رواية بحر العطر الفصل الخامس والعشرون 25 - بقلم فاطمة خميس هارون

هبط للاسفل بسرعة بعد أن رآه يمسك يدها. بحر: عطر! جذبت عطر يدها من علي وأمسكت بها بخوف. علي: انت بتزعقلها لي؟ بحر: وانت مالك. علي: انت بتتكلم كده ليه؟ عشان هي شغالة عندك؟ أنا هاخدها وأ... ولم يكمل بسبب تلك اللكمة. بحر: أنا حذرتك قبل كده. اطلع بره بقي علي رجلك بدل ما تطلع وانت بتسحف زي العيال. علي: أنا همشي بس هرجع عشان آخدها. بحر: انت لو جيت هنا تاني، أنا هكسرك وأرجعك لامك في أكياس. بره! علي: متخافيش يا عطر.

بحر: تعالي يا بني وري البيه الباب من فين. نظر بحر لعطر التي انسحبت بخفة من جواره. أمسكها من تلابيبها. عطر: والله والله والله هو الي مسكها، أنا مليش دعوة. بحر: عطر! أنا مش حذرتك من علي كذا مرة؟ عطر وهي تحاول الفرار: أيوه بس... بحر وهو يجذبها من يدها: طيب أديني بحذرك تاني، لو شوفتك قريبة منه تاني هتتعاقبي، مفهوم؟ رامي: في إيه يا بحر؟ براحة. بحر: متدخلش يا رامي. رامي: طيب سيبها بس، إيدك جامدة عليه.

نظر بحر لعطر ثم أفلت يدها وأشار لها بعينه لتصعد الأعلى. بحر: آخر مرة يا رامي تتدخل بينا. آمين. رامي: تعال بس نشوف موضوع الصور الأول. *** فضل: تتجوزيني يا ورد؟ نظرت ورد لفضل ثم لأخيها. فضل: أنا آسف إني دخلت كده، بس الباب كان مفتوح وأنا سمعت صوتكم. محمد: تعالي يا فضل نتكلم بره. فضل وهو يطالع ورد: تمام. فضل: أنا طالب إيد الآنسة ورد، وأتشرف بموافقتها. محمد: أنت عارف إنها لسه خارجة من...

فضل: أنا عارف إنه بيهددها وعارف قد إيه هو مسبب ليها رعب. أنا عاوز أحميها منه، حاسس إن دي مسؤوليتي. محمد: طب أنا هاخد رأيها. ورد: أنا موافقة. نظر له محمد بتعجب. أما صاحبنا فهو في عالمه الخاص يحلق، يتخيل مساحة فارغة يرقص بها ويغني بداخله مشاعر متضاربة. إذا وقف وكبر الآن، هل ستقول عليه مجنون وتسحب الموافقة؟

بالتأكيد ستفعل. إذاً اضبط نفسك يا فضل. مر الكثير ولم يبق إلا القليل. ربما بعد عقد القران يجوب الساحة كلها وهو يكبر ويحمد ربه، أو يسجد سجدة شكر وامتنان على استجابة دعواته، أو ربما حتى... محمد: يا فضل! فضل: الله أكبر! محمد: في إيه يا محمد؟ أنت جاي تفجر البيت ولا إيه؟ فضل: أقصد أنا نازل أصلي. محمد: تصلي إيه يا فضل؟ الساعة ١٠. اقعد نتفق على الخطوبة. فضل: لا، أنا مش بحب شغل الخطوبات. محمد: ليه؟ ما أنت خطبت...

صمت لحظة ليستوعب الأمر. محمد: أنت مش خاطب يا فضل. فضل: كنت... كنت خاطب. سبنا بعض النهاردة الصبح، مفيش تفاهم. بص بقى يا محمد، كتب الكتاب والفرح الأسبوع الجاي. أنا مش عاوز منها حاجة، حاجتي كلها جاهزة، يدوبك تنوريها. محمد: بس... فضل: عشان نقدر ننفذ يا محمد. محمد: تمام، ألف مبروك. فضل وهو ينظر لورد: الله يبارك فيك يا قلبي. مهلاً، لما هذا الصخب؟ أعلمت أننا سنُجمع مع من نحب. صبراً صبراً فلكل مستمع.

