رواية بنت بمدرسة عيال اغنياء الفصل السادس وستون 66 - بقلم ماري جو

السلام عليكم ورحمه الله وبركاته
.
.
البارت السادس والستون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[بداية المهرجان1]
.
.
اعتذر على الاخطا الاملائيه ×__×

.
.
رفعت راسي وانا اناظر الطياره

/متى اخر مره سافرت ،

سالت نفسي وانا اشوفها .. فعلا الطياره كبيره ..

/زيــــنب ،

التفت وشفته وهو يركض ويلوح لي وساحب الشنطه وراه ابتسمت له وقلت

/ واخيرا جيت راح تفوتنا الطياره ،

وقف قدامي وهو يلهث وناظرني وقال والابتسامه شاقه وجهه/واخيرا راح نسافر .. المهم وين الشباب ما اشوفهم؟ ،

رجعت نظري لطياره وقلت وانا ابتسم/سبقونا هذي اول مره اشوفهم متحمسين ،

ضحك ومسك ايدي وجرني وراه وقال والحماس يشتعل فيه/جزر المالديف انا قادم اليكم ،

هذا الولد مخبول ،

ركبت الطياره وانا اشوفهم بعضهم يتهاوش مين يجلس جنب الدريشه(شباك. نافذه) وبعضهم من قوة الحماس ناموا والبعض ملتهي ب اغراضها ،

باسل/زياد تعال اجلس جنبي ،

ناظره فيصل وهو مطير عيونه/وانا بسكوت ابو موز ،

باسل/ايه صح نسيت انك موجود ،

فيصل/ايه هين ياويلك ان طلبت مني شي وانت وخر خلي زياد يجلس جنبي مابيك انت ،

وهكذا بدت المناقاشات بينهم تجاهلتهم وناظرت فهد وما إن شفته حتى قلبت عيوني بانزعاج فهد جالس جنب خالد افف ..

سمعته يقول لي بهمس/خلينا نجلس جنب بعض انا للحين ما شبعت من شوفتك خيتي ،

ابتسمت على كلامه.
/ايوه والحين وين بنلقى مكان؟ ،

وهو يشوف الاماكن اللي امتلت ..

واحد الطلاب اللي كانوا موجودين قال وهو يلوح لي/حجزت لكم مقعدين جنب بعض شوفوا قبل الاخير ،

مريت من عنده وضربت يدي بيده وقلت وانا اناظره/انت الاروع ،

سمعته يضحك ويقول/انا ادري ،

جلست وجلس جنبي وقال وهو معقد حواجبه/اشوفك تأقلمتي معاهم ،

سندت راسي على الشباك(النافذه) وقلت/لي شهرين معاهم اكيد راح اتأقلم ،

تنهد وسند راسها على الكرسي وقال/لا تنسين وش تصيرين بالاخير ،

غمضت عيوني وقلت/مانسيت ي مهند!! ،

سمعت الكابتن يقول بالميقرفون/نرجوا منكم الجلوس ب مقاعدكم وربط الاحزمة وبأذن الله س نصل بعد 24 ساعة من الان نتمتى لكم رحله سعيدة ،

24 ساعة وقت طويل وهذا يكفيني انام ..

انتم الحين تتسالون وش صار نرجع لورا وقبل 4 اسابيع ،

-
-

بعد ما نمت عند سامي ما حسيت بي شي لا من دخل ولا من طلع تتسالون ليه جيت عند سامي لان لو نسيتوا وش قال حمد عند راشد انا اذكركم (قال/بنام اليوم عندك وبكرا بروح عند خالد والشباب وبطلع من المدرسه وبعدها بجي للمهرجان ،) وبما ان سامي ما عنده شريك بالغرفه ف ااخترت اجي عنده وغير هذا لو جاء حمد عند خالد وشافني نايمه عنده توقعوا اسواء الاشياء اللي بتصير لي ..

فتحت عيوني وانا حاسه بالتعب جسمي احسه متكسر اتوقع انه من النوم قمت بتعب واخذت جوالي اشوف الساعة توسعت عيوني وانا اشوف الساعة 4:34 نمت كثير .،،

ثلاث رسايل وسبع اتصالات
رسالتين من راشد ورساله من فهد واربع اتصالت من راشد ووحده من سامي وثنتين من فهد ..

