رواية ضحية الصقر الفصل السادس 6 - بقلم الكاتبه رنوشه

ضحيه الصقر الاء بفرحه: مروان أنا مبسوطة أوي... كملت بصدمه: الصقر. صقر: أيوه أنا. الاء بتدور على مروان بعيونها. الاء بدموع: هو مروان فين؟ صقر بعصبية: عارفة لو سمعت مروان ده تاني هتشوفي مني وش عمرك ما تتمني تشوفيه. الاء: بصفتك إيه، ده جوزي. صقر بعصبية رفع عقد الجواز في وشها: ده إيه؟ أنتِ مراتي أنا. الاء بصدمة وعياط بتهز دماغها بلا: لا استحالة، مروان بيحبني مش هيعمل كده فيا.

صقر: مروان ده كلب فلوس ومش جوزك، ولآخر مرة بقولك مش عايز أسمع اسم مروان تاني. الاء بعياط: حرام عليك، طيب فهمني على الأقل. صقر بتنهيدة: أنتِ من البداية كنتي مرات مروان، وبعد آخر خناقة بيني وبين مروان رحت وكلمته وعرضت عليه فلوس وهو وافق... وادي ورقة طلاقك. كل حاجة يا الاء متخطط لها من بعد جوازك بمروان وأنا بحاول أفرقكم. الاء: وليه كل ده؟ صقر بزعيق: عشان بحبك وأنتِ مش حاسة بيا.

الاء بعياط: وأنا مش بحبك، سيبني في حالي بقى. صقر مسكها من شعرها: لا، بصي أنتِ دلوقتي مراتي وأي حاجة أقولها تتنفذ، ولو عارضتيني هتندمي. الاء هزت دماغها واتكلمت بقرف: ماشي. بعد يومين. الاء في أوضتها وقافلة على نفسها قاعدة بتفكر هتقول لأهلها ولا لا: أنتِ لو فارقة مع أبوكي من البداية ما كان رماكي الرمية السودة دي... قررت هتحكي لأمها. رنت على أمها وحكتلها. فوزية: الاء أنتِ بتهرجي. الاء: والله كل اللي قولته بجد.

فوزية بخوف: طيب بيعاملِك إزاي وأنتِ بتعامليه إزاي؟ الاء: هو بيحاول يقرب لي وأنا ببعده عني، مش قادرة أنسى مروان يا ماما. أنا قافلة على نفسي من وقت ما اتجوزنا، بعمله الأكل وبقفل تاني على نفسي. فوزية: مشي أمورك يا الاء، أنتِ عارفة أبوكي مش هيعرف يتصرف، وحاولي تكسبِـي جوزك... أنتِ قولتي بيحبك، طب ما تستغلي النقطة دي. الاء فهمت إن الكل اتخلى عنها: شكراً يا ماما على النصيحة.

ايمي في التليفون: بشكرك أوي يا دكتورة سهى، لولاكي كنت هروح في داهية، ودول صعيدة يعني مش هيعدوا حاجة زي كده. سهى: متشكريش يا حبيبتي، العملية المرة دي متكشفتش، بس أنتِ طالما اتجوزتي انسي اللي كنتي بتعمليه زمان. ايمي: لا طبعاً، أنسي إيه، مروان ده تحصيل حاصل، أنا مش بعتبره من ضمن الرجالة أصلاً. سهى بملل: خلاص يا ايمي براحتك، بس بعد كده مش هلحقك. بيدخل مروان على ايمي وبيضحك بخبث: ههههههه أنا مش راجل.