وانتي يا عيني خففي الدمع. سيكشف حالنا أمام الجمع. سيلقي عقلي عليك العتب. ولكن فداكِ يا روح القلب... عطر: إيه الهبل ده؟ طب اديني ورد. خلاص هجيلكوا النهاردة. أنت كمان وحشتني. بحر: هو مين دي؟ عطر: آآآآآآآه! أغلقت الهاتف وألقته بعيداً. عطر: م... محمد. بحر: طيب ما تقولي من بدري. عطر: ينفع أروح عندهم النهاردة؟ ورد تعبانة. بحر: روحي بس متتأخريش. عطر: شكراً. *** وائل: بتستغفليني يا ورد؟ أقولك اتصرفي، رايحة تتجوزي؟

فاكرة إن فضل النواعم ده هيقدر يحميكي مني؟ أنا هربيكي. فضل: لا، أنا اللي هربيك. نظر وائل خلفه لفضل الذي بدأ يشمر عن ساعديه. وائل: أنت بتعمل إيه هنا؟ ودخلت إزاي؟ فضل وهو يقترب منه: دخلت إزاي؟ الباب مفتوح عشان أنت مسطول. وضع يده على كتفه. وبتقول إيه هنا بقى؟ ده النواعم جاي يطبطب عليك. لم يعطيه فرصة ليضربه برأسه في منتصف وجهه ليشعر بأن أنفه قد كسرت. ألقاه أرضاً

وهو يعدل من هيئته: دي عشان تفتكر إن ورد بقت متزوجة. لو حاولت تكلمها، مش مناخيرك بس، كل جسمك هيتكسر يا... يا نواشف. آه، والشركة دي متعديش قدامها حتى، فاهم؟ بصق وائل الدماء من فمه وهو ينظر لفضل الذي غادر بهدوء مثلما حضر. بالتأكيد هي لم تخبر فضل، فهو يراقبها. إذاً من أخبره؟ نظر لهاتفه ثم أجاب بهدوء: هاا، طلعت فين؟ ... : طلعت في *****. وانهاردة خطوبتها يا باشا. وائل: خطوبتها؟!

طب خليك عندك، أنا هاجيلك. خلي عينك عليها واعرفلي مين حيلت أمه اللي عايز يتجوزها ده. *** عطر: مالك يا ورد؟ ورد: مالي إيه يا عطر. بقولك فرحي الأسبوع الجاي. عطر: فيها إيه؟ ما هو كده كده كنتي هتتجوزي في نفس المعاد. ورد: هتجوز واحد تاني خالص يا عطر. عطر: عندك حق. الفرق بين فضل ووائل فرق السما للأرض. ورد: ربنا يستر بقى. محمد: خدي ورد وروحي هاتي اللي محتاجاه يا عطر. عطر: تمام، قومي البسي يا ورد. ورد: تمام.

لمار: أنا كمان عايزة أمشي. محمد: تمشي فين؟ لمار: معاهم. محمد: إيه؟ هي رحلة؟ لا مش هينفع. لمار: ليه؟ أنا عايزة أخرج. محمد: هبقى أخرجك بليل. لمار: طب ما تيجي معانا دلوقتي. محمد: مش هينفع، عندي شغل. يلا سلام. لمار: ده أنت غتت بردوا. همشي. ورد: يلا. لمار: أنا هاجي معاكوا. عطر: قولتي لمحمد؟ لمار: مش راضي، بس أنا عايزة أمشي. عطر: خلاص أنا هكلمه. يلا تعالي. *** ...

