رواية بسمة مدفونة في خيالي الفصل الأول 1 - بقلم ضاقت أنفاسي

ناظرت جدتها بتعب وهي تمسح حبات العرق عن جبهتها من فعل الحرارة : جدتي نرجع للبيت !
الجدة برفض : ما هو الحين أنا متأكدة إنها الخايسه رح تمر من هنا تظن نفسها تهرب مني !
لكن من هالشنب إذا ما أمسكتها !
رفعت حاجب بطفوله: جدة انت عندك شنب؟!
ترى الرجال يقولون كذا !
الجده وعيونها على الطريق : انكتمي يا طول لسانك !،
زفرت الطفلة بضجر وهي تناظر حولها بيوت متفرقة عن بعضها وبعض بيوت متجمعة حول بعضها ..الشمس بحرارتها رح تصهرها ومن ساعة جدتها واقفه بالحر هنا !
أقبل عليهم مرزوق بصوته الجهوري: جدتي وش تعملين هنا !
ام مرعي بقهر: أنا أراويها هالكلبة أخذت الفلوس قبل أسبوع واختفت لكني متأكدة إنها رح تمر من هنا
قاطعها بملل  : أقول امشي على البيت أفضل ما تضربك هالشمس ...شوفي البنت كيف صار شكلها من الشمس!
وقبل ما تعترض نطق بصوت مرتفع : يا جدتي امشي !
ذبحنا الحر !
نزل لمستوى الطفله ومسح حبات العرق عن جبينها وبابتسامه : تعبانه!
هزت رأسها بالنفي وهي ترد له الابتسامة !
قرص خدها وهو يتأملها بشعرها القصير المنسدل : يلا
ام مرعي بغضب وهي تعود ادراجها : وقسم بالله ما اتركها هالسروق ..صدق ما عاد فيه حياء بذي الدنيا !
أنا الغبيه إلي أعطيتها الفلوس على بالي إنها تكون بنت عالم وناس محترمه لكن هالنصابة دواها عندي !
عند باب البيت ناظرت حفيدها بقهر : والله ودي ارجع وانتظرها وامردغها بالتراب هالنصابة!
ناظرت جدتها وتكلمت بمصداقية الأطفال : وش جابك لها تراها دبه وانت عصلة يا جدتي اكيد رح هي تمردغك
صاحت بوجع الطفله لما شدت ام مرعي اذنها : لسانك الطويل هذا أنا رح أقصه !
ابعدها مرزوق
عن الطفلة بضحكه : وهي صادقة اتوقع لو تواجهتي معها إلا تمردغك !
خلاص أنا أتفاهم مع زوجها !
ناظرت جدتها وهي تفرك أذنها وعافسه ملامحها بطفوله : زوجها النصاب أخذ فلوسك وما أرجعهم تبغاه يرجع ديون زوجته الدبة !
ام مرعي ناظرتها  بتوعد: انا هذه ذابحها الليله !
يا ويلي من طول لسانها .. أنا عمري ما شفت مثلها كل شيءتعرفه !
دخلت للداخل وهي تضحك بضحكات طفوليه رنانه !
التقت بزوجة ولد عمها بالصالة وهي حامله أخوها الصغير : وش فيك ؟!
ناظرت زوجة ولد عمها بابتسامه وهي تهز كتوفها : جدتي تبغى تضربني !
هزت رأسها بتفهم وجلست على الكنبه وهي تنبه عليها : كم مره قلت لك جدتك اتركيها لا تقاطعين عليها الكلام !
مدت برطمتها ما عجبها الكلام : يا خالتي تحكي كلام ما يدش عقلي !
واشرت على عقلها بإصبعها الصغير !
ضحكت زوجة ولد عمها من قلبها على طريقتها : والله يا الروضه صار كلام جدتك ما يدش عقلك هههههههه !
والله لو تسمعك الحين الا تقطع اذنك !
دخلت ام مرعي وللحين الشريط شغال : والله لاطلعهم من عيونها !
مرزوق بضجر :،يا ليل ابو لمبه الظاهر اليوم ما لنا سيرة غير ذيك الزفتة !
تقدم منه ولده الصغير بابتسامه: بابا
حمله بهدوء وجلس جنب جدته إلي للحين ما سكتت ما يدري وش يسكتها !
