رواية بسمة مدفونة في خيالي الفصل التاسع والثلاثون 39 - بقلم ضاقت أنفاسي

بارت 32

وعد متعمدة تقهر زياد ..تكلمت بصوت مرتفع وهي تشوفه واقف ومعه شخص ثاني : الحين اعطيك عصيرك المفضل ورح تنسي العالم كله!
وختمت كلامها بضحكة رنانه!
ناظرتها رونق بعدم فهم ...وما انتبهت على وجود زياد وجراح ...مطت شفتها باستغراب متاكده هالبنت عقلها ضارب!
من وين طلعت لها هالنشبة!
بنفس المكان كان واقف مع زياد جاي يبحث عن رونق بما إنه جوالها مغلق....ناظر زياد الي يتكلم بقهر: شفت بعيونك صديقة زوجتك!
شفت الاشكال الي مصادقيتهم!
وسمعت الكلام!
اذا ما تعرف ترى هذه البنت ابوها واخوها مروجين مخدرات ...الله اعلم وش العصير المفضل لزوجتك!
جراح من الصدمة انلجم لسانه...وبدون ما ينطق حرف واحد توجه خلف رونق!
وعد بحماس: وش رايك اليوم تيجي معي صديقتي ليلى عامله حفلة بمناسبة خطوبتها
رونق تكلمت وهي مستمره بالمشي: وعد اطلعي من رأسي !
وعد بضحكه: يا اختي انت ليه كذا نكدية وحامله هموم الدنيا فوق رأسك!
تعالي وصدقيني رح تنسي كل همومك وما رح تندمي!
رونق هزت رأسها بأسف ما رح تتغير وعد وكل مره تلتقي فيها تلقاها غرقانه بالوحل اكثر !
وعد بصوت عفوي مرتفع: شوفي ولد خالتك فارس!
ناظرت رونق تلقائيا للجهة الي اشرت عليها ...وبعدها ناظرت أمامها بضجر!
وعد باستغراب: وش فيك كذا!
وبصوت هامس:مو على اساس تحبون بعض وانا كنت المرسال بينكم وش صار حتى تزوجت غيره!
رونق وقفت بغضب وناظرتها: انت من وين تجيبين هالكذب والكلام !
وقف جراح لما شافهم وقفوا واستغرب وش همست لها !
وليه رونق انفعلت !
وعد بانحراح: تعرفين احب ابهر السالفة يعني توقعت انك بادلتيه نفس المشاعر ...بس لا تنكرين تراه يحبك وخطبك وهو ارسلني حتى اخبرك والا ناسية!
بس نفسي اعرف ليه اهله رفضوك
عقد حواجبه بعد ما سمع بعض الكلام فارس خطب رونق واهله رفضوا الخطوبة!
رونق ناظرتها بحده وهي تمشي: تدرين انك اوقح
قاطعتها وعد بلامبالاه: براحتك لا تتكلمين ليه اهله رفضوا يخطبوك ...رح ييج يوم واعرف..تدرين كان ودي اوصلك للمكتبة بس صديقي ينتظرني ...اشرت على الجهة المقابلة وما تركت لها مجال تتكلم وغادرت بسرعة وهي تشوف رونق الشرار يطلع من عيونها !
رونق زفرت بضيق من هذه الإنسانة كم مره قالت لها تبعد عنها لكن ما عندها كرامة !
تابعت خطواتها بملامح منزعجة من وعد وثرثرتها!
الحين سمية رفضتها وما تبغاها لولدها!
مطت شفتها بقرف يقال ميته عليها وعلى ولدها!
يمشي خلفها والف علامة استفهام فوق راسه من الكلام الي سمعه!
فارس خطب رونق!
واهله رفضوا!
يحس فيه حلقة ناقصة تخص رونق!
ليه الكل نابذها ورافضها!
ليه ما يشوفها بالنظرة الدونية الي يشوفها الباقي!