: جهزت كل حاجة زي ما قولتلك. ابعتيها آخر الأسبوع كده. مش عاوز ولا غلطة، كأنها حقيقية، فاهم؟ يلا غور. *** وائل: لا بجد برافو. تبوظي حياتي؟ أنا هناك وجاية هنا تتجوزي؟ منه: أنت إيه جابك هنا؟ اتفضل اطلع بره بدل ما ألم الناس عليكوا. وائل: والله جربي، ومعروف الناس هتغلط مين. منه: أنت عاوز إيه يا خي؟ مش قولت ابعدي عني، وإلا أنت نسيت؟ وائل: لا، أنتِ اللي نسيتي. لا وكمان عملتي عكس اللي قولتلك عليه.

منه: أنا مش فاهمة حاجة. ابعد عني واطلع بره. وائل وهو يقترب منها: أنا حذرتك يا منه، قولتلك متقربيش من ورد ولا تتكلمي معاها. خنتي ثقتي ورحتي حكيتي على كل حاجة. منه بخوف: أنا... أنا م... معملتش حاجة. وائل وهو يقبض على شعرها بعنف: كدابة يا روح أمك! أنتِ فاكراني مش هعرف؟ منه: والله ما قولت حاجة. أنا مشيت من بعد خطوبة فضل. حتى الشركة سبتها بعد آخر مقابلة لما هددتني. وائل: لا يا شيخة، مفروض أصدق أنا؟

ولما أنتِ معملتيش حاجة، هربانة ليه؟ منه: أنا مش هربانة، أنا بعدت عنك زي ما قولتلي. وائل وهو يشدد قبضته حول شعرها: أنا قولتلك ابعدي، ولا قولتلك التزمي مكانتك؟ منه: آآآآه! سيب شعري يا وائل، هيتقطع في إيدك. وائل: ده أنتِ شخصياً هتتقطعي حتت وتترمي للكلاب. بتعصي أوامري؟ بتخونيني؟ شايفة إني مش راجل يا ولاااااااء؟ منه وهي تدفعه بعيداً عنها: أنا مش زفتة ولاء، أنا منه يا وائل، منه!

التزم أنت بمكانتك. أنت ملكش حاجة عندي. إحنا كنا صحاب وبس، وأظن أنت قولت كده. أنت قولت ابعدي عني وأنا عملت كده. أنا هتجوز أحمد، وندمانة على كل ثانية رفضته فيها عشان اختيار غلط بوظ لي حياتي، وإنسان مريض عقدني. صفعها على وجهها وعاد ليقبض على تلك الخصلات. وائل: أحمد اللي فرحانة بيه ده، أنا هحزنك عليه. وبالنسبة لحياتك، فأنا لسه هبوظهالك. أنتِ لسه مشوفتيش حاجة يا منه. منه: أنت... آآآآآآآه!

صرخت عندما كمم فمها وحملها ليخرج من النافذة ويغادر بها. *** عطر: والله يا لمار، رنيت أكتر من مرة، بيديني انتظار. متخافيش، أنا هقوله إني أنا اللي أخدتك. لمار: طيب. ورد: متقلقيش يا لمار. ابتسمت لها لمار. عطر: بصوا الحاجات الخطيرة دي بقى. ورد: أنا لا يمكن أدخل هنا، انسوا. عطر: خلاص ندخل إحنا. لمار: أنا أعرف واحد تاني بتعامل معاه من زمان، تعالي نروحله أحسن. ورد: من زمان؟ كنتي بتجيبي الحاجات دي ليه؟

لمار: عادي يا ورد، كنت بنام بيها. ورد: أمال مش بتنامي بيها ليه دلوقتي؟ لمار: احم، عشان محمد. عطر: لا، ناصحة. الله أكبر عليكي. يلا يا أختي، وديني للتاني. *** كامل: أيوة يا عمي. نعممممم! بتحب مين؟ طارق؟ اختيارها إيه يا عمي؟ ده يوم أبوها أسود. وطارق ده هعلقه على القسم من برا، اللي رايح واللي جاي يصبح عليه. لمؤاخذة يا عمي، مش القصد. طيب سيبني أتصرف بقى. كامل: سلعاااااااااااوووووي! سلعاوي: أيوة يا باشا.

