رواية بنت بمدرسة عيال اغنياء الفصل الثالث وتسعون 93 - بقلم ماري جو

السلام عليكم ورحمه الله وبركاته
.
.
البارت الثالث و التسعون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[عندما يحدد القدر]
.
.
اعتذر على الاخطا الاملائيه ×__×
.
.
حمد/هذا الموقف مستحيل انساه حتى لو جاني زهايمر.

تنهد وهو يقول/حنا عندنا عاده كل سنه بشهر نروح عند جدتي ونقعد كل هالشهر عندها..ولاني كنت كسول ف ادعيت المرض وقلت لهم روحوا انتم وخلوني بالبيت لا حسيت اني شفيت راح اللحقكم في البداية اهلي ارفضوا واصروا اروح وانا هنا زاد عنادي وكسلي ف ادعيت بقوه اني مريض راحو اهلي لجدتي وانا بقيت لحالي بالبيت مع الخدم..عطيتهم اجازه لمده اسبوع بس بدون مايقولون ل اهلي لاني قلت لهم ان اهلي قبل لا يسافرون عطوكم اجازه وهم ماصدقوا وبساعه البيت صار فاضي مافي الا انا لحالي.

زينب/وش هالملل انا لو اني مكانك والله اروح واسعد نفسي.

حمد ناظر زينب وقال/جاني فضول اعرف شعور اني ابقى لحالي بالبيت.

ناظر الشباب وكمل/بعد ماشفت البيت فاضي مافي الا انا عاد اخذها فرصه واروح لغرفتي وافسخ كل ملابسي واقعد بدون ملابس حتى ملابسي الداخليه ماخليتها وابقى عاري واروح الف بكل شبر بالبيت ح.. ،

قاطع كلامه زينب/عاري؟بديت احس انك منحرف:).

حمد/هذا حلم كل شاب يبقى بالبيت لحاله عاري:)..

زينب/هذا حلمك انت مافي احد عاقل يفكر بكذا حلم ص..

كانت بتكمل كلامها بس يوم شافت ابتسامتهم عقدت حواجبها وقالت/انتم مجانين.

حمد/المهم جلست ثلاث ايام بدون ملابس ورابع يوم اتصل ابوي وسال عن اخباري ووش اسوي..مر خمس ايام وانا بالبيت لحالي ونفس الشي اتصل ابوي يسالني عن حالي يحسبني مسوي بارتي:)).. وبعد اذان العصر جاني نوم ف رحت لصاله ساحب بطانيتي ومخدتي ونمت على الكنب.

وقف عن الكلام وهو ياخذ كاس الماء وقال بنفس ثقيل/سمعت صوت ابوي وهو يقول"تفضلوا تفضلوا البيت بيتكم"في البداية توقعت حلم ف مااهتميت ورجعت نمت. "لكن لحظه ليه احس بصوت ازعاج؟"قلت بنفسيي بعد ماحسيت بزعاج فوق راسي ولان اثار النوم فيني قمت وطاحت البطانيه بالارض بعدها.بعدها الازعاج وقف استغربت ف جلست على الكنب وفركت عيوني لان النور ازعجني واول مارفعت عيوني.

حط يده على وجهه وقال/شفت عمومي وعماتي جالسين بالصاله مع ابوي ومنصدمين وهم يناظروني ف بدت عمتي تصارخ وعلى طول قمت وطلعت برا وانا ودي الارض تنشق وتبلعني دخلت بالغرفه وماهي الالحظات حتى شفت الاطفال يصارخون ويطلعون برا وهم يقولون"حمد متفصخ"والبنات الصغارين يبكون.

قاطعته زينب وهي تضحك متخيله شكله ف ناظرها حمد بحده بعدها ناظر الشباب بملامح متندمه/بعدها طلعت من الغرفه بسرعه لان الاطفال خوفني ودخلت غرفه ثانيه واحزروا وش كانت.

حط يده على وجهه وقال/كانت الصاله التابعه للحريم وكان فيها امي حريم عمومي وبعض عماتي وجدتي و اول ماشافوني انصدموا حتى ولا وحده فيهم اقدرت تتكلم من الصدمه وانا من الصدمه تجمدت بمكاني. فتحت الباب وطلعت وهنا الصدمه الثالثه شفت خادمتين كانوا جايبين الضيافه لحريم عاد يوم شافوني طاحت الصينيه على الارض وبدوا يصرخون.. بعدها جاء اخوي ومعه الشرشف.

فيصل طبطب على ظهره وهو يحول مايضحك اما زينب وباسل بدوا يصفقون من الضحك.

زينب وهي تضحك/انا لو مكانك ماوريهم وجهي.

حمد/المشكله مو هنا المشكله ان بنت عمي راحت تركض عند الرجال وقالت لهم "حمد داخل علينا يبي يغتصبنا".

