رواية بنت بمدرسة عيال اغنياء الفصل الثامن وخمسون 58 - بقلم ماري جو

السلام عليكم ورحمه الله وبركاته
.
.
البارت الثامن والخمسون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[تبدأ!! وتنتهي؟؟]
.
.
اعتذر على الاخطا الاملائيه ×__×

.
.

ناظرتهم بصدمه وغير مصدقه اللى تسمعه ..

قالت وهي تحاول تخفي صدمتها/حمد!! ومين هذا؟ ،

قالت بنفسها"الاسماء تتشابهه ههه اكيد مو هو"

فيصل ب ابتسامه/حمد النازك ،

توسعت عيونها وهي تسمع اسمه .. هذا هو هذا اكيد هو مافي احد غيره ..

تركي/تتذكر يوم رحنا بيت خالي ابو خالد كان هو موجود هناك و ايه صح حنا قلنا له عنك وقال هو انه متحمس يشوفك ،

حست ان الارض تدور حولها .. حمد كان يدرس هنا هه ..

حمد وهو يبتسم/ايوه مثل ما كانا نقول حمد كان يدرس هنا وغير هذا كان واحد من الامراء المدرسه كان ذكي وطيب وفيه دهاء غير طبيعي ،

نص من جانبها حست بفخر ان فيه احد يمدح حمد والنص الثاني كان مستغرب ..

تركي/لو كان عندي خوات كان زوجته وحده منهم والله انه رجال يرفع فيه الراس ،

ارتسمت على شفايفها ابتسامه تعبر عن فرحها .. كلامه صحيح حمد يرفع فيه الراس وتضرب فيه الامثال ..

رائد ب سخريه/هذا لو تجيب له جميلات الكون مارح يناظر ولا وحده فيهم ،

باسل انسدح(تمدد)وحط راسه على رجل فارس وقال

/كلام ميه ميه حمد حتى لو شاف فينوس مارح يناظرها ،

[ملاحظه:فينوس آليهة الجمال عند الرومان والاغريق والهند قديماً ،،]

زينب بغباء/ليه؟ ،

باسل/زوجته مدري خطيبته يموت فيها شايل الارض والسماء فيها اممم وش كان اسمها ،

لاحظات حتى قالوا الشباب بصوت واحد/زيــنــب ،

حست بصداع فضييع يجتاح راسها ودوران ..
مسكت راسها بيدها الثنتين .. الشباب ما انتبهوا لها .

وكملوا كلامهم

فيصل/تتذكر يوم انه ضرب واحد من عيال المدرسه لانه ذكر اسمها ،

باسل وهو يتنهد/ايه ضربه لدرجه انه غاب عن الوعي وما قام الا بعد اربع ايام وبعد ذاك اليوم انتقل من المدرسه ،

رائد بعدم اهتمام/سمعت انها يوم كانت صغيره كانت كأيبه ومتوحده وماكانت تختلط بالناس ،

احمد بنزعاج/الواحد مايبي يتكلم عن بنات الناس بس والله اني كرهتها شايفين وشلون شكل حمد يوم رحنا عند خالي ابو خالد متغير ،

حمد/من الغبيه اللى بترفضه ،

سامي/اتذكر يوم اني صغير سووا اهلي عزيمه واول مره شفتها هناك كانت طووويييله وتقريبا كئيبه ماكانت تكلم احد او تحتك ب احد كنت انا وخالد نحاول نناديها بس ما كانت تسمع لنا او حتى تلتفت لنا بس تقعد بالحالها ،

خالد يكمل/واربع مرات سووا اهلي عزيمه وجت بس نفس الشي ماكانت تتكلم مع احد واخر مره سووا اهلي عزيمه وكانت هذي اول واخر مره اشوفها فيها كانت تبتسم وتضحك بس مو مع اي احد كانت تضحك مع اخوي عبدالله وتبتسم مع حمد واذكر كان معاها ولذ صغير ماذكر وش اسمه بالضبط بس كان يلازمها مثل خيالها اعتقد كان اخوها ،

سامي/ايوه كان اخوها يقولون انه تؤامها مع ان ماكانوا يتشابهون ،

خالد ب ابتسامه/مع انها ماكنت تتكلم كثير معي بس حسيت بمرح معها المهم حنا ما ندري عنها لا تتكلمون بسوء ،

رائد وهو يرفع حاجب ويبتسم بخبث/اكيد بيدافع عن حب الطفوله ،

ناظرت خالد بعيون متوسعه من الصدمه من اللى تسمعه ..