دخل خلفها للمكتبة..ونفس المكان المعتاد جلست ...قبل ما يقترب منها رن جواله...عقد حواجبه من المتصل...ابتعد كم خطوة ورد بهدوء: الو ...هلا.....انا بمكتبة الجامعة ..ليه....مسروق! ....ما عندي علم !
طيب انا انتظرك!
قفل الخط وزادت علامات الاستفهام فوق راسه ....كتم قهره من تصرفات رونق!
توجه لجهتها ..سحب كرسي وجلس وهو عابس ملامحه ووعد نرفزته بقوة من كلامها وزاد قهره سالفة الجوال!
رونق تفاجأت من وجوده: جراح!
جراح وهو يقفل الكتاب من امامها وبنبره قهر: ليت جراح يموت ويخلص من مشاكلك!
عقدت حواجبها باستنكار من كلامه: وش صاير!
جراح زفر وسأل بهدوء: وين جوالك اتصل فيك مغلق!
رونق بأسلوب ملتوي تغير السالفة: وليه متصل فيني؟ صاير شيء؟!
جراح تكتف واسند ظهره على الكرسي: ابد سلامتك اتصلت اتعرف عليك!
وبحده نطق :رونق لا تجلطيني!
كم صار لي اتصل على جوالك وهو مغلق!
ليه جوالك مغلق!
وين جوالك؟
رونق تنهدت وبهدوء تكلمت: ما هو معي
قاطعها وهو ينطق: انسرق!
انخطفت ملامحها وهي تناظره للحظات....بعدها صدت عنه وبهدوء نطقت: اذا جاي تتشاجر ترى هنا ما هو مكان للشجار تقدر تؤجل هالشجار للبيت حتى تأخذ راحتك بالصراخ
وقف وهو يمسكها من يدها بهدوء ظاهري: تعالي معي!
ابعدت يده عنها بطول بال: اتركني ما رح اهرب!
ناظرها بحده وتابع خطواته لخارج المكتبة!
**
**
**
جالسة بالسيارة
تناظره بعد ما قفل جواله .تنهد وتكلم بهدوء: رونق وين
قاطعته حتى تخلص من هالسالفة: ما ادري هو ضاع والا انسرق!،
وما اعرف وين فقدته!
وغير كذا ما اعرف!
مط شفته من برودها: يا برودك!
طيب متى فقدتيه
ردت بنفس الهدوء: لما طلعنا مع فياض اخر مرة من وقتها ما ادري عنه!
رفع نظره للاعلى يمسك نفسه من تصرفاتها الغبية: ولا ناويه تتكلمين!
والزفت فارس وش سالفته!،
وهذه البنت الي كنت ماشية معها من وين تعرفينها! عقدت حواجبها باستغراب...وش عرفه بذي السوالف!

تكلم بنرفزه: جاوبيني !
ليه ساكته!
ليه ما تكلمت عن الجوال؟!
رونق تحس بالضيق يخنقها ..ردت بهدوء ما تبغى تفتعل مشكلة مع جراح: لاني ما اضمن وش رح تكون رد فعلك عن السالفة!
صفر بتعجب: ما شاء الله كل هذا خوووووف!
رونق
سكت ما يبغى يتكلم ويجرحها بالكلام ما تهون عليه!
هز راسه: طيب وش قصة فارس
قاطعته: انت وش عرفك
رد بنبرة ساخرة: ما شاء الله الي جنبك صوتها مثل سماعة المسجد !
كتمت ضيقها من وعد وثرثرتها ...ونطقت بتوجس: كنت خلفنا !
هز رأسه بدون ما ينطق بحرف ينتظر منها تتكلم!
تكلمت ببرود: ما في قصة ولا شيء خطبني مرة وما صار نصيب
سأل بسرعة: وليه رفضوا اهله الزواج
رونق تحس نفسها تحسست من كلمة الرفض...نطقت بجمود: روح اسألهم ليه رفضوا!
وبعدين انت جاي تفتح لي تحقيق مين خطبني ومين
قاطعها بتحذير: هذه البنت اذا شفتك واقفه معها ما رح يصير خير فاهمة!
