رواية بنت الخدامة الفصل التاسع عشر 19 - بقلم فريدة

ثريا: انته بتتكلم جد يا هشام؟ هشام: أيوه يا ماما. محسن: وايه اللي غير رايك؟ لسه الخطوبة كانت من كام ساعة! ثريا: مش مهم نعرف أي حاجة، المهم إنه مش هيجوز غير سدرة. محسن: تمام. عمر: مش ده الكلام اللي كنت بقولك عليه يا طنط؟ ثريا: فعلاً يا عمر، عندك حق. محسن: طيب، مش نسمع هشام هيقول إيه؟ هشام: الحقيقة مش عارف، أنا متلخبط. عمر: لسه مش عارف يا هشام؟ بعد ده كله؟ هشام: انته نسيت مي يا عمر؟ مش هتسكت؟

ثريا: أيوه، اختارك غلط من الأول. محسن: طيب، انته سبت مي إزاي يا هشام بعد كل ده؟ هشام: أنا اتخنقت بعد اللي حصل وسبت الحفلة وخرجت. عمر: طيب ومي؟ هشام: ولا خدت بالها أصلاً، مشغولة مع أصحابها. عمر: ربنا يستر، دي مجنونة. ثريا: ما هي دي بنت الحسب والنسب. هشام: أمال فين سدرة؟ ثريا: أخيرا يا هشام، قولت اسمها. محسن: خلاص بقى يا ثريا. ثريا: ممكن أسأل سؤال يا هشام؟ هشام: اتفضلي يا ماما. ثريا: أنت بتحبها؟

هشام: مش عارف والله، أنا كل اللي أعرفه إني ما استحملتش إن حد يهينها في وجودي. ثريا: بس دي بنت الخدامة. هشام: خلاص بقى يا ماما. ثريا: فعلاً، خلاص، المهم إنك عايزها. محسن: مش ده المهم يا ثريا. ثريا: في إيه تاني يا محسن؟ محسن: المهم سدرة عايزة إيه؟ دي إنسانة محترمة وبنت ناس، عندها كرامة وعندها قلب انكسر. ولا هو مجرد الأستاذ ما جه وعايز سدرة كده خلاص؟ ثريا: تصدق أنا من فرحتي نسيت كل الكلام ده.

محسن: لا يا ثريا، مش لازم ننسى. هي شافت كتير، ولا إيه يا هشام؟ هشام: عندك حق يا بابا. ثريا: أنا هطلع عندها، وإن شاء الله خير. محسن: القرار لها في الأول والآخر. عمر: طيب، استأذن أنا يا عمي علشان الوقت اتأخر، وإن شاء الله الأمور تتحسن. محسن: خليك يا عمر هنا النهارده، نام مع هشام، الوقت اتأخر. عمر: في إيه؟ مين اللي بيخبط بالشكل ده؟ محسن: الساعة كام؟ مين اللي جاي دلوقتي؟ محسن: افتح يا عمر. عمر: ثواني، في إيه؟

عمر: حضرتك مين؟ الشخص: هنتكلم على الباب. عمر: اتفضلوا. محسن: مين يا عمر؟ عمر: مش أنت علاء جمال؟ علاء: أيوه، وده يبقى بابا جمال الدين. محسن: طبعاً يا ابني، انته وبابا ك غنى عن التعريف. جمال: طيب، كويس إنك عرفتني كده هتسهل عليا. محسن: هو إيه الموضوع بالظبط؟ علاء: أنا هحكيلك على كل حاجة.