تركي بنبره احتقار/مدري ليه حسيت بالغرور اللى فيها من كلامك انت وياه ،

حمد نفس تركي/اكيد بتصير مغروره يعني وش تتوقع من وحده يلاحقها حمد انا اللوم حمد كثير يعني ترك بنات العالم ولاحق هذي ،

نزلت راسها بحزن ..

حست بسكاكين تطعن صدرها ..

وصداع اليم يهاجم راسها ..

فارس وهو يتنهد/خلاص مالنا دخل حنا وخصوصا بهذي الامور ،

باسل/مسكين حمد ،

تركي وحمد/كرهتها ،

قامت زينب بسرعه من مكانها وعلى ملامحها الحزن/بروح لسوبر ماركت ،

حاولت جاهده انها ماتبين حزنها ،،

استغربوا بس ماعطوا للموضوع اهميه ..

اخذت جوالها وطلعت من الصاله اللى كانت موجوده فيها وبهذي اللحظه دخل فهد ..

قبل ماترفع راسها وتناظره ارسمت ابتسامه خفيفه تمحي فيها حزنها ،،

ابتسمت له وطلعت من الشقه وسكرت الباب وبدت تمشي بالممراات حتى وصلت المصعد دقايق حتى انفتح الباب ودخلت تنهدت بعمق .. لحظات وانفتح المصعد وطلعت مشت حتى وصلت لباب الخروج من المبنى ،،

نسمات البروده لفحت وجهها .. لفت ايديها حول نفسها ..

/زياد؟ ،

التفتت على صاحب الصوت ..

ابتسمت بوجهه وقالت/رئيس السكن ،

بنزعاج/محمد ،

اضحكت/محمد ،

تنهد بنزعاج/زياد ساعتين بقى على حظر التجول ،

ابتسمت واومأت براسها وكملت طريقها .. مسافهه طويله اقطعتها حست ببرود يسري بجسمها .

قالت بنفسها/دخل الشتاء ،

تنهيده طويله طلعتها .. ارفعت القبعه اللى كانت ملتصقه بالجاكيت

ظلت تمشي بشرود عقلها بمكان وقلبها بمكاني تمشي بشرود ..

"هم مايدرون عن حالي"

"كرهوني بس لاني رفضته"

"احكموا علي من دون ما يسمعوني"

"لو عرفوني وش بيسون؟"

"ماهتموا لمشاعري وماهتموا بالى احس فيه "

"وش ذنبي اني شفت حمد اخوي!! "
،،

كانت تمشي وتقولها بنفسها ماكانت تحس بالي حولها تمشي وكانها ميته روحياً ..

من دون اي فرصه احكموا ،،

تنهدت بضيق .. ارفعت راسها وابتسمت ابتسامه عريضه باللى تشوفه قدامها

/لو اقدر انام بهذا المكان ،

رجلينها وصلتها لغابه ..

من دون اي تردد منها دخلت للغابه ..

"سندريلا يتيمه وتزوجت من ملك وعوضها عن الاهل"

"الاميرة والوحش تركها ابوها عشان ينقض نفسه من لعنات الوحش وبدل مايصير العكس ترك بنته عنده ك كبش فداء والوحش بدل مايصير ظالم احتوا بين احظانه بل الجميله وتزوجها بعد مده"

"سالي عاشت حياة باذخه من (المال) وبالليله وضحاها صارت خادمه لمدرسه داخليه شافت الذل والقهر بكت كثير حتى جاء اليوم اللى تغيرت فيها حياتها من خادمه لمليونيره "

"سنووايت ماعاشت طفولتها من زوجة ابوها عاشت حياة تعيسه معها حتى شافت الامير من بعيد حبو بعض وعشقوا بعض ومع مرور الوقت من الصعاب تزوجوا"