كامل: روح هات الهانم. سلعاوي: أمرك يا باشا، طب وكاكا أجيبه؟ كامل: تموت أنت فيه. روح هاتهم. *** ميرنا: صباح الخير يا حبيبي. إزيك يا رامي؟ حرك بحر رأسه وهو يتمتم: صباح النور. ميرنا: مش هتفطروا ولا إيه؟ رامي: لا، أنا هستأذن عشان عندي مشوار. عاوز حاجة يا بحر؟ بحر: سلامتك. أنا هبقى أتابع معاك الموضوع ده.

رامي: المهم يا صاحبي، تاخد بالك لأن الصور دي كان ممكن تنشر سمعة عليك مش كويسة. وأنا عارف، في شغلنا لازم السمعة. عموما، أنا هتابع وأكلمك. بحر: تمام. *** لمار: لولو، شو أخبارك يا حلو؟ لولو: لا لا، مش معقول. أنا زعلان كتيررر منك. لمار: ليه بس كده؟ لولو: كل هادا الوقت ما بتسألي على لولو، ولا حتى بتدقيلي. لمار: غصب عني، أصلي انشغلت واتجوزت. ولولو: مش معقول، أنتِ اتزوجتي؟ لاكن ليش ما جيتي لعندي حتى نجهز عروستنا؟

لاااا، أنا هيك بزعل أكتر. لمار: لا، ما أنا مجبتش والله. أنا جايه لعروسة تانية النهاردة. قالتها وهي تشير لورد التي دخلت هنا بالعنوة بعد أن جذبتها عطر ولمار. لمار: يلا بقى يا لولو، وريني الحاجات الجديدة. لولو: ليكِ تكرم عينك. رح أعطيكي أجدد شي عندي. ورد: هو مفيش بنت؟ لولو: حياتي، أنا بعرف أكتر من البنت. ما تستحي، فرجيني مقاسك. ورد: لاااا، خليك عندك. أنا هشوف من بعيد. لولو: حبيبتي، وأنتِ ما بدك؟ عزابية أنتِ؟ لساتك...

عطر: أناااا، لا أنااا متزوجة، بس آآآ... لولو: خلص، أنا بعطيكي أنتِ وورد كادو من البوتيك. شو ما بتختاري. ولا أقولك، أنا بختارلك. ورجيني مقاسك. عطر: أنت عاوز تشوف مقاس أي حد وخلاص يا عم أنت. لمار: ده بيعرف بالنظر. شاطر أوي يا لولو. عطر: ده أنت يومك أسود، بس الصبر.

لولو: تكرم عينك حبيبتي. هادول أجدد كولكشن عندي. فيكِ تختاري شو ما بدك. وانتِ يا لمورتي قلبي، هادا الك مخصوص، ما في منه. وانتِ يا مشاكسة، هادا إلك، بيشبهك. نار. عطر وهي تشير لنفسها: أنا مشاكسة؟ أعطاه لها: رايح يلبقلك كتيرررر. عطر: أنا عاوزة أمشي. لولو: تعي حتى فهمك شي. عطر: لماااار! لمار: بصي ده يا ورد. ورد: هو حلو، بس آآآ... عطر: لماااار! لمار: اسكتي بقى يا عطر. لولو: ما فيكي تتركي حالك هيك؟

جوزك بيمل منك. الرجال من هدول بيحب نكون ديما متأنقين. نحنا لازم ندير بالنا على مظهرنا حتى رجالنا ما يطلعوا لبرا. عطر بتعجب: نكون وإحنا ورجالنا؟ طب إزاي دي بس؟ لولو: يلا، بدي منك تنطلقي. والله ما يخليكي تروحي غير لما تاخدي أقل شي خمس قطع حتى أكون مطمن عليكي. عطر: بس... لولو: ما في بس. يلا، راح ساعدك أنا. عطر: لاااا، أنا هاخد بنفسي. اهو. مدت يدها عشوائي واختارت دون أن تنظر لتتخلص من ملاحقته لها.

