رواية إتهام "مكتملة" الفصل الرابع 4 - بقلم من يريد يستطيع ♥️

الدكتور:انتي يا بنت اتفضلي اطلعي برا
كلارا بضحك وهي لا تعلم انها المقصودة:شوفي البت الي بتطرد ديه يا وعد مسخرة 😂😂😂😂
وعد بضحك:اه فعلا
كلارا:يلا يا دكتور بقي مش عارفين نركز
اسلام(الدكتور):ايوا ما عشان كده بقولك اطلعي برا
كلارا بضحك :انت اكيد بتهزر سوري يعني يا دكتور انا مش هخرج
اسلام:انتي يابنت اطلعي برا احسن ما اشيلك المادة كلها
كلارا وهي تتخبي تحت البينج:خلاص انا استخبيت اهو تقدر تكمل ومش هعمل صوت
اسلام وهو يقاوم ضحكته علي هذه الفتاة المجنونة :انتي مجنونة يابنتي
كلارا بغضب وبصراخ: لا بقي يا باشا بقولك ايه مش كلارا نورماز الي واحد زيك يكلمها كده برا برا اديني خارجة كتك القرف
اسلام بغضب شديد وقد امتلئ المدرج بالضحكات والهمسات بين الطلاب :استنيني في مكتب العميد
كلارا:اوكي بس ابقي وريني مين الي هيفصلني
كلارا وهي تخرج من المدرج وتغني بصوت عالي لكي تستفزه :انا كنت بحبك انت دلوقتي بحب ستة واااااه

(اسلام العويسي دكتور في ال ٣٠ من عمره يتميز بالحزم والدقة والمهارة تزوج مرة وزوجته خانته لهذا لديه عقدة من السيدات جميعهم ولا يفكر في الارتباط اما عن جماله فهو جميل يتميز بشعره الكستنائي وعيونه الرمادية وانفه الحاد وفمه الصغير وجسده الرياضي فهو وسيم الي حد الموت )