زفرت بضجر مين ارسله لها حتى يجلس فوق راسها يعطي دروس وكأنه ناقصها هالكلام: ان شاء الله!
تنهد لما سمع جوابها توقع انها تعاند ...وبنبره حانيه: رونق لا تزعلين مني انا ابغى مصلحتك هذه البنت انا مو مرتاح لها
قاطعته بضجر: قلتلك ما رح اكلمها!
تكلم وهو يناظر فياض نزل من سيارته وتوجه لهم : هذا فياض ما ابغى مشاكل
ردت بقهر من فياض: ما ابغى اشوفه ولا اكلمه رجعني للبيت الحين
جراح زفر بضجر: فصبر جميل!
نزل من السيارة ووقف يسلم على فياض...فياض ملامحه ما تتفسر ...وبغضب مكبوت داخله تكلم :انا لو اذبحها ما أحد يلومني!
جوالك مسروق وانت منكتمه ولا عبالك تتكلمين!
جراح ناظره : كل شيء ينحل ما له داع لهذا الكلام رجاء!
فياض نزل رأسه وناظرها: جوالك فيه صور؟!
ناظرته رونق وهو منفعل ...مطت شفتها بسخرية من هالسؤال وما ردت لأنها ما تبغى تكلم هالانسان لأنه أذاها وجرحها كثير ...ما توقعت بيوم من الايام فياض يعمل كذ ا!
فياض وهو يشوف انها مطنشة ناظر جراح: شايف بعينك!
جراح بهدوء:اتركها انا احل الموضوع!
فياض : بلغ عن الجوال بالمركز!
جراح هز رأسه: هذا الي رح يصير!
فياض رجع ناظرها: ممكن تتكرمين علينا وتقولين وين فقدتيه ومتى؟!
جراح مسك كتف فياض لانه متأكد رونق ما رح ترد عليه ....وبهدوء نطق: تعال نجلس هناك!
حضنت نفسها بانكسار ...وكل حياتها تمر امام عيونها!
طول عمرها من بسطه لبسطه حتى تأكل اللقمة ... انسانه ما لها وجود بين الناس ...عاشت والا ماتت مين رح يسأل او يهتم لها !
منبوذه من الكل!
النظرة الدونية وكأنها حشرة !
هم وين وهي وين !
ليه اقحمت نفسها بينهم المفروض انسحبت من البداية!
الكل رافض وجودها ..الا ثلاثه
جواد
الجازي
الواجب يحتم عليهم يتقبلون وجودها!
جراح!
اه من جراح لغز ما هي قادرة تفهمه!
ما هي قادرة تتصور إنه فعلا يحبها !
احد يعشق ويحب من العيون!
ويرمي كلام اهله خلف ظهره !
مسحت دموعها بخفة ...ورجعت تكورت على نفسها وهي تحس نفسها ضايعة بهذه الدنيا!
عند جراح اي يكلم فياض: رجاء لا تكلمها كذا!
فياض هز راسه بقلة حيلة: طول عمري امسك اعصابي وبالي طويل ..الا هذه البنت ما ادري تطلعني عن طوري واعصب بسرعة !
يعني وين الجوال رح يكون أحد سرقه!
جراح بتفكير: الي اخذ الجوال هو الي نزل الصور !
فياض صك على أسنانه بقهر: الف مرة قلت لها لا تصورين بجوالك
جراح : المشكلة جوالها كله صور وما عليه قفل
فياض : والجازي لها صور!
جراح بتردد هز راسه: شفت لها اكثر من صورة
قاطعه فياض بغضب: يا صبر أيوب!
انا لو اذبحها احد يلومني !
جراح باستفسار: للحين زعلانه
فياض : رجعت لكن الاوضاع غير مستقرة .... المشكلة انها الجازي تنفعل وتفكر بقلبها ما تفكر بعقلها !
الكل يقولها اولادك الصغار اهم من هالرونق لكن عقلها ما هو مستوعب !
ما ادي وش قالت لها زوجة خالي واقنعتها وحتى فارس كان هناك وكلمها
رن اسم فارس بإذنه ...سأل بهدوء:-فارس متزوج!