مرام وهي تتحسس بطنها البارز : رونق اطفي الغاز وتعالي !
هزت رأسها بطاعة وطلعت من المكان !
ام مرعي بانفعال : أنا أقول الحين اطلع لزوجها وكاد له كلمة عليها ويرجع الفلوس لي !
مرزوق بضجر : فصبر جميل !
يا جدتي وبعدين
قاطعته بغضب : أنا ما أحد ينصب علي !
ترى ما أحب النصابين إلي يأخذون فلوس وما يرجعونها للناس
دخلت عليهم وهي تتكلم باندماج مع جدتها : بس انت تحبين عمي مرزوق مع إنه نصاب !
فتح مرزوق عيونه : عيب يا بنت !
أم مرعي : مب أقولك دوم هذه البنت لسانها رح يجيب لها المصايب !
مرزوق بضحكه وهو يفتح ذراعه لها : وأحلى نصاب لأجل هالعيون الحلوة !
جلست جنب مرزوق بابتسامه : قول يا رب يصير معنا فلوووووووس كثيره وتسدد ديونك ونشتري كل شيء
قاطعتها ام مرعي وهي تلوي فمها : إذا حجت البقر على قرونها وقتها يصير بمرزوق فائده !
من وين تيجيكم الفلوس وحضرته جالس على بسطه يبيع أغراض للعجايز !
هذه تسمينها فلوس !
والله يا مرزوق
لو تنفتح عليك طاقة من فوق كلها ذهب إلا تبقى مطفر وما معك فلس لأنك ما في عقلك مخ وما تفكر مثل القربة المثقوبة قد ما تحط فيها موية تبقى فاضيه !
وانت هذا حالك !
رد بابتسامه : والله ما عرفتك يا استاذة اللغة العربيه !
من متى تعرفين بالصورة الفنية وتشبيهات بعد !!- والله حركات من ورانا !،
دامك شاطره ليه ما درستينا الواحد فينا يا دوب يعرف يفك الخط !
ام مرعي مطت شفتها : والله اني ذكيه بس أهلي الله يسامحهم ما خلوني اكمل تعليمي وإلا أنا الحين دكتوره !
مرام ابتسمت : ليه منعوك تكملين دراسة !
ام مرعي مطت شفتها بحسره : لأني رسبت بنفس الصف مرتين فأبوي الله يرحمه قال حنا نرسلك تقيسين الطريق وترجعين اجلسي بالبيت ابرك لك على الاقل نستفيد منك وتساعدين أمك بشغل البيت !
أما النصابة أهلها تركوها تكمل تعليمها مع إنها أكسل مني !
والله ما اتركها بحالها وإلا تدفع الفلوس غصب عنها
مرام ناظرت زوجها وابتسمت : رجعنا يا طير يلي !
رونق تناظر مرزوق وهو يمسح على رأسها ويتكلم:من سنة ما تخلص سيرتها !
نزلت عن الكنبه وجلست بجانب مروان أخوها تلاعبه بابتسامة طفوليه !
دخل عليهم جاد وجه مخلوط باللون  الاحمر والأسمر من فعل الشمس وباندفاع تكلم :-يبه يقولون في دورية شرطه بالقرية
فز مرزوق على حيله بفزع وقفته ام مرعي : وش فيك اجلس هم وش عرفهم فيك !
وإن طرقوا الباب تطلع لهم الملسونة هذه وتقول لهم ما في أحد بالبيت
ناظرتها رونق وهي رافعة حاجب بطفوله: أنا ما اكذب !
الجده باستنكار :والله !
كل الكذب إلي تنسجيه والحين ما عاد تكذبين !
وقفت وهي ترفع يدها بحماس : إلي يقرب من عمي اضربه !
انا اضرب بدون ما اكذب
انرعب مرزوق وهو يسمع دقات قوية على الباب تكلم بغضب : اكيد الزفت هو إلي بلغ عني !،
قلت يصبر كم شهر
ام مرعي بنهر: اركضي افتحي الباب وقولي ما في احد بالبيت
رونق وقفت وهي تحك رأسها : اكذب يعني
ركضت للخارج بسرعةلما مسكت الجده نعالها ....

**
**
**
بعد العصر جالسة على احدى البسطات جنب جدتها بملل طفولي واخوها الصغير بجانبها !
