رواية بداية جديدة الفصل السابع 7 - بقلم اميرة محمد

في البيت عند أميرة دخلت متعصبة ومش عايزة تتكلم مع حد. دخلت الأوضة بتاعتها وقفلته بالمفتاح. بعد شوية مهاب جه. سهام: في إيه يا ابني مالها أميرة؟ مهاب: فهمت غلط يا طنط، بس أنا هصلحها، متقلقوش. هيا فين؟ سهام: في الأوضة بتاعتها. وخدته للأوضة بتاعتها. مهاب: أميرة ممكن تطلعي ونتكلم؟ أميرة فتحت الباب: خيررر يا مهاب، خيررر. مهاب: ممكن نيجي نخرج معلش نتكلم شوية، ده حتى بكرة قراءة فتحتنا.

أميرة بعصبية: مش هخرج ولا هروح في حتة، وابقى قابلني بكرة بقا لو لقيت مني ريق حلو. ويلا بعد إذنك. وقفل الباب. مهاب بضحك: هيا هبلة. سهام بضحك: عندها عرق ضارب يا ابني، معلش استحملها. مهاب عدل النضارة بتاعته بصبعه: شكلي داخل على أيام صعبة، ادعيلي يا حماتي، ادعيلي. سهام بضحك: ربنا يهديكم يا حبايبي ويريح قلبكم يا رب. مهاب: يا رب يا ست الكل، يلا عن إذنك. مالك: رايح فين يا بطل؟

مهاب: كنت جاي أصالح أختك بس مردتش، فا هصلحها بكرة. مالك بضحك: هتشوف من ده كتير. أميرة من وراهم: قوله ربنا يخليلك السنيورة بتاعته. مهاب: يا بنتي والله دي الزفتة بنت خالتي، أنا منكرش إنها معجبة بيا، بس أنا مش شايف حد غيرك انتي يا جميل. أميرة اتكسفت ودخلت المطبخ. مالك ضربه في كتفه: يعم لم نفسك بقا. مهاب: طب مادام كدا استأذن أنا بقا. أميرة من جوا: خليه يستنى يشرب عصير. مهاب قعد تاني: منشوف. ومر اليوم والكل كان مبسوط.

اليوم التاني. أميرة صحيت بدري عشان تبدأ تظبط نفسها. (اه نسيت أقولكم، هما هينزلوا ينقوا دبله للعروسة ودبله للعريس، وبعدين بقا بعد الامتحانات هيغيروهم وهيجيبوا الدهب) بتوع الديكور جم وظبطوا المكان اللي هيتعمل فيه وخلصوا بعد ساعات كتير من التعب. وبعدين أميرة دخلت تجهز نفسها. دنيا: انتي بااارده لي، الواد زمانه جاي. أميرة: يستي أنا مفضلش غير الميك أب، خلاص بقااا. أحمد خبط الباب: دنيا، عاوزك. دنيا: ماشي، مش هتأخر.

أميرة لقت موبايلها بيرن، وابتسمت أول ما لقت مهاب اللي بيرن. أميرة: إيه؟ مهاب: خلصتي؟ أميرة: بحط الميك أب أهو، استنى خليك معايا ثانية. أميرة: منون زعلانة منك عشان مجتيش من الصبح. منه: معلش يا حبيبتي، هبقى أقولك السبب. أميرة: ماشي. أزيك يا مكة، أزيك يا ساجدة، والله نورتوني. عقبالكم يا رب. مكة وساجدة: وانتي طيبة يا حبيبتي. أميرة: إيه مهاب، كنت بتقول إيه؟ مهاب: لسه فاكرة؟

بت بت، هزعلك لما أشوفك. وبعدين متحطيش ميك أب، أنتي حلوة من غير حاجة أصلاً. أميرة بعناد: طب بالعند فيك هحط، ويلا سلام عشان ألحق أخلص. وقفل في وشه. بعد شوية. دنيا: إيه خلصتي؟ أميرة: إيه رايك، حلوة صح؟ دنيا: قمر يا حياتي، والله قمر. سيف: أميرة، مهاب جه، جهزي نفسك عشان هييجي ياخدك. أميرة: طب ما تخلي مالك ييجي هو. سيف: هو مصمم إنه هو اللي ييجي، يلا يلا جه. دنيا: لفي يا بت.

أميرة لفت، ومهاب دخل. أول ما دخل أميرة لفت، وهو انبهر بجمالها. مهاب: عينيكِ، بتعيط ليه؟ مهاب اداها الورد وباس إيدها ورأسها: حقك عليا لو كنت زعلتك في يوم من الأيام. أميرة بصتله: للدرجادي بتحبني؟ مهاب باس إيدها: أنا وصلت لدرجة العشق. أميرة اتكسفت وبعدين خرجوا. أميرة أول ما خرجت عنيها جت في عين يوسف، فابتسمت وبصت لمهاب ومسكت إيده وراحوا على الكوشة. بوسي: ألف مبروك يا حبايبي.