زينب/اي واحد يشوف هذا المنظر راح يفكر بنفس الطريقه هذا درس لك.

حمد/صحيح لاني بعدها كرهت اكون عاري بالبيت:).وبس والله.

تركي/الحين جاء دوري.

ناظروا تركي.

تركي/باول ايام العيد اقرابنا يجون لبيتنا و يوزعون الهدايا وعيديه بداخل الهدايا بذاك الوقت كان عمري 9ومتزين وكذا المهم يوم جوا اقرابنا اخذت عيديتي وهديتي وعلى طول رحت البقاله وانا فرحان بالعيديه اللي كانت قيمته 100.

زينب/100؟ هذي كثيره على طفل.

تركي/عندنا 100 درهم يعني 25 ريال او يمكن اقل.

وكمل/وانا بالطريق فجأه شفت مجنون واحد بحينا الله يشفيه مجنون عاد كم مره يدخل السجن ويطلع المهم ويشوفني والله اني خفت حتى عيوني دمعت كيف طريقة نظراته لي واروح اركض ب اتجأه البقاله لين مادخلت لكن من كثر ماحظي يحبني خلاه يمسكني ويطحني بثلاجة الهمبرقر:).

توسعت عيون زينب والشباب بتفاجأة.

كمل/والله ماكذب تخيلوا حطني يثلاجة البرقر وسكر علي الباب والبنقالي ماقدر يتدخل حتى لانه مره من المرات ضاربه بالعصى ف تراجع لورا وطلع من كثر مابكيت ونزلت دموعي ماعاد قدرت انزل دموع ابكي بقوه واطق الباب وهو ماسكه بقوه ويضحك:)) حسيت بيغمى علي من الخوف عاد بعدها بشوي جا ابوي وخالي وابعدوه عن الباب وطلعوني .

زينب/مادري اضحك ولا احزن عليك.:)

تركي والعبره خانقته/يوم طلعوني من الثلاجة كانت حالتي حاله شعري اللي جلست يومين افكر كيف اسويه والعذاب اللي جلست ساعتين امشط فيه ولا ثوبي اللي جلست اسبوع بشتياق يجي واتباهى فيه قدام عيال عمامي ولا ال100 درهم اللي اخذها وراح.

ناظرهم وقال/بعد ما راح المجنون قلت ل ابوي وانا معصب وفيني الدموع"ليه ما هاوشته؟ اخذ دراهمي وراح"ناظرني ابوي وقال"ياولدي هذا مسكين ماعليه شرهه"وبعد مارجعت للبيت عطاني200 درهم وهذا غير العيديات اللي اخذتهم .

زينب/هذا يفسر لي سبب عضلاتك السباعيه.

تركي وهو يرفع يدها ويشد عليها/اي هذا سببي الاول اللي خلاني امرن جسمي واكثر من قوتي مع ان.

ناظر زينب وقال بسخريه/مع ان وحد اقصر مني ب اضعاف هزمني.

زينب رفعت يدها وقالت/sorry.

تركي/واضح الاسف فيك.

فيصل/اللي فهمته من زياد ومنك ان سبب تمريناتك وبناء جسمك الضخم والسكس باك السباعي هو بسبب مجنون؟.

تركي/اي.

رائد/انا راح اقول لكم بس ماهو موقف لا هو حب نقيئ وطاهر.

كمل وهو يبتسم بحزن/ جدتي معروف انها تحب الورد بشكل جنوني لدرجه انها ازرعت بحديقة بيتها مشتل للورود وجميع انواعه لكن جدتي ماتت قبل سنوات سبع سنوات بعد ما ماتت جدتي كان جدي كل يوم يطلع الصبح ويروح المشتل ويسقيه ويردد ب ابتسامة..

"وردن تركتيه خفت بعدك يذبل وتختفي ريحتك وما تعود الا ياورد عمري وسبب هالدمعه عساني بك بالجنه موعود"
[مقتبسه]

زينب/جدك مثال للحب النقيئ والطاهر الله يرزق كل وحد ووحده مثل هالحب.

ارفعوا ايدينهم وهم يقولون"امين".

زينب/جدك مات؟.

رائد/لا للحين يهتم بالمشتل كل صبح وكل مساء.

ابتسمت بعد تنهدت وهي تناظر فهد.

بعدها
قال باسل/انا جاني فضول اعرف موقف عن زياد مستحيل ينساه.

ابتسمت زينب ب نصف ابتسامة وبعدها غمضت عيونها للاحظات وناظرتهم وقالت/الحين بقول لكم موقف بس ركزوا على كل حرف وكلمه اقولها طيب! .

امأو براسهم وقربوا لزينب اكثر. .

