رواية إتهام "مكتملة" الفصل الثاني عشر 12 - بقلم من يريد يستطيع ♥️

كانت شهد في غاية الصدمة وشعرت انه يقول لها هذا العرض من باب الشفقة ليس اكثر
شهد بتحدي :لا انا مش موافقة
زين باستغراب:ليه يا شهد صدقيني انا هسعدك وهحافظ عليكي
شهد بتحدي:مش لازم ابرر ليك تصرفاتي لانك متخصنيش في حاجة وبعد اذنك اخرج برا
زين بغضب وهو يمسك بيدها بشدة اوجعتها :بقولك ايه يا شهد انا لحد دلوقتي ساكتلك ومش راضي افقد اعصابي عليكي انما انك تهينيني كل مرة ادخل فيها فده الي انا مش هسمحلك بيه انتي فاهمة
شهد بصوت مخنوق من البكاء المكتوم: سيبني بقولك سيب ايدي
زين بتحدي وغضب:انا هتجوزك يا شهد يا انا يا انتي وباذن الله يوم الخميس الي جاي هيكون كتب كتابي عليكي اروح بس اطلب ايدك من والدتك وهبدأ في التجهيزات
شهد بتساؤل:وليه متطلبش ايدي من بابا

زين وقد ادرك مقدار الحماقة التي اقترفها بسبب غضبه :اصل ...اصل ...
شهد بغضب وقد احست بوجد خطب ما في والدها: اصل ايه انطق
زين بحزن: البقاء لله يا شهد

شهد بصدمة وضحك هستيري حتي ظن الدكتور انها قد جُنت :بابا ههههه لا انت اكيد بتهزر ههههه ده اكيد بيهزر يا شهد متصدقيهوش انت بتهزر مش كده ههههههه هزارك سخيف اوي بابا مات ازاي ده انا كنت ناوية اصلح علاقتي بيه بعد ما اخرج واعرفه انه اغلي حاجة عندي ههههههه لا انت بتهزر يا زين مش معقول هزارك

وسرعان ما تحول ضحكها الي صراخ هستيري عندما وجدت ملامح الحزن والبكاء علي وجه زين : بابا مات بابا مات .......بابااااااااااااااااا لا يا باباااااااااا ارجوك انا محتجالك اووووي متسيبنيش يا بااااااابااااااااا
ظلت شهد تبكي بصراخ حاد حتي اغمي عليها وجاءت الممرضة واعطت لها حقنة مهدئة حتي تنام
اما زين فما ان رأي حالتها تلك حتي بكي من منظر حوريته الجميلة التي قست الدنيا عليها الي اقصي درجة ولكن مهلا فأنتي مازلتي لا تعلمي شيئًا يا شهد ...

اما عند موسي الذي ذهب الي الشركة ودخل الي مكتبه بوجه متجهم لم يعتاد عليه الموظفون حتي دخلت له رقية
رقية ببشاشة :صباح الخير يا فندم
موسي بابتسامة خفيفة :صباح الخير يا رقية
رقية ببعض الخجل والمرح:حضرتك يا فندم انا جاية اعزمك علي فرحي وادي اول دعوة هتكون لحضرتك
موسي بضحك وفرحة لهذه المجتهدة :بجد الف الف مبروك يا رقية انتي بنت ناس وتستاهلي كل خير
رقية ببعض الخجل :لو سمحت يا استاذ موسي ينفع اطلب منك حاجة
موسي بمرح:طبعا يا رقية اطلبي الي انتي عاوزاه
رقية بحزن :حضرتك عارف ان انا مليش غير والدتي ومعنديش اخوات بنات فلو سمحت ينفع تخلي كلارا اخت حضرتك تيجي الحنة بتاعتي
موسي وقد احس بحزنها:طبعا يا رقية والله انا كنت هعمل كده من غير ما تقولي
رقية بفرحة :طيب انا هستناها يوم الاربعاء الحنة ويوم الخميس الساعة ٧ الفرح
موسي بفرحة :حاضر يا رقية والف الف مبروك للمرة التانية

خرجت رقية وظل موسي يعمل حتي جاءه اتصال من احد رجاله
الرجل :الحق يا استاذ موسي
موسي بزهق من كثرة المصائب التي تحل علي رأسه :فيه ايه
الرجل :استاذ احمد نوح توفي امبارح
موسي بصدمة : احمد نوح ..مات

(طبعا فيه منكم كتير بيتساءل علي الفيديو بتاع شاهي وموسي احب اقولكوا ان رامي اقنع شاهي بعدم تنزيل الفيديو لانه لن يفيدهم في شئ بل سيفتح اعين الناس علي ان احمد نوح قد مات بسبب خيانة زوجته ليس اكثر)