فياض هز راسه بالنفي: لا للحين ما تزوج خليه بالأول يتخرج
جراح يسحب الكلام: غريب كونه الكبير عادة الاهل
قاطعه فياض بغموض : هو كان يبغى بنت بس اهله رفضوا
جراح وصل لمربط الفرس: غريب وليه رفضوا!
فياض هز كتوفه: ما يشوفون بينهم تناسب!
واهل البنت علاقتها مع ابو فارس مو ذاك الزود!
جراح معقد حواجبه: طيب البنت كانت موافقه عليه!!،
فياض ناظره بشك من اسئلته: ما ادري عنها واصلا ما صار شيء فارس قال لاهله عنها ورفضوا وما كلموا اهل البنت ...الحين اتركني من فارس و رونق!
جراح رفع حاجب: رونق وش دخلها!
فياض بتورط: خربطت ...ترى زوجتك ما تركت فيني عقل!
الحين انت روح وبلغ عن الجوال لعل وعسى نلقى حل !
جراح هز رأسه وتكلم برجاء: لي طلب عندك!
هز راسه فياض: تفضل!
جراح بهدوء: رونق لا تكلمها بذي الطريقة!
لا تكسر خاطرها
قاطعه فياض بضيق: اقسم بالله اني اعتبرها مثل ابنتي بس هي مستفزة بشكل ما هو طبيعي!
تظن الناس تمشي على مزاجها!
يا عمي في عادات وتقاليد لزوم نحترمها!
جراح ه رأسه بتفهم: بس انا متأكد انها رونق ما نزلت المقاطع
فياض : كان بإمكانها من البداية تقول ترى جوالي ضاع او انسرق حتى نتصرف ...يعني فوق غلطها متكتمه على السالفة ومتهمه وسيم انه الي سرقه!
ما ادري كيف تفكر ...لنفرض وسيم اخذه من عقلك وسيم ما هو صغير حتى ينزل مقطع فيه صورة امه!
تراه بالمتوسط ما هو طفل صغير!
جراح زم شفته بحيرة: والله شيء يحير
وقف فياض وتوجه لجهة رونق...فتح باب السيارة من جهتها وبهدوء نطق: رونق
رونق صدت عنه وبنبره مخذوله وفيها حزن عميق: لا تقول اي شيء لاني خلاص اكتفيت منكم ومن نظراتكم ومن اتهاماتكم!
انا اسفه ان غلطت بحقك ...انا قفلت صفحة الماضي للابد ولا كأني عرفتكم من قبل ولا ابغى اعرفكم!
انا فتحت صفحة جديدة ما فيها الا جراح وقدر ...وحتى جواد اعتبره ولد عم زوجي ...وغير كذا ما ابغى اعرف!
خلاص انتهى كل شيء!
والجازي لك وعد مني ما رح اقترب من صوبها ...وربي يسعدكم وانتهينا!
فياض يناظرها بصدمة من كلامها ..وقبل ما يتكلم وضع جراح يده على كتفه وبنبره راجية: ابو وسيم!
ناظره فياض للحظات وبعدها هز راسه بتفهم: ان شاء الله!
بعد وقت قصير غادر فياض المكان..توجه جراح للسيارة ...حرك وهو يناظر رونق: الحين نرجع للبيت نأخذ كرتونة الجهاز حتى نبلغ عنها
قاطعته بهدوء: ما له داعي انا بلغت عن الجهاز!
فتح عيونه باستنكار: بلغتي!
رونق عقلك ضارب ؟! انا وين حتى
قاطعته بصوت هادئ حزين وهي تبرر له: قلت لك ما كنت اعرف وش رح تكون رد فعلك علشان كذا اعطيتها لصديقتي وهي أعطتها لابوها وبلغ عنه!
مط شفته بقهر: يعني وش رح تكون رد فعلي!
جوال انسرق وش رح اعمل؟!
احيانا تفكرين بطريقة غريبة جدا!
