رواية بريئة في عالم المافيا الفصل السابع 7 - بقلم ملك شكري

الزعيم بغضب حارق: مااااذااااا رعد الحديدي وهذه الطفله خدعوني خدعو الزعيم الأن سأقفل معك اندرو وسأنهي رعد الحديدي. عند رعد مسك المايك وابتدا يتكلم: أنا عايز أتكلم عن حاجة واحدة وهي إني أشكر أفضل وأحسن حد في حياتي على كل اللي عملته عشاني ووقفت جنبي وهي ملاك. وشكراً كمان لأصحابي عمري أدهم وحمزة لأنهم ساعدوني ووقفوا جنبي كتير. سبب إني معاكم دلوقتي وواقف وسطكم...

شاور على ملاك: هي دي، دي اللي قدرت إنها تنقذني مع إن كان في خطر كبير عليها، بس كل اللي أقدر أقوله شكراً ليكي بجد، وإنتي فعلاً أحسن حد في حياتي. دي كده كانت مفاجأة ملاك. أما المفاجأة بتاعتي أنا، فـ هقدمها دلوقتي. كل أنوار القاعة اتقفلت، وبعد دقيقتين تقريباً النور اتفتح. بصت ملاك حواليها، لقت رعد قاعد على ركبته وفاتح علبة فيها خاتم. الماظ شكله تحفة وقال: تتجوزيني؟

هنا ملاك برقت من الصدمة والفرحة في نفس الوقت. بصت حواليها لقت صحابها زينة وليان وقالولها: وافي، وافقي. وابتدوا يحركوا إيديهم إن الناس تتكلم. كل الموجودين: وافقي، وافقي، وافقي. هنا ملاك بدموع من الفرحة: موافقة. لبسها رعد الخاتم وقام حضنها وقال: أحسن يوم في حياتي. وهمس بصوت واطي: بحبك. ملاك دموعها نزلت من الفرحة. رعد بصوت عالي للجميع: ودي كانت مفاجأتي وأحسن مفاجأة في حياتي.

الكل ابتدا يصقف في حماس وفرحة. في بنات بيبصولها بحقد إن رعد الحديدي اتقدملها، وفي اللي بيبصلهم ويدعي إن ربنا يكملهم على خير، وفي اللي بيبص بفرحة. بعد الحفلة الناس مشيت، وكان فاضل زينة وليان وملاك ورعد وحمزة وأدهم. ملاك: انتو جيتوا هنا إزاي؟ ليان: شوفي ياستي... *فلاااااااش باااااااااك* خد رعد رقم ليان من أدهم واتصل بيه. ليان: الو مين معايا؟ رعد: أنا رعد يا ليان. ليان: اه عامل إيه يا رعد؟ ملاك كويسة؟ حصلها حاجة؟

رعد: أنا كويس وملاك كويسة. أنا كنت عايزك في موضوع. ليان: طيب اتفضل. رعد: أنا عايز أتوز ملاك. ليان بفرحة: بجدددد؟ لولولولولويييي. رعد: يخربيتك ودني باظت. اه ياستي بجد، وكنت عايز أعملها مفاجأة في حفلة هتتعمل كمان يومين عشان الصفقة الجديدة، وكلنا هنبقى هناك. وعايز أعملها مفاجأة وأتقدم لها هناك. كل اللي عاوزه إن هبعتلك عربية تجيبك إنتي وزينة على الحفلة. ليان: تمام. طلعت رومانسي يا رعد. رعد ضحك: اقفلي يابت سلام.

ليان ضحكت: باي. *بااااااااااك* ليان: بس ياستي ده اللي حصل. ملاك بصتلهم كلهم بفرحة. رعد: طب نمشي إحنا بقى ورانا مفاجأة تانية. يلا سي يو. وضحكوا عليه. أدهم: أيوه يا عم ناس ليها رومانسية وناس آخرتها تتفرج. رعد: اهو قرك ده اللي جايبنا ورا. وكمل بغمزة: وبعدين إيه اللي مانعك؟ ما كل حاجة قدامك. إنت اللي غبي. أدهم: امشي ياض امشي. رعد وملاك وهما بيضحكوا. ركب رعد وملاك العربية.

مسك رعد إيد ملاك: لو حد كان جه قبل كام سنة وقال لي إني هعيش شعور الحب ده مكنتش هصدقه. الله يسامحك، عملتي إيه في رعد؟ ملاك ضحكت: الله وأنا مالي، ده أنا حتى طيبة خالص. رعد: ها، طيبة قولتيلي. ضحكوا. وبعد شوية مش قليلين وصلوا ليخت كبير جداً مكتوب عليه من برا (*ملاك الرعد*) ملاك بصتله بصدمة: متقولش. رعد هز لها دماغه بالتأكيد. جريت عليه ملاك حضنته: الله يا رعد ده حلووووو أوي ده عشان إيه؟ رعد: عشانك، عشان ملاك الرعد.