لولو: ليكِ يخربيتك، ذوقك بيجنن. أنتِ مو سهلة عفكره. عطر: لماااار! لمار: في إيه يا عطر؟ تعالي. عطر وهي تنظر لـ لولو: لمار بتنادي. فرن من أمامه مسرعة. عطر: لمار، الست الراجل ده غريب. لمار بحدة: عطر! عيب. استني بقى عشان ورد تختار لون. ورد: يا ستي أي حاجة، الاتنين واحد أصلاً. لولو: ليكِ، شو عم تقولي أنتِ؟ هادا عمي ألوان ولا شو؟ ما في لون بيشبه أخوه. هون، نورجيني لمورتي. امممم، خدي هادا، بيلبقك أكتر.

نظرت له ورد وقد اشتعل وجهها خجل. ورد: كفايا كده، يلا بينا. لولو: شو؟ والله ما بيصير. بدك تاخدي هادول بس. رح أختارلك أنا لأنك ما عندك ذوق. ورد: إيه الصراحة دي. لمار: إيه كل ده يا عطر؟ عطر: الإنسان ده غريب. أنا ممكن أشتري المحل كله بس يبعد عني. ضحكت لمار بشدة على شكلها. لمار: يلا حلااا. على بحر. عطر: ده في المشمش. لمار: هو انتوا لسه متخانقين؟ عطر: بحر إنسان كويس جداً، بس اديله فرصة.

عطر: أنا عارفة ده، وبدأت أشوفه فعلاً. وشكلي كده... ورد: شكلك كده إيه؟ عطر: شكلي هديله فرصة. لمار: الكرامة يااااه. عطر: هزوقة بتتكلم؟ أول مرة أشوف هزوقة بتتكلم. لمار: ماشي يا عطر. ورد: اسكتوا، لولو جه. لولو: يلا حبيباتي، أنا اخترت ومشي الحال ليكوا. هادول لورد، وهادول لعطر. باااي. عطر: يلا بسرعة قبل ما يفتكر حاجة. خرجوا سريعاً. لمار: أنا لولو كان واحشني بجد. ورد: ده غريب جداً.

عطر: ده يعرف ألوان وحاجات أنا كـ عطر معرفهاش. ورد: وتصرفاته غريبة. عطر: يعني عاوزة واحد اسمه لولو يتصرف إزاي؟ يمسك سلاح ويحارب المعتدين... ارتفعت ضحكاتهم على كلام عطر، وكادت لمار أن تتكلم ولكنها وقفت مصدومة. لمار: م... محمد. نظر محمد خلفه ليجدهم. كور يده بغضب واتجه لها. محمد وهو يقبض على يدها ويجذبها بعيداً عن التجمع المشحون: أنتِ مش بتسمعي الكلام ليه؟ وإيه اللي أنتِ لابساه ده؟ مفيش فايدة فيكي.

لمار: هو ده الشغل يا محمد. محمد: ردي عليا. لمار: لا رد أنت يا كبير يا صادق. محمد بغضب: لمار! طلعتي ليه من غير ما تقوليلي؟ لمار وهي تزيح يده: أولاً، متزعقش. ثانياً، أنا كلمتك أكتر من مرة، وعطر وورد بس. حضرتك كنت مشغول مع الهانم. مخرجها يا محمد وحابسني أنا في البيت؟ مش مشكلة. كل ده بتكذب بسببها؟ أنت إيه... محمد: أنتِ مش فاهمة... آآآآ... لمار: أنا فاهمة كويس. روح شوف كنت بتعمل إيه. أنا عاوزة أروح. محمد: آل...

