رواية دموع زهرة الفصل التاسع 9 - بقلم حورية مصطفى

سعاد بخوف من عصبيته: أنا بحط سم في أكل مدام زهرة بأمر من علي بيه. ليل بصدمة: إيه... وأنتي يا داده ليه تعملي كده؟ سعاد بدموع: كنت مجبورة والله يا بني.. غصب عني.. سامحني يا بني... ليل بضحك: ابني ههههه ضحكتيني.. في حد يعمل كده في ابنه.. وهو صاحبي وكنت بعتبره أخويا يعمل كده هههههه... سعاد بخوف ودموع: هو هددني بنتي الوحيدة.

ليل بصراخ وعصبية: معتش عاوز أشوف وشك في القصر ده.. أول ما الصبح يطلع تاخدي حاجتك وتمشي من هنا.. أنتي فاهمة. سعاد بدموع: فاهمة. في الصباح. زهرة كانت نايمة وصحت ملقتش ليل جنبها. زهرة بتعب: ليل أنت فين. ليل من وراها: أنا هنا يا زهرتي. زهرة بخنقة: ليل أنت بتدخن. ليل بهدوء: آه. زهرة بغيظ من هدوئه: بس التدخين غلط على صحتك يا ليل. ليل ببرود: ماليكيش دعوة إذا غلط ولا لا.. أنتي فاهمة. زهرة بصدمة: لا ليا أنا مراتك.

ليل ببرود: مراتي منين يا زهرة... هو أنا لمستك لسه يا حبيبتي. زهرة بصدمة ودموع: ليل أنت بتقول إيه. ليل بعصبية: ليل ليييييل... هو اسمي حلو للدرجادي.. آخرسي بقا.. أنا زهقت منك ومن قرفك. زهرة بدموع: قرفي. ليل بعصبية: قولتلك آخرسي.. أنتي مبتفهميش. زهرة بدون كلام سبته ودخلت غرفة الملابس وقفلت الباب عليها. ليل بعصبية خرج من الجناح بل من القصر بأكمله. في المخزن بتاع ليل. ليل كان بيضرب في عماد بدون رحمة.

عماد بوجع: ارحمني يا بيه.. أبوس إيدك. ليل بعصبية: ليه يعمل فيا كده.. ليه أنا كنت بعتبره أخويا. ليل لحارس: خدوه ارميه قدام أي مستشفى حكومي. الحارس بإيماء: حاضر يا ليل. ليل خرج من المخزن وطلب من السواق إنه يوصله عند علي. في منزل الهراوي. علي كان نايم وجنبه عاهرته «نوجه». نوجه بصراخ: عاااا أنت بتعمل إيه هنا. علي بخضة: في إيه يا نوجه. نوجه شاورت بإيدها على شخص. علي بصدمة: ليل أنت بتعمل إيه هنا.

ليل ببرود: ليل بيه يا وسخ شكلك نسيت نفسك.. ونسيت إني جبتك من الشارع.. واعتبرتك أخويا.. بس طلعت وسخ وخاين. ليل كان قاعد على كرسي وحاطط رجل على رجل. نوجه كانت لسه هتمشي. ليل بعصبية: اقفي مكانك.. أنتي لسه حسابك جاي بعدين. نوجه بخوف وقفت مكانها. علي بصدمة: أنا منكرش ده بس اعتبرتك أخويا. ليل بضحك: أخوك ههههه.. وهو في أخ يعمل في أخوه كده. علي بهدوء: غصب عني أنا عملت كده عشان فكرت إن زهرة ممكن تأذيك.. كنت خايف عليك.

ليل بعصبية: أنت عارف إن زهرة أضعف من إنها ممكن تأذيني. علي بهدوء: بس أنت ضعفت يا ليل من أول ما ظهرت زهرة في حياتنا وأنت اتغيرت.. وشغلنا باظ بسببها فكان لازم أتصرف.. وأخلص منها. ليل بعصبية: معتش عاوز أشوفك خلقتك الوسخة دي تاني. علي بصدمة: كل ده عشانها. ليل بعصبية: عشان بحبها ومقدرش أعيش من غيرها. علي بغيظ: أنا عملت كل ده عشان مصلحتك مش أكتر.. أتمنى تفهمني. ليل ببرود: أنت من طريق وأنا من طريق يا علي.

وأنا هسيب المستنقع اللي أنا فيه وهبدأ على نضيف. وسبه ومشي. في قصر الشرقاوي. ليل رجع على القصر. وفضل ينادي على زهرة. ليل بحب: زهرتي أنتي فين.. لو ده مقلب منك ياريت تخرجي.. أنا آسف على كلامي معاكي يا زهرتي. ليل طلع الجناح ملقاش زهرة. ليل بصراخ: زهرة. ليل لقي رسالة من زهرة: أنا سبت القصر يا ليل بيه.. هخلصك من قرفي ومشاكلي.. ياريت مش تدور عليا. ليل بدموع: أنا آسف يا زهرة. بس أرجوكي ارجعي.