رواية بنت الصعيد الفصل الثالث 3 - بقلم هالة علي

أسر سرح فيها وفي جمالها، وحتى مسك سرحت معاه رغم تورطها. وفاقوا من سرحانهم في بعض على صوت طرق الباب. أسر: احم.. أنا هفتح الباب. مسك: احم.. تمام. أسر فتح الباب ولقى ست في عمر الخمسينات تقريباً. الست: صباحية مباركة يا عريس. أسر: الله يبارك فيكي. الست: الفطور يا بيه. أسر: لأ، نزليه تحت واحنا هنيجي. الست: تمام يا بيه، تؤمر بحاجة تانية؟ (معلومة: الست دي جاتهم مش خادمة، لأنهم عيلة عادية مش غنية) أسر: لأ. وبيقفل الباب.

مسك رايحة تفتح وتنزل، وبين عليها. أسر: انتي رايحة فين؟ مسك: نازلة.. في مانع؟ أسر بجدية: صليتي؟ مسك نزلت رأسها لتحت: لأ. أسر: امال.. نازلة ليه؟ وماسكة من ودنها (بهزار) مسك: انت بتعمل إيه يا مجنون انت؟ أسر: نازلة من غير ما تصلي ليه يا بت؟ دخل عليكي دم؟ مسك: أنا مش بصلي أصلاً. أسر بصدمة: نعاااااااااااااااااااااااام؟ ياختي ياختي.. مراتي مش بتصلي.. مراتي مش بتصلي.. مراتي مش بتصلي.

(هم قلبها أغنية محمد هنيدي في الخالة نوسة) مسك: اها. أسر: يالهويتي.. يالهويتي. مسك: ياخرابي. أسر: اه اه.. بت انطقي مش بتصلي ليه؟ مسك: ما هو أصلوا.. أسر: أصلوا إيه؟ مسك: أنا مش بعرف أصلي. أسر: ناااااااااعم.. ياختيييييي.. مش بتعرفي تصلي؟ ليه إن شاء الله؟ مفيش مدارس؟ مفيش.. وكاد أن يكمل، ولكن رأى مسك عندما هدأت والدموع تتجمع في عينيها. الدموع. أسر: في إيه يخرب بيتك؟ مالك؟ مسك: أنا مرحتش مدرسة. أسر: مرحتيش مدرسة إزاي؟

مسك: محدش خلاني أروح مدرسة عشان عادات الصعيد وكده. وأكملت بفرحة: بس أنا شاطرة وبعرف أكتب وأقرأ. بس مش بعرف أصلي عشان محدش علمني، وكل ما أسأل حد يتجاهلني. أسر: طيب.. بصي كده أنا هعلمك. مسك: بجد؟ لا لا.. انت بتضحك عليا صح؟ أسر: لأ يا ستي والله ما بضحك عليكي. ويلا عشان تتوضي. مسك: بجد؟ طاب يلا. أسر ومسك دخلوا الحمام وعلمها إزاي تتوضأ وتصلي وتقرأ إيه بعد ما تصلي. أسر: حرم.. مسك: احم.. أقول إيه؟ يلي ما تسمى انت؟

أسر: اللهم طولك يا روح.. يا بت اسمي أسر.. اسمي أسر. بعدين يا ستي قولي جمعة. مسك: طاب طاب.. بس تعرف إن روح دي بنت خالتي وأقرب حد ليا. أسر: بت.. يلا ننزل.. إحنا لسه هنرغي. مسك: طاب يلا. بعد ما نزلوا تحت. محمود: صبحية مباركة يا عريس. أسر: الله يبارك فيك يا بابا. محمود: ازيك يا عروسة؟ مسك بخجل: الحمد لله يا عمي. أسر بيتفاجأ جداً من خجلها.

أسر في نفسه: هي البت دي عليها عفريت.. بس ونعمة جامدة. والله أنا ماعرف مين حببني في سما.. يأتي أبو العروسة وبيسلم على أسر. أمير: صباحية مباركة يا عريس.. كيفك؟ أسر: الله يبارك فيك.. الحمد لله. أمير بيجي يسلم على مسك. مسك بتترعش جامد وبتمسك في إيد أسر جامد. أسر بيحس بيها وبص عليها. وبيلاقي إن الدموع متحبسة في عينيها. أمير: بيمد إيده عشان يسلم وفجأة بيمسك إيده أسر بدال مسك. أسر: معلش يا عمي.. دي بقت مراتي خلاص. أمير

وكان قرب ينفجر من الغيظ: هههه.. أكيد يا عريس. محمود: مش يلا نفطر بقا؟ الكل: يلا. وكلهم متوجهين على السفرة. تلفون أسر بيرن. أسر: آلو.. مين؟ أسر بصدمة وهو بيزعق لراجل: انت بتقول إيه؟ طيب.. طيب أنا جاي. وقفل السكة. مسك: هو في إيه؟ أسر بعصبية: انتي تسكتي خالص.