فركت عيوني وفتحت الرسالة الاول وكانت من راشد

"حمد رايح عند خالد وينك انتي؟؟"

الرساله كانت من الساعة 8ص

فتحت الثانية وكتب فيها"انا جاي مع حمد اطلعي بسرعه قبل لا يوصل" وكانت الساعة 8:5ص

فتحت الرساله وكانت من فهد وكاتب"لا تجين عند خالد ترا حمد موجود عندنا وانا احتاج تفسير"
وكانت الساعة 8:45ص

والحين الساعة4:55م يعني مرت سبع ساعات ،،

الحمدالله ان اليوم اجازه ولا كان انا الحين مطروده من المدرسة غايبي كثير يمكن الحين تعديت 40 غايب ..

قمت ورحت غسلت وجهي وطلعت الجوال واتصلت على راشد ..

راشد/الو زينب ،

/هلا ،

راشد/وينكِ ،

/انا بشقة سامي ،

راشد/وليه عنده؟ ،

/ماكان عندي مكان انام فيه لاني لو نمت بشقتي كان الحين لقاني حمد ف اخترت انام عند سامي ولانه ماعنده شريك بالسكن ،

ما سمعت رد من راشد ف قلت/حمد راح؟ ،

راشد/ايه راح من زمان ،

/طيب الحين بغسل وجهي واطلع اتمشى وروح اكل لي شي من المطعم وبعدين ابروح اذاكر ،

/راشد؟ ،

استغربت لاني ما سمعت صوته ف صدمني وهو يقول
/امس كنتي تبكين ،

/انت تحلم ،

سكرت الخط بوجهه وقمت اغسل وجهي ،،

طلعت لصاله وشفت على الطاوله صينيه فيها فطاير وعصير برتقال ..

بلعت ريقي وانا اشوف الاكل بطني راح تاكل نفسها لاني جوعانه ويمكن الاكل مو لي يمكن لسامي مخليه له لا جاء بس انا جوعانه وخرت عيوني عن الاكل ومشيت ويوم جيت افتح الباب رن جوالي وقفت وسحبت الجوال وشفت مكتوب"سامي"

سامي/زياد؟ ،

/هلا ،

سامي/زين انك قمت اسمع في على الطاوله فطور مسويه لك كل ولا خلصت تعال لشقة فهد حنا هناك ،

/فيه معكم احد؟ ،

سامي/لا مافيه احد يلا بسرعه لا تطول ،

/سامي ،

سامي/هلا ،

/راح اعطيك رقم انجلينا جولي ك شكر ،

سامي/طيب ،

سمعته يضحك ويسكر الخط ..

رجعت لورا ووقفت عند الطاوله وقلت/فطايري الشهيه اي لف يو ،

سحبت الاول وكانت بالجبن والثاني بالتونه والثالثه بالخضار والرابعه بالدجاج والاخيره كانت باللحم وكلهم كانوا كيذا منوعات طعمهم خيال والعصير شي ثاني
اربع دقايق خلصت من الاكل ،،

طلعت من الشقة وتوجهت لغرفة فهد ورائد ..

اسمع الطلاب السكن يتكملون المهرجان وعن العروض وعن الجوايز وعن ملابسهم بس في محادثة شدتني اسمعها ف وقفت وسمعتهم يقولون

(1؟)/سمعت عن التفتيش ،

(2؟)/ايه سمعت عنه يقولون انه بكرا او اليوم ،

(1؟)/لا مو اليوم او بكرا سمعت من واحد من اللي اعرفهم يقول بعد ما يخلص المهرجان بيومين راح يفتشون السكن كله ،

(3؟)/الحين وين راح نخبي اغراضنا ،

(2؟)/اسكت بس اللي يسمعك يقول ان حنا مخبين مخدرات كل اللي مخبينها مجلات واشرطه فيديو ،

(3؟)/ايه بس ماهي اي اشرطه هذي اشرطه اباحيه :) ،

ما قدرت اكمل محادثاتهم ف كملت طريقي وش هالشباب هذولي وش صاير بالدنيا ما يخافون من الله مافي احد راح يهوقنا غيرهم الحمدالله شلة فهد مو كيذا ولا كان تبريت منهم كان من الافضل ما اسمع محادثاتهم ..
بس راح يصير فيه تفتيش!! يعني راح يتفشون كل غرفه بالسكن والاكيد راح يتفشون غرفتي ولو فتشوها راح يلقون اغراضي *O* ..