عم الهدوء المكان كل واحد غارق بأفكاره....بعد وقت وقف ونزل من السيارة...نزلت النقاب وهي تحاول تجمع اكبر قدر من الأكسجين ....تحس وكأنها تتنفس من خرم الابرة!
غطت وجهها لما اقترب من السيارة....دخل السيارة ومعه كيس صغير!
فتح الكيس وهي تناظره باستغراب معه جوال جديد ...ركب عليه خط جديد!
بعد لحظات مد لها الجوال وبتنبيه: ما ابغى عليه ولا صورة لك لو انسرق او ضاع بقلعته فهمتي!
تناظره ويده ممدودة بالجوال: ما ابغى جوال
قاطعها بحده: رونق ترى
زفرت بضجر بعد ما اخذته: كل شيء بالغصب!
ناظرها بحده: ايه كل شيء بالغصب!
وبابتسامه: يعني كيف تبغين اتواصل مع نصفي الثاني!
يعني انت بالجامعة لما ينتهي دوامك كيف اقدر امرك!
وانا بالدوام كيف اطمئن انك بخير!
ناظرته وانرسمت على وجهها شبح ابتسامه ...لو تلف كل الكون ما تلقى مثل جراح ...
**
**
**
يوم زواج زياد
تكلمت بضيق: قلت لك ما ابغى احضر!
خلاص
جراح بعناد : رح تحضرين وخلي كل الناس تشوف زوجة الدكتور جراح!
مطت شفتها بقلب ميت: ما لي مزاج احضروعندي دراسة
قاطعها بحزم :معك ساعتين وتكونين جاهزة!
ناظرته باستنكار : ساعتين!
ناظرها: ما تكفي! كم ساعة تبغين؟!
ردت بابتسامة : خمس دقائق
فتح عيونه باستنكار: خمس دقائق!
اسمعيني الحين اخذك لاي صالون تزينك تبغين تحضرين بالعباية باحلامك!
ردت بملل: خلاص بعد ساعتين اكون جاهزة ما له داعي للكوافيرة
ناظرها بتأكيد: متأكدة؟!
هزت رأسها بابتسامة: متأكدة!
**
**
**
ام راكان جلست بعناد: اذا الحرباية الي تحت تحضر الزواج انا ما رح احضر!
صفيه بانتقاد: وليه ان شاء الله!
ترى كل العالم تعرف انها كنتك !
تبغين تنشرين غسيلنا قدام العالم !
مريم تنتظر دورها حتى تجهز نفسها: اخاف تصير مشكلة بوجودها
صفية : لا تخافين ما رح تعمل شيء ...انا موجودة اقص لسانها اذا
ام راكان : تراك ما تعرفينها اكيد مخططه لشيء!
والا وحده بعقلها اهل زوجها كلهم مقاطعينها ترز وجهها عندهم ليه!
اكيد ناوية على شيء!
يمكن مخططة تخرب الزواج
ام لؤي وهي تعلك : خليها تعمل شيء وقسم بالله الا نمسح فيها القاعة!
اتركيها تحضر ما نبغى مشاكل!
ومثل ما قالت جدتي ما نبغى العالم يعرفون قصة حياتنا!
واكيد الناس رح تسألك وين زوجة جراح!
ام راكان وافقت على مضض ..لكن بداخلها متوعدة فيها ان عملت حركة من هنا او من هنا إلا تعجنها بين يدينها !
**
**
••
**
**
مر الوقت واقترب موعد الحفلة ..ناظرت جوالها يرن ..ما فيه الا رقم جراح.ردت بهدوء الو ....الحين جاي..انتظر خمس دقائق واكون جاهزة....بس....طيب طيب!
قفلت الخط وناظرت كتبها ...مر الوقت بسرعة وانشغلت بالبحث....وقفت ناظرت نفسها بالمراية...وجهها شاحب ...ما يمداها تجهز الحين ...سمعت صوت السيارة ....لبست العباية وغطت وجهها بسرعة ...توجهت للخزانة اخذت كم غرض ....وتوجهت للميك اب وضعت بالشنطة الامور الي تحتاجها!