زينب/اخذت ابني الصغير الى سريره وعندما وضعته قال لي"ودعاء ابي" ابتسمت وقلت"لا عزيزي نحن نقول تصبح على خير"لكن قال"اعلم لكن هذه المره ودعاء" وفي الصباح وجدت طفلي ميت.!!!! .

صمت وهدوء غريب بالمكان مع توسع عيونهم بتفاجأ ومهند بخوف قليل.

زينب/اعتقدت دايما ان قطتي تواجه مشكله في النظر اذ تبدو ان عينيها طول الوقت مستلطتين على وجهي حتى جاء اليوم الذي ادركت فيه انها لا تنظر لي انا بل تنظر لشي الذي ورائي.

(اللي مافهم وش تقصد زينب قالت لهم موقف ماصار معها هي بنفسها لكن صار مع احد ثاني فهمتوا:) .اللي ما فهم يقول لي عشان افهمه)

.
.

فيصل/متى بنرجع؟.

زينب/بقى يومين.

فيصل بنزعاج/مع اني ب اجازه الا انهم طالبيني .

زينب/المجلس؟ حتى وانتم برا المدرسه وش فيه ليه طالبينك.

سامي بنزعاج/عشان الامراء.

زينب/وش فيهم.

فيصل/يبون يزورون الجزر كلها قبل لا يرجعون.

زينب عقدت حواجبها وقالت/وانتم وش دخلكم خليهم يروحون.

سامي/شي اساسي نكون معاهم عشان نحميهم.

زينب اضحكت وهي تقول/الله اكبر لو انهم ملوك..

وكملت بسخريه/خير هم اطفال عشان يحتاجون حمايه؟.

فيصل/سامي يمزح معك.. لازم نكون معاهم وخصوصا اذا هم طلبونا.

سامي/يارب تجي تسونامي وتغرقهم:).

احمد/استغفرالله لو جت راح نغرق معهم.

سامي/اي صح استغفرالله.

زينب/غريبه ليه كلكم تكرهون الامراء.

باسل/قبل سنه كان الكل يحترمهم لكن بعد ما تخرجوا الاربعه وبقوا الثالثه اخربوا.

زينب بستغراب/تخرجوا؟كيف يعني.

سامي/امير مدرستنا ما يشترط يكون اكبر بالسن ف عادي مثلا اميرين من اول وثلاث امرا من ثالث واميرين من ثاني قبل سنه كانوا اربعه من الصف الثالث وثلاثه من الصف الثاني.

زينب/يتعينون امراء؟

فيصل/ثلاث صفات.

رائد/انا اتوقع زياد بيصير. ..

قاطع كلامه خالد وهو يقول/لا تتوقع شي خليك ساكت.

ناظروه الشباب بستغراب ف قالت زينب/فيسل وش هالفصات.

احمد وهو يبتسم/ليه تبي تعرف ودك تصير واحد منهم.

تفاجأو ب اتساع ابتسامتها ف قال رائد/مستحيل انت تفكر تصير واحد منهم؟.

زينب وهي ترفع خشمها بغرور/اي وش فيها؟.

فيصل بتفكير/زياد عنده المؤاهلات يكون واحد منهم.

سامي/صحيح لان الصفات كلها بزياد لكن انا للحين مستغرب ليه ما استدعاه ياسر والمدير.

مهند بفضول/وش الصفات.

فيصل/يكون الاولى على الصفوف الثاني ثانوي سوا كانوا ليلي او سكني او صفوف.

سامي يكمل/الاساتذه من جميع الصفوف يحترمونه ويكنون له الحب المحترم.

فيصل يتنهد/واخيرا يرشح واحد من الامراء.

زينب/كلها بسيطة وخصوصا رقم ثلا. .

ضمت شفايفها لبعض وناظرت لفوق السماء بعد ما كانت بتفضح سرها لكن.

خالد ناظر زينب بهدوء وقال/وخصوصا رقم ثلاثه؟ .

حاول يكون نبرة صوته طبيعي لكن كان واضح فيها البرود وهو يقول/انت تعرف وحد منهم وتقابله بالسر.

مهند عقد حواجبه بنزعاج من خالد ف قال/وانت وش عليك خليه يصادق اللي يبي.

تجاهله خالد وبقى يناظر زينب بنظرات تخترقها.

رائد/زياد انت تعرف واحد منه؟.

قلبت عيونها وقالت بكذب/انا بالكثير اعرفكم واعرف ياسر وبالقوه عرفت عبدالله تبوني اعرفهم ومن كلامكم باين انهم مضروبين اخلاقياً.

ناظروها بنظرة شك معدا خالد اللي ماحرك عيونه عليها ..

زينب وترفع حواجبها وتقول بغرور مصطنع/انا اتفهم غيرتكم علي لكن بليز انا ماحب اختلاط كثير بالناس.

