستطيع ♥️

سألني .... احدهم ؟♥♥♥
لماذا تحبيه كل هذا الحب وأنتي تعلمي انه لن يكون لكي فقلت له لماذا تتنفس وانت تعلم انك ستموت ؟

قالت وعد بصدمة :هو عمي مات
عمار :اه يا وعد هو مات من يومين وبنته اتعرضت لاغتصاب وهي دلوقتي في المستشفي

كانت وعد في صدمتها مما قال عمار ولكنها لم تظهر الحزن علي وجهها وقالت بهدوء
وعد :ربنا يرحمه
احس موسي بأن وعد تخفي حزنها عنهم جميعا وراء قناع اللامبالاة
كلارا بمرح حتي تبعد الحزن عن وعد:طيب يلا بقي مش هنلعب يا دودي دانا هنفخك اسالة
وعد بمرح :ايوا يلا بينا
ثم نظرت وعد الي اخيها عمار
وعد:يلا يا عمار مش هتيجي تلعب معانا
نظر عمار الي كلارا بحب واشتياق لمحبوبته الصغيرة وقال بخبث : طبعا يا حبيبة اخوكي ده انا لازم العب

جلس الشبان يلعبون ويسألون بعضهم البعض حتي جاء دور موسي
كلارا :يلا يا موسي truth or dare
موسي:dare
كلارا بخبث : طيب يلا انا هسألك تطلب طلب جرئ من حد فينا لدرجة اننا كلنا نبقي مصدومين وريني شطارتك بقي 😂😂😂

موسي : انا هسالك يا عمار
عمار بمرح :طبعا يا باشا الشرف ليا
موسي بخبث وهو ينظر الي وعد تارة والي مازن تارة اخري:انا عايز اطلب ايد اختك وعد .....

في مستشفي (***)
كانت شهد تتجهز حتي تخرج من المشفي وكانت تستند علي الممرضة حتي قابلت في طريقها الدكتور زين

زين بمرح :ايه حلوتنا هتخرج النهاردة خلاص
شهد باقتضاب :اه عن اذنك من طريقي بقي
زين وهو يحدث الممرضة :طيب اتفضلي انتي وانا هوصلها
تأففت شهد كثيرا من هذا الزين السخيف وقالت له
شهد بتكبر :علي فكرة انا مش محتاجة مساعدة حد وخصوصا انت
زين بحب :انا مش بساعد حد غريب انا بساعد مراتي
شهد بسخرية :تبقي بتحلم
زين :هتشوفي المهم يلا عشان هوصلك واروح اطلب ايدك من والدتك
شهد بغضب:ومين قالك اني انا موافقة
زين بتحدي:قولتلك قبل كده هتجوزك برضاكي او غصب عنك
خرج زين وشهد من المشفي وما ان خرجا حتي حملها زين بين يديه لكي يوصلها الي سيارته
شهد وهي تضربه بقبتضيها :انت بتعمل ايه يا حيوان نزلني
زين وهو ينظر لها بغضب :اولا متشتميش زوجك المستقبلي ثانيا اتعودي علي كده
نظرت شهد لهذا العنيد الذي يشبه الاجانب كثيرا فهو جميل وجذاب للغاية فهي مستغربة من مشاعرها التي بدأت ان تتحرك تجاهه فقالت في نفسها :يخربيت جمال امك ده انت قمر بس اكيد كلكوا زي بعض

زين وهو ينظر لها بحب وينظر الي شفتاها المثيرتان:لا مش كلنا زي بعض وانا هثبتلك الكلام ده
وكفاية كلام بقي لحسن هبوسك قدام الناس كلها ولا هيهمني حد
شهد بخجل :انت سافل وقليل الادب

زين :اما نتجوز هوريكي قلة الادب علي اصولها 😂😂

وصل زين وشهد الي السيارة وما ان ركبوا حتي ادار زين وجه شهد وقبلها قبلة كانت مفاجأة لشهد كثيرا التي صُدمت من فعلته هذه فكان يبث لها كل حبه وعشقه ولهفته لها في هذه القبلة ولكنه بعد عنها عندما شعر انها بحاجة الي الهواء

زين بمرح :نفسك قصير اوي علي فكرة
شهد بخجل :انت ازاي تعمل كده يا حيوان
زين بغضب :طيب طلاما حيوان فانتي لازما تتعاقبي

قبل زين شهد القبلة الثانية ولكنها كانت قبلة عنيفة ادت الي جرح شفتاها ولم يبتعد عنها زين الا عندما وجد دموع شهد تنزل علي يده فبعد عنها قائلاً
زين بأسف وقد شعر انه ضغط عليها كثيرا :شهد انا اسف
شهد بغضب وبكاء شديد :متتكلمش معايا ولا نص كلمة واضح اني بقيت رخيصة اوي لدرجة ان الي رايح والي جاي عمال يلمسني بعد اذنك وصلني البيت

اخبرته شهد بالعنوان فذهب زين الي عنوانها وانتظر حتي تدخل حتي لا يضغط عليها اكثر من هذا ثم دخل اليها بعد عدة دقائق ووجدها واقعة علي الارض تبكي بشدة فذهب اليها