كلارا وهي تنتظر اسلام في مكتب العميد
العميد بغضب:حضرتك تعرفي نتايج الي بيخالف قوانين الكلية ايه
كلارا بغضب ولكن بإحترام:حضرتك يا دكتور انا مغلطش في حاجة طبيعي ان ده يبقي اول يوم ليا في الكلية واتعرف واعلي في صوتي واتبسط واتكلم مع ديه ومع ديه حضرتك احنا يعتبر لسة معدناش بالتجربة الي هي اسكت في المحاضرة واحترم الدكتور والكلام ده فبعد اذنك انا بطالب ان الدكتور ده يترفد
العميد:بصي انا معاكي انكوا لسة اول يوم ليكوا ولسة متعرفتوش علي قوانين الجامعة بدرجة كافية انما متوصلش بيكي لدرجة انك تقول ان اشطر دكتور في الكلية يترفد
اسلام وقد سمع ما قاله العميد عند دخوله :ازي حضرتك يا فندم تسمحلي بالرد عليها يا فندم
العميد :اتفضل
اسلام:حضرتك عندك حق في انكوا لسة متعرفوش قوانين الجامعة انا معاكي لكن اظن ان ادب الدكتور او المدرس الي واقف قدامك ده تربية مش قانون😉
كلارا بغضب:انت قصدك ايه يعني اني انا مش متربية
اسلام بغضب اكبر :اه مش متربية
كلارا بتحدي :علي فكرة بقي انت الي قليل التربية يا جدو
اسلام بغيظ:انتي بتشتميني يا بت انتي
كلارا بلطف:ابدا ابدا يا جدو انا بقولك الحقيقة
اسلام:انتي يابت .....
قاطع كلامه العميد بصراخ:خلاااااااص انتوا ازاي كده وانت حضرتك يا دكتور اسلام انت نسيت ان حضرتك دكتور ولا ايه واقف تتناقر مع طالبة وكمان لسة اول يوم ليها في الكلية
كلارا ببكاء زائف:اه والنبي قوله يا عميد باشا انا لسة صغيرة ومش حمل البهدلة ديه
العميد وهو يشير لها :خلاص اتفضلي انتي علي المحاضرة بتاعتك
كلارا وهي تغيظ اسلام الذي تآكل من نيران الغضب بلسانها :سلام يا جدو 😉
...............................................................................
رقية:موسي باشا فيه واحدة هنا عايزة تقابلك
موسي:مين ديه
رقية: واحدة بتقول ان اسمها شاهيناز ومن شركات آل نوح
موسي :طيب دخليها
رقية :تمام يا فندم
دخلت شاهي علي موسي وقد انبهرت بجماله
شاهي وهي تنظر له نظرات جريئة :اهلا يا استاذ موسي
موسي وقد لاحظ نظراتها ليرد بضيق:اهلا..اتفضلي اقعدي
شاهي:انا جيالك بخصرص صفقة المستشفي انا مستعدة ابيعلك الصفقة ديه ب خمسة مليون جنيه
موسي بتقزز:وحضرتك بقي جوزك باعتك ولا حضرتك بتسرقي من وراه
شاهي وهي تقوم من علي الكرسي وتذهب اليه وتتحسس وجهه بأصابعها بطريقة جريئة للغاية وهو يبعدها عنه حتي اقتربت منه وقبلته علي شفتيه ليبعدها موسي عنه بغضب اوقعها علي الارض لتقول بضحك:انا جوزي ميهمنيش في حاجة المهم عندي انا وبس وبصراحة كده انا عيني منك
موسي بتقزز وبغضب:انتي يا ولية يا خرفانة انتي انتي عبيطة ده انتي قد امي
شاهي بدلع:مش اخر مرة هجيلك يا بيبي
خرجت شاهي وزفر موسي بغضب شديد من هذه المرأة الوقحة التي قبلته وهي في عمر والدته ليدخل عليه عمار ويراه وهو شارد وفي هذه الحالة ليردف بمرح
عمار:الجميل سرحان في ايه
موسي:ايه ده عمار انت جيت امتي
عمار:بقالي عشر دقايق اهوه وكنت سرحان فقولت اشوفك مالك
موسي وقد حكي كل ما حدث لعمار
عمار بغضب:اه يا بنت ال*** ايه الست الزبالة ديه
موسي:مش عارف انا قلقان حاسس ان ديه لعبة معمولة عليا
عمار:ازاي يعني
موسي:حاسس انها جاية هنا عشان تبوظلي الصفقة لكن ازاي مش عارف بس لازم اعرف
................................................................................
احمد :ايه يا شاهي عملتي ايه
شاهي :كله تحت السيطرة يا حبيبي رحت وخدت منه حاجة مهمة اوي
احمد :ايه هي
شاهي:الفيديو الي هنفضحه بيه مش كل الناس عايزة تتعامل معاه عشان هو تقي وصالح انا بقي مش هاخد الصفقة الجديدة وبس منه انا هاخد منه كل حاجة
احمد بفرح ولم يبالي لما يحتويه هذا الفيديو الذي قد يودي بسمعته كرجل :ايوا كده اشطا عليكي