تحولت نظراتهم من الشك للعبوس وهم يقولون بصوت واحد/نغار عليك؟.

اضحكوا ف قال تركي/زياد لا تشوف نفسك محور الكون.

زينب وهي تقلب عيونها بغرور/لا انا محور الكون.

فيصل/على كلن ماتوقع زياد يعرف واحد فيهم .

فيصل والشباب ناظروا زينب بعدها قالوا بصوت واحد/صحيح.

زينب/وش اللي خلاكم تتاكدون.

سامي/لو صحيح تعرف واحد منهم كان صرت منحرف مثلهم لكن انت.

سامي/تنقط من البراءه.

مهند ناظر زينب بتفاجأ ف بدا يضحك وهو يقول/Ich freue mich über deine lange Zunge.
(انا متحمس اسمعهم لسانك الطويل.)

تجاهلته زينب.

فيصل بتعب/الحين انا مضطر ازور 25 جزيره .

زينب/يعني كل جزر المالديف؟ ليه كل هذا؟.

سامي/مادري عنهم يقولون يبون يزورون كل جزر المالديف.

فيصل قال بحيره/سامي انت بالغرابه.

سامي/اي حتى ياسر استغراب من طلبهم.

احمد/وش هالطلب اللي خلاكم تستغربون.

فيصل/آدم ورعد طالبين يجون للجزيره هذي مرتين.

ومان قالها حتى شرق فارس وبدا يكح وهو متوسع العيون.

قربت زينب له وبدت تطبطب على ظهره وتركي قام وجاب له مويه.

فيصل/خوفتنا هذي اول مره اشوفك بهذي الحاله.

فارس ناظر فيصل وقال/ليه يجون؟ ومرتين ليه؟.

سامي/مادري.

فيصل/لا انا سمعت من شهاب يقول بملل"هالايام اشوف رعد وآدم لقو لعبه يتسلون فيها".

بلع ريقه..

خالد/فارس فيك شي؟.

فارس/لا.

وناظر مهند وزينب وقال/تدرون فيه مكونات نادره موجوده بالمالديف ابيكم تجون معي تشيلون الاغراض.

زينب/وسامي وفيصل مساكين يقع..

فارس قاطعها وهو يقول/انت ومهند بتجون و الباقي بيقعدون.

حمد/ليه هم يجون؟.

فارس/لانهم امدحوا اكل مو انا مسويه اذا تبي تجي تعال واخليك تشيل عنهم الاغراض:).

حمد/تذكرت ان عندي اشغال .

ناظر زينب ومهند وقال/الحين تجهزوا.

قام فارس وناظر زينب اللي كانت تناظره ب استغراب تنهد ونزل من نفسه ومسك يدها وقومها معه وناظر مهند وهو يقول/انت تقدر تقوم نفسك.

مشى ومعه زينب وهي تناظره بستغراب ونفس الشي مع مهند اللي قام وهو يناظره بستغراب.

-
-

زينب/اه جسمي تعبت.

فارس/انا اعرفك من خمس شهور ولا عرفت اني ماحب احد يمدح اكل غير اكلي.

زينب/انا اسف هذي اخر مره.

فارس/لان هذي اخر لازم تنتبه للسانك.

مهند/عارض ازياء وممثل محترف حاصل على نجمه هوليود والاوسكار مرتين يحمل اكياس البطاطس والبصل:).

زينب وهي تضحك/سبق صحفي مثير لازم يصورونك.

ناظرها بنزعاج وهو يقول/اذا زياد تكلم انا شدخلني.

فارس/انت اخوه واجب عليك تساعده.

مهند/انا؟اخو مين؟انا اخو نفسي ماذكر عندي اخوان.

ناظرته زينب مطيره عيونها وقالت/وانا وشو؟تمثال؟.

مهند وهو يبتسم/لا مزهريه.

وقفوا وهم يناظرون مهند معقدين حواجبهم..

مهند/طيب خلاص بسكت.

كملوا مشي ف قالت زينب/كم الساعه.

فارس/7:30م.

اشهقت وهي تقول/يعني لنا اربع ساعات وحنا نتسوق.

مهند/ماحسيت بالوقت.

زينب نزلت السبع اكياس على الارض وقالت/انا بروح لدورة المياه لا تتحركون من مكانكم حتى لو جاء تسونامي.

مهند/اخاف اغرق وبعدين من وين لكم مهند ثاني؟.

ناظرت فارس وقالت/فارس ثبت نفسك بالحبل ولا غرق مهند لا تنقذه خليه يغرق بالتسونامي.

ابتسم فارس وقال/بدون ما تقول لي بسويها.

مهند/يالقاسين.

زينب/احسن.
قالت وراحت تركض بين الناس حتى اختفت بينهم.

