رواية إتهام "مكتملة" الفصل السادس 6 - بقلم من يريد يستطيع ♥️

في منزل يوسف نورماز
مازن:ادعيلي يا ماما انا نازل اهوه اشوف مكتب محاسبة
فريدة:حبيبي يابني ربنا يفتحها في وشك
مازن وهو يقبل يدها :يارب يا امي

ذهب مازن الي عدة مكاتب حتي استقر علي مكتب يطل علي النيل وفخم كثيرا واتفق مع صاحبه انه سيتسلمه غدا
مازن وهو يتكلم مع صاحب المكان :تمام حضرتك احنا كده اتفقنا علي التسليم بكرة ان شاء الله
الرجل:ايوا يا فندم وحضرتك تشرفنا
مازن بإبتسامة جذابة :الله يخليك الشرف ليا
الرجل:حضرتك لو محتاج كمان محاسبين انا اعرف كذا محاسب شاطر ممكن ارشحهوملك
مازن:طبعا انا هخلص المكتب وهتصل بيك علي طول
الرجل :ماشي شرفتنا يا فندم
......... ........... ........
كانت الساعة العاشرة صباحا وكانت وعد نائمة في هذا الشارع الضيق ولكنها لم ترِد ان تستيقظ لهذا الواقع الاليم لم ترِد ان تتخيل شكل حياتها بعد هذا اليوم المشؤوم
وعد وهي تستيقظ:انا فين ايه ده انا نمت في الشارع
وعد وقد بدأت ان تستوعب الذي حدث
وعد بإصرار وقوة عكس ما كان في داخلها :اولا انا لازما انسي كل الي حصلي ده عشان اقدر اكمل حياتي مش هبقي مجرمة في حق نفسي لكن انا هبقي مجرمة في حق كل حد آذاني عشان كده فيه كذا حاجة في حياتي لازما تتغير وخلال شهرين هكون وعد تانية خالص
١-هتنقل من كلية هندسة لكلية تجارة لاني مش هقدر علي تكاليفها
٢-هبقي قوية ومستحيل اتحمل اي ظلم بعد كده
٣-هنتقم من عمي وهاخد حقي في ورث ابويا وامي
٤-هشتغل لحد ما اكون نفسي واخلي عمي يندم
٥-هكشف اسرار عمي ومراته للعلن واخلي شركتهم في الارض
٦-الحب ده مش هعرفه في حياتي بعد كده

ظلت وعد تقرر ما تنوي فعله في هذين الشهرين حتي قامت من مكانها وبدأت تبحث عن شقة ايجارها يكون رخيص ولكن للاسف هي لم تكن تملك نقود حتي تكفي لاكلها لمدة يومين فاضطرت ان تفكر في كلارا فهي لم تتعرف علي غيرها وهي صديقتها الوحيدة فلم يبقي لديها احد

كلارا بمرح :مسا مسا علي الناس الكويسة
وعد بحزن :ازيك يا كلارا عاملة ايه
كلارا وقد احست ان وعد بها خطب ما:الحمد لله يا وعد انتي كويسة مال صوتك
وعد:مفيش يا كلارا انا عايزة اقابلك عشان فيه مشكلة معايا ومش عارفة احلها ازاي
كلارا:تمام يا دودي انا هبعتلك اللوكيشن بتاع الفيلا بتاعتي وتعالي هناك عشان نبقي قاعدين علي راحتنا
وعد:طيب تمام

بعثت كلارا اللوكيشن لوعد ووعد ذهبت الي فيلا يوسف نورماز وفتحت لها كلارا الباب وما ان رأتها وعد حتي اجهشت في البكاء المرير فكلارا لم تكن صديقة مقربة لوعد فهما لم يتعرفوا بالقدر الكافي ولهذا لم تكن تحكي لها اي شئ عن حياتها

كلارا وقد رأت حالة وعد وبكت معها ايضا :مالك يا حبيبتي فيكي ايه مين الي عمل فيكي كده
وعد:هحكيلك يا كلارا هحكيلك كل حاجة
كلارا:طيب تعالي نطلع الاول الاوضة وادخلي اغسلي وشك كده وفوقي وبعدين هقول للدادة مني تعملك الفطار وبعد كده نتكلم لحد الصبح
وعد ابتسمت :انا خايفة اكون متقلة عليكم يا وعد ياريت نخرج برا الفيلة احسن
كلارا بغضب زائف:انتي عبيطة هل انتي عبيطة تتقلي ايه يا بت ده انا مصدقت حد يقعد معايا غير جوز الفقر اخواتي دول
وعد وهي تضحك:خلاص ماشي شكرا يا كلارا
كلارا:مفيش شكر بين الاخوات