لولو: لموررررتيييي! تصنم مكانه وتجمدت الحروف في فمه. نظرت لمار خلفه. لولو: بيصير هيك؟ تركتي هديتي؟ لمار: أنا آسفة يا لولو، ما أخدت بالي. لولو وهو ينظر لمحمد: مين هاد؟ جوزك؟ لمار: أيوه. لولو: تكرم عينيك. أديك محظوظ. دير بالك على لمورتي ها. إذا بتزعلها، بضربك كف. باااي. لمار: باااي. محمد: إيه ده؟ لمار: هو إيه؟ محمد: المشهد الخليجي ده. وإيه اللي في إيدك ده؟ لمار: ده... ده... ده فستان. جذبه منها ونظر بداخله.

محمد: إيه ده؟ أنتِ جايباه تمشي بيه؟ لمار: لا، ده بتاع بيت. محمد: استني لما أشوفه. لمار: لاااا، هات، ملكش دعوة. نظر له نظرة خاطفة ثم وضعه مكانه وهو يتلفت حوله. محمد: إيه الحلوة دي يا لولو؟ ده ليا. لمار: لا، ده بتاعي. بس لو عجبك، خده عادي. محمد: نعم؟ أخد إيه؟ أنا بقولك أنتِ جايباه ليا. لمار وهي تجذبه منه: لا، وأنا أجيب لك ليه؟ يلا يا عطر. محمد: تعالوا أوصلكوا. آآآ... لمار: معايا عربيتي.

محمد: طيب يا لمار، لما أروح ابقى أفهمك إيه اللي حصل. وبالمرة تريني أنتِ جبتي إيه. لمار: ده بعينك يا كذاب. خليها تنفعك. بلا يا عطر... *** فاطمة: هو في إيه بالظبط؟ إحنا لو مجرمين مش هندخل القسم كل شوية كده. كامل: أهو، أنتِ لو متعدلتيش مش هتخرجي منه خالص. فاطمة: ت... تقصد إيه؟ طارق: أنت بتهددنا ليه؟ أنا عاوز أفهم إيه سبب وجودنا هنا. كامل: ما ده السبب... ال... نا... اللي أنت حاشرها في كل كلامك. بتتكلم بالجمع ليه؟ يلاااا!

بتتكلم بالنيابة عنها؟ طارق: عشان هي خطيبة... كامل: كملها عشان أرشق القلم ده بين حواجبك. طارق: بس ده مش كذب. كامل: ولاااا خطيبتك إزاي؟ وأنا مكلم عمي وقارينا فاتحة وهي عارفة. فاطمة: كل شي نصيب. طارق: أهي قالتلك. ابعد عننا بقى وملكش، لأن فاطمة هتبقى مراتي وأنا محبش مراتي تكلم رجالة. كامل: ليه؟ خليها تكلمني وهي خطيبتك عادي. على الأقل يكون في راجل في الموضوع بدل العلاقة القذرة دي.

طارق: لاااا، ده أنت زودتها أوي. أنا هشتكيك ومش هسكت، ولو فكرت... الذي فاطمه، أنا اللي هقفلك. كامل: امم... سبعااااااااووووي. فاطمة: ت... تقصد س... سلعاوي؟ كامل بابتسامة: تؤ، سبعاوي ده توأم سلعاوي. إيدي الشمال يعني. بس مش بكشفه غير للحبايب. سبعاوي: أيوة يا كامل باشا. كامل وهو ينظر لطارق: اهو سبعاوي ده مسئول الاغتصاب عندنا في القسم. طارق: لو حد لمس فاطمه... أنااا... كامل: بس بس، متتحمقش كده. مين قال إنه لفاطمة؟

طارق: نعم؟ يعني إيه؟ كامل بابتسامة باردة: أصل سلعاوي بيعزك أوي، وحكى لسبعاوي عنك، فهو عاوز يتكلم معاك كلمتين كده. طارق: ابعد عني يا بني آدم أنت. يا كامل باشا، هو ماسك كتفي كده ليه؟ ده هيكسره. كامل: لا، انشف كده. أزعل أنا. طارق: خلاص، مش هخطبها، ولا عاوز أعرفها أصلاً. خلاص سيبنا نروح بقى. كامل: تاني يا كوكو؟ ال... نا تاني؟ يبني افهم، أنت نجوم السما أقرب لك. شوف شغلك يا سبعاوي.

