رواية دموع سيليا الفصل السادس عشر 16 - بقلم منة سامح

الدكتور بأسف وحزن: البقاء لله. سارة بصتله بعدم تصديق وضحكت: دكتور ا انت بتهزر صح؟ لا لا أكيد بتهزر، مقلب صح؟ هي كويسة. الدكتور بص في الأرض بحزن. سارة بصريخ ودموع: لااااا لاااااا هي كويسة، لاااا يااارب يااارب لااااا سيلياااااااا. ووقعت على الأرض مغمي عليها. مراد أول ما سمع اسم سيليا قعد على الأرض بحزن شديد وكسرة. للمرة التانية نفس الموقف بيتكرر معاه والأمل اللي موجود اختفى. ياسين أخد ركن لوحده وقعد يعيط.

أما سيف وكريم جريوا على سارة ومراد بعدم فهم. كريم بقلق: مراد في إيه؟ مراد بكسرة ووجع: ماتت. س سيليا ماتت وسابتني. مبقتش حد معايا خلاص. كريم بصدمة وعدم تصديق ودموع: ا إيه؟ م مراد انت بتهزر صح؟ مراد بص له بعينين وجع وكسرة. كريم بحزن وجنون: ه هي فين؟ أكيد غلط، أكيد مسبتناش. ... الممرضة خارجة بتجري من الأوضة. الممرضة وهي بتنهج: دكتور ا الجهاز. الدكتور بص لها وجرى معاها على أوضة سيليا. لقى الجهاز بيصفر.

الدكتور بص بأمل ليها ومسك جهاز الإنعاش. الدكتور للممرضة: 200 بسرعة. وفعلاً عملت وبدأ ينعشها مرة واتنين وتالتة. بدأ النبض يرجع. الدكتور بص لها بسعادة وعدم تصديق: د ديه معجزة. الممرضة ابتسمت براحة. الدكتور خرج. ... كان كل واحد في حتة حزين مش حاسس بحاجة. الدكتور بسعادة وحب: طلعت بتحبوكوا اوي. الحمد لله قدرنا ننفذها، وديه معجزة. ياسين قام بدموع وسعادة: ا انت مش بتهزر صح؟ الدكتور بص له بابتسامة.

ياسين مسح دموعه بفرحة وحضنه. مراد وكريم وكل واحد كان فرحان أوي. ... بعد أسبوع. مراد بهدوء: وحشتيني أوي بجد. وحشني كلمت "بكرهك". وحشني زعيقك، وحشني كل حاجة فيكي.

وأكمل بوجع: سيليا. ماما ماتت. أيوه هي اللي فرقتنا عن بعض، هي السبب في كل حاجة وحشة حصلتلك. بس موتها وجعني أوي أوي وكسرني. فكرت فيكي بعديها كان قلبي مقبوض عليكي أوي وكنت خايف. وأنا بدور عليكي عرفت إنك سافرتي بس معرفتش انتي عايشة فين. والصراحة بطلت أدور عليكي. بس مش عشان حاجة، بالعكس، أنا كان نفسي ألقيكي وأحضنك أوي وأعيط. بس بطلت أدور عليكي عشان...

وبتنهيدة: عشان خفت. خفت أوي. خفت أكون خسرتك. قررت أعيش من غير روح، جسم. بس قررت أعيش بكسرتي. اااه يا سيليا. اااه. تعبان أوي. نفسي تصحي بسرعة. مع إني عارف إنك لو صحيتي هتزعقي وتقولي "بكرهك". عمري ما هسمحك. عارف. بس عادي، مبقتش تفرق. أهم حاجة أشوفك وانتي كويسة وبصحتك و... -مين قال إني هزهقك؟ مراد رفع رأسه بصدمة وعدم تصديق وبصلها وهو مبرق. سيليا بتعب: والله حتى مش قادرة أضحك على شكلك ده. مراد بسعادة: د ده بجد؟

ولسة بيقرب منها يحضنها بس افتكر أول حضن ورجع تاني بإحراج. سيليا بابتسامة تعب: تعالي يامراد. مراد بص لها بدموع فرحة وحضنها جامد. حضنها بشوق وهي بدلته الحضن بدموع. مع إنها كانت تعبانة بس محستش بحاجة. ... سيليا بهدوء: مستغرب صح؟ متستغربش. أنا يامراد مش قاسية ولا حاجة زي ما انت مفكر. بس بجد اللي مريت بيه عمر ماحد استحمله.

وعلى فكرة أنا كنت مسامحاك. بس صعب أنسى. كان صعب عليا أنسى أو آخدك في الحضن زي ما انت عملت من أول ما شفتني. اااه يامراد.

وأكملت بدموع: سمعتك وانت بتقول ماما ماتت. سمعت كل كلمة. سمعت إنك انكسرت وعرفت معنى الكسرة. حتى بس أكيد مش قدي. بس على الأقل اتكسرت. يمكن ده اللي خلاني أحضنك. لأننا في الآخر ملناش غير بعض. وكمان حسيت بيك. مكنتش عايزة أوصلك لنفس الحالة اللي أنا حسيت بيها. اللي كنت محتاجة حضن أمان ليا بس ملقتش. وده نفس إحساسك أوي. أنا منستش ولا عمري هنسى. بس بتمر. أي حاجة بتمر. مفيش حاجة بتقف. مراد بحزن: ا أنا اسف. اس...