صعدت وعد الي غرفة كلارا وكانت كلارا توصي الدادة مني علي عمل فطور شهي ولذيذ لوعد ثم صعدت اليها

في شركات آل نورماز
عمار:انا عرفت يا موسي شوية معلومات عن شركات آل نوح ديه
موسي بانتباه:عرفت ايه يا عمار
عمار:بص يا سيدي انا كنت حاطط رقابة عليهم لمدة ٣ايام وكمان وصيت واحد زميلي يجبلي قرارهم وعرفت معلومات ممكن توديه ورا الشمي ....عرفت يا سيدي ان هو ابن الزوجة الثانية لابوه ومكنش بار بأبوه فعشان كده ابوه اما مات كتب شركات آل نوح لابنه الاول من مراته الاولي وهو اشرف واشرف ده كان متجوز واحدة خلف منها طفل رضيع ولكن شاهي مكنتش عارفة تخلف وكمان كان كل حاجة باسم اشرف فقررت شاهي انها تيتم الطفل ده اول ما يتولد
موسي بحزن :ربنا ياخدهم هما جبروت بجد ايه ده ..كمل

عمار:بس يا سيدي فخطفت الولد ده من الحضانة واتفقت مع الدكتور الي ولد الست انه يقولها ان الطفل رئتيه مكتملتش ومعظم اعضائه مكتملش وعشان كده مات ومقدرش يكمل حياته والغريبة بقي ان الطفل ده كان معايا في نفس الميتم الي انا كنت فيه

موسي بانتباه:ايه ده بجد طيب متعرفش حاجة عنه دلوقتي او حتي اسمه
عمار:للاسف لسة متوصلتش لاسمه او اي حاجة عنه بس بعمل عنه تحريات مكثفة لان ده هو الي هيوديهم ورا الشمس وكمان بعد ما الطفل ده في اعتقادهم مات بعديها بسنتين زوجة اشرف جابت بنت اسمها وعد وبعد كده امها ماتت وهيا عندها ٩ سنين ابوها اشرف كتب كل حاجة باسم بنته لكن احمد مكنش هادي فراح اتفق هو وشاهي انهم لازما ياخدوا الورث وكل حاجة فموت اخوه في حادث سير قدام عيون بنته وكانت عندها ١٤ سنة بعد كده خدها وعاملها اسوأ معاملة لحد ما امبارح بالظبط شافها وكان واحد شايلها وخارج بيها من الجامعة بس كانت مغمي عليها فخدها وراح ضربها وموتها ضرب وطردها من البيت

موسي بانتباه وغضب شديد :انت بتقول شافها وهو واحد شايلها
عمار:اه
موسي وقد تاكد مما يفكر فيه :عايزك تجيبلي معلومات عن الطفل والبنت الاتنين خلال ٣ ايام بالكتير ابقي عارف كل حاجة عنهم
عمار:حاضر يا موسي

وخرج عمار وترك موسي يفكر كثيرا في تلك الحورية الجميلة التي تشبه الملائكة كيف القدر جمعه بها وكيف ظُلمت كثيرا ولكن كان هناك شيئًا في داخله يصر عليه ان يأتي لها بحقها من كل ظالميها

كلارا:يلا بقي يا ستي احكيلي ايه الي حصل
وعد وقد قصت عليها كل شئ بداية من موت امها حتي طرد عمها لها
كلارا ببكاء:يا حبيبتي يا وعد انتي ازاي استحملتي كل ده
وعد ببكاء:مش عارفة يا كلارا بس المهم دلوقتي انا عايزة اعتمد علي نفسي متعرفيش اي حد عنده شقة ياجرهالي وهبقي ادفعله الايجار اول ما اشتغل واقبض

كلارا بتفكير:انتي بتهزري ولا ايه
وعد:لا والله بجد
كلارا :يا حبيبتي مفيش خروج من الفيلا ديه خلاص انتي هتعيشي معايا هنا