"رابنزل خطفتها ساحره وادعت انها امها ومع مرور الوقت اكتشفت انها شخصيه شريره وبصدفه حبت سارق ومع مرور الوقت تزوجوا"

جلست على الارض واسندت ظهرها على الشجره وقالت بصوت مليان

بالسخريه/كذب قصص كذب الكل يتزوج وتنتهي حياته بقصه سعيده ليه ما ركزوا على الشخصيات اللى ساعدو الابطال مثل سندريلا ومساعدتها من الساحره ليه ما عطوهم نهايه حلوه مثل قصة سالي اللى نهايتها مليانه بالترف ليه ماساعدو ميكي صديقة سالي ليه ما ذكروا وش صار مع الاقزام السبعه من بعد ماتزوجت سنووايت ليه ماعطوهم نهايه سعيده مثل سنووايت ،

اضحكت بصوت عالي وكملت/ليه ماذكروا الشخصيات الشريره مثل الساحره اللى خطفت رابنزل ليه على طول موتوها ليه على طول حكموا عليها بالشريره والانانيه كل الناس كل المخلوقات الحيه انانيه الكل يبي يعيش حياه ابديه مافي انسان او حيوان يبي يموت الكل يبي يعيش حياه امد من القرون ،

نزلت راسها بألم/كل الشخصيات تبتدي حياتها بالتعاسه وتنتهي بالسعاده ليش ما يصيرون مثل روميو وجوليت اللى مع انهم كانوا عوائلهم متشدده وكارهين لبعض الا انهم حبو بعض الا عشقوا بعض حد الممات وبدل وما يتزجون وتنتهي بنهايه سعيده انهتى حال جوليت منتحره وروميو مقتول .. بالاخير ماتوا حب لبعض هذي النهايات المقبوله والحزينه والحلوه عندي ،

ارفعت راسها وناظرت القمر شردت مده طويله فيه وقالت من دون وعي

/على الاقل اقدر اصدق ان البدايات السعيده تنتهي بنهايات تعيسه مثلي بالضبط ،

تدريجياً غمضت عيونها مستسلمه لنوم مودعه حياتها القاسيه للاحظات ،،

-
-

وبنفس الوقت نزل هو من الشجره الكبيره .. قرب لمها ببطى .. ينظرها بعيون حزينه وفم مبتسم بحزن عليها ..

/روميو حب جوليت حد الممات ولكن الخطأ وقع على المبعوث من القسيس لو لحق وعلم روميو ان جوليت ما ماتت وانه كان تمثيل انها ميته ماكان هو انتحر جوليت انتحرت مع حبيبها لو وصل بالوقت المناسب كان روميو وجوليت عاشوا حياة سعيده طيبه ،

جلس جنبها وتنهد بضيق/ولو ان الشخصيات الشريره ركزوا عليها لكان حبوا المشاهدين الشخصيات الشريره وماعطوا اي اهتمام لل ابطال لذلك خلوا الشخصيات الشريره كارهه عند الناس والمشاهدين ،

.
.
.
.
.
.
.
.
.

ومن هنا نوقف ونكمل بالبارت القادم ..
اتتمنى انه نال اعجابكم ،،

ادري والله انه قصري ومافي اي حماس والله ان الاختبارات مأثره على راسي ومو قادره افكر الا بالرياضيات والفيزياء والكيمياء<قلب مكسور> دعواتكم لي ،،

بس الحماس بيبدا من الاسبوع الجاي ..
بيدت الاحظ انه بدا يقل تفاعلكم *^* ليهه؟؟ قولوا لي اذا الخطا من الروايه عشان اعدل فيهاا قبل كان اربع خمس صفاحات تتملى بتعليقاتكم والحين نص صفحه *^* اذا كان فيه خطا قولو لي عشان اعدله ولا تحرموني من تعليقاتكم لانها هي سبب نجاح الروايه واكتمالها ،،

لا توقفون عن دعمي :)) لان مابقى الا قليل وتخلص الروايه وبس والله ..

وهــبي هــبي مــــاري.....$
دمــتــم بــخــيــــر…&