ضحكتله ملاك ضحكة جميلة ودخلوا اليخت، قعدوا سوا في جو كله ضحك وهزار. عند أدهم وحمزة وليان وزينة. زينة: طب يا جماعة إحنا هنمشي إحنا بقى. حمزة: ليه الاستعجال بس؟ خليكي قاعدة شوية. اء، أقصد خليكوا خليكوا شوية. ضحك أدهم وخبطه حمزة في كتفه. وكذلك ليان وزينة. زينة: معلش بقى، الوقت اتأخر واحنا لوحدنا. حمزة: طب أوصلكوا، كو، أوصلكوا، احم. أدهم انفجر في الضحك هو وليان وزينة حست بالكسوف. حمزة بغيظ: اتلمي ياهبلة.

أدهم: خلاص يا عم، تعالوا نوصلكوا بقى إنتوا كمان. ليان: مابراحة يا شبح، مش بالزعيق. ضحكوا ومشوا سوا. عند ملاك ورعد بعد وقت. اتحرك رعد باليخت لحد الشط ونزلوا. قعدوا على الشط. خلع رعد الجاكيت بتاعه ولبسه لملاك. بصتله ملاك وابتسمت ورجعت بصت للبحر سرحان. رعد: الجميل سرحان في إيه؟ نامت ملاك على الرمل وبصت للسما، وخلت رعد يعمل زيها. اتكلمت ملاك: شايف النجمة دي يا رعد؟ شاورت على نجمة في السما. رعد: شايفها يا حبيبي، ماله؟

ملاك: النجمة دي أنا شايف كانت وحيدة إزاي، ومفيش ولا نجمة حواليها. ولكن في حاجة جمبها ومعاها وهي القمر، والقمر ده إنت. إنت اللي مسبتنيش وعلقتني بيك من أول يوم شفتك فيه، فضلت أفكر فيك. كانوا صحابي لما يتكلموا عن الحب أقولهم ده كلام فارغ ملوش لازمة. هحب، هتأذي وهجيب الوجع لقلبي. بس إنت جيت وغيرت كل تفكيري، خليتني أفكر فيك وبس. بقيت إنت مصدر أماني، بقيت إنت اللي بطمن وأنا جنبه. حتى وانت كنت في غيبوبة، كنت باجي وأقعد جنبك عشان آخد منك الأمان. حتى وانت مش حاسس باللي حواليك، كنت بفضل معاك وأقول طول ما أنا جنبه هفضل أساعد. وإنت عوضتني عن حاجات كتير. أنا بحبك أوي.

حضنها رعد ودمعة نزلت من عيونه، ودي كانت أول مرة تحصل. رعد: وأنا بحبك يا قلب رعد. أنا اللي كنت محتاج الأمان ولقيته معاكي. زي الطفل اللي فضل مدة تايه وبعدين لقى أمه، واترمى في حضنها. إنتي أماني يا ملاك، إنتي ملاك الرعد. أنا لو فضلت أقول بحبك طول الحياة مش همل أبداً من حبك. بعد وقت قاموا ورجعوا البيت تاني. عند أبو ملاك. أبوها بغضب: لازم ألاقيها، لازم والله لأقتلها. هتروح مني فين؟ وكالعادة مرات أبوها وبنتها بيسخنوا فيه.

عدى أيام وكانت ملاك مستنية النتيجة بفارغ الصبر، وكانت بتروح مع رعد الشركة ومبيفارقوش بعض، واتعلقوا ببعض أكتر. والزعيم لسه مخلي اندرو يراقبهم وبيخطط إزاي يقتل رعد وياخد ملاك. بعد أسبوعين جيه يوم النتيجة. جم ليان وزينة وهما فرحانين لأنهم نجحوا وجابوا 94%. ملاك متوترة جداً، لأن رعد قالها هيجيبهالها هو. أدهم وحمزة وليان وزينة كانوا قاعدين مع ملاك وبيحاولوا يخففوا توترها. دخل رعد وعلى ملامحه الحزن.

قامت ملاك بسرعة: رعد، رعد جبت النتيجة؟ رعد بحزن: آه جبتها ياملاك، للأسف إنتي سقطتي. ملاك بدموع: اايههههههه.