رواية دميتي الجميلة الفصل الثاني 2 - بقلم ايلا ابراهيم

شوق بدموع ورجاء: أبوس إيدك، هعيش خدامة تحت رجليك، بس متجوزنيش مصطفى يا عمي، أبوس إيدك. سحب عمها يده وقال: مش مصطفى، ده مهران ابن منصور الجبالي الكبير. وأنا مش هعرف أرفض الجوازة دي. لمعت عيناها بسعادة: معقول؟ معقول مهران هيتجوزها هي؟ مهران من زينت شباب البلد وحلم كل بنت تتجوز شاب زيه. الناس دايماً بتتكلم عن شهامته ورجولته ووسامته، وأخيراً حلم حياتها اللي كانت بتدعي بيه بيتحقق. وهيتقدملها شاب زي ما كانت تحلم، الناس كلها تحسب له ألف حساب وتهابه. عمها بتحذير: بصي يا شوق، الجوازة دي لازم تتم. ابن الجبالي أنا مش هعرف أرفضه. انتي مش عارفة منصور وابنه وصلين قد إيه. هزت رأسها بسعادة تغمر قلبها، وربط لسانها، لا تستطيع التفوه بكلمة واحدة من شدة سعادتها. لكنها شعرت بالضيق بعد سماعها لتهديد عمها. عمها: عارفة لو زعلتي مهران وأهله بحاجة، دنا هطلع عينك. وكل اللي عشتيه هنا كوم، واللي هعمله فيكي لو حد اشتكى منك كوم تاني، فاهمة؟ هزت رأسها بخوف.