رواية بنت بمدرسة عيال اغنياء الفصل التاسع وستون 69 - بقلم ماري جو

لسلام عليكم ورحمه الله وبركاته
.
.
البارت التاسع والستون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[مهرجان البداية النهايه]
.
.
اعتذر على الاخطا الاملائيه ×__×
.
.

اسفه ع التاخير توي اوصل البيت كنت مسافره وماكان عندي نت :( وترا البارت قصير لاني توي كتبته ...
.
تسمع الاصوات تقترب منها بس هي عاجزه ماتقتدر تفكر ولا تقدر تتحرك فقط جالسه وهي تناظر الجسم المتمدد على الارض بسكون انفاسها تتسارع قلبها مضطرب وعقلها مشوش كل اللي كانت تفكر فيه هو انه"مات!!!" ..

الاصوات كل ما تقترب وهي عاجزه عن الحراك حتى حست بشي ينوضع على كتفها شي دافي وشي غطاها عرفت انها منشفه!!..

في البدايه توقعت انهم وصلوا لها واحد غطاها بس هذا التوقع شالته من تفكيرها يوم اسمعت ان اصواتهم بعيده عنها حاولت تلتفت تناظر مين اللي حط عليها المنشفه ،،

لكن حست بيدين الشخص تنحط على كتفها ويقرب فمه لاذانها بهدوء ويهمس بصوته الهادى/ هو نايم ،

ناظر الشخص النايم بسكون ف قال مكمل/لا تخليهم يشوفونك ،

وبهدوء ترك المكان واختفى ..

نصف منها كانت تحاول تتذكر صوته تتذكر وين سمعته بس بدون ما تنتبه لنفسها قالت/ميكي ماوس؟ ،

ناظرت وراها بس ماكان فيه احد ارجعت نظرها لشخص النايم ناظرت صدره ف شافت انه يرتفع ويحبط بشكل خفيف ف اعرفت انه يتنفس وبهذي اللحظه كل من الدكاتره والموذعين ومجلس الطلبه اجتمعوا ،،

-
-

كان كل من مجلس الطلبه والامراء مجتمعين على طاوله طويله وعريضه وكراسي الطاوله تشبه طاولة الاجتماعات لشركات ومؤسست ..

وهنا احتد الكلام بين مشعل وآدم

مشعل بحده/القاعده قاعده ما تتغير وهذا كانت شرط المسابقه اللي يطلع الصندوق الاول يفوز ،

آدم ناظر مشعل بعيونه وابتسامة السخريه مرسومه على شفايفه وهو يقول/اللي طلع الاول زيد او زيدان اين كان اسمه المهم هو طلع الاول وهو الفائز ،

وقبل ما يتكلم مشعل بعصبيه قاطعه ياسر وهو يناظر مشعل ويقول بهدوء/مشعل زياد سوا شي انساني لو كان غيره كان تركه ميت ،

مشعل/اي صح عمل انساني وهذا شي يرفع الراس بس القواعد قواعد اي واحد يطلع الصندوق الاول يفوز ،

شهاب وهو يدور القلم ب اصابعه وبعدم اهتمام/مشعل لا يصير راسك يابس وكلام ياسر صحيح لو كان واحد اناني وشجع ومحب للفوز كان ترك المتسابق يموت بالبحيره ،

عبدالرحمن ببرود اعصاب/اللي فاز هو زياد وانحلت المشكله ،

التفت عليه مشعل وقال وهو رافع حاجب/طيب خلينا نقول انه هو الفائز ليش ماشال الصندوق معه ليش ماخذ ماشال الاثنين المتسابق والصندوق ،

عبدالرحمن اخذ كاس الشاي من قدامه وشربه وقال وهو يحط الكاس على الطاوله ويناظره بهدوء/زياد جسمه ما يسمح يشيل اثنين كانت معجزه انقذ المتسابق من الغرق ولو مهادته بالسباحه والانقاذ كان مضطر انه يغرق معه او يتخلى عنه وينقذ نفسه ،

آدم وهو يطقطق اصابعه/جسمه ضعيف؟ ،

شهاب وهو ينظره ب استغراب/ليش ماشفته بين المتسابقين وبين المراحل المسابقه؟ ،

آدم/لا ما كنت مهتم ،

عبدالرحمن/غريبه انت ماتعرف اصدقاء اخوك؟ ،

آدم وهو يضيق عيونه/اخوي؟!! خلينا من هذا اوصف لي كيف بنية جسمه؟ ،

شهاب/نحيف مره كان نحفه نحف بنت وقصير القامة اعطيه بال159 او بال160 اي واحد يشوف شكل جسمه بيقول انه مارح يتحمل حتى تضربه بالورد بس العكس صحيح سمعت من الطلاب ان شال اوسامي على كتفه وضربه بالارض وبدافع الفضول ناظرت تقريره لقيت انه ماخذ جوائز كثيره عن الدافع عن النفس و ،

