رواية دموع زهرة الفصل الرابع عشر 14 - بقلم حورية مصطفى

ليل بهدوء: مش فاهم قصدك إيه. الضابط بجدية: الجثة بتكون جثة حماك، والد مراتك. ليل بصدمة: انت بتقول إيه يا سيادة الضابط. الضابط بجدية: زي ما بقول لحضرتك يا ليل. زهرة بضحك وصراخ: ههههههه بيقولك مات خلاص. شوفت بيقولك إيه يا ليل مات. ليل بعيون دامعة: اهدي يا زهرة ادعوله بالرحمة يا حبيبتي. الضابط بحزن: يا ريت تيجوا تستلموا جثته عشان مراسم الدفن. ومشي.

زهرة بدموع وصراخ: شوفتي يا ماما مات من غير ما أسامحه على أي حاجة عملها معايا. سمر بدموع: ربنا يرحمه يا حبيبتي. ادعيله بالرحمة يا زهرة. زهرة بدموع: مات من غير ما يخدني حضنه يا ماما. مات وأنا محسيتش بحنانه عليا. سمر بدموع: استهدي بالله يا بنتي. علي بحزن: ربنا يرحمه يا زهرة. ليل بحزن أخد زهرة في حضنه: خليكي قوية يا زهرتي عشان خاطر مامتك. زهرة بدموع: حاضر يا ليل. مر اليوم في حزن الجميع. في صباح يوم جديد.

ليل بحزن: زهرة أنا دلوقتي هروح أنا وعلي عشان نجيب والدك وندفنه. زهرة بحزن: تمام يا ليل. ليل ابتسم بحزن ومشي. ليل وعلي روحوا جابوا جثة والد زهرة من المستشفى وتمت مراسم الدفن. بعد مرور أسبوع. في صباح يوم جديد. ليل بابتسامة: أنا هروح الشركة يا زهرة مش عايزة حاجة. زهرة بابتسامة: لا عايزة سلامتك. علي بمقاطعة: ما تنجز يا عم ليل مش كل يوم كده. زهرة بضحك: انت مصيبة يا علي. علي بابتسامة: ضحكتك حلوة أوي يا زهرة.

زهرة بابتسامة: شكراً يا علي. ليل بغيظ شد علي من هدومه. ليل بغيرة: بتعاكس مراتي قدامي يا حيوان. علي بغيظ: مش أحسن ما أعاكسها من وراك يا ليل. ليل بسخرية: لا تيجي إزاي دي. وضربه بالقفا. علي بغيظ: إيدك تقيلة يا عم. زهرة بابتسامة: خلاص يا ليل هو كان بيهزر. علي بابتسامة: حبيبة أخوها خدي بوسة. ليل بغيرة: علييييي. علي بخوف: بهزر والله. عن إذنك يا أمي اتاخرت على الشغل. سمر بابتسامة: خلي بالك من نفسك يا حبيبي.

علي بابتسامة: من عيوني يا ست الكل. سمر بحب: وانت كمان يا ليل خلي بالك من نفسك ومش تنسى وقت الصلاة يا حبيبي. ليل بابتسامة: حاضر يا أمي. وذهبوا إلى عملهم. في شركة الشرقاوي جروب. علي بجدية: متأكد إنك عاوز تاخد الصفقة دي. ليل بابتسامة: أيوه يا علي. الصفقة دي هتنقلنا في مستوى تاني خالص في السوق. علي بابتسامة: تمام يا ليل. باب المكتب خبط. ليل بجدية: اتفضل. السكرتيرة دخلت وقالت: في شخص عاوز يدخل لحضرتك ضروري.

ليل بجدية: ما قالش مين. السكرتيرة مني بعملية: لا يا فندم. ليل بجدية: خليه يتفضل. مني بعملية: تمام يا فندم. مني خرجت ودخل شخص. _أنا جيت بنفسي أبدأ معاك صفحة جديدة يا ليل. علي بصدمة: البوس. البوس بابتسامة: منور يا علي. علي بقرف: ما أنا أكيد منور. أكيد ده مش نورك انت. البوس ابتسم بغيظ وقال: هسامحك على غلطتك فيا لأني عاوز أبدأ معاكم صفحة جديدة ونرجع زي الأول.

ليل ببرود: وأنا سبق وقلت قبل كده إني مش هرجع لمستنقع الوساخة ده تاني. البوس بغيظ: بقى دلوقتي شغلنا وسخاخة هااا. ليل ببرود: قصدك شغلك انت. البوس بغضب: تمام يا ليل. فتحت عليك أبواب الجحيم. ليل ببرود: اتفضل بره. المقابلة انتهت. البوس خرج بعصبية وهو بيتوعد لليل. علي بهدوء: أنا خايف من اللي هيحصل يا ليل. ليل ببرود: مش ده اللي يخوفك يا علي. انت فاهم. علي ابتسم لكن من قلبه خايف من البوس هيعمله.

في المساء ليل وعلي رجعوا القصر واتصدموا إن الحراس مقتولين بطريقة بشعة. ليل وعلي دخلوا القصر بسرعة لقوا سمر وسعاد مرميين على الأرض وفاقدين الوعي. ليل بخوف حاول يفيق سمر وسعاد لحد ما سمر فاقت. سمر بدموع: زهرة يا ليل. علي بخوف: مالها زهرة. سمر بدموع: خطفوا زهرة بنتي يا ليل. ليل بحزن: زهرة هترجع يا أمي متقلقيش. صوت مسدج اتعمل على فون ليل. وكان عبارة عن فيديو لزهرة وهي فاقدة الوعي. كان مكتوب تحت محتوى الفيديو:

مش خسارة الجمال ده يكون ليك لوحدك. انت فتحت عليك أبواب الجحيم يبقى تستحمل. ياريت ترجع في قرارك تاني يا ليل وإلا الجمال ده كله هيروح وهيدفن تحت التراب. ليل بغضب: ورحمة أمي ما هرحمك وهتكون نهايتك على إيدي أنا.