رواية بنت عمي الفصل الأول 1 - بقلم ملك حسن

بص يابني معلش خُد بنتي عندكوا الشهر ده وبعد كده تشكروا. مسلم: عادي ياعمي والله دا انت جمايلك مغرقانا. محمود: حبيبي يابني معلش بس تمارا عصبية شوية استحملها الشهر ده. مسلم: عادي يا عمي ولا يهمك. مسلم مهدي شاب جامد جداً في نفسه، شعره أسود عيونه رمادي، بيلبس على طول كاجوال غامق، عنده عضلات رياضي جداً، عنده ٢٥ سنة، أهله ماتوا في حادثة.

تمارا بنت جميلة جداً، رياضية، كاريزما أوي، لبسها كله غامق عبارة عن بناطيل وتيشرتات طويلة واسعة، شعرها طويل ولونه أسود، لسانها طويل، ١٧ سنة. محمود أبو تمارا كبير في السن، عنده ٤٨ سنة، مش رياضي خالص، طيب أوي. آدم صديق مسلم من وهما صغيرين، جامد وعنده عضلات ورياضي، عنده ٢٣ سنة. ندين صحبة تمارا من الإعدادية، عسولة وكيوت ورقيقة مش زي تمارا خالص، عندها ١٨ سنة. تمارا: فين الأوضة بتاعتي؟

مسلم: اهدي يا ماما، مفيش أزيكوا ولا أهلاً حتى، أي قلة ذوق دي. تمارا: أنا قليلة الذوق يا وقح، أنت أهلك معرفوش يربوك باين. مسلم: حيلك حيلك، أي يابنتي داخله حامية علينا ليه. تمارا: أنت مين أصلاً. مسلم: أنا ابن عمك، عندك مانع، واسمي مسلم. تمارا: مسألتكش عن اسمك على فكرة. مسلم: أنتِ بتكلميني كده ليه أصلاً، اتفضلي أوضتك اهي فوق على اليمين. تمارا: بكلمك إزاي يعني مش فاهمة، على العموم أنا طالعة أوضتي.

مسلم: أي البنت دي ياربي، أنت أبوك كان مستحملك إزاي مش فاهم. تمارا: زي ما أنت ما هتستحملني كده. عند مروة. مروة: الـ... منار: الو ياقلبي. مروة: بقولك إيه، متعرفيش تمارا راحت عند مين الشهر ده، ولا رموها في الشارع ههههه. منار: راحت عند ابن عمها، وشكله هيتردها برا البيت. مروة: نفسي أكسرها قدامي زي ما كسرتني كده بالظبط. فلاش باك.

تمارا: أنتِ يابت، على فكرة لو فاكرة إنك أخدتي مني مروان وهتكسريني وتغيظيني، لأ ياماما أنتِ بتحلمي. مروة: معلش يابابا، روحي شوفي بتعملي إيه، امشي. تمارا: علشان كنت عايزة أعرفه إزاي يتجرأ يكلمني أصلاً. مروة: على العموم أهو سابك، وبصلي أنا. امشي بقا وكفاية هري البنات ده. تمارا: أيوا ما البيض الممشش بيضحرج على بعضه، علشان كده جالك، أنا م هكتر أكتر من كده، بس أنا بشهد القاعة كلها إنه هيرميكي ويبص لوحدة تانية.

مروة: والله لأوريكي ياتمارا. عند تمارا. تمارا: ولا... يلا اسمك إيه ولا أنتم. مسلم: بتندهي عليا أنا. تمارا: أيوا أنت اسمك إيه. مسلم: وسعت منك دي، أنا قولتلك اسمي أول ما جيتي. تمارا: أنا جعانة، هتأكلني إمتى؟ مسلم: تطفحي إيه بقى. تمارا: اتكلم معايا بأسلوب أحسن من كده. مسلم: دا أسلوبي، عجبك؟ تمارا: أي موجود في البيت يتاكل؟