ام مرعي بصلابه : اقولك ما تمشي معي تبغين بهذا السعر يا هلا ما تبغين مع السلامه !
الحرمه بتصميم : إذا أخذت هذه مع الأغراض وش تحسبينها لي !،
ام مرعي وهي ترتب البضاعه :ولا فلس واحد !-
مطت الحرمه شفتها بقهر : امري لله هاتي الأغراض !
ام مرعي بعد ما غادرت الحرمه مطت شفتها : والله عالم احترق تحت الشمس حتى اوزع البضاعه ببلاش !
هالبخيله تموت إذا طلع فلس من جيبها!-
رونق بعبوس : سبحان الله مثلك يا جدتي !-
ما انتبهت لكلامها ام مرعي وانشغلت مع حرمه ثانيه ...الحرمه تناظر رونق : هذه ابنة خالد الله يرحمه
ام مرعي : الله يرحمه راح وترك خلفه هالبزران اراكض بالدنيا حتى اصرف عليهم !-
الحرمه بابتسامة : باكر تكبر وتزوجينها وتفرحين فيها
ام مرعي وهي تهز رأسها : إن شاء الله الله يطول بعمري حتى يكبرون وارتاح إنهم بخير !
ناظرتهم رونق وحولت نظرها للجهة الثانية بعد ما بلعت غصتها ....
ناظرت أخوها جالس بهدوء ويناظر اطفال يلعبون جدتها تمنعهم من اللعب تخاف عليهم من النسمة !-
تتمنى أمها وأبوها عايشين !
التفتت لها أم مرعي : تعالي شوفي لي هنا مثل هذه القطعة !
قامت وتوجهت تبحث مع جدتها بملل من الروتين الحياتي الممل !
اعطت جدتها : هذه !
ام مرعي سحبتها منها : ايوه !
الحرمة : ولدك مرعي ليه ما يساعدك بمصروف هالأيتام !
رونق مطت شفتها وهي تغلظ صوتها حتى تقلد مرعي :يقول يا دوب اصرف على عيالي حتى اصرف على دار الايتام !
ام مرعي قرصتها بخفه بكتفها حتى تسكت ...عفست رونق ملامحها من القرصه وتابعت كلامها : وش فيك يا جدتي نسيتي لما قام يضربك لأنك طلبت منه فلوس
ام مرعي أعطتها نظرة نارية بعد ما شهقت الحرمه : ولدك يضربك !
ام مرعي بترقيع : هذه الخبله قصدها عن ابن مرعي الصغير يا حليله بعده صغير وأحب أعانده
تكتفت رونق : إلا أقصد ولدك العووووود الكبير ما هو ولده الصغير
ام مرعي بغضب : اقول اجلسي عند أخوك اعوذ بالله من لسانك الطويل ما أدري لمن طالعة كذا !
رونق ببراءة أشرت على الحرمة الواقفه : ام سويلم تقولي لي لسانك بشعبتين مثل جدتك ام مرعي
الله يكفينا شر لسانها !
الحرمه فتحت عيونها وانلجم لسانها ما تدري وش تقول او ترقع
ام مرعي اشتعلت عيونها بغضب : أنا تقولين عني كذا ...ما هقيتها منك !
الحرمه بترقيع : بزر وش يفهمها يمكن مخربطه بحرمه ثانيه
قاطعتها ام مرعي بغضب : حفيدتي ما تكذب وترى دواك عندي يا قليله الحياء
تركتها الحرمة وغادرت ما لها حيل توقع بلسان ام مرعي !
ام مرعي للحين مولعه من الغضب ...ناظرت رونق جالسه جنب أخوها وتلاعبه وتضحك بطفوله : وليه ما قلت لي من زمان يا زفته !
وإلا كان مسحت فيها الأرض أول ما جاءت ..مال عليها جدار !
رونق ناظرت جدتها بلامبالاه : نسيت !
وبأمل كلمت جدتها : ليه ما نسكن بالمدينة ؟!
يقولون كل شيء فيها والحياه هناك اجمل !
قاطعتها ام مرعي : والله فكره زينه على الأقل نرتاح من وجوه الفقر إلي نشوفهم كل يوم !
وقفت بسعاده:-يعني موافقه يا جدتي !
ام مرعي بهدوء  : نروح أسبوع نجرب الحياه هناك ونرجع
قفزت بالهواء من السعاده وأخيراً رح تروح للمدينة !
