رواية بلوتي القمر الفصل الأول 1 - بقلم لؤلؤة محمد

أنا جيت من السوق ياما ورفعتلك راسك وجبتلك حاجات ياست الكل هتخليكي منشكحه كده ومزقططه اه والله اه والنعم. ماما: يابت ده ابن البط عوام طالعه لأمك وريني جبتي ايه ياضنايا. هناء: شوفي ياست الحجاجيج جبتلك بطيخه. ماما: مين قالك أن دي بطيخه يا هناء. هناء: البياع قالي دي بطيخه بس مستويه أصل الناس بتشيل البطيخ من الشجره وهو لسه أخضر فالراجل المحترم الكومّل ده سابه لحد ما اصفر. ماما:

شجرة ايه ويصفر ايه يابنت الجزمه وجبتيها بكام. هناء: ١٢٠ ج بس يا ماما راجل طيب ومحترم اوي الله يكرمه. ماما: الله يهدك انتي وهو في ساعه واحده يابنت جزمه وجبتي ايه تاني يانيلة. هناء: جبتلك ماما يا طاسه أقصد طاسه يا ماما الراجل قالي تيڤال أصلي ونضيف على قد تقلي بيضه وصغننه ومحندقه كده وب٩٥ج بس. ماما: اه اه قلبي هتشليني يابنت المشلوله. هناء:

جبتلك بقى ايه فجل من اللي بتحبيه ومجبتش جرجير عشان انتي مبتحبهوش وجبتلك منه ب١٠٠ج يكفيكي شهر كلي وادعيلي. ماما: لا لا كده كتير كفايه ضغط وسكر كمان عاوزه تجبيلي المراره ده جرجير يابنت الهبله. هناء: ياما انتي شايله المراره أصلاً التسويقه اللي فاتت وبعدين الوليه بتاعت الخضار قالتلي ده فجل وده سيريس أخضر مورور أهو. ماما: ده انا اللي هسربك مع كلاب الشوارع يابنت الكلبه الجربانه ده جرجير وسبانخ يا مايله. هناء:

طب ماعلينا من ده كله جبتلك كوسه. ماما: هو احنا بناكل كوسه يابنت الموكوسه وكمان جايباها شايخه. هناء: اومال ألبسها بامبرز هقهقهقهق. ماما: ايه ده بس يا وليه هدي أعضائك بلاش الشبشب الجلد ونبي يالاااااااااااهوااااااااااي الحقوني هتاكل كبدي. هناء: لا وانتي الصادقه هاكل مصارينك مصرون مصرون يا ميلة بختك في بنتك يا اعتكاف. ماما: بيبقى في رمضان بس يا غاليه هقهقهق. هناء:

بتقفلي باب الأوضه عليكي قال يعني مش هطولك طب ورحمة أمك لأكون مستنياكي وجيباكي من أحشائك حشئوش حشئوش. ماما: خليكي قاعده كدهون يا وليه مش طالعالك هروح أكلم ملوكتي.