رواية ضحية الصقر الفصل الثامن 8 - بقلم الكاتبه رنوشه

السكرتيرة بتقرب من صقر وبتمسك الكرفتة. صقر بحده: انتي اتجننتي. السكرتيرة: صقر بيه مراتك متعرفش حاجة وأنا مش هعرفها. صقر لسه هيرد عليها، بيلاقي الباب اتفتح وبتدخل الاء. الاء بصدمة وبكاء: كلكم واحد كلكم خاينين. وخرجت تجري. صقر بيطلع يجري وراها: الاء استني انتي فهمتي غلط. الاء بتوقف تاكسي وبتكمل في طريقها ومش بترد عليه. ايمي: عفارم عليكي ابعتي. سوسن: بعتلك. ايمي: أما نشوف هتعمل إيه يا سي مروان.

علاء بخبث: قلبِت عليه هو كمان الطرابيزة. أيمن باستغراب: عملت إيه. علاء: بعت لألاء إن جوزها بيخونها في الشركة وهي فضلت تقول لأ وشتمتني وقفلت السكة في وشي. بعد ما قفلت معايا، كلمت السكرتيرة اللي أنا باعتها تشتغل معاه في الشركة وتقرب من الصقر والاء تدخل تشوفهم قريبين من بعض. فوزية أم الاء: البت وحشاني. أبو الاء: وأنا كمان والله. فوزية: تيجي نروح نزورها؟ أبو الاء: ماشي.

صفية: يا كريمة البت دي عمالة تخطط لحاجة، أنا مش مطمنالها. كريمة: طيب بصي عندي خطة هانفذها. صفية: خطة إيه. كريمة: اقعدي هقولك. شهد: يا عهد هو انتي هتشوفي خطيبك النهاردة. عهد باستغراب من أختها: أه يا شهد، ليه. شهد: أصل كنت عايزة أسلم عليه. ليه بدري مش بيجي البيت. عهد بشك: اممم طيب تعالي معايا. مروان: إيه يا سوسن عايزة إيه. سوسن: إيه يا بيبي مش طايقني كده ليه. مروان بخنقة: سوسن بقولك إيه امشي من هنا دلوقتي.

سوسن بدلع: حبيبي انت وحشتني أوي. مروان بعصبية: سوسن قولت امشي دلوقتي. سوسن بتطلع تجري بخوف. صقر بيركب عربيته وبيمشي ورا التاكسي لحد ما بيوصل لبيتهم وبينزل. أول ما بيشوف الاء بيمسكها من شعرها: انتي اتجننتي عايزة تفرجي علينا الناس. الاء بعصبية: في داهية الناس. انت بتخوني عايز رد فعلي يكون إزاي. الصقر بيحاول يهدي. قرب منها ولسه هيضمها لحضنه. الاء بتزقه: ابعد عني متلمسنيش تاني. الصقر

أخد تنهيدة طويلة واتكلم: يا حبيبتي والله ما كنت بخونك ده أكيد حد عايز يوقع بينا وأنا هعرف مين ومش هرحمه. الاء بدموع: بلاش تكدب عليا يا صقر. الصقر بجدية: وأنا عمري كدبت عليكي قبل كده. الاء بتهز راسها بلا. صقر بيحضنها: يبقى متصدقيش غير اللي أقوله. شهد أول ما بتشوف خطيب أختها عهد بتبتسم: ازيك يا معاذ. معاذ: كويس، وانتي. شهد: كويسة. عهد بتقوم وبتحط جهاز تسجيل تحت الطرابيزة من غير ما حد ياخد باله: هجيب ميه وأجي.

الاتنين بيهزو راسهم: روحي. بتمشي عهد عشان تجيب ميه، أو دي الحجة اللي قالت عليها. شهد بحدة: مش بترد على تليفونك ليه. معاذ ببرود: مشغول. شهد: معاذ كفاية استعباط. أنا كنت برن عليك عشان حاجة مهمة. معاذ ببرود: إيه هي. شهد: ماما شافت اختبار الحمل. معاذ اتنفض من مكانه: وعملتي إيه. أوعي تكوني قولتي لها إننا متجوزين عرفي. شهد: لأ لأ قولتلها ده بتاع صاحبتي. بس هي شكت. معاذ بخوف: ممكن تقول لعمي؟

عهد بتدخل: احم احم يا رب ما أكونش اتأخرت.