وطلعت من الغرفة بسرعة....وقفت برعب لما شافت جراح بوجهها : اوففففف اوقعت قلبي!
جراح ضحك بخفة : قلت اناديك لاني مستعجل
هزت رأسها : يلا
وقفها: لحظة خليني اشوف وش عجبتي على وجهك!
بلعت ريقها وبسرعه نطقت: مو الحين تاخرت
وما أعطته فرصه وبسرعة توجهت للخارج!
في الطريق جراح برجاء: رونق اتمنى يمر الزواج بسلام بدون مشاكل!
يعني حاولي تكبرين عقلك وما
قاطعته بانزعاج: هذا الكلام المفروض تقوله لامك واخواتك لأني ما اتدخل بأحد لكن امك
قاطعها بانزعاج: امك؟!
تراها ام زوجك يعني خالتك يا
قاطعته بلامبالاه: خليها بالاول تعترف فيني اني زوجة ولدها وبعدها يصير خير!
مط شفته بسخرية: كيف تعترف وانت معتزلة وما تخالطين احد!
يا رونق قلت لك بالبداية رح تكون صعبة لكن مع الايام رح يكتشفون انك
قاطعته بعدم اقتناع: امك اقصد خالتي لو ابني لها قصر ما حبتني ولا رح تتقبلني!
نطق بنرفزة: وانت كذا تحكمي!
جربتي؟!
نطقت بقهر : امك مجرد سلام ما رضيت تحط يدها بيدي تبغاني ابوس رجولها
قاطعها: خلاص غلطنا ومنك السماح انتبهي تتنازلي وخليك كذا مثل
قاطعته تحاول توصل له وجهة نظرها: يا جراح أنا ما حقدت على اهلك بس هم كارهيني كله بسبب راكان
قاطعها بضجر: الحين دخلتي راكان!،
يا رونق افهميني صدقيني المعاملة الحلوة مع الناس مع الوقت تشيل الاحقاد والبغض بين الناس...يعني لو طلعتي عند امي واخذتي معك هدية وابتسمت بوجهها وتكلمتي معها بأسلوب طيب مرة على مرة القلوب تتصاف
قاطعته بتفهم: انا فاهمة عليك ...بس صدقني خالتي ام راكان مستحيل تتقبلني
قاطعها بضجر من عنادها: شفتي انك ما تبغين
ردت بمقاطعة :طيب مثل ما تبغى رح امشي مثل ما تقول ونشوف آخر السالفة
ابتسم وهو يناظرها: ايوه كذا!
اسمعيني الحين بالحفلة ابغاك سنعة والناس كلها تقول يا حظ ام راكان بهذه الكنة ...كوني لامي مثل ظلها وابتسمي بوجهها من قلبك لعل وعسى تنصلح الامور!
هزت رأسها: رح اكون مثل ظلها ورح ابتسم بوجهها ورح اخلي كل الحريم تقول يا حظها بهذه الكنة!
كذا منيح!
هز راسه بابتسامة بعد ما غزى قلبه امل انه الامور تتصلح ويعيشون بسعادة!،
**
***
**
ام راكان منشغلة باستقبال الناس ....همست لها ام لؤي : زوجة جراح وينها ؟! الحريم تسألني عنها ؟!،
ام راكان عفست ملامحها: الله لا يجيبها!
صفية اقتربت بانتقاد: رورق وين ؟!
ام راكان : ما ادري !
اصلا متأكد ما رح تحضر حتى تفشلنا قدام الناس !
ام لؤي رفعت حاجب: يعني مريم تعبانه بالمستشفى وحضرتها وين !
معقول ولا كنة يحضرون الزواج؟!
والله الناس تنتقد وتتكلم!
ام راكان : اي احد يسالك قولي جدتي تعبانه وما رضيت تتركها!
ام لؤي اشرت على احدى الطاولات: يمه وش فيك جدتي ام ناصر جالسه هناك!
ام راكان ضربت جبهتها: عقلي ضارب!
خلاص ثولي مندفسه مع أختها بالمستشفى!