وعد:انتي بتقولي ايه لا مينفعش طبعا
كلارا:بصي يا وعد احنا اه مش بقالنا كتير متعرفين علي بعض بس انا حبيتك حبيتك اوي حاسة ان انتي اختي مش بس صاحبتي ولذلك مينفعش اشوف اختي في الموقف ده ومساعدهاش غير ان بابا وماما عسل هيحبوكي اصلا مجرد ما يشوفوكي واخواتي مازن وموسي الاتنين مبيرجعوش الا علي الساعة ١٠ بليل يعني انا وانتي هنفضل طول اليوم سوا نروح الجامعة سوا ونيجي نذاكر سوا هتبقي الحياة ممتعة جدا
وعد:بس انا كنت مقررة اني انقل لتجارة
كلارا:مفيش قرارات ليكي هتتاخد وانتي في الوضع ده لان اي قرار انتي هتاخديه هيبقي غلط وقرارك ده اكبر غلط مفيش تحويل انتي هتبقي مهندسة قد الدنيا وكمان تشتغلي في شركات ابويا وهو هيلاقي منين مهندسة موزة زيك كده
وعد بضحك من قلبها لاول مرة :اسكتي احسن بدأت اشك فيكي
كلارا بمرح:لو مش عاجبك طلقني 😂😂
ضحكوا سويا ثم ذهبت كلارا مع وعد الي غرفة الضيوف ووضعوا بها الشنطة وذهبت كلارا الي والديها وقد قصت عليهم كل ما حدث

يوسف:لا حول ولا قوة الا بالله ازاي يعملوا كده في طفلة زي ديه
فريدة بحزن شديد:طبعا يا بنتي ديه تبقي بنتي التانية مش صاحبتك بس هو حد يجيله ثواب كفل اليتيم ويقوله لا مش كده يا يوسف
يوسف:وديه فيها كلام يعني يا فريدة ديه هتبقي بنتي التانية ان شاء الله

كلارا بفرحة صادقة قد جرت علي والديها واحتضنتهما سويًا :بابا ماما بجد بحبكوا اوي والله بحبكوا اووووووي بس عندي طلب اخير منك يا بابا

يوسف:اتفضلي يا بنتي
كلارا:وعد مصرة انها طالما هتقعد في الفيلا ديه انها تشتغل عشان تصرف علي مصاريفها ومصاريف جامعتها فلو سمحت ينفع تشوفلها شغلانة محترمة

يوسف بحزن :طيب ليه كده يا بنتي مانا موجود وانا هتكفل بكل حاجة

كلارا: معلش يا بابا هيا قالت كده عشان متحسش انها عبء علينا

يوسف :من بكره هتبقي احسن شغلانة عندها
كلارا :شكرا يا حبيبي

في منزل احمد وشاهي
شاهي:ايوا يا احمد انا نزلت الفيديو اهوه وخلاص قرب ينتشر وهفضح عيلة نورماز خالص
احمد:بس انا مشوفتش الفيديو ده
شاهي بارتباك:هيكون فيه ايه يعني اغريته شوية زي ما اتفقنا وخلاص
احمد بجهل ومرح:ايوا يا مغري انت يا جميل

في غرفة شهد كانت شهد تحادث رامي علي الفيس بوك
رامي بحزن زائف:يا شهد انا امي تعبانة اوي وانا تعبان ومش عارف اعملها ايه
شهد:يا حبيبي اهدي بس متخفش والله هتبقي كويسة هو انا ينفع اجي ازورها
رامي بضحك وخبث شديدة:طبعا يا روحي والعنوان اهو (*****)
شهد:ماشي يا حبيبي هجيلك بكرة عشان اشوف مامتك واطمن عليها
رامي بخبث: تنوريني يا عمري

انهي رامي مكالمته مع شهد ثم اتصل علي عدة ارقام وكانت كل مكالمة عبارة عن
رامي بخبث:بقولك ايه فيه حتة طرية وطرية اوي كمان جاية بكرة عندي الشقة تعالوا عشان نتبسط.....

ياتري عمار هيوصل لاسم الطفل؟
وياتري موسي وعمار هيتقبلوا وعد معاهم في البيت واي رده فعلهم؟
ياتري رامي هيعمل ايه في شهد ؟

تابعوني 😍😍♥