الابتسامة انزلت من على وجهه وناظره ببرود وهو يقول/انت راح تقول لي وش اكتشفت بالفتره اللي كنت بعيد عنها.

نفس الشي مع الثاني وهو يقول بسخريه/فعلاً للمشاهير وجهين وانت اظهرت لي وجهك الخبيث.

مهند ب ابتسامة بارده/اوه راح اعتبرها مجامله.

فارس ب ابتسامة ساخره/ما فاتتني نظراتك الكارهه لي انت فعلا تختلف عن اخوك بكل شي.

رجع شعره لورا وقال ببرود/انت الشخصيه الخبيثه بينهم انت وخالد والمفروض تاخذون الاوسكار على تمثيلك قدام الشباب بالشخصيه الطيبه وذات نيه صالحه.

قرب له فارس اكثر وناظر بعيونه ببرود/انا ابين شخصيتي فقط لناس القذره.

مهند بسخريه/"ما زرعه الأب حصده الابن"هذا ينطبق عليك وعلى ابوك.

احتدت عيونه بغضب خفيف كان راح يتكلم لكن.

زينب باعجاب/حماماتهم انظف من غرفه خالد.

وقفت باستغراب بعد ماشافت فارس ومهند مقربين على بعض ويناظرون بعض ..

مهند وفارس/طولت.

قالوا ب ابتسامة وهم بنفس الوضعيه.

زينب/فارس انت من هالنوع؟.

استغرب من كلامها لكن بعدها فهم وش تقصد بعد ماشاف نظرات مهند المتقززه.

ابعد عن مهند وهو يقول بنزعاج/صدقيني انا حتى لو صرت من هالنوع مستحيل اناظر مهند.

زينب وهي تتنهد/ريحتني خليتني اشقق بذوقك.

توسعت عيون مهند وهو يقول/انت واقف بصفه وانا لا.

ناظرته زينب وقالت/فارس بريئ ولو اني ماعرفه ماكنت وقفت بصفه .

تعلقت بذراعه وهي تضحك وتناظره/صح؟.

ابتسم وهو يقول/صح مهند شخصيه ساديه ما يتكسر.

اضحكت ومشت بخطوات سريعه هي وفارس تاركين مهند بصدمته واللي اضطر يشيل اكياس زينب:).

..

وقفوا بعد ماجاء اتصال من خالد وعلى جوال زينب.

اول ما شافت اسمه عطته لفارس وقالت/رد انت انا مالي حيل ارد عليه.

اخذ الجوال ورد واول ما سمع/سبع ساعات وانا قايل لك بالكثير خمس ساعات اتوقع انك اشتقت لعقاب؟.

فارس/انت اكيد تمزح.

شال الجوال عن اذنه متوقع انه اتصل بالرقم الخطا لكن شاف اسم زياد ف رجع الجوال وبنبره حاده قال/ليه ترد انت وين زياد؟.

فارس بنزعاج/انت ليه تتكلم ب اسلوب وقح؟.

خالد/انت تعرفني ماحب اعيد كلامي مرتين وين زياد؟.

قلب عيونه بنزعاج وقال/زياد راح دورة المياه.

خالد/ليه عطاك جواله؟.

رفع حاجب بسخريه وهو يقول/خالد انت شارب شي الصبح ومنتهي؟.

خالد/كان من الخطا اخليك تروح معه لحالك. ،
هذا اخر شي اسمعه قبل ما يسكر الجوال.

ناظر الجوال معقود الحواجب وناظر زينب وهو يقول/هذي اول مره اشوف خالد بالاسلوب الشين(سيئ) .

اخذت الجوال بعد ما مده لها وقالت وهي تضحك/اه اخيرا احد سمعه وهو يكلمني بهالطريقه.

ناظر قدامه وهو عاقد حواجبه يفكر بشي..

وللمره الثانيه وقفهم صوت الجوال لكن هذي المره كان جوال فارس والمتصل سامي.

/فارس انا راح اموت من الجوع ليه تاخرت لو انك عريس تجهز ليلة عرسك.

فارس وهو يضحك/يمكن اجهز ليلة عرسي مع زياد.
ناظر زينب اللي افطست ضحك ماخذتها بروحه مرحه لانها تدري ان فارس مايقصد اي كلمة من اللي يقوله.

سامي بنزعاج/تزوجوا بالجزيره اللي هنا فيها انا راح اموت جوع وانت حظرتك تتخبل على راسي.

فارس وقف شوي وابعد عن زينب وقال/راحو؟.

فهم قصد سامي وقال/اي من ساعتين.

فارس/بدون مشاكل؟.