طارق: خلاص، مليش دعوة بيها، ان شاء الله وتموت حتى. فاطمة بهمس: واطي. كامل: شاطر. اجري بقى بره القسم عشان تطلق سبعاوي عليك. وبالفعل هول للخارج ويلحقه سبعاوي. فاطمة: أنت إنسان مش محترم. ولو فاكر إنك بتضغط عليا كده، انسى. أنا لا يمكن أتجوزك يا عبيط. أنت إنسان مريض. كامل: سلعااااااوي. فاطمة: آآآ... أ... أنا... أنا فاكرة إني هخاف؟ سلعاوي: خد الانسة، حطها في الحجز، وتعملها محضر سب. فاطمة: حجز؟ لاااا! أسفة.

كامل: وأنا مش قابل. آآآ... فاطمة: معقولة يا أستاذ كامل تحط خطيبتك في الحجز؟ كامل: أحط مين؟ خطيبتي؟ لا، مهو كل شي نصيب. فاطمة: أيوه، يعني أقصد إنك نصيبي وكده. كامل: خلاص، بديا سلعاوي، سماح المرة دي. امسح مفاتيحه وارتدي جاكته: اتفضلي أوصلك. *** بحر: أنتِ فين؟ عطر: كنت بجيب حاجات... بحر: فين يعني؟ عطر: في *****. بحر: خليكي عندك، أنا داخل عليكي.

أغلق الخط لتنظر لرفيقاتها بتعجب، وكادت أن تتكلم لولا سيارة بحر التي اصطفت أمامها. فتح الباب الأمامي من الداخل وهو يصيح بغضب: اركبي! عطر: ب... بحر: خلاصيييي! انثنت عطر لطلبه تحت نظرات الفتيات المتعجبة. لمار: هو في إيه؟ ورد: مش عارفة. ربنا يستر. *** وائل: أنتِ هتمضي هنا، وبكامل إرادتك، لأنك عارفة أنا ممكن أعمل إيه. منه: أنت عاوز مني إيه يا خي؟ حرام عليك. ابعد عني. وائل: هتعرفي بعد ما تمضي. ولا تحبي تعرفي قبل؟

أنا مش عندي مشكلة. أمسكت القلم ومضت بهدوء تام، وفعل هو المثل ليخرج للمأذون يعيد له دفتره. دخل لها مجدداً. وائل وهو يضغط على يدها: مبارك يا حرمي المصون. مش ده اللي كنتي عاوزاه؟ منه: ابعد عني، مش ناقصة هبل. صفعها لتسقط على الأرض. وائل: أنتِ مكانك هنا تحت رجلي. وأنا بقى هحاسبك على اللي عملتيه. واحدة واحدة. وورد هاخدها بردوا، لأني مش بسبب حاجة عاوزها. فاااهمة؟

من دلوقتي تبدأي تعدي ساعاتك القليلة اللي هتعيشي بكرامة فيهم. لأني مضطر أطلع، بس لما أرجع لك هنبدأ حسابنا على الهادي. *** صفعها لتسقط على السرير. عطر: أنت اتجننت يا بحر؟ بحر وهو يجذبها من يدها: عاوزة تخلصي مني يا عطر؟ بتساوميني على سمعتي؟ لا، وجايبة وسيط. عطر: أنا مش فاهمة حاجة. بحر وهو يقبض على شعرها: يا حرام. أفهمك أنا. رفع رأسها لتصبح في مقابل رأسه. بحر: بتبعتي الصور دي للصحافة ليه يا عطر؟ عطر: ....