رواية بنات الملجأ الفصل الثامن عشر 18 - بقلم مادونا عماد

غزل: الو سيف: عاملة إيه؟ صحيتي ولا لسه؟ غزل بصوت عالي بسبب الدوشة حولها: صحيت ونزلت المول عشان زهقانة. سيف: إيه؟ إنتي إزاي تنزلي من غير ما تقوليلي؟ غزل: معلش يا سيف بس أنا حسيت نفسي زهقانة وأنت كنت مشيت. وفجأة الأصوات حولها علت أكتر وحصل خناقة وتجمع. سيف بقلق: هو بيحصل إيه عندك؟ وإيه الأصوات دي؟ غزل مسمعتهوش وفجأة حد حط منديل على وشها. بس حطت التليفون في جيبها وحاولت تزقه لكن فقدت الوعي.

سيف كلم صاحبه وقاله يتبع مكان تليفون غزل. وفعلاً صاحبه قدر يوصل للعنوان وهما فوق جبل. غزل فاقت وكانت واقعة على الأرض. بصت حولها برعب وشافت جبل عالي. غزل وهي بتتلفت حولها: أنا فين؟ سييييييف! جاسر: نورتي يا غزل هانم. غزل بصت وراها وشافته: إنت تاني؟ جاسر: ههههه. وفي حد لازم تشوفيه. وفجأة جت أسيل من وراه. غزل بصدمة: أميرة! ريم جت: تؤتؤ مش أميرة دي أسيل.. أختك. غزل بصدمة أكبر: أسيل!

أسيل بوجع: أيوه أسيل اختك. أسيل اللي سبتيها ناس متعرففهاش أخدوها معاهم. والحمد لله طلعوا ناس طيبين وعاملوني وكأني بنتهم. بس أنا كنت عايزاكي إنتِ. إنتِ يا غزل. ووقعت على ركبتها وعيطت.

غزل جريت عليها وحضنتها: أنا آسفة يا حبيبتي. آسفة يا أسيل بس مكنش بأيدي أعمل حاجة. والله مكنتش موافقة على إنهم ياخدوكي. بس عطيات هددتني للموافقة إني أتجوز واحد متعرفهوش وأنا طفلة. وكمان إنك تمشي معاهم كانت هتأذيكي إنتِ. وأنا خوفت عليكي ووافقت أتجوز سيف. وكان متجوز ريم وبيحبها. وطبعاً أنا دخلت بينهم وهو اتجوزني غصب عني. وعرف إن ريم ماتت. عشت أسود سنين حياتي معاه. كان بيضربني ويعذبني. بس آخر سنة دي بدأ يتغير معايا واعترفلي بحبه.

أسيل كانت بتسمع كلام غزل وهي قلبها بيوجعها. معقول تكون ظلمتها؟ وهي ضحت بنفسها عشان خايفة عليها. البوليس جه وسيف. ريم بجنون: لأ مش هتعيشي يا غزل بعد كل اللي عملتيه! وزقّتها بس أسيل وقفت مكانها بسرعة ووقعت من فوق الجبل. بس كانت متعلقة. أسيل بندم: سامحيني يا أختي. غزل: مسامحاكي. وإنتي هتطلعي. يلا هاتي إيدك. أسيل حاولت تمسك إيديها بس معرفتش وكانت هتقع. بس غزل مسكتها على آخر لحظة وسيف ساعدها وطلعت. وحضنت غزل واغمي عليها.

الضابط قبض على ريم وجاسر. في المستشفى. الدكتور كشف على أسيل. سيف كلم الكل وجم. أسيل فاقت وشافت الكل حولها. غزل: إنتي كويسة؟ أنادي للدكتور؟ أسيل بدموع: غزل أنا آسفة. غزل باست إيديها: خلاص يا أسيل. اللي فات ماضي. خلينا نعيش المستقبل. سليم: حمد الله على سلامتك. أسيل: الله يسلمك. سليم أنا عارفة إني وحشة أوي. بس ممكن تسامحني؟ وسامحوني كلكم.

سليم بمرح عشان يخفف عنها: أسيل أنا بحبك وعارف إنك من جواكي طيبة. وزي ما قالتلك غزل اللي فات ماضي. خلينا نعيش المستقبل ونتجوز. أسيل: بجد بتحبني بعد اللي عملته؟ أنا موافقة طبعًا. حسام: خلاص وفرحي أنا وتالا يكون معاكوا. مهند: وأنا وكيلا. غسان: يعني جت عليا؟ وأنا وجنة. الشباب حضنوا بعض. سيف: يبقى فرحنا كلنا الأسبوع الجاي. عدى أسبوع. أسيل خرجت من المستشفى واتحسنت. وكلموا كريم ويارا وحنان وباسم. والكل بيحضر للفرح.

في الفندق عند البنات. غرفة مخصصة للعرايس. البنت بتعمل لغزل ميك أب: أنا خلصت. يلا عشان تلبسي الفستان. البنات: وإحنا كمان خلصنا. بعد شوية كانوا لبسوا الفساتين. والشباب تحت بيستقبلوا المعازيم. حسام بغمزة: بصوا يا شباب الخمس مزز نزلوا. سيف بتحذير: حسااااام! حسام بخوف: احم. البنات كانوا نازلين على السلم وكل واحدة ليها جمال خاص. سيف راح مسك إيد غزل وباس راسها وراحوا مكان الكوشة.

وحسام عمل كده مع تالا. ومهند مع كيلا. وغسان مع جنة. وسليم مع أسيل. صاحب الدي جي مسك المايك وطلب من كل عريس يرقص مع عروسته. وشغل أغنية رومانسية. سيف: مبسوطة يا حبيبتي؟ غزل: أوي أوي. بعد مرور خمس سنين. سيف وغزل جابوا تؤام. كنان وكيان. سليم وأسيل جابوا بنت اسمها أسيا. مهند وكيلا جابوا حور وملك. حسام وتالا جابوا مالك ومروان. غسان وجنة جابوا ولد اسمه يزن.

أحببتك لا أعرف كيف. عقلي حائر. قلبي حائر. كل شيء حولي حائر. كل شيء يسألني لماذا كل ذلك التلهف على رؤيتك؟ لماذا تلمع عيناي فرحاً حين أراك؟ لماذا يخفق قلبي وأحس وكأن نبضه ازداد؟ وأدركت أنه حبك يسري بدمي دون أن أشعر. نعم إنه الحب الذي سيطر على كل قلبي وكياني وجعلني أحس حين أراك أني طائر يحلق في سماء الحب باحثاً عنك. لكي أشرب من كأس حبك وحنين قلبك وكأني لم أشرب عمري كله. وجئت أنت بحبك تروي عطش قلبي.