أميرة سلمت عليها: الله يبارك فيكي يا حبيبتي، عقبالك يا رب. بوسي: وانتي طيبة يا حبيبتي. الكل سلم عليهم. يوسف: مبروك. مهاب: الله يبارك فيك يا دكتور يوسف. يوسف بص لأميرة وبعدين مشي. بوسي جابت الدبل، وبعدين لبسوها لبعض، والبيت كله عم عليه الفرحة والسعادة. تاني يوم. في الكلية. أميرة: إيه مهاب؟ مهاب على التليفون: انتي فين؟ أميرة: نزلت الكلية. مهاب: ومقولتليش لي؟ أميرة: هو لازم كل حتة أقولك عليها يعني؟

مهاب: أه يا أميرة، أنا خطيبك ومن حقي أعرف. أميرة: مهاااب، أنا بتخنق. مهاب بزعل: طيب يا أميرة، خلي بالك من نفسك. وقفل. دنيا: على فكرة، أنتي زودتيها أوووي. أميرة: أنا بتخنق يا دنيا. دنيا: والله أنتي ما بتفهمي، وهو أكيد زعل. أميرة: لا مزعلش. دنيا: هنشوف. المهم، هنروح عند دكتور يوسف امتى؟ أميرة: بعد الكلية إن شاء الله. دنيا: طيب. بعد شوية خلصوا كلية واتجمعوا وهيمشوا. أميرة: الو. مهاب: اممم.

أميرة: احم، أنا رايحة عند الدكتور يوسف عشان هيرجع لنا على اللي فاتني. مهاب بابتسامة: ماشي، خلي بالك من نفسك كويس. أميرة بابتسامة: حاضر. وقفلوا مع بعض. ومشوا وراحوا عند يوسف. يوسف: فهمتوا الحتة دي ولا إيه؟ أمير: أيوا، ممكن ناخد راحة شوية لأننا تعبانين. يوسف: تمام. تليفون أميرة رن وكان مهاب. يوسف بص لها، وأميرة راحت ردت: إيه يا حبيبي؟ (قالت كدا عشان تعاند يوسف) مهاب بستغراب: أنتي قولتيلي إيه؟

أميرة بابتسامة: يعم انجز، قول فيه إيه. مهاب ضحك عليها: كنت بطمن عليك يا قمري. أميرة: أنا كويسة الحمد لله والله. مهاب: هتخلصي امتى؟ أميرة: كمان نص ساعة كدا أو ساعة. مهاب: تمام، ماشي. يلا، عاوزة حاجة؟ أميرة: لا، شكراً. وقفلوا مع بعض. يوسف: أحب أقولكم إن فيه ضيف جديد هينضم لنا إن شاء الله الحصة الجاية. أمير: ماشي، تمام. بعد شوية يوسف خلص لهم وهما مشيوا. أمير سلم على حماه وحماته ومشي. تسريع أحداث.

بعد مرور شهرين، أميرة وأمير خلصوا امتحانات، وسيف خلص هو كمان، ومالك ومهاب خلصوا ورق التخرج. ويوسف أجل خطوبته لبعد خطوبة أخته. يوم خطوبة أمير ومنه. سهام: اخلصي يا حبيبتي، أخوكي خلص والله وهيمشي، وأنتي حضرتك اللي هتروحي معاها. أميرة: خلصت أهو. وكانت شايلة الصندل في إيديها وماشية. نزلت وركبت العربية جنب مهاب. مهاب بمعاكسة: إيه ده، هو القمر بقا بيطلع الصبح وأنا معرفش. أميرة: بطل يا عم، وبص قدامك، أنا زهقانة دلوقتي.

أمير: ما أنتي اللي آخرتي نفسك. أميرة: ولاااا، خلي اليوم يعدي على خيررر. أمير سكت ومهاب ضحك عليهم. بعد شوية وصلوا للبيوتي سنتر. أمير طلع عشان يجيب منه وساب أميرة ومهاب تحته. مهاب عمال يضحك. أميرة بصت له باستغراب: بتضحك على إيه؟ مهاب: بتبقي قمر وانتي متعصبة. وبعدين تعالي هنا كدا. وباس راسها: هو ده طاقم حياتي، عقبال لما تبقي من حتة تانية بقا. أميرة ضحكت وبعدين دست على رجله بالصندل. مهاب بوجع: اااه.

