رواية بسملة وسامر الفصل السادس 6 - بقلم أمل محمد

زعقت: طب ما أنت كنت عارف من ساعة ما شوفت الماية ومتكلمتش يا أخويا. بعدين مية مرة قولتلك متغلطش فيا يا سامر. سامر: أنا لسة عارف حالاً لما لمحت أزازة الماية. بعدين أنتِ بتخرجيني عن شعوري، ما من الأول وأنتِ بتكلميني في الفون ع الأقل مكنتش جيت على ملا وشي كدا وسيبت الشغل !! بسملة: على أساس أن انت مش مسجل بابا معاك يعني. سامر: الرقم اللي ظهرلي كان غريب يا بني آدمة. بسملة: كلمني بأسلوب أحسن من كِدا، دا مش أسلوب دا.

بعدين لما أنت كدا من أول يوم جواز أومال في الأربعين هتعمل إي. سامر: إسم الله البت لسانها بينقط عسل، دانا لو كلـ ـب عندك مش هتقوليلي الألفاظ اللي أنتِ بتقوليها دي، ابقي احترمي نفسك وأنا احترم نفسي. بسملة: والله البادي أظلم، لو كنت أعرف أن لسانك زِفر كدا مكنتش اتهبيت في عقلي واتجوزتك. سامر: شوفتي مين اللي بيغلط. بص لباباها وباباه: شاهدين على لسانها! بصت الجنب التاني وبعدين طلعت من الباب ومشت.

باباه بصله وقال بضيق: أي هتبحلق كتير، روح صالحها فورًا. سامر بصدمة: أنا! بس هـ... باباه: يلا حالاً. نفخ وطلع وراها، لقاها ماشية ومسرعة من خطواتها. جرى عشان يلحقها وهو بينادي: أنتِ يابت راحة فين، استني بس. وصل عندها ومسكها من دراعها: إي مركبة عجل في رِجلك. شدت دراعها بخنقة: سيبني. بهزار: لا لا متقوليش، عندك دم وهتعيطي! بصتله: أنت زعقتلي قدام باباك وبابا.

اتنفس بهدوء: طب بس متعيطيش، بعدين هما غرَبة، دول عارفين كل بـ ـلاويكِ يا هبـ ـلة، هاتشي بقا حُضن. زقته: اوعا اوعاااا، يعني مهزقـ ـني جوة لسة عشان لساني طويل وبتشتمني!! إبعد عني. لمحت باباها من بعيد، قربت منه وقال بحرج من اللي حصل جوة: يلا عشان نروح يا بابا. بص لسامر وسأله بعينه هل اتصالحوا أو لأ، وهز راسه بـ"لا". مشت جنب باباها وهو فضل ورا مع باباه. فجأة وقع على الأرض وباباه زعق: بسملة إلحقي.

لفت بسرعة وشافته، جِرت عليه وقعدت على رُكبها وقالت بخوف: في إي. سامر: معرفش هو فجأة كدا طبْ وقع. بسملة: سامر ساااامر. فتح عين وعين: قلبه. بسملة: لا والله. سامر: خلاص بقا يا بوسي. شخص ما: إنسان متخـ ـلف بصحيح. كُلهم زعقوا في نفس الوقت: تاااااااني!!