سكت للاحظات وقال/في البداية لاحظت على رعد تعابير الانزعاج وهو يلف الجزيره كلها بعدها وبالثاني مره سمعته يشتم ويكسر كل شي قدامه وتضارب مع ثلاث اشخاص من الجزيره وآدم بانت عليه ملامح الاستمتاع وهو يشوف ردة فعل رعد الغريبه طبعا مايحتاج اقول لك وش صار ب ياسر بعد المشكله.

فارس تنهد وقال/خلاص انا شوي وبصير عندكم.

مهند بتعب/اخيرا قدرت اوصل لكم انتي كيف تتتركيني لحالي مع تسع اكياس.

زينب/لا تقرب لفارس عشان ماهاوشك.

مهند تجاهل كلامها وقال/وين هو فارس اكيد هرب بعد ما شافني وانا شايل كل هالاكياس.

زينب ناظرته/فارس يختلف عنك.. شوفه واقف هناك يكلم سامي واتوقع انه موضوع مهم.

بعدها كملت بعد ما اسكتت للاحظات بهدوء.

/انت قلت لي اني اعرف فارس من قبل.

مهند احتدت عيونه وزينب لاحظت هذا الشي لكن اخفاها بلحظه وهو يقول متصنع عدم المبلاه/انا؟ انا قلت نعرف ابو فارس لا فارس شخصياً.

وبعدها الهدوء بالمكان.

-
-

تبقى يومين بالمالديف.

#زينب.

احيانا الملل يخلينا نسوي اي شي بس عشان نقتله ف مثلاً.انا وقفه حارس للمرمى اللي سواه احمد وتوقعوا وش كان حدود المرمى.

صحيح

نعال:)
(وانتم بكرامه.)

طبعا حنا تقسمنا لفريقين فريق فهد وطبعا انا مو موجوده فيه مادري ليه ووش السبب لكن حسبي الله والفريق الثاني خالد واحزروا وشو.

انا مع فريق خالد:).احيانا افكر واحس ان حظي ينتقم مني مادري ليه.
و
بما اننا 11 شخص خلينا مهند الحكم:))

والقسمين الملونين الابيض والاسود.
الاسود فريق خالد اللي مكون مني انا وفارس وتركي وحمد
والفريق الابيض اللي مكون من فهد ورائد وباسل وفيصل سامي.

طلعني من شرودس صراخ تركي وهو يقول/امسك الكوره لا تخليها تعدي.

لكن كان تنبيها متأخر لان الكوره اوصلت برمشة عين.

صفر مهند وقال/الفريق الاسود تركي له كرت احمر.

قال تركي بصدمه/ليه وش سويت انا.

مهند وهو يطلع ورقه حمرا جابوها ممن ياسر/هذا لانك صرخت على زياد.

تركي قال بعصبيه/وشوووو.

امسكه فارس وهو يضحك ف قال تركي/ اتركوني عليه.

ضحكت وانا اقول/مهند ارجع لمكانك.

نثر شعره بالهواء ورجع لمكانه .

وهكذا حتى صارت ساعتين وحنا نلعب لكن بصراحه ضحكت وفرحت وانا اشوف الابتسامه على وجههم والحماس ماكلهم.

قاطع شرودي صوت باسل اللي قال بذعر/زياد انتبه.

ليه دايم تحذيراتهم تجي بالوقت الخطا؟.

طارت الكوره بقوه ب اتجاهي واضربتني بين رجولي.

وسمعت كلمة"اوه"متألمة من الشباب وحتى مهند وفهد اللي غمضوا عيونهم بملامح متألمة.

وش فيهم؟ ليه كذا متألمين كانهم هم اللي اضربتهم الكوره؟.

وقفت ادور حول نفسي وانا اشوفهم متالمين و
ظليت افكر لدقايق حتى لاحظت مهند من ورا الشباب وهو يحرك شفته كأنه يتكلم ويسوي حركات بيده وينزلها لتحت وبعدها يكور يده على شكل كور صغي..

اه الحين فهمت وش فيهم متألمين.. وناسيه نفسي اني قدامهم ولد.
ونسيت ان ذيك المنطقه خطره لشباب.

غمضت عيوني وجلست على الارض بملامح متألمة وبداخلي متحمره من الخجل لاني ماسكة مقدمة بنطلوني .

جاء باسل يركض وبعيونه الخوف ووراه الشباب وفهد بنفس حالة باسل.

اوكي انا فهمت الشباب لكن فهد:)؟

جلس جنبي باسل وهو يتفحصني بعيونه وقاا بتلعثم/انا اسف والله ماكان قصدي.

قلت بصوت حاولت اخليه متألم/ماصار شي لا تخاف.

لكن فاجأني وهو يقول/ابعد يدك خليني اشوف.

وخرت يده لكن سبقني خالد وبنفس اللحظه قلنا/وش تشوف.

ماكان عندي الوقت اتفاجأ وكل همي اضبط التمثيل عليهم..