غمضت عيونها وهي تحاول تتخيل شكل المدينة كيف رح يكون !
ام مرعي تنهدت وهي تفكر بحال هالأطفال المستوصف يقولون لها لازم تراجع بالمستشفى ..رفعت نظرها للسماء وهي تردد بداخلها يا ربي اعني على حمل هذي الأمانه !
اقترب منهم كالعاده مرزوق ومعه صديقه : حيها ام مرعي !
ام مرعي : هلا
مرزوق ناظر صديقه تعال شوف يمكن يعجبك شيء وتشتريه !
ابتسم صديقه لأم مرعي :،كيفك يا خالتي !
ام مرعي وهي تعرف الوضع المادي لهذا الشخص ممتاز وساكن هنا لقربه من الشركه إلي يشتغل فيها : هلا الله يحييك !
بخير يا يمه !
كيفك انت وكيف شغلك !
رد بابتسامه : بخير الله يسلمك !
وقفت رونق بابتسامة واشرت لصديقتها بالمدرسه وبصوت عال : تعاااااالي
ام مرعي ناظرتها بحده : هذه البنت لا تلعبين معها أمها للحين ما سدت الديون إلي عليها !
رونق عفست ملامحها :- يعي اقاطع كل المدرسة لأنهم ما أعطوك فلوسك !
مرزوق ابتسم لها : صادقة !
رجعت تلوح لصديقتها وجدتها انشغلت بالبيع ...تحس الدنيا ما هي واسعيتها وأخيراً رح تروح للمدينة !
**
****
**
الجازي
ناظرت الملفات قدامها يا كثرهم ...تحسه يتعمد يثقل عليها الشغل حتى تطفش وتترك الشغل بارادتها لكن حامض على بوزه مستحيل تخسر أمامه !
تنهدت بوجع مر على زواجها سنة ما شافت ابنتها !
يقولون مع الأيام تنسى لكنها للحين وجع الفقد مدفون بقلبها !
صحيح مع الأيام واندماجها مع اهل زوجها تعيش حياة طبيعية وتعدت أزمات كثيرة ...لكن زادت مخاوف عندها للحين ما تم الحمل !
امنيتها طفل تعيش معه كل مراحل الطفوله !
وبنفس الوقت خايفة يضيع مثل ضاعوا التوأم
قطع أفكارها دخوله لمكتبها بيده قهوة وهو يبتسم : حيا الله ام وسيم !
ناظرته وهي رافعه حاجب بعد ما وضع القهوة قدامها
ضحك بخفه وهو يشوف الملفات أمامها :-عجلي بالملفات عنا صفقات!
تناولت القهوة وارتشفت منها بقهر: ليه هالملفات ما كانت على دور أبو محمد ليه لما استلمت هنا صارت السالفة تطفيش !
أنا لازم أشوف المدير واتفاهم معه!
عقد حواجبه : ليطق لك عرق وانت معصبة!
المدير ما هو موجود وأنا مكانه !...عندك اعتراض تكلميني أنا !
وبعدين سيرة أبو محمد ما لها داعي ! عندك شغل تكملينه بدون ضجر مب عاجبك الباب يوسع جمل !
ويا حلاتها الجلسه بالبيت!
قرصته بعيونها : جالسه على قلبك هنا !
ابتسم بروقان: براحتك !
تنهدت ورجعت تشرب القهوة بهدوء وهي تتكلم : عمتي رح تمرني بعد ساعة عشان ترتيبات زواج اختك
ظهر على ملامحه الضيق من تدخلات أمه دوم طالعه وساحبه زوجته معها والمشكله ما يعرف يجلس بدونها والحين أكيد ما رح يرجعون إلا متأخر : طيب والغداء ؟!
ردت بهدوء : ما رح نتأخر !
وش قلت؟!
رد بضجر :-متى يخلص هالزواج ونشوف اخرتها !
ابتسمت بمحبة لهذا الإنسان غصب عنك تحبيه من تعامله الراقي والهادي !
عمره ما مد يده عليها أو صرخ بوجهها أو اشتكى عنها لأبوها !
وهي بنفس الوقت محترمه نفسها تعامل اهله باحترام وتقوم بواجباتها تجاه زوجها على قدر استطاعتها !
