رواية برائتها اوقعتني في حبها الفصل الحادي والعشرون 21 - بقلم روان جابر

حسام راح لآدم ولف حواليه. حسام: أي رأيك فيا؟ طلعت أذكى منك. آدم راح ناحية الدولاب وطلع مسدس وصوبه ناحية حسام. حسام كان حاطط كاميرا في زرار البدلة، كان اللي شايف كل حاجة: جلال وقاسم وظابط. قاسم: إحنا لازم نعمل حاجة بسرعة. ظابط: إحنا هنروحله دلوقتي، يلا. جلال: يلا. وكلهم راحوا على بيت آدم. بعد شوية، الكل وصل على بيت آدم. الباب خبط. أسماء راحت فتحت، اتصدمت لما لاقت الشرطة وقاسم وجلال. دخلوا جرى.

الظابط: ارمي السلاح من إيدك. آدم اتصدم لما شاف الشرطة، اتضايق وراح جاي ضارب طلقة في حسام. قاسم: حسام! الظابط: اقبضوا عليه هو والهانم اللي معاه بسرعة. الشرطة راحت قبضت على دينا وآدم وراحوا السجن. أسماء واقفة مصدومة من اللي بيحصل. أسماء: انتوا واخدين ابني فين؟ استنوا يا جلال، شوف واخدين ابني فين. جلال راح لأسماء وفهمها كل حاجة. أسماء بعياط: يعني ابني عمل كل ده؟ أنا مكسوفة أوي منك بسبب ابني.

جلال: يلا تعالي هاتي شنطة هدومك، هتيجي تقعدي معانا في القصر بدل ما انتي قاعدة لوحدك. أسماء: تمام. قاسم كان اتصل بعربية الإسعاف وجت أخدت حسام وراحت على المستشفى. فلاش باك. حسام لما كان في العربية بعد ما روح، اتصل على قاسم. ظبطوا خطة مع بعض وجابوا جلال وشرحوله كل حاجة وجابوا ظابط معاهم. بااااك. في المستشفى، الدكتور طلع وقال إن حسام كويس. ورد لما سمعت الخبر خافت، خدت داليدا وراحوا على المستشفى.

ورد بخوف: فين حسام يا قاسم؟ قاسم: جوه أهو. ورد دخلت لحسام وقعدت جنبه وفضلت تعيط. حسام صحي وحط إيده على راسها. حسام: وردتي، مينفعش تعيطي. ورد رفعت راسها: حسام، انت كويس؟ وفضلت تسأله أسئلة كتير. حسام: اهدى، متخافيش، أنا بقيت كويس الحمد لله. ورد: مين اللي عمل فيك كدا؟ وأنا أقطعه بسناني. حسام ضحك عليها. الكل دخل لحسام يطمنوا عليه. جلال: انت عامل إيه دلوقتي؟ حسام: الحمد لله. جلال: أنا عايز أقولكم على خبر. حسام: اتفضل.

جلال: ريما متقدم لها عريس، ابن صاحبي. حسام وورد بصوا لبعض وقالوا في صوت واحد: إيه...