ام لؤي اشرت بعيونها: يمه شوفي الجازي هنا مع ام فياض!
كيف قالوا انها زعلانه!
صفية: لا تصدقين كلام الناس!
اروح أسلم على ام فياض!
ام لؤي: اتصل على جراح اشوف
قاطعتها ام راكان بتحذير: يا ويلك الحين تظن ميتين عليها! بقلعتها!
**
**
**
**
جالسه بإحدى الغرف بضجر ...نسيت اغراضها والشنطة مع جراح حتى الجوال بالحقيبة!
وما تقدر تدخل كذا اكيد رح يفسرون الموضوع إنها قاصدة تفشلهم!،
نعسانة بقوة بس ما هو وقت النوم الحين ....اعطت جراح كلمة إنها تشارك اهله بالحفلة وتحاول تصلح الاوضاع ...بس بهذا الحال ما ينفع !
لزوم تلقى حل لهذه المشكلة!
رفعت نظرها للسقف وهي تفكر بالحل!
*
**
**
الجازي جالسة وبعيونها تبحث عن رونق...بس ما لها أي أثر ... حتى مريم ما هي موجوده !
غريبة ليه ما حضروا الزواج!
نغزها قلبها ...رونق يمكن ما حضرت لانه العلاقة بينها وبين بيت حماها زفت ..بس مريم علاقتهم حلوة!
بالرغم انها كثير تعاهد نفسها انها ما رح تسأل عن التوأم الي اوجعوا قلبها ..لكن قلب الأم يحن بسرعة: عمتي ما اشوف التوأم
ام فياض مطت شفتها: انت للحين تراكضين خلف التوأم !،
الجازي عفست ملامحها من رد عمتها: يا عمتي تراني ام!
ام فياض هزت رأسها بتفهم: لحظة !
شافت صفية مقبلة عليهم .....وقفت وسلمت عليها بحرارة...بعد ما جلست والسؤال عن الحال والاحوال تكلمت ام فياض: غريبة ما أشوف زوجات عيال ام راكان!،
المفروض يكونوا بالحفلة
قاطعتها صفيه بهدوء: مريم تعبت شوي والصبح دخلت المستشفى
الجازي بخوف ما قدرت تخفيه: وش فيها!
صفية : لا تخافين يقولون سقطت الجنين!
الجازي عفست ملامحها: نزل الجنين!-
ام فياض: ما نعرف انها حامل
صفية: ما خبرت احد ...مسكينة كلما تحمل يموت الجنين!
ام فياض: إن شاء الله ربنا يعوضها !
صفية : آمين !
الجازي تأثرت لحال مريم وقررت تزورها بعد الحفلة حتى لو كانت مريم هاجريتها قلبها ما يطاوعها تقسى عليهم!
لاني الي اكتشفته مريم شخصيتها ضعيفة وكلمىة تأخذها وطلمة ترجعها!
رفعت نظرها لما سألت ام فياض عن رونق: وزوجة جراح وين ؟!
صفية هزت راسها بأسف: هذه البنت ما منها فائدة!
ما كلفت نفسها تحضر الزواج!
تخيلي من لما سكنت عند جدتها ولا مرة طلعت على ام راكان !
ولا تتصل معها ولا تتفقدها ولا تحترمها!
وجراح تارك لها الحبل!
لا تزعلين مني ياام وسيم بس هالبنت اطباعها غريبة ولا كأنها من هذه العائلة!
حتى اطباع اهل امها ما اخذتها!
اطباعها ما ادري كيف!
الحين وش يضرها لو حضرت هالزواج؟!
ام فياض مطت شفتها: الله يصلحها هالبنت رافعة خشومها للسماء!
وناظرت الجازي: لا تناظريني كذا!
اذا انت امها ما احترمتك وقالت عنك كلام ثقيل لحنين!
الجازي مقهورة من رونق تتكلم عليها كذا ...وعلشانها كانت رح تفقد استقرار اسرتها ويتشتت عيالها بسببها وبالاخير ما قدرت تضحيتها!
