رواية دوار العمدة الفصل الأول 1 - بقلم انجي محمود

جاسر. يعني إيه يا أبوي عايز تجوزني واحدة من البندر؟ جلال. اللي سمعته يا ولدي. البنت غلبانة ولازم نساعدها. وما تنساش إنها بنت صاحبي الوحيد ولازم نحافظ على ورثها من بعده. جاسر. لو عايز تحافظ على ورثها، أنا ما عنديش مشكلة إني أجيب لها حقها تالت ومتلت. إنما جواز لا. وكمان نسيت بنت خالي إني واعدها بالجواز. جلال. مالكش أنت دعوة بالموضوع ده. أنا هتصرف مع زهرة وكمان مع أمك. جاسر بنرفزة.

الله أما طولك يا روح. والبت دي جاية امتى ولا هتتهبب امتي؟ جلال. بعد يومين هتسافر تجيبها وتعاود عالطول. جاسر. كمان أسافر وأجيبها ليه؟ خدامها أنا؟ جلال. لا بس جوزها ومش هتأمن تيجي مع حد غيرك. جاسر. لا والله مأمن. عارف يا ابوي؟ أمن على أي حد إلا أنا. أنا ممكن أقتلها. جلال. يلا على شغلك. ولما تفكر في الموضوع ابقي كلمني. يلا بينا. زينب. وه كيف يا حاج؟ يعني إنه يتجوز غير زهرة؟ إحنا واعدين الناس وما يصحش كده. جلال بزعيق.

زينب، أنتِ اللي هتقولي إيه يصح وما يصحش. لا مش هيتجوز إلا داليدا وخلصنا. وكلامي خلص. جاسر. خلاص يا أما الموضوع خلص. جلال. كده الكلام. يلا على الشغل مش عايزين نتأخر. زينب. السلام عليكم. ألو يا زهرة، تعالي الدوار بسرعة. لا موضوع مش هيستحمل التأخير. تعالي طوالي. في مكان آخر. داليدا بدموع. لا مش ممكن النهاية تكون كده. شايفة سونجول ماتت. المسلسل حزين. نور.

هههههه، يا صغيرة. طب انتي عارفة إني هي هتموت. مسلسل حزين من الجزء الأول جاية تعيطي دلوقتي. وبعدين يلا نجهز الشنط علشان فرحك يا قمر. داليدا. مش هتجوز إلا لما سونجول تعدي الأربعين أو الذكرى السنوية الأولى. نور. أنتِ هتجننيني يا بت انتي. ده تمثيل. يلا قومي بقي. وجذبتها من ذراعها ودخلوا الغرفة. عند زينب. زهرة. إيه يا عمتي؟ مالك؟ في إيه؟ زينب. علشان أنتِ نايمة على دماغك. جاسر هيتجوز وانتي قاعدة. زهرة بصراخ. بتقولي إيه؟

يتجوز مين؟ طب وأنا مين؟ هي البت؟ وأنا وحياة جاسر عندي لأقتلها. زينب. اهدّي كده. لأن جاسر مش رايدها. هو العمده بس اللي عايزها لابنه. ولو شغلنا دماغنا هنطفشها من غير قتل ولا حاجة. زهرة. نصبر ونشوف الحلوة لما تيجي نعمل فيها إيه. بعد مرور يومين. جلال. يلا روح هاتها من المطار لأنها جت في الطيارة. وما رضيتش إنك تجيبها بالعربية. جاسر. فيها الخير والله. طب أنا هروح علشان أعاود بسرعة. جاسر في سره. نورتي مملكتي يا بنت البندر.

داليدا. أنا وصلت أهو وما حدش جه. هفضل مستنية كتير. نور. لا اهدي كده. بصي انتي هتعرفيه إزاي؟ أصل... داليدا. اسمه جاسر. نور. لا والله. إيه الحلاوة دي يا بت؟ نمسك مايك إحنا بقي وننده عليه. داليدا. طب أعمل إيه؟ نور. هاتي ورقة وقلم من الشنطة. داليدا. امسكي واكتبي: جاسر قلب داليدا. نور. قلب إيه يا حبيبتي؟ انتي تعرفيه؟ داليدا. لا. بس مش هيبقي جوز. نور. لما بقي افرضي طلع شبه القنفذ. داليدا.

لا يارب يطلع شبه على اللي في الأزهار الحزين. نور بنفاذ صبر. صبرني يا رب. وفي الآخر هيبقي زي كمال. داليدا. والله بالله افتراء. نور وداليدا. ههههه. في تلك الأثناء. جاسر. الو؟ أنا جاسر. انتي داليدا؟ داليدا. ايوه. انت فين؟ جاسر. أنا في المطار. انتي اللي فين؟ أعرفك إزاي؟ داليدا. أنا معايا ورقة عليها اسمك. وممكن أرفع ايدي كمان. جاسر. طب ارفعي. رفعت داليدا يديها. جاسر. يا بوي إيه الجمال ده. داليدا.

وااااو. ده طلع أحسن من علي بكتير. أنا موافقة خلاص. جاسر. ازيك يا حلوة؟ يلا بينا علشان مانتأخرش. داليدا. إيه قلة الذوق دي؟ احترم وجود نور حتى. جاسر. مين نور؟ آه، الأوزعة دي. ازيك يا نور؟ نور. مع إنك هزأتني بس مش مشكلة. انت تعمل اللي انت عايزه يا برنس. جاسر بضيق. مش هنخلص من الهطل ده. وبعدين إيه اللبس ده؟ هتنزلوا البلد إزاي بالمنظر ده؟ نور وداليدا. ه ننزل من العربية. ههههه. جاسر. صبرني ياربي.