رواية براءتي الفصل الأول 1 - بقلم جميلة سلطان

تعالي هنا في الأوضة دي يازهرة. انتي هتخلي بالك من المريض ده. زهرة بتوتر: هو النهاردة ينفع أروح بدري؟ ابني عنده. كل يوم كده يازهرة. هو ينفع؟ أنا كده هضطر أخصم من مرتبك. انتي مش بتشتغلي كويس. فين أبو ابنك يهتم بيه شوية؟ أو مامتك. زهرة: خ. خلاص يادكتور، بس هتصل بواحدة تجيبه من المدرسة. عن إذنك. *** بينما هو كان جالس على السرير يدخن بهدوء وهو ينظر للحائط أمامه بشرود، ليقاطع شروده صوت يعشقه. "صباح الخير يابابي." "صباح الورد لأحلى وردة عند بابي." "كل ده نوم يابابي." "لا بابي صاحي أهو، بس كنت بفكر في حاجة." "وبـ تفكر في مين غير وردتك؟" وهو يحملها: بفكر أودي وردتي فين النهاردة؟ نروح الملاهي ولا السينما؟ "امممم نروح نعمل شوبنج ونجيب باربي." "باربي شبهك كده؟" "لا شبه صورة البنت اللي في دولابك." بغضب مكتوم: وانتي بتفتحي دولابي ليه؟ "كنت بتخبى فيه من ماما، كنا بنلعب." "طيب ياريت متتكررش." *** "برده يازين مش هتسمع الكلام؟ قلتلك ماما مشغولة." "لا مش هقوم من هنا غير لما ماما تيجي." "ياحبيبي ماما هتيجي والله." "لا قلت لا، روحي انتي أنا هستنى ماما." "انت مش بتسمع الكلام خالص كده؟ عيب." "مش عيب، انتي اللي بتخليني أبقى مش مؤدب عشان بتغصبيني على حاجة مش حاببها." "انت شبه أبوك كده لي ياعم انت." وهو ينظر لها بحماس: انتي عارفة بابا؟ هو فين؟