رواية بنات الملجأ الفصل الثالث 3 - بقلم مادونا عماد

غزل كانت ساندة راسها على الشباك ودموعها بتنزل بصمت. قطع صمتها صوت السواق: وصلنا. غزل نزلت ووقفت تتفرج على البيت. كبير أوي وفخم. البوابة اتفتحت والجنينة شكلها جذاب وفيها جميع أنواع الزهور. دخلت معاه وهي خايفة أوي. السواق: استني هنا، هقول لـ منى هانم ومدام ريم. بعد شوية طلعت امرأة جميلة وشكلها طيبة، وخليها بنت في سن 20 سنة وهي ريم زوجة سيف. منى باستغراب: أنتي غزل؟ غزل: أيوه. منى وهي بتبص لـ ريم: أنتي صغيرة أوي.

ريم: عندك كام سنة؟ غزل: 15 سنة. منى بهمس: دي صغيرة يا بنتي ومتنفعش. ريم بهمس: لو سمحتي يا ماما وافقي. منى: تعالي يا غزل جوا، ونبقى نشوف لما سيف يرجع من الشغل هنعمل إيه. غزل: حاضر. *** عند أسيل، وصلت بيتها الجديد. يارا ماسكة في إيديها بحب. يارا: وصلنا. أسيل بصت على البيت وكان جميل جداً. دخلوا. كريم (زوج يارا) : ها، إيه رأيك في البيت؟ أسيل: حلو أوي أوي. يارا مسكتها من خدودها: أنتي اللي حلوة.

يارا قعدت وقعدت أسيل على رجليها. يارا: قوليلي بقا اسمك إيه وعندك كام سنة، وعرفينا عليكي. أسيل: أنا اسمي أسيل، عندي عشر سنين، وليا أختي غزل بس هي سابتني. يارا بصت لـ كريم. كريم: اسمك حلو يا أسيل، وإحنا دلوقتي عيلتك الجديدة. أنا بابا ويارا ماما. أسيل: اسمك حلو يا يارا، وأنت اسمك إيه يا بابا؟ كريم بضحك: اسمي كريم. أسيل: اسمك حلو، بس يارا أحلى. يارا ضحكت. كريم بيمثل الزعل: ماشي، أنا زعلان. أسيل: خلاص ماتزعلش، اسمك حلو.

كريم شالها وزغزها هو ويارا، وضحكوا بصوت عالي. *** عند جنة، وصلت مع الناس اللي اتبنوه. مروة: ادخلي يا جنة. جنة بصت للبيت بخوف. طارق زوج مروة بخبث: أيوه تعالي، متخافيش. جنة خافت من طريقة كلامه، ولاحظت نظراته ليها طول الطريق. دخلوا البيت. مروة: بصي يا جنة، دي غرفتك. جنة: حلوة أوي. مروة: أنا بروح الشغل كل يوم، وطارق كمان. أنتي متخافيش، واوي تطلعي من هنا. جنة بخوف: حاضر. مروة: يلا، هسيبك ترتاحي شوية. يلا يا طارق.

طارق: يلا يا حبيبتي. *** في الملجأ. عند كيلا وتالا. كيلا: أنا غزل وأسيل وجنة وحشوني أوي. تالا: وأنا كمان. عطيات: كيلا، تالا، تعالوا. كيلا وتالا: نعم. راحوا معاها المكتب، وكان في واحدة ست. عطيات: اختاري واحدة يا مدام. حنان: هاخد دي. عطيات: اسمها كيلا. حنان: تمام، جهزي حاجتك يا كيلا. *** في المساء. تالا: كلهم مشيوا، أنا مش هستنى لما حد ياخدني، لازم أهرب. راحت الحمام وبصت للحمام، وفجأة سمعت صوت.