وانا مالي مكان اخبيهم من وين اطلعت هذي المشكله!!!!!!!!!!! ،،

وصلت وانا للحين افكر وشلون بطلع نفسي من هالمشكله ..

تنهدت ب انزعاج وطقيت الباب وماهي الا ثواني حتى انفتح الباب وكان رائد ..

رائد/صح النوم ،

ابتسمت/صح بدنك .. وينهم؟ ،

سالته وانا اشوف الصاله فاضيه

رائد/راحو وشوي بيجون ،

/وين ،

رائد/راحوا يجيبون اكل جاهز ،

اكل جاهز؟؟ استغربت لان بالعاده فارس هو اللي يسوي ونادر ما ناكل من الطمعم غريبه وش فيه؟؟ ،

/ليه وين فارس؟ ،

رائد/فارس رجع لبيته ،

ناظرته وانا معقده حواجبي/ليه سلامات وش فيه؟ ،

رائد/مدري والله بس اهله استدعوه ،

همهمت له وجلست بالصاله وقلت بنفسي/اللهم اجعله خير ،

جلست انا ورائد نتكلم حتى جوا الشباب وجابوا الاكل معهم ،،

-
-

(؟)/انت مجنون ،

(؟)/وليه مجنون ،

(؟)/تدري لو عرف انك تساعدها راح يمسح عايلتنا ،

(؟)/انا ادري ،

(؟)/تدري ومع ذلك تساعدها ومع ذلك انت خليتني اكلم حمد!! ،

التفت لها وقال(؟)/لا تقولين لي انك خايفه منه؟ ،

ابتسمت بسخريه وقال(؟)/لا حبيبي انا مو خايفه انا مستغربه من تصرفك ،

(؟)/تصرفي؟ تصرفي كان طبيعي اتجاه صديق ،

ضحكت تحاول استفزازه وقالت(؟)/صديق؟؟ انت كاذب لا تنسى انك توأمي واني احساسك هو احساسي ،

قلب عيونه بملل وهو يسمع كلامها ف قال(؟)/يمكن اعجاب بسيط بس ما يوصل الحب صديقني ،

قلبت عيونها وهي تتجاهل كلامه

ف قال(؟)/وغير هذا من اول ما شفته وانا احساس الذنب ياكلني كاني سويت له شي يخليني ابكي انتي ماجاك هذا الشعور؟ ،

(؟)/بلا جاني وهذا اللي خلاني اساعدك لاني حسيت بالذنب ،

-
-

باسل/المدرسه كلها تدري ان فيه تفتيش راح يصير بالسكن ،

خالد/اي بس ماحد يدري متى ،

زينب/وليه هالتفتيش ليه يسونه ،

فيصل/علشان ينظفون المدرسه من الاشكال الوصخه ،

زينب/اشكال وصخه؟ ،

فيصل/اي شباب ما يستاهلون يقعدون بالمدرسه يوسخون المدرسه ،

زينب/طيب اسمعوا بسالكم ،

التفتوا عليها ..

زينب/تخيلوا تخيلوا تخيلوا لو لقوا بنت بالمدرسه وش بيصير ،

الشباب/………………………… . ،

زينب/انا اقول تخيلوا يعني ،

فيصل/بصراحه انا راح اهنيها ،

زينب/ليه ،

فيصل/لانها امتلكت هذي الجراءه ،

باسل/اصلا مارح تكمل الاسبوع لانها راح تنكشف ،

حمد/والله اني ارحمها اللي بتدخل او حتى تفكر ،

زينب/طيب عادي ،

خالد/لا مو عادي لو لقوا بنت بهذي المدرسه راح ينتهي مستقبلها ،

زينب/انا اتذكر قوانين المدرسه بس حبيت اسال ،

سامي/انا اصلا استبعد فكره ان في بنت بمدرستنا ،

زينب/ليه ،

سامي/لان فيه شيئين يسونها المدرسه كل سنه ،

زينب وهي تقعد حواجبها/وش تقصد ،

سامي/المدرسه كل سنه تسوي فحص شامل لطالب ،

قربت لمه وهي مطيره عيونها/وشلون ما فهمت ،

سامي/يعني يجيبون دكاتره لفحص الطالب يفحصون جسمه وحالته النفسيه ،

زينب/ا..انا سمعت عن هذا الشي بس توقعت انه كذب ،

تركي/لا هذا الشي صحيح كل سنه يفحصون الطلاب ،

التفت على فهد وشافته وهو يفكر بشي ..