سيليا بابتسامة حب: كفاية عتاب ونبدأ صفحة جديدة. مراد بص لها بحب: ياااه وحشتيني أوي. سيليا بضحك: الله يخليك ياسطا والله. مراد ضحك وقعدوا يتكلموا. ... وبعد تلت سنين. سيليا بصريخ: ندييييييي! كريم بضحك وخضة: ا إيه يابنتي في إيه؟ بتصرخي لي؟ سيليا بصت له بغيظ: متضحكش. اسأل بنتك عملت إيه كده. كريم: عملتي إيه ياندي؟ ندي ببراءة: يابابا أنا معملتش حاجة. سيليا بغيظ: يا شيخة. أنا هقولك. الهانم بتحدف بيض على الناس وهي ماشية. كريم

بص لندي وهو بيكتم ضحكته: ده بجد؟ ندي بصت له ببراءة وطفولة: اه. كريم بص لها وبص لسيليا وبيحاول يكتم ضحكته. سيليا بغيظ: اضحك. اضحك. ليطق لك عرق. وانتي يا آخرت صبري لو عملتي كدة تاني هتلاقي مني تصرف مش هيعجبك. تمام؟ ندي بطفولة: حاضر يامامي. سيليا بحب: يابت بتثبتيني بنظراتك دي. تعالي هاتي حضن بسرعة. ندي جريت حضنتها وهي بدلته الحضن بحب. كريم: احم. وأنا مليش حضن ولا إيه؟ سيليا

بصت له وضحكت باستفزاز: لا. علشان تبقى تضحك كويس. كريم بص لها بغيظ وهي ضحكت على شكله. ... الباب خبط. سيليا وهي بتفتح الباب: زمان ده سارة وسيف. ندي بفرحة: هييه. مازن جه. وفعلاً جريت على مازن وسلمت عليه. سيليا وهي بتحضنها بحب: عاملة إيه؟ سارة بحب: تمام. وسلموا على بعض. ... بعد وقت. اتجمع مراد ومراته تاليا، وسارة وسيف وابنهم مازن، وياسين اللي بقى عنده عشرين سنة سنجل سنجولة، وسيليا وكريم وبنتهم ندي. ...

سيليا بحب: طبعاً كلكوا مستغربين أنا جمعتكم لي النهاردة. أنا جمعتكم النهاردة علشان ده أهم يوم في حياتي. زي اليوم ده أنا خرجت من الميتم وبدأت أبني مستقبلي لوحدي. اليوم اللي لما أقع مش بلاقي حد يطبطب عليا ويقومني ويقولي كملي. وقعت كتير كتير أوي بس في الآخر وصلت ونلت كل حاجة حلوة. أول حاجة...

وبصت على سارة بحب: هي صحبتي وعشرة عمري واختي اللي بقت أمي وأبويا وكل حاجة في حياتي. وكملت معايا للآخر ومسبتنيش يوم. عايزة أقولك ش شكراً. شكراً جداً إنك في حياتي. سارة بصت لها بحب وحدفت لها بوسة. أكملت سيليا وهي باصة لكريم بحب: وبعديها قابلت واحد خبطت عربيتوا وبقيت بتخانق معاه كل أما أشوفه، بس بعد كده انقلب بهدوء وانقلب لحب. وده كان تاني عوض ليا في الدنيا. تقريباً عايزة أقولك ياكريم إني بحبك أوي.

كريم بص لها بحب: وأنا بعشقك. سيليا بابتسامة هدوء: بعدين قبلت حد مكنتش عايزة أقابله ومكنتش متوقعة أشوفه بعد السنين دي. أيوه كنت قاسية بس زي ما انت عارف القساوة مبتتبنيش من فراغ. بس عايزة أقولك حاجة إن كل المدة دي بحبك أوي يامراد. وانت بالنسبة لي سندي وعزوتي. ربنا يخليك ليا ياحبيبي. مراد بص لها بحب شديد وابتسامة. سيليا

بصت لياسين بابتسامة حب: أما بقى للي اتكتب عليه وجعي واتكتب عليه قصتي. اللي قابلته وهو بيعيط فكرني بنفسي أوي. بس أنا محدش لقاني وقالي بتعيطي لي. حمدت ربنا إنه طلع في طريقي علشان ألحقه قبل ما يمر باللي مريت بيه. بجد كان هيبقي صعب صعب أوي. وكان أحلى وأجمل لقاء. بقي جزء في حياتي. ياسين بجد انت جزء كبير من حياتي. كبرتك على إيدي يعتبر. أيوه شيلت خمس سنين بس كنت جنبي ومعايا وده كافي. ربنا يخليك ليا ياياسين. وكل اللي عايزة أقولهولك أو إوعى تيأس. أو إوعى كما طريقك. ابني مستقبلك ومتخليش حد يوقفك. محدش هينفعك غير اللي انت بنيته بإيدك. ياحبيبي.

ياسين بص لها بدموع وحب: ربنا يخليكي ليا يا أجمل حد في حياتي. يا منقذتي بمعنى أصح. سيليا بصت له بحب وبصت لهم كلهم بحب واتنهدت براحة. سيليا: اااه زي اليوم ده كل سنة كانت دموعي شلال. دموع سيليا. كلهم: دموع سيليا. وابتسموا بحب.