رواية داليدا الفصل الأول 1 - بقلم حبيبة ابراهيم

يا آسيل روّقي الشقة وجهزي البلالين والزينة عشان لما أختك تيجي تتفاجئ. وكمان اتصلي بأصحابها أكدي عليهم عشان ميتأخروش. حاضر يا ماما. الو يا تاليا، ماما بتقول لكوا متتأخروش إنتي وريم عشان نفاجئ داليدا. أوكي. (بعد قليل) (دق على الباب) أيوه مين؟ أنا تاليا يا آسيل. إيه يا تاليا كل التأخير ده؟ يا بنتي الطريق زحمة. طب فين التلج عشان نضربه في وشها؟ (تلج المفاجآت) ريم قالتلي إنها هتشتري تلج.

يوهه يا بنتي، داليدا قالتلي إنها في الشارع اللي جنبنا. هاتصل بريم أشوفها فين. ألو يا ريم، إنتي فين يا بنتي؟ أنا قدام الباب. (ثم يدق جرس الباب) إيه يا ريم كل ده تأخير؟ هاتي التلج. أوكي. هاتصل بداليدا. (بعد قليل) ريم، تاليا، داليدا على السلم. بسرعة لازم نفاجئها. ماشي ماشي. تاليا هاتي الفون عشان نصور المفاجأة. ماشي. (ثم يدق جرس الباب) ريم، التورتة في إيدك عشان تتفاجئ. أوكي. هابي بيرز داي تو يو. هابي بيرز داي تو يو.

هابي بيرز داي تو يو داليدا. هابي بيرز داي تو يو. بجد إيه ده؟ أنا فرحانة أوي، إنتوا أحلى صحاب في الدنيا، وإنتي أحلى أخت. كل سنة وإنتي طيبة. لأ بقول لكوا إيه، الحوارات دي متتاكلش معايا. فين الهدية؟ إيه يا بت إنتي بجحة كده ليه؟ ثم أتت أم داليدا. كل سنة وإنتي طيبة يا داليدا. وإنتي طيبة يا ماما. إيه الهدية الجميلة دي؟ إنتي بتحبي الميك أب، فجبتلك ميك أب. شكراً يا أجمل ماما. بجد فرحانة أوي.

أنا هاخد الهديات دي، هخليها في أوضتك يا داليدا. ودلوقتي ناكل التورتة. بت إنتي حرامية. ماشي ماشي. إنتي يا تاليا إنتي وريم عاملين ماتشينج شنط؟ آه. (بعد مرور يوم) فنزاتشييي، انهاردة يوم ميلادي وقولت أشوف الهديات اللي جاتلي. طبعاً ماما جابتلي ميك أب. دول شنطتين من صحابي، وطبعاً مش عارفة دي شنطة مين ودي شنطة مين لأن الشنط زي بعض. المهم، الشنطة دي جواها عروسة جميلة جداً، بجد شكراً لـ تاليا أو ريم.

والشنطة دي جواها ميك أب برضه. دلوقتي فيه برضه ناس من الفانز جابولي هدايا، فشكراً جداً. وإنتوا طيبين يا بنانيت على الكومنتات الجميلة دي. يارا إبراهيم بتقولي الميك أب حلو ولا لأ؟ بصي هو أنا لسه مجربتهوش، بس لما أجربه هقولك. أنا عارفة يا بنات إن إنتوا مش بتشوفوني بـ ميك أب أساساً، عشان أنا مش بحطه بره البيت عشان حرام. بس عمتاً أنا بحب الميك أب جداً، وبقعد طول اليوم أعمل أشكال في وشي.

فيه اتنين بيقولوا العروسة بتتحرك. أيوه يا بنات، أنا فاتحة المروحة. إيه يا شباب كل الكومنتات اللي بتقول العروسة بتتحرك دي؟ أنا خايفة أبص ورايا بجد. فجأة اخت داليدا بتبتدي تعيط. إيه في إيه؟ اختها بتشاور على العروسة وعمالة تعيط وإيديها متخربشة. مالها دي؟ متخافيش، دي جميلة. إيه ده، البنسة اللي في شعرها عورتك؟ معلش هنشيلها. طب يا شباب أنا هقفل دلوقتي، وخلينا نكمل بكرة إن شاء الله. تصبحوا على خير يا حبايب قلبي.

خدت داليدا اختها ودخلوا يناموا. (تاني يوم) آسيل، بقولك إيه؟ هلبس البلوزة بتاعتك انهاردة. لأ لأ، هتبوظيهالي. متخافيش، أنا عندي مشوار، هاجي بسرعة يا آسيل. طب ماشي. بقولك يا آسيل، أنا نازلة أجيب شوية حاجات. خلي بالك من اختك لتروح حتة. حاضر. (بعد نص ساعة) ألو يا ماما، النور قطع وموبايلي هيفصل. حاطة الكشاف فين؟ معرفش يا آسيل، دوري عليه يا آسيل. (صوت خرابيش وكركبة) ماما أنا خايفة أوي. قولي بسرعة فين الكشاف؟

فيه صوت خرابيش وكركبة، وموبايلي فيه اتنين. لأ لأ، دي تهيؤات. اختك جنبك؟ أيوه يا ماما. قولي فين الكشاف. هتلاقيه جمب الكنبة الصغيرة. طيب، يلا سلام. آسيل رايحة تجيب الكشاف، وفجأة...