رواية دعينا نعود كما كنا الفصل السادس 6 - بقلم شروق خليل

ندى اتصدمت من معتز واللي واقفة جنبه: إيه اللي جابك هنا؟ ما اتكلمتش؟ معتز: ملك اعتذرت لي وأنا سامحتها. وهي في ظروف دلوقتي، سامحيها وارجعوا عادي. وهي مش مذنبة لوحدها. ندى بصتله بعدم فهم: إزاي هو بارد كدا؟ عايزني أسامح واحدة هربت مع خطيبي يوم فرحي؟ دمرتني ودمرت فرحتي وحبي! معتز: بس هي اعتذرت. والمفروض ملهاش غيري دلوقتي تلجأ له، عشان أهلها مش راضيين يكلموها.

ندى بقرف وشدت ملك برا: وأنا مفرقش عن أهلها. اخرجي برا بيتي حالاً. على: يابنتي استني. ندى: اخرجيييي. معتز مسك ملك اللي كانت هتقع: ده بيتنا مش بيتك. وأنا قلت ملك هتكون هنا لحد ما تشوف بيت. ندى بجمود: خلاص، أنا اللي همشي. معتز حول نظره ليها بحزن على كلامها. هي نفسها ندى بتاع زمان بجبروتها وعنادها. وعليا مكانتش عارفة تعمل إيه. ندى دخلت من غير ما تسمع حد. ملك: ادخلي هديها واتصرفي. معتز دخل

وراها لقاها بتلم هدومها: إنت بتعملي إيه؟ ندى: زي ما أنت شايف. همشي. حاسة إني ماليش وجود بيني وبين حبيبتك القديمة. معتز مسك منها الهدوم: قلت لك إني مبحبهاش. ندى: آه، باين قدام. معتز: ندى اعقلي. إحنا لسه متجوزين ومعداش شهرين لسه. ندى بعصبية: حرام عليك. جايب لي أكتر واحدة كانت سبب في تدمير حياتي وأهلي وجوازي تعيش معايا؟ معتز: جوازك؟ جوازك؟ هو في إيه؟ إحنا إيه؟ لحد دلوقتي لسه بتفكري فيه؟

المفروض تحترمني شوية. أنا لحد دلوقتي مستحمل تصرفاتك وكلامك كل شوية وطلبك للطلاق وساكت. بطلي تبقي أنانية. ندى: أنا اللي أنانية! أنا لو بفكر في جوازي منه مكنتش ألغيته من حياتنا. إنت اللي جايبها بيتي. استني بكرة ألاقيك بتقولي اتجوزتها بقي وتبقي ضرتي. معتز: هو أنا كنت متجوز أولاني؟ فوقي يا ندى. أنا وإنت لحد دلوقتي مفيش بينا أي حاجة تدل على إنك مراتي. ولا حب ولا أي حاجة بتربطنا ببعض. إنت كل يوم بتسأليني هطلقك إمتى.

ندى فضلت ساكتة. معتز حس إنه زودها. خرج. عليا: إيه يا معتز؟ معتز: مش عارف. أنا خلاص يا طنط فقدت الأمل. ملك: طيب أنا ممكن أمشي لو هتتعب. معتز: خليكي. إنت الأمل الوحيد بالنسبة لي. عليا: أنا هدخل. ندى: ماما الحقيني. ندى وقعت على الأرض مغمى عليها. عليا صوتت: ندى.