رواية برائتها اوقعتني في حبها الفصل الثالث 3 - بقلم روان جابر

حسام وقاسم دوروا على ورد لقوها في البيت اللي قصادهم قاعدة مع عيال بتلعب وتاكل معاهم. حسام: ورد يا ورد. ورد بصت وراها. حسام: تعالي هنا. ورد بتحرك راسها بلا. حسام: اسمعي الكلام. ورد ولا ردت عليه. سماح: ادخل يا حسام، هي تقربلك أي؟ حسام: لا شكراً يا طنط، هي بنت خالتي، معلش نادي لورد. سماح: سيبها مع عمر ابني بيلعبوا مع بعض. حسام: تمام. قاسم وحسام دخلوا البيت وسابوا الباب مفتوح عشان ورد. بعد شوية.

ورد دخلت البيت، لاقت حسام نايم وقاسم قاعد على الفون بتاعه. ورد: إيه اللى معاك ده؟ عايزة واحد منه. قاسم: حاضر، هبقى أجيب لك واحد بس لما تكبري. ورد راحت لحسام. ورد بتحرك حسام وعمالة تضربه عشان تصحيه. حسام: اممممممم، عايزة إيه؟ ورد: عايزة أنام. حسام: طب ما تنامي يا ورد. ورد: ماما كانت بتحكي لي حدوتة عشان أنام. حسام: ماشي يا ورد. حسام فضل يحكيلها لحد ما نامت. حسام: قاسم. قاسم: نعم.

حسام: إحنا لازم نودي ورد دار الأيتام وهنبقى نروح نشوفها. قاسم: لا يا حسام، سيبها معانا. حسام: إحنا مش عارفين نهتم بيها. قاسم: بقولك إيه، أنا رايح الشغل، تمام. حسام: ماشي، يا ريت متجيناش بمصيبة تانية. قاسم: العين دي قبل العين دي، عايز حاجة أجبهالك وأنا جاي؟ حسام: هات آيس كريم وسندوتشات كبدة و...... قاسم: إيه يا عم كل ده؟ أنا هصرف الفلوس كلها عليك ولا إيه؟ حسام: ماشي، أبقى أطلب مني حاجة بعد كدا. قاسم: سلاااام.

حسام فضل قاعد جنب ورد. بعد شوية الباب خبط. حسام راح يفتح. حسام: الشرطة.... قاسم عامل حاجة تانية ولا إيه؟ الشرطة: مطلوب القبض عليك عشان بيقولوا إنك خاطف بنت صغيرة. ورد صحيت راحت تشوف حسام، لاقت الشرطة خدت حسام. حسام: ممكن ورد تيجي معانا؟ أحمد: هاتها يا ابني معانا. واخدوا حسام وورد على السجن. ورد: إنت قاعد كدا ليه يا حسام؟ حسام: مفيش يا قلبي. حسام: ممكن الفون ضروري. أحمد: لا ومش عايز أسمع صوتك.

حسام: ياباشا أنا طالب جامعة في كلية طب، كنت شايف البنت لوحدها في الشارع وملهاش قرايب، خدتها معايا البيت والله. حسام: طب ممكن أكلم حد ضروري. أحمد: إنت صدعتني، اتفضل خد. حسام اتصل بقاسم يجيله. بعد شوية قاسم وصل. قاسم: إنتوا حاطين حسام في السجن ليه؟ حسام: مفكرين إننا خاطفين ورد يا قاسم. قاسم حكى كل حاجة للشرطة. أحمد: إحنا هنطلعك بس بشرط تودي ورد دار الأيتام. قاسم وحسام بصوا لبعض. قاسم: حاضر.

حسام: لا، خليني هنا أحسن، مش هوديها في مكان. أحمد: نعم يا روح أمك. حسام: قصدي حاضر. حسام طلع من السجن والشرطة خدت ورد لدار الأيتام وحسام وقاسم معاها. ورد: إحنا جايين هنا ليه يا حسام؟ حسام نزل لمستوى ورد وقالها: هنا هيكون بيتك يا ورد وهنبقى أنا وقاسم نجيلك على طول. قاسم: سلام يا قلبي، إنتي هتوحشيني. ورد: لا أنا عايزة أجي معاكم. حسام وقاسم مشيوا وفي واحدة مسكت ورد على ما حسام وقاسم يطلعوا من دار الأيتام.

ورد فضلت تعيط وبعدين سكتت شوية وبقت بتلعب مع عيال. تاني يوم. حسام وقاسم راحوا لورد. ورد شافتهم جريت عليهم. ورد: بابا أنا استنتكم كتير أوووي. حسام: أسفين يا حبيبتي. قاسم وحسام كانوا جايبين لها لعب. حسام طلع من جيبه سلسلة يلبسها ورد. حسام لبسهالها، ورد فرحت بالسلسلة. حسام: عشان تفتكرينا يا ورد. عدت الأيام وحسام وقاسم بيروحوا لورد. في يوم راحوا دار الأيتام ملقوهاش.

حسام: حضرتك في بنت اسمها ورد جايه بقالها أسبوعين هنا، متعرفيش راحت فين؟ نورا: في واحدة جات اتبنتها النهارده. حسام وقاسم: نعم ........