أميرة: أحسن، تستاهل والله عشان بعد كده تلم نفسك. مهاب: ماشي يا بنت سهام، ماشي. بعد شوية كان أهل منه وصلوا. أميرة بصت لقت يوسف جاي ناحيتهم. أميرة بتوتر: ازيك يا دكتور يوسف. يوسف ابتسم ابتسامة خبيثة وقرب عليها: لسه بتحبني صح؟ أميرة توترت أكتر ومردتش. مهاب بعصبية: انت مجنون؟ مين دي اللي بتحبك؟ يوسف بابتسامة: خطيبتك يا حب. مهاب بعصبية وكان هيضربه، بس أميرة منعته. مهاب بعصبية: افهم من كدا إنك لسه بتحبيه؟

أميرة مردتش عليه عشان مش لاقية كلام تقوله. مهاب بعصبية وصوت عالي: انطقيييييي. أميرة عيطت ومردتش. مهاب: طيب تمام يا أميرة. وراح ركب العربية. يوسف ضحك وقال لأميرة: مش هسيبك يا قمر. وبعدين مشي. أميرة ركبت جنب مهاب. أميرة: ممكن تسمعني؟ مهاب مردش عليها. أميرة: مهاب. مهاب بعصبية مكتومة: أميررره، بالله عليكي سبيني دلوقتي، سبيني في حالي دلوقتي عشان ما أعملش حاجة تزعلي مني. أميرة سكتت وفضلت تعيط.

مهاب بص عليها، لاقاها بتعيط جامد. مهاب بحنية: ممكن متعيطيش؟ أميرة عيطت برضو. مهاب باس راسها: خلاص بقا، متزعليش. أميرة مسحت دموعها وابتسمت: يعني مش زعلان؟ مهاب: لا زعلان يا أميرة، وزعلان أووووي كمان، بس مقدرش أشوف دموعك. أميرة حزنت. بعد شوية أمير نزل هو ومنه. أمير لاحظ إن فيه حاجة. أمير: فيه إيه؟ أنا سايبكم حلوين. مهاب: مفيش يا أمير، مفيش. أمير سكت لأنه عارف إن أخته هتحكيله.

خلص اليوم بسلام، ومهاب طول اليوم مش بيكلم أميرة وزعلان منها. والكل مستغرب وبيسأل فيه إيه. في بيت مهاب. مهاب دخل البيت حزين. أم مهاب كريمة: مالك يا حبيبي، فيه إيه؟ مهاب نام على رجليها وفضل يعيط. كريمة فضلت تمشي إيدها على شعره وتواسيه لحد ما نام. في بيت أميرة. سهام: ممكن أعرف فيه إيه، أنتي ومهاب مكنتوش مظبوطين. أميرة: سبيني يا أمي دلوقتي بالله عليكي. مالك: سيبها يا ماما دلوقتي، أمير اللي هيعرف يهديها.

أمير خد أميرة ودخلوا الأوضة. أميرة نامت على رجله: يوسف انهارده جه، وقالي قدام مهاب، أنتي لسه بتحبني. وأنا حسيت إني اتشليت، مقدرتش أتكلم. ومهاب فهم إني لسه بحبه، بس أنا والله ما عنت بحبه، والله كرهت. وبعدين قالي مش هسيبك، واتخانقنا أنا ومهاب. وبرن عليه مش بيرد. أمير: أنا ليا تصرف مع يوسف ده، تمام. بس فيه سؤال كدا، أنتي حبيتي مهاب؟ أميرة ابتسمت

رغم إنها كانت بتعيط: مش حكاية حبيته، أنا بفرح لما بشوفه وهو بيعمل المستحيل عشان يخليني مبسوطة كل يوم. لازم يبوس راسي. تصدق انهارده يا أمير لما اتخانقنا مع بعض وأنا عيطت، هو جه وباس راسي وفضل يقولي متعيطيش. أنا حبيته واتعلقت بيه جااامد، ومش مستعدة إني أخسره والله. أمير بابتسامة: مهاب طيب وقلبه طيب. حاولي ترني عليه وتكلميه وتشوفي إيه أكتر حاجة نفسه فيها وتعمليهاله. أميرة

قامت من على رجل أمير: عارفة أكتر حاجة نفسه فيها إيه؟ أمير: قولي. أميرة: إننا نكتب الكتاب، بس أنا اللي مكنتش موافقة. بس هوافق وهقوله، هيفرح أوووي. استنى أرن عليه. أميرة رنت، وهو رد، بس مكنش هو، دي أمه. كريمة: إيه يا بنتي؟ أميرة: فين مهاب يا ماما؟ كريمة: تعبان والله يا أميرة، جسمه كله سخن، والسخنية مش راضية تهدى خااالص، ومش عارفة أعمل إيه. أميرة بصدمة: إيه؟ خااالص؟ أنا جاية. وفضلت تعيط وتقول: أنا السبب.