وبهذي اللحظه قاطعه شخص على شفته ابتسامة هادئه وملامح حانيه وهو يقول بهدوء والابتسامة عليه/اعتقد اننا انحرفنا عن حديثنا الاصلي! ،

شهاب وهو يقول باحراج/اعتذر ،

آدم وهو رافع حاجب ومنزل الثاني/رعد؟ ،

رعد وهو يناظر مشعل/مشعل اذا جبت لك دليل ان زياد هو اللي طلع الاول بينهم راح توافق؟ ،

مشعل وهو يتنهد بيأس/اي ،

رعد ناظر آدم وقال بهدوء/آدم حنا الحين نتناقش عن موضوع المسابقه وانا ادري انك فضولي حول هالاشياء بس هذا الوقت حنا في مشكله ف خلي فضولك بعيد شوي وركز معنا ،

آدم وهو يقلب عيونه بملل/طيب ،

اعطاه ابتسامه ،،

شهاب بتسأل/وش سبب غرق المتسابق؟ ،

ياسر/جاه شد عضلي برجله ،

همهم شهاب ..قرب

وبهذي اللحظه ادخلوا المتسابقين بمسابقه البحيره وكانوا للحين لابسين ملابس الغطس ف قال رعد موجه الكلام لهم ب ابتسامة/تذكرو الهدف من المسابقه هو الاستمتاع وزيادة الحماس وتقوية الاخوه بينكم ،

اخذ نفس وكمل/انا ادري ان كل واحد فيكم يبي يفوز وانه يطمع بالجوائز .. لكن فوق كل هذا ضميرك اتجاه اللعب والامانة انتم شفتوا بعيونكم وش صار قبل شوي وانتم الشاهدين الوحيدين وانتم بتقررون اذا المتسابق رقم2 يفوز او لا ،

ناظرهم وكمل/انتم شفتوا زياد وهو يشيل الصندوق ويسبح فيه؟ ،

كل من مجلس الطلبه والامراء كانوا يناظرون بعيون المتسابقين ف البعض منهم يتمنى يقولون الحقيقه والبعض ماكان مهتم كل اللي شاغل تفكيره ان يرجع لسكنه وينام ..

رعد وهو يتنهد بخيبة امل/يعني ماشفتوه وهو يشيل الصندوق؟ ،

كان الصمت سيد الموقف بينهم .. هو كان متوقع 90% انه مافي احد راح يجاوب او يقول الحقيقه ليه؟ لان الجوائز كانت قيمه وصعب انها تحقق مره ثانيه وبالاخص جائزة السفر والامنية ف البعض كان يبي الامنية يحقق فيها امنيته ويطلع شهر كامل خارج المدرسه يقابل اهله واصحابه ومنهم كان يبي جائزة السفر لجزر المالديف مو عشان الاستمتاع للخرب .. ف كل واحد كان يبي الجوائز هذي ويحقق اللي يبي ويصل للي يبيه وبالمقابل يسكتون عن الحق ،،

مل مشعل من الانتظار ف قال وهو يناظر آدم والباقي/شفتوا مافي احد شاف زياد وهو يشيل الصن ،

قاطعه واحد من المتسابقين وهو يقول بنزعاج/انا شفته وهو يشيل الصندوق ،

وقال واحد ثاني/وانا شفته ،

وهكذا حتى قالوا كلهم ..

ياسر وهو يوقف/وهكذا انتهى الموضوع ،

سكر الباب وبدا يمشي بهدوء وهو يحس انه بيغمى عليه من التوتر والقلق رجلينه مو قادره تشيله هو حتى مايدري كيف قدر يسيطر على نفسه ..
كل ما تذكر شكل آدم وابتسامته الخبيثه ترسل لعموده الفقري قشعريره ،

ياسر وهو يمشي ويقول بنفسه/اتمنى انه مايكشفك زينب! ،

شهاب يوم ذكر زينب وعن حالتها وحال جسمها دخل الشك والفضول فيه جسم ضعيف هذا اكثر شي شده يعرف عنه وهذا اللي خاف من ياسر ،،

-
-

كانت جالسه على الكرسي ومنزله راسها تناظر الارض وهي معقده حواجبها ..

دخلوا الشباب والاستاذ وهم يناظرونه ..