خلاص وصلت لحد عدم المبالاة من تصرفات التوأم كل وحده فيهم صار لها حياة وانتهى زمن التضحيات!
رح تكمل حياتها بسعادة مع فياض وعيالها ...دام انهم التوام بخير ما عاد شيء يقلق حياتها!،
ام فياض ابتسمت براحة جلوس فياض ووليد مع الجازي لمدة ساعة قلبوا عقلها ورجعت لوعيها !
**
*•
**
**
ام جواد تحوس بالقاعة وتبحث عن رونق .....ما تبغى تكون منبوذة من اهل جراح ...لزوم يتقبلوها ...وبنبره هامسة مقهورة نطقت لنغم: هذه البنت غبية بدل ما تصلح امورها مع اهل زوجها تقوم تعمل كذا !
اغلب الحريم تسأل وين زوجة جراح !
نغم هزت كتوفها: والله يا خالتي الزمن يعيد نفسه مثل ما نبذتم امها رجع الزمن وابنتكم
قاطعتها بقهر: بس رونق منا وفينا وما يصير ام راكان تعمل كذا !
يعني تبغى تطلقها والناس تأكل وجهنا يقولون ولد عمها طلقها!،
لكن باحلامها والله طول ما أنا عايشة رح يعترفون فيها غصب عنهم ....
نغم : طيب اتصلي بجراح وشوفي ليه ما حضر
قاطعتها : صادقة الحين اشوفه!
طلعت مع نغم خارج القاعة واتصلت فيه لكن ما فيه إجابة: هذا ما يرد على الاتصال!
انا رح اموت بسبب هالبنت ما هي عارفة تضبط امورها!
لا حول ولا قوة إلا بالله!
انا ما قاهرني الا ام ربيع جالسه تحوم حول الكلام تخيلي تقولي « وين زوجةجراح يقولون انهم رح ينفصلون »
نغم فتحت عيونها: وهذه من وين لها الاخبار؟!
ام جواد بقهر: تقول سمعت من الحريم هالكلام يبغى يطلقها لأنها جوكر ويبغى يتزوج وحده يتصبح بوجهها تكون مثل القمر ما هي مثل رونق ان شافها ظنها الشغالة !
قهرتني بكلامها!
ومتأكدة هالكلام منها هي ...ولدها الزفت لما جاء وشافها يقول ظنيتها الشغالة !
والحين تلاقينها بين الحريم تبث سمومها !
نغم ناظرت حماتها والظاهر ضغطها مرتفع: تعالي يا خالتي اجلسي بهذه الغرفة ارتاحي
ام جواد برفض مسكت الجوال واتصلت على ابنها!
•*
***
**
**
جواد بملل من تصرفات رونق: يعني يا يمه وش اعمل؟!
هذه البنت خلاص انا مليت من تصرفاتها!
تخيلي اذا انا ابوها ما تسأل عني اذا ما مريت عليها وشفتها ما تسأل ولا تقول عندي اب ازوره ما يفصلها عني غير باب...تبغينها الحين تراعي بيت ابو راكان انا ابوها وما احترمتني ...خليني ساكت احسن ترى داخلي قهر منها ما يعلمه الا الله!
ام جواد بضيق : بس
جواد بقرف: وقسم بالله احيانا افكر اروح اعتذر بنفسي للحازي عن الماضي لعل وعسى اخلص من مشاكل رونق ...وكأنها حوبة الجازي ...تخيلي جوالها مسروق !
وحضرتهاما خبرت احد ..وما عليه قفل!
انا طق قلبي من تصرفاتها ما ادري وين تبغى توصل ما اعرف !
ما اقول الا الله يعين جراح على ما ابتلاه لأنه
قاطعته ام جواد : بعدها جاهلة وما تعرف العادات والتقاليد هنا .... يعني يرضيك ترجع لك مطلقه!
لزوم تتصرف وتضع حد لهذه المهزلة انت ابوها!-
جواد عفس ملامحه: طيب ان شاء الله بكره يصير خير !-
*
*
*
**

يتبع يوم الخميس بإذن الله .......دمتم بخي