سيب ايدي يا حيوان.. انت كنت عايزني أعيش مع واحد مريض زيك.. كفاية لحد كده سبع سنين استحملت مرضك وقرفك وكل يوم في مستشفى شكل.
خالد اتعصب. ضربها بالقلم. اخرجي برا البيت يلا مشوفش وشك تاني..... اااااه.
حوريه بصريخ: باااباااا.
ملك جريت على خالد. رغم من إنها لسه شايفة وعارفة بس حست بخوف عليه. خالد فوق انت مش بترد ليه؟ رد عليا. سمحت لدموعها تنزل. جت الإسعاف أخدته وملك واقفة مكانه. مسكت إيد حوريه عشان تقويها. مهما كان هي طفلة.
حوريه: بنتي حبيبتي.
حوريه بخوف: ابعدي عني أنا بكرهك. انت السبب في اللي بابا فيه. سيبنا في حالنا بقى. طنط ملك خدي عند بابا. هو هيبقا كويس صح؟ هو قال مش هيسبني.
نزلت في مستواها ومسحت دموعها. حوريه حبيبتي بابا هيبقا كويس متخفيش. إحنا هنصلي وندعي سوا لبابا ربنا يشفيه. فجأة لقيت اللي بتمسك إيدي.
استني عندك. انت مين عشان تاخدي بنتي وتمشي؟
ملك: أنا مين؟ أنا أبقى مرات خالد. واتفضلي اخرجي برا بيتي.
ملك أخدت حوريه ومشيت.
مامت حوريه (سلمى) كانت واقفة هتولع بعد اللي سمعته.
********
في المستشفى.
محمود كان واقف خايف على ابنه. خايف يروح ما بين إيده.
وصلت ملك ومعاها حوريه. عمي خالد أخبارُه إيه؟
محمود: لسه يا بنتي الدكتور جوه.
ملك من رغم إنها خايفة عليه لكن قوة قلبها عشان حوريه الطفلة ومحمود ولده. إن شاء الله هيبقا كويس متقلقش.
محمود: يارب يا بنتي. يارب.
بعد شوية وقت خرج الدكتور.
ملك: طمنّي يا دكتور أخبارُه إيه؟
الدكتور: الحمد لله. جات سليمة المرة دي. بس لو حصل حاجة تاني أنا مش مسئول.
محمود: تمام يا دكتور شكرا. نقدر نشوفه؟
الدكتور: آه تقدر. بس هو غايب عن الوعي. هيفوق بعد 24 ساعة.
محمود: تمام يا دكتور.
ملك: طب يا عم خد حوريه وروح ارتاح. انت تعبان وأنا هبات معاه.
محمود: مينفعش يا بنتي.
ملك: لا عشان خاطري. وخاطر خالد. وهو كده كده هيفوق الصبح.
محمود: طب خلي بالك من نفسك ومنه.
ملك: في عيني يا عم. متقلقش. حوريه حبيبتي هتروحي مع جدو دلوقتي. والصبح تعالي معاه.
حوريه: حاضر.
مشيوا هما الاتنين. وملك دخلت الأوضة. كل القوة اللي ظهرت بيها اختفت أول لما شافته وشافت الأجهزة اللي حواليه. قربت منه. شكلك حلو وانت نايم. عارف كان نفسي في عيلة زيك. باباك بيخاف عليك أوي. وقالت بدموع: وبيحبك أوي. عندك بنوتة زي القمر. يلا يا بطل قوم. انت قدها وهتقدر تتجاوز الوجع ده. وأنا هنا يعني جنبك. مش هسيبك. نامت من غير ما تحس. نامت وهي ماسكة إيده. كأنها بتطمنه إنها جنبه.
تاني يوم فاق خالد. بص لقاها نايمة وماسكة إيده. ابتسم وبصلها بحب. ملس على شعرها. ملك.. ملك قومي.
ملك: امممم. سبني شوية بس.
خالد بضحك: مالك قومي. إحنا في المستشفى.
ملك بصدمة: مستشفى؟ آه خالد. خالد انت كويس؟ فيك حاجة؟ أجيب الدكتور؟
خالد: اهدي. مفيش حاجة. بس آه نادي الدكتور عشان عايز أخرج من هنا.
ملك: تخرج إيه؟ لا انت لسه تعبان.
خالد: لا أنا كويس. نادي الدكتور.
ملك: حاضر.
بعد شوية جه الدكتور.
بقيت كويس يا بطل أهو.
خالد: أقدر أخرج؟
الدكتور: زهقت مننا ولا إيه؟
خالد: ما انت عارف إني بكره المستشفيات.
الدكتور: على العموم هكتبلك على خروج. بس أهم حاجة الراحة.
ملك: متقلقش يا دكتور. هكون جنبه. هتصل على عمي أقوله إننا هنمشي.
خرجت ملك. الدكتور: واضح إن مراتك بتحبك يا أستاذ خالد.
خالد ابتسم بحب. امممم.
********
حوريه بفرحة وهي بتجري على الباب: بابي حبيبي. وحضنته جامد.
خالد: حبيبة بابي. عاملة إيه؟
حوريه: زعلانة منك خالص.
خالد: امممم. وحبيبتي زعلانة ليه؟
حوريه: عشان خضتني عليك أنا وطنط ملك.
ملك: خلاص بقى يا حوريه. بابي تعبان دلوقتي. يبقى يتعاقب بعدين.
محمود: حمد لله على سلامتك يا حبيبي.
خالد: الله يسلمك يا بابا.
محمود: يلا يا ملك خدي خالد يرتاح على ما الغداء يجهز.
ملك: يلااا.
*******
انت لازم تتصرف وتجيبلي بنتي.
حاضر. بس ده هيكلف كتير.
سلمى بحقد: هدفعلك كل اللي انت عاوزه بس بنتي تجيلي. فاهم؟
فاهم.
سلمى ابتسمت بشر. ها يبقى يوريني هيرجع بنته إزاي.
*******
ملك: خد الدواء ونام دلوقتي. لفت عشان تمشي. مسك إيدها.
خالد بنظرة كلها حب: شكرا.
ملك بابتسامة: مفيش شكر. في راحة وبس. ويلا اسمع الكلام.
خالد ابتسم ونام. خرجت ملك وجالها تليفون. وفي نفس اللحظة خالد قام من السرير. كان هيقولها حاجة.
ملك ردت: إيه يا حبيبي... لا متزعلش حق عليا أنا... خلاص هجيلك بكرة ونتقابل. يلا باي. ولفت عشان تمشي. خالد...