رواية ضحية حبه الفصل الرابع 4 - بقلم دنيا ثروت

بتصحي دهب تلاقي السرير كله مليان دم. اتصدمت، معرفتش تنطق بحاجة. بصت عليه بعياط، مش فاهمة أي اللي بيحصل. كاظم صحي بدون مبالاة. بص عليها، قام غير هدومه وراح ليها: "البسي يلا عشان ننزل." دهب بعياط وهي حاطة عينيها للأرض: "انت عملت إيه امبارح؟ كاظم وهو بيعدل هدومه: "هعمل إيه يعني.. أنا أخدت حقي، وأظن إني مش مجبر آخد إذنك." دهب: "إزاي.. إيه اللي حصل امبارح؟ كاظم: "بطلي رغي كتير ويلا البسي وننزل."

دهب قامت بقله حيله ولبست عشان تنزل. سهير بضحك: "يلا يا ولدي الفطار جاهز." قعدوا على الفطار، وكله كان ملاحظ تصرفات دهب. سهير: "مالك في إيه يا بت؟ دهب: "أنا.. مفيش حاجة، مفيش." في الوقت ده كاظم كان بيمسك إيديها. خلصوا الأكل. كاظم: "يلا أنا همشي دلوقتي عشان الشغل." قدم عليها وباسها من جبينها، وهي كانت بتنفره. بعدت عنه. بعد مامشي بدقايق، طلعت الأوضة. رايحة جاية بتحاول تفتكر اللي حصل:

"مستحيل، إيه اللي حصل.. مستحيل، أكيد محصلش حاجة، أنا متأكدة.. إزاي؟ إزاي؟ كانت طول اليوم في حيرة. في المساء. دخل الأوضة، يجبروت. بص عليها، كانت في البلكونة. راح ليها، فتح الشباك برفق: "ادخلي، الجو برد." دهب: "وانت مالك.. روح نام." كاظم مسك إيدها ودخلها جوا وقفل الشباك: "إيه عايزة تموتي نفسك؟ دهب بتزقه بعيد عنها:

"إيه.. إيه.. حرام عليك، مش كفاية، مش كفاية اللي انت عملته، حرام عليك بقى، حرام. انت عارف عملت إيه، انت اغتصبتني، فاهم يعني إيه؟ كاظم: "أنا مغتصبتكيش، أنا أخدت حقي منك." دهب: "بالإجبار، بالإجبار." وبترفع صوتها لأعلى حاجة: "بالإجبار يا كاظم بيه، افهم بقى، افهممممم." ومشت، دخلت الحمام، قفلت على نفسها، شغلت الدوش وفضلت تعيط على الأرض بانهيار. كاظم برا في نفسه:

"صدقيني أنا ملمستكيش.. بس.. بس كان لازم أعمل كدا، مكنش في إيدي حل، صدقيني." سهير: "كل اللي أنا خططتله فشل في البداية كلهههه... لولا محسن جوزي كان كتب الأملاك للوريث الأول مكنتش عملت كدا، مكنتش عملتتتت.. أنا ضحيت بابني بسببه." في الصباح. وهما بيفطروا. دخل شرطي: "فين كاظم بيه؟ كاظم: "أنا أهو." الشرطي: "حضرتك مطلوب معانا بتهمة تهريب مخدرات."