ارفعت راسها وناظرتهم وقالت بأسف/انا اس ،

وقبل ما تتكلم قاطعها باسل وهو يصفق ويقول بحماس/صار عندي صديق بطل ويفتخر فيه ،

فيصل وهو يقول باعجاب/بجد معجزه انك انقذته مع جسمه الضخم صراحه اقوى تصفيقه ،

الاستاذ وهو يبتسم/واخيرا تحققت احد احلامي وهي ان واحد من اللي ادرسهم صار بطل المدرسه ،

تفاجأت من ردة فعلهم حتى علامات التفاجأ واضحت على ملامحها ..

ف قالت/يعني ما انتم منزعجين من خسارتي؟ ،

فهد وهو يضرب راسها بخفه ويبتسم/اكيد لا روح الانسان اغلى من الفوز والخساره ،

كانت ابتسامة فهد بالحالها يعني السعاده بنسبه لزينب حست ان الحياة ارجعت تبتسم لها حست بقلبها يطير من شعور الفرح والحب!!! حست ان العالم صار بالنسبه لها وردي وان مافي شي يستاهل تزعل عليه .. اه بس لو تقدر تعترف بمشاعرها له لو تقدر تصرخ بكل ما تملك من قوه انها تقول له بعيون تلمع ب حب واعجاب وشوق

/احبك! ،

حست انها بيغمى عليها يوم قالت كلمتها بصوت واضح وكافي انه يسمعه من في داخل الغرفه .. طيروا عيونهم وخصوصاً فهد اللي كان متوسعه عيونه بصدمه وماخفيكم شكل الشباب اللي كان نصف فمهم مفتوح من الصدمه وشكل المعلم شي ثاني ..

ف قالت بسرعه/هي لا تفهمون غلط انا اقصد احبكم لما تمدحوني انتم ما خليتوني اكمل كلامي بعد ،

وحاولت تقنعهم بكلامها وهي بداخلها ترتجف الخوف ..

قطع كلامها فيصل وهو يقول بعد ما سكر من الجوال/راح يعلنون النتايج ،

قامت زينب وهي تدري انها خسرانه بس راحت ،،

ياسر وهو يسمك المايقرفون ويقول بعد ما اخذ نفس عميق/انتم شفتوا وش صار ولو الله ثم زياد كان واحد من طلابنا العزيزين غرق وفقدناه وان شاءالله ما تكرر هالحادثه والحين بنعلن عن الفايزين ،

ناظر الورقه وقال/الصف الاول مبروك .
الصف الثالث مبروك .
الصف الليل مبروك .
الصف السكن مبروك.
امم اما بالنسبه لصف الثاني حنا بعد مناقشه طويله وعشان ما نظلم احد سالنا المتسابقين اذا شافوا المشترك رقم2 اذا اخذ الصندوق وكانت الاجابه ،

ناظر مشعل زينب اللي كانت مبدله ملابسها وشعرها مبلول وكان باين انها ما نشفته ف قال وهو يبتسم/الصف الثاني مبروك ،

زينب ما حست بنفسها الا وهي تطير بالهواء ..

صراخ الشباب من الفرحه والحماس خلتهم يشيلون زينب ويطيرونها لفوق واما زينب ف كانت تضحك على اشكالهم وهي تقول/نزلوني ،

واللي حولهم كانوا مبتسمين على اشكالهم وفرحهم الزياد ،،

ياسر يكمل/والحين مشعل بيقول لكم اخر مرحله من المسابقه وهي لغز و كنز ،

مشعل اخذ المايقرفون وقال/الحين كل مشرف على المشاركين يجي ياخذ الورقه وبعدين اقول لكم كيف الطريقه ،

وكل واحد من المشرفين اخذو الورقه وعطوها للمتسابقين ..

مشعل/الطريقه هي في لغز بالورقه وانتم هنا لازم تحلونه عشان تلقون الكنز مدة المسابقه ساعتين ونصف ومن ياخذ الكنز يجي للمنصه ويحطها قدامنا والفائز واحد .. ولا تنسون ان هذي المسابقه فقط لتسليه اتمنى لكم التوفيق ،

افتحت زينب الورقه وقالت وهي معقده حواجبها/ينام القمر ب احضان الحوريه؟؟؟؟ ،

.
.
.
.
.
ومن نوقف ونكمل بالبارت القادم ..
اتمنى انه نال اعجابكم ..

وش رايكم بالبارت :)) ادري انه مو حماسي بس حاولت اكثر فيه الاحداث ..

السايت (http://saya

لا تنسو ان تعليقاتكم هي سبب نجاح الروايه .

وهــبي هــبي مــاري…#
دمــتــم بــخــير… $