رواية دعينا نعود كما كنا الفصل الثالث 3 - بقلم شروق خليل

ندا: هتطلقني امتى؟ معتز: نعم يا اختي؟ مين قال اني هطلقك؟ ندا بصتله بعدم فهم وبعدين اتكلمت: لو عشان بابا ووعدك ليه فدا عادي، احنا مش مجبرين نكمل في اللعبة دي. معتز: بس أنا... الباب خبط ومعتز قام يفتح: ماما. نبيلة حضنته: حبيبي وحشتني. معتز بتعلثم: وانت كمان، بس انتي جيتي ليه؟ عماد جه من وراها: هو في حاجة اسمها جينا ليه يا معتز؟ معتز بص بقرف لجوز أمه وكان لسه هيتكلم، ندا ظهرت ونبيلة وعماد بصوا ليها.

عماد ابتسم بخبث: ايه ده مين القمر؟ اوعي تكون منهم يا وله. معتز شد ندا بعيد عن عماد: دي ندا مراتي. نبيلة بصدمة: انت اتجوزت ازاي من غير ما اعرف؟ وبعدين انت مش كنت بتحب واحدة اسمها غير دا؟ معتز: يا أمي لا، أنا كنت بحب ندا والجواز جه فجأة وحصل ظروف خلتنا نتجوز بسرعة، وقلت هنزل ليكي واقولك كل حاجة. مش انتي كان نفسك اتجوز؟ نبيلة حضنت ندا: آه يا حبيبي وشكلها طيبة وبنت ناس. ندا بادلتها الحضن وهي مش فاهمة أي حاجة.

عماد قرب من ندا عشان يسلم عليها، بس معتز سبقه: اصل مبحبهاش تسلم على أي راجل، وهي كمان مبتسلمش، صح ولا إيه؟ ندا بصتله وقالت بصوت واطي: آه. ندا كانت شايفة معتز مشحون من عماد، ونبيلة واقفة طيبة: طنط تعالي هنتغدى، ماما جايبالي أكل حلو جدا. نبيلة: لا يا حبيبتي، انتم لسه متجوزين مينفعش، احنا هنروح عند أختي وابقى آجي أطل عليكم. ندا: لا والله مش هينفع، اتفضلوا. ........... عند عادل وعليا كانوا وصلوا البيت.

عليا: معتز ابن ناس، ربنا يهدي سرهم يارب. عادل موبايله رن. عليا: مين؟ عادل وجهلها الموبايل وهو ساكت. عليا: يلهوي نسيت، لازم نروح نجيبها، أنا تعبت، ربنا يعجل الموضوع ده بقى. عادل: خير إن شاء الله. ............. معتز نادى على ندا بعيد: كان لازم تدخليهم! ما هما كانوا هيمشوا. ندا: عيب كده، دول أبوك وأمك، إيه الابن ده؟

معتز ببرود: ده جوز أمي مش أبويا، مستحيل يكون أبويا شكله كده أصلاً، وبعدين أنا مش وحش، لو على أمي هشيلها جوه قلبي وأقفل عليها، بس جوزها ده... ندا حطت إيديها على بوقه: عيب عشان طنط، أرجوك. معتز فضل ساكت وباصصلها وهي شالت إيديها. معتز: أنا هخرج ليهم وهاتي الأكل، أما نشوف آخرتها. معتز خرج وندا قالت لنفسها: أنا مش عارفة حاسة ليه إنك حد قريب مني أوي وعارفه. .....

برا كان معتز قاعد مع أمه، وندا جابت الأكل واتغدوا، وبعدين ندا دخلت تجيب عصير. عماد: فين الحمام؟ معتز: هناك جنب المطبخ. عماد غسل وخرج وشاف ندا دخل عليها فجأة وندا مكنتش واخدة بالها. عماد: إيه ده انتي اتأخرتي كده ليه يا حلوة؟ ندا اتخضت ورمت الصينية من إيديها.