زينب/طيب والشي الثاني؟ ،

حمد/الشي الثاني هو تفتيش السكن الطلاب وسكن العمال ،

زينب وهي ترمش بسرعه/و..وليه كل هذا التشدد؟؟ ،

احمد/لانهم يخافون على الطلاب وعلى المدرسه يخافون اذا كان الطالب يتعامل مع المخدرات او المسكرات او يجيب اشياء ممنوعه او اذا كان فيه بنت موجوده بالمدرسه ،

زينب/وليه خايفين ان بنت تدخل مدرسه بكل مكان ممنوع دراسه البنت بمدراس عيال بس هذي المدرسه متشدده بشكل يخوف ،

الكل سكت ونزل راسه وكأنهم تذكروا شي مخيف ..

زينب/فيه شي صح!! ،

فهد/المدرسة قبل اربع سنوات احترق نصفها ،

بصراحه هي ما استغربت كثير ف قالت/طيب وش دخل دخول البنت ،

خالد التفت على رائد وكان ساكت ومبعد نظره عنهم ..

زينب/انتم بديتوا تخوفوني وش فيه وش صار ،

رائد بشحوب وبهدوء/بنت احترقت واحرقت المدرسه معاها ،

توسعت عيونها بخوف وصدمه ..

بنت احترقت بالمدرسه!!

زينب/ا..انتحرت؟ ،

رائد وهو يهز راسه بمعنى لا/لا للاسف وحد من طلاب المدرسه حرقها ،

حست بالدنيا تدور حولها وكأن صاعقه ضربت راسها الخوف تملكها ..

تركي يكمل/الشخص اللي حرقها اخذها بنص الليل وربطها وهي فاقده وعيها وكب عليها بنزين من راسها لرجلينها وبعدها فك رباطها وشغل عليها النار وهي حست بالنار ف راحت تركض وهي تصرخ وتبكي وهي تركض اشتعلت معاها نص المدرسه واحترقت و..و ،

ماقدر يكمل لان االعبره خنقته ف فضل السكوت

باسل بهدوء/عدد الجرحه 402 وعدد القتله 201 ،

رفعت نظرها له وقالت وعيونها متوسعه/ف..في قتله؟ ،

هز براسه وكانه يقول(ايه) ،

زينب/ليه حرقها؟ ،

حمد بشحوب/ماحد يدري عن السبب ،

خالد/البعض يقول انه حرقها لانها رفضته ،

زينب/مين اللي حرقها ،

فيصل/كان واحد من الامراء المدرسه قبل اربع سنوات ،

زينب/ومين البنت؟ ،

رائد/ماحد يعرف مين هي ولا حد تعرف على هويتها وحتى بشكلها الولدي ماحد تعرف عليها ،

زينب/ماحد سال من اهلها ،

رائد/سالوا زميلها بالسكن وقال انه يتيم الاب والام وكانت هاربه من دار الايتام ،

رائد يكمل/ابوي قبل لا يمسك المدرسه عمي الكبير تحمل مسؤلية كبيره حتى انه مرض بسبب هالشي ومات بعد سنتين من التعب والهم ،

زينب/مين اللي حرقها؟ ،

خالد/اللي حرقها واحد من الامراء اللي قبل وبعد يومين الجريمه انتحر هو ،

احمد/والادهاء من هذا اخو القاتل موجود بالمدرسه وهو واحد من الامراء الثلاثه الموجودين ،

تركي/ماحد يدري عن هذي القصه الا حنا وياسر وثلاث من عمال المدرسه وبينهم راشد واوسامي ،

حمد/ابطال المدرسه واللي تفتخر فيهم هالمدرسه هم حمد وعبدالله واوسامي وراشد والهيثم وفيه اثنين وهم كانوا قبل هذولي الامراء السبعه كانوا متواجدين ب ايام الجريمه ف هم انقذوا حياة الطلاب وطفوا جزء من حريق المدرسة ،

باسل/وعلشان كيذا اكثر الاماكن بالمدرسه محظوره تدخل لها لان بذيك الاماكن اشتعلت النار فيها وما كملوا ترميمها ولهذا اليوم هم يرممونها ،

ماقدرت تتحمل اكثر من هالصدمات ف قامت بسرعه وقالت/برجع لسكن ،

مشت وفتحت الباب وطلعت واول ما اطلعت بدت تركض ب اسرع ما عندها حتى وصلت لشقه افتحت الباب وسكرته وهي تلهث ..