سمعوا صوت شخص يدخل الفيلا
وعد :السلام عليكم
احمد:وعليكم السلام اتاخرتي كده ليه يا هانم
وعد:عمي انا متأخرتش اتفضل جدول محاضراتي عندك
احمد :اتعدلي يا بت بد ما اعدلك يلا غيري وقومي اعمليلنا الغدا
وعد بحزن :حاضر يا عمي
..................................................................................
يوسف:مازن يا مازن
مازن:نعم يا بابا
يوسف:بص يا حبيبي انا عايزك تبعد عن الشركة ديه وتفتح مكتب محاسبة ليك انت عشان يبقي ليك مكانة مستقلة عن اخوك
مازن بفرح :بجد يا بابا
يوسف بضحك وقد علم ان ابنه تضرر من هذا العمل الذي لا احد يحترمه فيه:بجد يا حبيبي المهم انت من بكرا تنزل تدورلك علي مكتب محترم وفي حتة محترمة عشان انا الي هفتحهولك وهيبقي هدية مني ليك
فريدة :بتتكلموا في ايه من ورايا
يوسف:كنت بقوله ان هو لازم يفتحله مكتب محاسبة خاص بيه مش كده ولا ايه
فريدة بفرحة خالصة :طبعا كده وابو كده كمان ربنا يفرحني بيكوا يا ولادي واشوفكوا عرسان قد الدنيا
.................................................................................
في منزل شاهي واحمد

شهد وهي تراسل احد ما علي الفيس بوك
شهد:وانا بموت فيك يا حياتي
رامي بخبث:طيب ما تثبتيلي
شهد ببلاهة:اثبتلك ايه
رامي:انك بتحبيني يا عمري
شهد :اثبتلك ازاي يا حبيبي انا اعمل كل حاجة عشانك
رامي:اذا كان كده يا حبيبتي انتي عارفة ان انا نفسي نتجوز النهاردة قبل بكرا بس ظروفي لسة متحسنتش فياريت يعني تبعتيلي صورة ليكي تصبيرة
شهد وقد بعتت له صورة من الصور العادية :اهي يا حبيبي
رامي بخبث ومكر:الله تحفة اوي يا عمري بس ليه مقفلاها كده ما تبعتي صورة تكوني فيها بلبس البيت
شهد بخوف:لا يا رامي مينفعش عيب
رامي بحزن وغضب زائف:واضح نك مش بتثقي في جوزك المستقبلي براحتك سلام
شهد بحزن وقد اقتنعت انه سوف يكون زوجها عاجلا ام اجلا :رامي استني .....
رامي:خير
شهد:اهي يا حبيبي ولا تزعل انا كلي ليك
رامي وقد ضحك بخبث:وانا كلي ليكي يا عمري

...............................................................................
في غرفة وعد
انتهت وعد من طبخ الغذاء وتقديمه ثم صعدت الي غرفتها لتؤدي فريضتها
وعد وهي تحدث ربها :يارب انا مليش غيرك اقف جنبي وساعدني يارب ساعدني انجح يارب واخد حقي من عمي الي اخده مني بالغصب واحميني يارب منه ومن شره هو ومراته

انتهت وعد من صلاتها وجلست تذاكر ما اخذته في اول يوم حتي تذكرت صديقتها الجديدة فاتصلت بها لكي تطمئن عليها

كلارا وهي في الحمام:انت يا واد يا موسي رد علي التليفون بتاعي تلاقي حد من صحباتي الجداد
موسي:يخربيتك لحقتي تكوني صداقات
كلارا:طبعا يا بني ورد بقي وسيبني اركز
موسي وقعد علم مقصدها :كتك القرف

امسك موسي الهاتف ورد عليه

وعد:ايوا يا كلارا ازيك يا بنتي
موسي: بصي هو انا مش كلارا انا اخوها هي بس مشغولة دلوقتي وهتبقي تتصل بيكي
وعد بخجل:طيب تمام سلام
موسي:سلام
..................................................................................

كلارا:رديت علي مين يا شقي
موسي:علي صاحبتك اول مرة تصاحبي واحدة محترمة كل اصحابك كانوا زبالة
كلارا:يابني ديه حاجة تانية ديه جميلة ومحترمة وصوتها حلو وقمر كده قمر
كلارا وهي تنادي لمازن وقد فهم مازن مقصدها :ولا اماااازن معندكش عريس للبت صاحبتي 😉

(وكنت علي وصال بك دائم حتي ولو لم اكن موجودة ❤❤)

اقتباس كلارا واسلام 😂😂😂❤