كمل بجدية: أنا عارف إنك نجسة من وقت ما شوفتك، وليلة الدخلة أثبتيلي فعلاً إنك زي ما تخيلت، بس أنا عديت الموضوع بمزاجي، أصل لو كنت اتكلمت كانت هتحصل شوشرة وأنا الفترة اللي فاتت ما كنتش فاضي، بس أنا دلوقتي فاضيلك على الآخر. مروان سحبها من شعرها وراه على السلم وهي بتصوت. الكل خرج على الصوت. الجد بحده: سيبها يا مروان. مروان: أسيب مين، دي واحدة عاهرة. فوزي بصدمة: أنت بتقول إيه؟

مروان: بنت جياني وهي حامل وعملت عملية عشان ما تتكشفش. الكل مصدوم من اللي بيسمعوه. فوزي طلع على السلم وأخدها منه، كمل هو بيها نزول (مرجيحة) وشها اتسفلت. علاء بخبث: الله، هو حرام اتبسط؟ ايمن: مش عوايدك، ده أنا نسيت شكل ابتسامتك. علاء: الفترة الجاية هتشوفها على طول. ايمن: ما تفهمني، بتفكر إزاي. علاء: مش هتفهم حاجة... يلا أنا ماشي. ايمن بيخبط كف على كف: لا حول ولا قوة إلا بالله، الواد ده بقى مريب.

صقر: الاء مش هتفتحي الباب. الاء: لا مش هفتح، ومتحاولش وتتعب نفسك. صقر: كنت عايز أوريكي حاجة. الاء: خير، حاجة إيه دي؟ صقر: افتحي وشوفي بنفسك. الاء راحت تفتح الباب بخوف: فيه إيه؟ صقر طلع من ورا ضهره أكياس كتيرة وأداها لها. الاء بإستغراب: إيه ده؟ صقر: تعالي نفتح الحاجات وشوفيها. الاء قعدت على الكنبة وفتحت الكيس الأول كان عبارة عن شوكولاتات كتير، بصتله بفرحة.. فتحت الكيس التاني كان فستان زفاف فخم جداً،

بصتله بإنبهار: واو، ده جميل أوي. كرمشت ملامحها: بس ده لمين؟ صقر: ليكي. الاء: إزاي؟ صقر: مليكيش دعوة... شوفي الباقي. فتحت الكيس التالت كان فيه علبة كبيرة فيها عقد ألماس كبير. الاء: ده غالي أوي. صقر: هو معجبكيش؟ الاء: لا، ده جميل أوي بس غالي. صقر: مفيش حاجة غالية عليكي، ولو جبتلك واحد قد سعره ألف مرة برضه مش غالي عليكي، أنتِ فداكي أي حاجة. الاء: شكراً. فتحت الكيس الأخير كان فيه هيلز وإكسسوارات.

فوزي كان بيضرب ايمي بوحشية. شوقي شاله منها بالعافية. الجد: أنتِ القتل خسارة فيكي، أنتِ تتسابي تتعذبي. مروان طلقها بالتلاتة ومشي راح عيادته. سوسن (المريضة اللي مش بتخف) : هاي يا دكتور مروان. مروان بضيق: خير، الدوا مجابش نتيجة. سوسن بمياعة: لا مجابش. مروان: إزاي، هنعملك فحوصات ونشوف. سوسن بقلق: مش لازم. مروان: لا، الإجراءات دي لازمة. في الليل. صقر بيدخل على الاء الأوضة: البسي الفستان يا الاء. الاء بإستغراب: ليه؟

صقر: البسيه وأنا هقولك ليه. الاء بعد مدة بتخرج وهي لابسة الفستان: وبعدين؟ صقر بتوهان في جمالها: هاه؟ الاء: وبعد ما ألبسه؟ صقر: البسي الجز'مة. الاء بضحك: اسمها هيلز. صقر: البسيها. الاء لبستها وظبطت شعرها وحطت ميك أب خفيف وخرجت للصقر: ها، إيه رأيك؟ صقر بتوهان قرب منها، جيه يلمس شفا'يفها، الاء بعدته: بسألك عن الفستان. الصقر: جميل... جاهزة؟ الاء: على إيه؟ صقر: هنخرج. الاء بصدمة: هنخرج بشكلنا ده، أنا بفستان وأنت ببدلة.

صقر بضحك على منظرها: هنروح فرح واحد صاحبي. الاء بعدم اقتناع: ماشي. بعد وقت بيوصلوا للقاعة والمعازيم مالين المكان. صقر أخد الاء وطلع بيها على الكوشة، الاء بإستغراب: صقر، إحنا طالعين هنا ليه؟ صقر: عشان أنتِ العروسة.