اخذت الجوال واتصلت على عمتها واول ما جاها الرد كان
/الو بنتي؟ ،

تكلمت زينب وكانها راح تبكي/انتم وشلون ترموني لهذي المدرسه هاه؟؟ وشلون فكرتوا تخلوني بالمدرسه انتم اكيد تعرفون ماضيها ،

خلود/ز..زينب انا ،

زينب بعصبيه/انتي وشوو؟؟ انتي تعرفين ماضي هالمدرسه ومع ذلك وديتني لها انتي تعرفين وش اكثر شي يخوفني واللي عند فوبيا منه صحح والالا؟؟؟؟ ،

خلود/هذي ابعد مدرسه قد ،

زينب بمقاطعه/خلاص مابي اسمع شي منكم هذي شكلها اخرتي انا بعد ،

سكرت الخط ،

وماهي الا دقايق بدا جسمها يرتجف بشكل خفيف والعرق يتصبب منها عرفت ان حالتها راح تزداد ف اسرعت لغرفتها وجلست تدور دواها حتى لقته ..

اخذت حبتين وابلعتهم وهي تحس ان جسمها بدا يزداد ارتجافه ..

طاحت على السرير وهي تحس بتعب وارتجافها بدا يخف غمضت عيونها وهي تقول بنفسها/مسكينه البنت ،

نامت والتعب هلكها نامت وهي تتمنى ان بكرا يصير اجمل واحسن من الايام اللي فاتت هي تعبت من الحزن تعبت من كل شي ماعاد صارت تضحك مثل قبل ولا قدرت تبتسم مثل قبل الفرح صار بعيد عن قاموسها وبسبب هذا الشي جتها هالحاله ..

-
-

وبعد مرور ثلاث ايام ،

تركي وهو يطلع من الغرفه ويعدل ملابسه/هاه وش رايكم ،

زينب وهي تناظره/حلو حلو كل شي حلو فيك بس باقي تلبس العدسات ،

فارس/وانا وش رايكم ،

التفت عليه زينب وقربت لمه وسحبت النظارات وقالت/انت احلا الحلوين بس شيل النظاره ايوه كيذا احلا ،

اجتمعوا كلهم بالصاله وهم لابسين ومتجهزين

خالد/يلا خلصنا ،

ناظرتهم زينب وقالت بطريقه دراميه/اه قلبي الصغير لا يتحمل ،

شافتهم كيف وهم يخجلون ف اضحكت عليهم وقالت/يلا يلا بس صدقوا انفسهم ،

خالد/المهم جاهزين خلاص؟ ،

الشباب بصوت واحد/اي ،

خالد وزينب/واللى المهرجان ،

كانوا كلهم لابسين ملابس التنكر الخاص فيهم وكل واحد كان متحمس لليوم هذا ..

وهذا اليوم هو الاول للمهرجان السنوي ،

..
كلام مهم اقروه تحت
.
.
.
..
.
.

ومن هنا نوقف ونكمل بالبارت القادم..

اتمنى انه نال اعجابكم ..

احم وش رايكم بالبارت :$
هو صحيح مو طويل بس احسه انه مشوق لكم يعني حاولت بقدر الامكان اخليه مشوق :)) ،

المهم شوفوا انا الاسبوع الجاي مارح انزل شي ويمكن اقعد اسبوعين بعد مارح انزل لان الاختبارت النهائيه الاسبوع الجاي وهذي اخر سنه لي بالثانوي ف لازم اشد حيلي وكذا ..

وادري والله اني اتاخر بس وعد البارت الجاي راح يصير طويل مراا لاني راح اجمع جزئين من بارت المهرجان ..

ياليت تتفهمون وضعي ولا والله كان ودي انزل لكم ..

لاتنسون تعليقاتكم هي سبب نجاح الروايه ،،

وهــبي هــبي مــاري…$

دمــتــم بــخــير…&