رواية بنت الخدامة الفصل العاشر 10 - بقلم فريدة

سدره مين؟ ثريا: سدره مراتك اللي أنت رفضت تشوف وشها. هشام: يعني دي بنت زينب؟ طيب إزاي؟ ثريا: أيوه بنت زينب، مش بنت محمود المغربي. بس دلوقتي بقت بنتي أنا. هشام: أنا مش عارف إيه اللي بيحصل. ثريا: دي اختارك. وعلى فكرة سدره طلبت الطلاق. هشام: طلاق؟ ثريا: أيوه طلاق. مش ده اللي أنت عاوزه؟ هشام: ماشي. محسن: إيه؟ أنا قمت من النوم على صوتكم. ثريا: لا أبداً، أنا بقول لهشام إن سدره طلبت الطلاق. محسن: خسارة البنت.

ثريا: على فكرة سدره كانت بدأت تحبك، بس خسارة. هشام: تحبني أنا؟ محسن: أنت كل ما نقول لك كلمة مستغرب عليها. مش ده اللي أنت عاوزه؟ هشام: بس... ثريا: خلاص، مفيش بس. هشام ساب باباه ومامته وخرج. محسن: هو راح على فين؟ ثريا: راح لبنت محمود المغربي. محسن: مافيش فايدة. ثريا: إيه يا حبيبتي مالك؟ سدره: أنا لازم أمشي من هنا يا ماما. محسن: هتروحي فين يا بنتي؟ سدره: هرجع بيتنا. ثريا: لا يا حبيبتي ماينفعش، أنتِ دلوقتي مرات ابني.

سدره: بس هشام شافني. ثريا: إيه يعني يا سدره، ده جوزك. محسن: يعني هشام شاف وش سدره؟ ثريا: أيوه يا محسن. محسن: أيوه كده، وأنا أقول هشام ماله. مى: في إيه يا هشام؟ مالك؟ هشام: أبداً، بس لازم ناجل الخطوبة كام يوم. مى: ليه؟ فيه حاجة؟ هشام: لا يا حبيبتي، مشاكل في الشغل. مى: طيب حددي يوم يا هشام. هشام: الخميس اللي بعد الجاي كويس. مى: بس ده بعيد قوي. هشام: لا أبداً، الأيام بتفوت بسرعة. مى: ماشي، علشان بحبك بس.

هشام: وأنا كمان، وأنتِ عارفة. مى: طيب ما تقول إنك بتحبني. هشام: إحنا كده هنتاخر. مى: هنتاخر على إيه بس يا هشام؟ هشام: ورايا شغل. مى: يا دي الشغل. ثريا: أيوه يا عمر، أنت فين؟ عمر: أنا في البيت يا طنط. فيه حاجة؟ ثريا: أنا عايزك هنا حالا. عمر: هنا فين يا طنط؟ ثريا: يلا يا عمر بسرعة، متتأخرش. تعال البيت. عمر: فيه حاجة جديدة يا طنط؟ ثريا: أما تيجي هتعرف. محسن: أنتِ عايزة عمر ليه يا ثريا؟ ثريا: هو اللي هيحرك قلب هشام.

محسن: بس أصل عمر وصل. ثريا: بسرعة كده؟ محسن: لا، ده هشام. ثريا: هشام جه بسرعة، أنا كنت بقول هيأخر. محسن: بس شكله زهقان. ثريا: ولا يهمك منه. هشام: سلام عليكم. محسن: عليكم السلام. ثريا: إيه يا هشام، كنت فين؟ هشام: أبداً يا ماما، كان ورايا مشوار. محسن: عم صالح، افتح الباب لو سمحت. عم صالح: حاضر. ثريا: مين يا عم صالح؟ عم صالح: ده عمر بيه. محسن: اتفضل يا عمر. هشام: عمر، فيه حاجة ولا إيه؟ عمر: بذمتك ده موقفه؟

ثريا: فيه إيه يا هشام؟ اتفضل يا عمر. عمر: أمال فين سدره؟ محسن: سدره فوق يا عمر، فيه حاجة؟ ثريا: لا مافيش، بس أنا اتصلت بعمر علشان يخرج سدره، أصلها كانت زهقانة. هشام: يعني إيه؟ محسن: طيب كويس، إحنا متشكرين يا عمر. عمر: أنا تحت أمر الآنسة سدره. هشام: آنسة إيه؟ ما تحاسب على كلامك. عمر: أنا قولت حاجة غلط؟ هشام: بصراحة، أنت كله غلط. محسن: فيه إيه يا هشام؟ الراجل ما غلطش. عمر: خلاص يا عمي، أنا ما بزعلش من هشام.

ثريا: خلاص يا عمر، أنا هنادي على سدره. عمر: ماشي يا طنط. سدره: خلاص يا ماما، أنا جاهزة. ثريا: إيه القمر ده؟ خلي بالك منها يا عمر. محسن: (بصوت واطي) إيه يا ثريا، أنتِ فعلاً هتخلي سدره تخرج مع عمر؟ ثريا: لا طبعاً ماينفعش، ولا سدره هترضى. محسن: آه، بحسب. ثريا: أنا اتحايلت على سدره على ما وافقت تتكلم عمر أصلاً، بس علشان سدره تاخد بالها. سدره: فيه حاجة يا ماما؟ ثريا: لا يا حبيبتي، يلا علشان متتأخروش. عمر: يلا يا سدره.

ولسه هيخرجوا... هشام: على فين يا مدام؟