رواية بنت عمي الفصل الرابع 4 - بقلم ملك حسن

تمارا: طب ما تستناني آكل وألبس وأيجي معاك، لآني هموت من الزهق. مسلم: إحنا ٢٤ ساعة خناق وأنا مصدع مش مستحمل صوت جنبك. تمارا: والله ما هعمل صوت، هقعد معاك ساكت. مسلم: صبرني يارب، ماشي. خلصي وأنا مستنيكي في الجنينة. تمارا: ماشي، نصايه كده وجاية. مسلم: ماشي تمام. عند محمود أبو تمارا. محمود: الو يا مريم. مريم: الو يا محمود. محمود: أنا عرفت ابن أخويا وتمارا إني مسافر، ماشي. بس أنا في الفندق اللي في الجونة، تمام؟

مريم: وتمارا فين يا محمود؟ بنتي فين يا محمود؟ (نسيت أعرفكم، مريم مامت تمارا 🙂) محمود: مع مسلم يا مريم. مريم: مسلم ليه؟ دول مش بيطيقوا بعض وممكن يعمل فيها حاجة. محمود: أنا مش عارف إنتِ وبنتك واخدين فكرة وحشة عن ابن أخويا ليه كده. مريم: محمود، أنا هنزل مصر أجيب بنتي يا محمود، مش هاأمن لها مع مسلم. محمود: لآ، أنا وديت بنتك عند مسلم يمكن يحبوا بعض ويتجوزوا بدل ما تعنس جنبك. مريم: إنت شايف إنك اللي بتعمله ده كده صح؟

إنت كده أب كويس يعني. محمود: وإنتِ رميتك لبنتك وغربتك عننا دي كده أم يعني. مريم: بص يا محمود، بنتك عندك واعمل اللي إنت عايزه بقا، أنا اتعبت من مشاكلكم دي، براحتك بقا. محمود: ونعمة الأم الصالحة. ماشي يا مريم، سلام. عند مسلم. مسلم: تمارا خلصتي ولا لسه؟ تمارا: آآه خلصت ونازلة أهه. نزلت تمارا وكانت لابسة بنطلون أسود وعليه سويت شيرت أبيض طويل، وعملت شعرها كحكة، كانت كيوت 🥺🖤. مسلم: أنا مستنيكي في العربية. تمارا: ماشي.

ركبوا العربية هما الاتنين ومشوا. راحوا قعدوا على الشط. كان الصوت الوحيد اللي مسموع صوت الموج بتاع البحر.

مسلم: زمان وأنا صغير كنت على طول بضايق أمي وكنت على طول بزعلها مني، وأرجع أ صالحها. وأزعل من بابا لما يرجع وميجبليش حاجة حلوة، وكنت بسيبهم وأنزل ألعب مع صحابي. بس دلوقتي ندمت إني عملت أي حاجة تزعلهم. ندمت إني كنت بخليهم يناموا زعلانين مني. أنا مفتقدهم أوي بجد، ياريتني ما كنت بسيبهم وأنزل، ياريتني كنت خليتهم معايا، عايش تحت رجليهم. 😔💔 تمارا: اهدى اهدى، متعيطش. مسلم حط راسه على رجل تمارا، كان بيتكلم وفجأة سكت.

تمارا: إنت سكت ليه يا مسلم؟ مسلم: … 😴😴 تمارا: يالهوي، هو نام. أعمل إيه أنا بقا دلوقتي؟ أقوم أنيمه في العربية؟ الله وأكبر! هشيل كل ده؟ يا خلاصي! شكله بريء أوي وهو نايم، مش عصبي وتحسي إنه هيقتلك لو اتكلمتي معاه. طب أعمل إيه؟ أنا هخليه نايم وساعة كده وأقوم أصحيه. بعد ٤ ساعات، الفون بتاع تمارا رن. تمارا: يالهوي، هي الساعة كام؟ تمارا: مسلم مسلم، اصحي مسلم اصحي بقا. مسلم: في إيه يا بنتي؟ حد يصحى حد كده إيه!

تمارا: اصحي، إحنا نمنا قدام البحر والشروق طالع. مسلم: أنا نمت إزاي أصلاً؟ تمارا: احم… نمت على رجلي. مسلم: المهم دلوقتي نمشي ولا تتفرجي على الشروق؟ إنتِ معاكي راجل برضو. تمارا: لا مش عايزة أمشي، خليني أتفرج شوية، بس متنامش يعني. مسلم…..