قال باسل بخوف/يمكن تكسر او انعوك او او يمكن.

صرخت عليه بخجل وانا اقول/لا تخاف عليت ه..ه..هو مثل الحديد.

اه انا راح اموت من الخجل.

قال تركي/باسل انت بكذا راح تنهي نسل زياد.

توسعت عيونه بذعر وناظرني وانا بديت الاحظ حبيبات العرض على جبينه..

اخذت نفس عميق وقلت ب ابتسامة/باسل مثل ما قلت لك انا قوي ومافي يكسره حتى لو حديد.

ناظرت مهند وفهم نظراتي ف قرب لي وساعدني لف ايدينه حول رقبته وحط يده على خصري وساعدني على الوقوف.

قلت اطمنهم/كلها يومين ونرجع لازم نصنع ذكريات حلوه وباسل لا تخاف علي انا وراي خطيبتي تبيني اسوي لها نسل ماله نهايه مني.

ادري ادري اني قلت اشياء مالها معنى ومخجله بس حبيت اطمنه.

تركتهم وراي وبدا مهند يمشي ب اتجأه الكوخ ف قلت قبل لا ابعد عنهم/بعد نصف ساعه راح ارجع لكم.

قلت بغضب لمهند/ان تكلمت راح اكسر راسك.

شفت جسم مهند يهتز ووجهه احمر وهو يحاول يمسك ضحكته.

/اجل حديدي وما ينكسر.

ما ان نطق بالكلمات حتى بدا يضحك بهستريه.

ياليت تجي تسونامي وتسحبه:).
-
-

قبل يومين

ماخلينا ولا دقيقه تروح لعبنا واسبحوا الشباب وانا طبعا بليل بعد ما تاكدت ان الكل نايم سبحت وتصورنا كثير واكدت عليهم مايورون صورنا ل احد حتى اسافر او نتخرج لعبنا وضحكنا وكلام كثير ومزح كثير .

تمنيت بذيك اللحظه ان الزمن يوقف واشوفهم دايم يضحكون حولي ..

بعدها نسيت شي مهم غاب عن بالي واللي ذكرني فهد وهو يقول/الله يعينك على العقاب اللي راح يكسر ظهرك.

شي مهم نسيته وانا الحين استعد داخلياً للي بيصير بعد ما ارجع للمدرسه..

/زياد خذ طلبك.

طلعني من شرودي صوت رائد وهو يأشر على الموظف اللي له ساعه ماد يده اخذ منه الموكا البارده. .

ابتسمت له وشكرته واعتذرت له.. ناظرت الشباب وقلت/انا راح اسبقكم لطياره.

مهند/لا لحظه انا شوي وينتهي طلبي.

قلت له وانا اشد على شنطتي الظهر وامشي/لا مافي داعي كأني راح اضيع يعني راح تلقوني بالطياره يلا انتظركم هناك.

سمعت اصواتهم وراي وهم يحاولون يوقفوني لكن تجاهلتهم ومشيت ب اتجاءه الطياره لان حنا بالمطار والشباب قالوا راح يطلبون كوفي قبل لا يطلعون لطياره..

ناظرت الاربع طيارات الواقفه قدامي وكلها عليها شعار مدرستنا على جنب راس الطياره.

رقيت على الدرج المتحرك ودخلت الطياره رحت ل اخر مقعد وجلست عليه لكن فيه شي غريب بالطياره عجزت اعرفه ومتغير علي وخصوصا هذيك الستاير الشفافه السودا يمكن يحطون الاغراض المهمه هناك؟..
لكن تجاهلت الموضوع
و

الشي الحلو بالموضوع ان مافي احد بالطياره غيري وغير الموظفين.
جلست بجنب الدريشه تأملت مطار مالديف ل اخر مره ورجعت نظري للامام .

حطيت يدي على فمي وتثاوبت فيني النوم وهذا كله بسبب الشباب اللي ماخلوني انام بسبب لعبه صراح او جراءه.

شلت قبعتي عن راسي ونثرت شعري القصير مددت جسمي على الكرسي ومددته لشوي للورا وحطيت القبعه على وجهي وبالفعل غطيت بالنوم..

-
-

مادري بالضبط كم مر من الوقت وانا نايمه لكن الشي اللي ازعجني الاصوات الكثيره حول راسي ف قلت بنزعاج وبهمهمه

/مهند يا& #**$# ابي انام اسكت.

وفعلا سكت مهند.

لكن

بعدها سمعته يتكلم بشي ماعرفت وشو هو لاني شبه نايمه ف طلع صوته كأنه وشوشه ف حسيت فيه يهزني.

رديت عليه بنزعاج وبهمهمه.