صدم موسي ولم يدرِ كيف سيقول هذا لوعد فهو علي كل حال عمها ولكن فرح موسي لانه اعتقد ان هكذا سيكون حصول وعد علي حقها من ورث ابيها اسهل

جلست وعد وكلارا بعد انتهاء المحاضرة ولكن كلارا وجدت وعد شاردة بعض الشئ
كلارا بمرح وهي تغمز لها :مين الي واخد عقلك
وعد بانتباه :هااه بتقولي ايه
كلارا وقد علمت ان هناك شئ يحدث مع صديقتها :مالك يا وعد
وعد بخجل ومرح :لا مفيش حاجة انما قوليلي انتي يا كلارا هو الدكتور اسلام خدك وداكي علي فين
كلارا بغضب شديد :ده راجل معتوه
حكت لها كلارا عما حدث وكيف انه كان سيقبلها وهنا تذكرت وعد قبلتها هي ومازن بالامس فلاحظت كلارا شرودها فقالت لها
كلارا بمرح :لااااا ده شكل الموضوع تقيل بقي
وعد وهي تحاول تغيير مجري الحديث :وانتي عملتي ايه بقي
كلارا بمرح وتحدي:طبعا يا بنتي علمته الادب اديته روصية ورحت هربت منه نيهاهاهاهاها 😂😂😂
وعد :يابنت المجنونة بس جدعة انك عملتي كده
كلارا بتحدي :هو فاكر نفسه مين اصلا واحد هتموت البنات عليه مثلا
وعد وقد احست ان كلارا تحب شخص اخر فناكشتها :هو بصراحة الدكتور قمر انتي شكلك انتي الي عامية
كلارا وقد شردت في عمار وقالت لها :قمر بس قولي عسل موز هياخد من قلبي حتة
وعد بمرح:وده مين ده بقي ان شاء الله 😂
كلارا بإنتباه :هاااه لا محدش قومي يلا عشان نروح

خرجت وعد ومعها كلارا من الجامعة ووجدوا السائق منتظرهم فركبوا ثم ذهبوا الي المنزل

كان عمار ينتظر مكالمة ماما ثرية حتي تخبره من هذا الطفل الذي تيتم
فاتصلت به ثرية
ثرية بارتباك وحزن قد لاحظه عمار في صوتها :الو يا حبيبي انا لقيت الملف بتاع الطفل ده ولحسن الحظ انه مكنش فيه حد في الميتم بتاريخ الميلاد ده غيره
عمار بفرحة أبكت ثرية :حلو اوي يا ماما انا جايلك في الطريق

ذهب عمار الي الميتم حتي وجد موسي يتصل به
عمار الو يا موسي
موسي بقلق:ايوا يا عمار ازيك
عمار:الحمد لله بخير انا لقيت الطفل اهوه ورايح اجيب معلومات عنه
موسي بفرحة :طيب الحمد لله كويس انك لقيته في التوقيت ده لاننا كان لازم نلاقيه فيه
عمار باستغراب :ليه
موسي :اصل احمد نوح مات
عمار بحزن علي هذا الرجل الذي اخذه الله وهو لم يفعل عملًا صالحًا واحدا يقابله به :يلا ربنا يرحمه
المهم انا هقفل معاك دلوقتي عشان خلاص دخلت علي الميتم
موسي:طيب تمام وابقي تعالالي الفيلا بليل
عمار:طيب تمام

دخل عمار الميتم ثم وجد ثرية في مكتبها تنظر الي ملف ما وتبكي ولكن عندما وجدته مسحت دموعها بسرعة واحتضنته بشدة كأنها تحميه من الصدمة التي سيتعرض لها

عمار بقلق :مالك يا ماما ثرية
ثرية بحزن :عمار انا عارفة ان الخبر الي انا هقولهولك ده هيبقي صعب بس ارجوك يابني استحمل وخده بعقلك مش بقلبك
عمار وقد ازداد قلقه :ايه هو الخبر ده يا ماما
ثرية بحزن :انت قولتلي دوريلي علي معلومات عن الطفل الي انت عايزه مش كده
عمار :ايوا يا ماما وبعدين انتي لاقيتي معلومات عنه مش كده ؟!
ثرية بحزن حتي اغرورقت عيونها بالدموع: ايوا والطفل ده يبقي .....

تفتكروا هيطلع مين استنوني في البارت الي جاي ملئ بالاحداث المشوقة 😍😍😂😉