رواية بنت غير شرعية الفصل الرابع والأربعون 44 - بقلم سمسومة

الصباح نضت قبل غسلت ولبست وبقيت نفرز فالشومبرة. طول مناضش مقدرتش نهبط ونخليه. ديجا راهم بداو يهدرو عليا ويقولو جاياحة وموش كاسباتو. نضريت وليت صباح غير نطول منفطرش. يدور عليا قلبي. جريت للدوش استفرغت. لقيتو في ظهري حاكم لي راسي. "بسمة واش بيك؟ قتلو والو غير جعت صرالي هكا. "هيا نفطرو ونديك للطبيب." قتلو ميشقاش راها حالة نفسية يامات وان شاء الله نريح منها. خرجت تكسلت وهو غسل وجا. "اقعدي ضوك نعيطلهم يجيبونا فطورنا هنا."

قتلو لالا هيا نهبطو تغميت هنا. هبطنا مع بعض. كي شفتهم تكيت عليه. "حنونتي واش؟ قتلو عييت برك. "كون غير خليتي قعدنا الفوق." كملنا عندهم. جاو سلمو عليه وعليا غير حشومة. "قاتلو يماه زينب وينك يا طفل قريب شهر مشفناكش." قالها مع الخدمة برك. "ربي يعينك." هوما كانو مجمعين فالصالة. عيط على امينة. "جيبينا نفطرو هنا." قتلو لالا هيا نروحو للكوزينة. "راكي تاعبة غير قعدي هنا." نطقت سليمة. "تاعبة من الراحة." خبرتو في وذنو.

"حابة نفطر معاك وحدنا." شاف معايا عينيه ولاو قلوبة. مسكين. "هيا داني غير يساعف فيا للكوزينة." وهوما الغزول شدهم قريب يطرطقو سيرتو آمال. شفتها طلعت مع الدروج تجري. فطرنا. "تخدم اليوم؟ قالي لالا. "معليه تخرجني." ضاق خاطري. "أنا هنا ويضيق خاطرك. هيا البسي دفي روحك هنا راه البرد موش كيما عندكم."

طلعت لبست سروال بيل درت مكياج خفيف. الله غالب وجهي كحل لي ساغن. علابالي ميحبنيش نخرج معاه هاكاك. موش نسيت أمي ولا موش حازنة عليها. دخل يوسف بقى غير يشوف معايا. "بسمة بيل رقيق لبسي حاجة خشينة." قتلو منقدرش نتخنق بصح ضوك نلبس كاناديا خشينة. جبت لبستها لحق عندي غلقهالي للفوق. "ديري بوني." قتلو معنديش ومنحبش نديرها. "يا طفلة راني نقولك البرد." قتلو ندير لاكابيش. "خلاص هيا خرجنا." حطيت يدي فيدو بالعاني.

"عجوزتي تهلاو في رواحكم." خرجنا. كانت الشتا دايرة حالة. داني لوحد الغابة شحال شابة. "دوماج الشتا هبطنا غير لي كارو." غمضت عينيا ورجعت راسي لور بقيت نشم فالهوا. شوية حسيتو حط شفافو على شفافي. تخلعت طبعتو. "رد بالك تعاود تمسني." وبديت نعيط عليه. "خلاص اسمحيلي اتهدني برك والله منعاود." "تهدني." "خلاص والله مراح نعاود سامحيني خلاص." هبط من اللوطو تكيف. شحال باه عاود طلع. "نروحو."

هزيتلو راسي. دخلنا لافيل قارا عند ريسطورون. "هيا." قتلو لالا. "بسمة الله يحفظك هيا." قتلو حابة على بيتزا. "ميكون غير خاطرك." عاود ركب رحنا عند بيتزيريا دموندالنا بيتزا كبيرة. "ناكلها وحدي مناكلش معايا." "صح." قتلو واه. بقى غير يشوف معايا حتى كملتها. "حابة نزيد." "مزية وأخيرا تفتحتلك الشهية." قالوزيدنا وحدة. قتلو لالا حابة همبرغر. "جيبنا زوج وزوج كوكا." قتلو لالا أنا جيبلي واحدة كبيرة.

بقى غير يشوف معايا. جابلنا كيفاه كليتو هذاك الهمبرغر. "تزيدي." قتلو لالا صاي. فتحت القرعة نتاع كوكا 2 لتر فرغتلو كاس وشديتها. هذا الكاس هذا الكاس كملتها. هذاك السارفور نخلع يقولك باينة خرجت من المجاعة. "كاش ما تزيدي." قتلو لالا الحمد لله. "هيا مالا." مع هو ناض يخلص يا دلالي ويخرج هذاك سنيوة نتاع لي سوفلي هكاك سخونين ريوقي ولاو يسيلو. جا يوسف. "هيا." نضت وباقية نشوف مع السنيوة. فاقلي. "تاكلي."

قتلو واه بصح موش هنا نديهم معايا. "5 يكفو." هزيتلو راسي. راح جابلي ما أمنت. ركبت اللوطو وبديتهم ناكل ونتمتع. ناكل غير بالشوية خايفتهم يكملو. حتى بقات الحبة التالية باه تفكرت يوسف. "تاكل." وفي قلبي يا ربي ماياكلش. مزية. "بصحتك." كملتها.