واخيرا شال القبعه عن وجهي وطلع نور ساطع غمضت عيوني بنزعاج مديت يدي وانا مغمضه عيوني له احاول اخذ القبعه واحطها على وجهي بديت اللمس وجهه.

لكن لحظه لحظه في شي خطا بالموضوع.

مهند

ماعنده فك؟ وبشرته انعم من يدي.

يمكن يمكن واحد من الطلاب؟ لا مستحيل مهند راح يرميه من الطياره حتى لو كان معلم.

انفاسي بدت تثقل اخاف اللي افكر فيه صحيح.

فتحت عيوني وانا احس قلبي بيطلع من مكانه.
اخاف اللي افكر فيه يطلع صحيح.

فتحت عيوني وشفت قدامي شاب بملامح هادئه بعيون سود وبشره حنطيه وشعر اسود وبفك عريض.

هذا اكيد مو مهند وهذا اكيد شخص ماعرفه ولا شفته من طلاب صفي او طلاب صفوف ثاني.

عقد حواجبه وهو يقول/مين انت؟.

توسعت عيوني بالتدريج وقمت بسرعه ناظرت اللي قدامي من كراسي واصوات عاليه وشباب من العمالقه بعضهم واقفين ويضحكون..

ماقدرت امسك نفسي ف صرخت بتفاجأ وصدمه بعد ما عرفت اني..

ركبت الطياره الخطأ.

وطياره مين؟ طياره ثالث ثانوي..

حظي الجميل تبا لك:)

-
-
قبل ساعه.

كل طلاب الصف الثاني اركبو الطيارات.

الشله اتفقوا انهم يرحون مع بعض بنفس الطياره وطبعا استاذنوا من المعلمين ووافقوا لان هذا شي راجع لطلاب.

بعد ما اجلسوا ب مكانهم وبعد ما اقلعت الطياره تذكر مهند زينب ف حول نظره للمقعد الفاضي جنبه ف توقع انها بالحمام.

انتظر نصف ساعه لكن ماجت ف راح لدوره المياه وطق الباب بعد ما سمع قفل الباب ينفتح ابتسم ..

لكن ابتسامته ما دامت بعد ماشاف باسل يطلع من دوره المياه.

الخوف والقلق والتوتر والفزع والذعر
تجمعت وتكونت بداخل مهند والشباب بعد ما سالهم عن زينب ..

وكانت الاجابه"توقعناه معك."

قال تركي/عجزت اللقاه.

خالد/دورت بكل مكان بالطياره.

فارس/اتصلت عليه لكن مايرد.

رائد/سالت الموظفين وقالوا انهم ماشافو شخص بالموصفات.

فهد/رحت اسال الاستاذ اذا شافه وقال ماشفته .

غضب خالد وقال/وتسمي نفسك اخ وانت ماتدري عنه.

قرب له مهند ومسكه من ياقة ملابسه قال بصراخ/توقعت انه بدوره المياه وانت اخر واحد يتدخل.

امسكه خالد من ياقة ملابسه وقال بغضب و.حده/اذا ماكان لك فايده ف ليه انت موجود لزياد؟.

تشاحن الجو ف قرب حمد وتركي يبعدون الاثنين عن بعض .

باسل بقلق/وش صار له انخطف؟ ضاع؟ ركب بطياره ثانيه؟ او او يمكن اغمى عليه.

ناظره فارس وقال/ماهو وقت التخيلات بروح اشوف الاستاذ واقول له عن زياد.

وقبل ما يروح جاء سامي وهو يركض ويقول/قبل شوي اتصل كبتن طياره التابعه لصف الثالث و.

اخذ نفس عميق وقال/زياد ركب بالطياره لصف الثالث بالخطأ.

مافي احد انصدم اكثر من فارس اللي راح وجلس على الارض بصدمه وهو يقول بهمس"يعني سوا الحين او بعدين هو يالاخير راح يلتقيه"

سامي اتكأ على المقعد وقال بنفس منقطع/يقولون راح يقوفون في اليونان بسبب الجو وهناك راح نلتقي ب زياد.

توسعت عيونهم بصدمه.

خالد تكورت يده وضرب المقعد بغضب وراح يجلس بمقعده وهو يصر على اسنانه بغضب.

مهند بثقل/يعني بعد يومين.
.
.
.
.
ومن هنا نوقف ونكمل بالبارت الجاي.
اتمنى انه نال اعجابكم..

وش رايكم فيني🌚 وانا اصدمكم.
بارت طويل مثل ماوعدتكم
المهم البارت الجاي عباره عن ماسأه لزينب:)).

لا تبخلون علي بالتعليقات وعطوني توقعاتكم حتى لو كانت شاطحه..

لا تنسون ان تعليقااكم هي سبب نجاح الرواية

(السايت:http://saya

الاستطلاع(https://saya

وهبي هبي ماري.
دمتم بخير.