تكلم بهدوء : وش رأيك نطلع نتمشى شوي برا الجو حلووو غائم !-
وقفت بثقل وهي ترتب الملفات : كان ودي اطلع معك بس انت شايف الشغل كثير وأبغى أنجز قبل وصول عمتي !-
ما أظهر ضيقه رد بنفس الهدوء،: براحتك !
أخذ قهوته وخرج بهدوء من مكتبها !
تندمت بداخلها على تصرفها ...بس هي عملت كذا لعل وعسى يقولها خلاص اتركي الملفات وتعالي !
لكنه عنيد وهي رح تكون أعند منه!،
زفرت بضيق ورجعت تجلس بمكانها تحس نفسها واقفه بمكانها ماهي راضيه تتحرك !
اليوم سمعت من امها إنه جدها مريض بالمستشفى قلبها رافض يسامحه ...تحس كل إلي صار لها بسببه أو كان له يد في ذلك !
شتتوها وضيعوا مستقبلها ...ما رح تسامحهم ابدا !
قلبها للحين ينزف ما تعافى من الطعون القديمة !
**
**
**
**
بالقرية
ناظرت عمها مرعي الغاضب وهو يكلم أمه: وش يوديك للمدينه ؟!
أنا ما لي حيل هناك أجلس أدور فيك لا وبعد رح تأخذ البزران معها !
عفست ملامحها رونق من تدخله !
ام مرعي وهي تجلس : ما عليك كل مصاريف الطلعة علي !
قاطعها بحاجب مرفوع: بدون ما تقولي اكيد رح تكون عليك !
والله فلس واحد ما معي !
وهذه أم مرزوق اسأليها !
ناظرته رونق وهي عابسه : ما معك فلوس ليه تجيب كل هالبزران !
أشرت على عياله !
قبل ما يتكلم نطقت ام مرعي : وهي صادقه !
لعنبو ابليسك انت بالسنة تخلفوا بزران اثنين !
12 بنت واربع عيال !
من وين تلحق عليهم بالمصروف !
لا وفوق هذا تزوج البنات ويرجعوا عليك بعيالهم بعد
سكتت وهي تحس بشيء ضرب رأسها !
ناظرت الأرض وشافت النعال إلي ضرب برأسها ) !
وأحفاد ولدها متشابكين مع بعض وحتى الأمهات اشتبكوا مع بعض !
مرعي بصوت عالي :بس خلاااااص الله يأخذكم من عيال !
وش هذا !
رونق تناظر حولها وهي تعد بطفوله الموجودين وازعاجهم وصراخهم طالع لخارج البيت!
ام مرعي وهي توقف : قومي يا رونق أعوذ بالله من هالازعاج!
رونق وهي مستمره بالعد : لحظ14،*15 ،16
سحبتها ام مرعي من شعرها : امشي قدامي حشى هذا معسكر!
عز الله لو جلست لباكر ما تكملين عدهم !
ما معه فلس واحد والله راتب وزير ما يكفيك !
أبعدت واحد من البزران من قدامها بضجر : استغفر الله وش هالعيال هذي !
حست بأحد سحب شالها بقوة وهو متمسك فيها : اايني بتاتا
رفعت شالها ونقابها وهي تعدل فيها وبعدها التفتت على الولد ونزلت فيه ضرب : هذي بتاتا يا بتاتا الله ياخذكم من عيال !
ذول قرود مب ادميين !
عفست ملامحها لما بدأ يبكي الطفل واشتغلت صفارات الانذار !
جلست رونق على الأرض تمسح على شعره بحنان طفولي : خلااااص لا تبكي !
خذ هذه بتاتا واشتري إلي تبغى !
سكت الطفل وهو يبتسم للفلوس !
مسحت دموع الطفل بيدها الصغيرة : يلا يا بطل لا تبكي !
هز رأسه وركض يشتري من البقاله!
ركضت خلف جدتها حتى تلحق عليها وأخوها الصغير ماسك بيد جدتها !
زفرت لما وصلت لجدتها : ليه ما انتظرتوني!
ام مرعي بابتسامة : صجوا رأسي هالبزران !
ناظرت جدتها والابتسامه باينه من عيونها ..تنهدت والفرح يدغدغها وهي تشوف جدتها مبسوطة !
تحبها كثير وما تتصور حياتها بدون جدتها !