زين بقلق:شهد مالك يا حبيبتي ايه الي حصل
شهد وهي ترتمي في احضان زين فقد شعرت انه الملجأ الوحيد لها في هذه الحياة فاعطت له رسالة امها وهي تقول :امي هيا كمان سابتني ومشيت يا زين انا مبقاش ليا حد خلاص ...مبقاش ليا حد

اخذ زين منها الرسالة وقرأها فغضب كثيرا من هذه الام الطماعة التي تركت ابنتها في هذه الحالة وهربت مع عشيقها ولكن هذا زاد اصراره علي زواجها فامسك هاتفه وتكلم مع شخص ما طالبًا منه ان ياتي في العنوان التي تمكث به شهد

شهد بتساؤل من وسط بكائها :انت بتتصل بمين يا زين
زين وهو ينظر لها بثقة واصرار :بتصل بالمأذون ...

في منزل يوسف نورماز
موسي:انا عايز اطلب ايد اختك وعد
كانت الصدمة تُمسك لسانهم جميعا ولكن وعد قالت بغضب
وعد بغضب:اظن ان مفيش حاجة بينك وبيني عشان تطلب الطلب ده انا مش عايزة اتجوزك انا اسفة يا كلارا بس انا مش موافقة وانا مضطرة امشي من البيت ده لان الظاهر اني تقلت عليكوا

كلارا وهي تمسك يد وعد :استني بس يا وعد اقعدي بس نفهم موسي عايز ايه

مازن بغضب وهو يجز علي اسنانه :متزعليش يا وعد موسي اخويا بيحب يهزر
موسي بغضب مماثل له :تحب اثبتلك إن كان كلامي ده جد ولا هزار بصي يا وعد انا هتجوزك يعني هتجوزك اذا كنتي انتي عايزة تتجوزي عن حب فاوعدك خلال شهر واحد بس هتعشقيني مش بس هتحبيني

عمار بغضب من جرأة موسي مع اخته :ما تهدا يا عم شوية لاحظ اني موجود

موسي ولم يبالي بكلام عمار :ها يا وعد قولتي ايه
وعد بغضب وتحدي :لو انت اخر واحد علي وجه الارض بردوا مش هتجوزك يا موسي

ذهبت وعد الي غرفتها بغضب وقال عمار لموسي وقد احس انه يحب اخته بصدق والاكثر من ذلك انه يعرف موسي واخلاقه جيدا فهو عريس جيد جدا لاخته

عمار بهدوء:سيبها تهدي شوية يا موسي وانا هحاول اقنعها

موسي بضحك واستفزاز وهو ينظر لمازن الذي استشاط غضبا :متقلقش يا عمار خلال شهر واحد وعد هتكون ملكي

عمار :طيب شكرا بقي يا جدعان علي استضافتكم الجميلة لاختي بس انا هاخدها تعيش معايا

يوسف وفريدة وقد خرجوا عندما سمعوا هذا الصوت العالي بالخارج

يوسف :ليه يابني متسيبها قاعدة معانا مونسانا
فريدة:ايوا والنبي يا بني سيبها معانا ديه زي كلارا بنتي واكتر

عمار بإحترام :انا اسف يا ماما بس والله مينفعش اسيبها بعد ما لقيتها ديه هيا الي بقيالي من الدنيا

يوسف :ماشي يا حبيبي بس متقطعش بينا بقي
عمار :حاضر يا بابا متقلقش
موسي:اه يا عمار وعد هتشتغل من بكرة معانا في الشركة
عمار:ليه يا موسي
موسي بكذب قد لاحظه افراد اسرته :هيا الي عايزة تشتغل وتبني حياتها المهنية
عمار :طبعا وانا مستحيل اقف قصادها في حاجة هيا عايزاها
نزلت وعد بحقيبتها وودعت كلا من كلارا ويوسف وفريدة وجاءت الي مازن وودعته هو وموسي باقتضاب ثم ذهبت مع اخيها الي بيته
عمار :اتفضلي يا حبيبتي بيتك من دلوقتي اعملي كل الي انتي عايزاه فيه
دخلت وعد الي البيت وكان بسيط للغاية ولكنه جميل
ولكن وجدت من يتصل بها
وعد وهي ترد :الو مين معايا
الشخص ببكاء : الو يا وعد الحقيني انا .....

🎶وماله لو ليلة توهنا بعيد وسيبنا كل الناس🎶
🎶انا يا حبيبي حاسس بحب كبير ماليني ده الاحساس🎶
🎶وانا هنا جمبي اغلي الناس انا جمبي احلي الناس🎶
🎶حبييلة تعالي ننسي فيها الي راح 🎶
🎶تعالي جوة حضني وارتاح🎶
🎶ديه ليلة تسوي كل الحياة 🎶
🎶مالي غيرك ولولا حبك هعيش لمين 🎶
🎶حبيبي جاية اجمل سنين 🎶
🎶وكل مادة تحلي الحياة 🎶

اكتبولي ايه رأيكو في الكومنتات ♥♥♥

تفتكروا مين الي اتصل بوعد ؟!♥

وتفتكروا وعد هتحب موسي فعلا خلال شهر ولا♥ لا ؟!

وتفتكروا عمار هيصارح كلارا امتي بحبه ؟!♥

وتفتكروا اسلام هيعمل ايه في كلارا ؟!