رواية ضرة اختي الفصل العشرون 20 - بقلم الكاتبة المجهولة

إياد دخل أوضة المكتب ولقى نسرين واقفة تتكلم في التليفون. "الوو، أيوا ي حبيبي. لا أنا مش لاقية حاجة هنا. وحشتني انت كمان والله. ماشي، نتقابل في شقة المعادي. باي يروحي." إياد: "إيه يبنتي بتعملي إيه؟ نسرين بخضة: "إنت هنا من إمتى؟ إياد باستعباط: "لسه صاحي. دورت عليكي في الشقة مش لاقيكي. بتعملي إيه هنا؟ نسرين بدلع: "مش ده بيتي ي حبيبي. أدخل أي حتة." إياد باسها بخفة: "براحتك ي حبيبتي." ***

روح راحت عند بدر، خبطت ونوال فتحتلها. روح حضنتها ودموعها نزلت: "ربنا يرحمها ي ماما." نوال بعياط: "سامحيها ي روح والنبي." روح: "والله ي ماما سامحتها من زمان أوي. من أول ما عرفت إني حامل. ربنا يرحمها يارب." نوال: "يارب." روح: "هي فين البنوتة؟ نوال بحزن: "يونس خدها. قال حاجة تفكرني بيها." روح حست بوجع بس متكلمتش: "ماشي ي ماما. هو بابا فين؟ نوال: "جوا ي حبيبتي. الحمل عامل إيه؟ روح بابتسامة: "مجننّي ي ماما والله."

نوال بحب: "بطنك صغننة. مش بطن واحدة في الشهر التامن." روح ابتسمت ودخلت. بدر طلع حضنها بحب: "إزيك ي حبيبتي؟ روح: "الحمدلله ي بابا. أنا عايزة أقولك حاجة." بدر: "قولي ي حبيبتي." روح بتنهيدة: "أنا هسافر ي بابا. هسافر برا. هشتغل هناك. وأحسن من نفسيتي شوية." بدر بهدوء: "ماشي ي بنتي. هتسافري إمتى؟ روح: "بالليل ي حبيبي." بدر حضنها بحب: "ابقي كلميني كل يوم ي روح." روح: "حاضر ي بابا." وودعتهم ومشيت.

وهي نازلة قابلت يونس وهو شايل البنت. روح قربت منه بهدوء: "إزيك ي يونس. عامل إيه؟ يونس: "الحمدلله. إزيك إنتي؟ وبص لبطنها: "والجنين عامل إيه؟ روح حطت إيديها تلقائي على بطنها: "كويس." ومدت إيديها تاخد البنت وأخدتها باستها بحب وحضنتها: "اسمها إيه ي يونس؟ يونس: "روز." روح ابتسمت بحزن لما افتكرت رزان. وأدتهاله: "أشوف وشك بخير." يونس استغرب كلامها بس فضل السكوت. روح مشيت ويونس طلع عند نوال وبدر. ***

عطية: "اتفضل ي إياد بيه." إياد دخل الأوضة وقرب من الشخص اللي جوا وحضنه: "وحشتني أوي ي بابا." محسن (الأب) : "وحشتني أكتر ي حبيبي." إياد: "إنت بتعمل إيه في حياتك الفترة دي؟ محسن: "أنا اللي خطفت أخت الضابط علي." إياد بصدمة: "ليه ي بابا؟ محسن: "عقاباً على اللي عمله في يونس." إياد: "بابا ممكن تبطل تأذي الناس بقى. كفاية." محسن بشر: "إنت حنيت ولا إيه ي إياد؟ إياد سكت معرفش يرد يقول إيه. محسن: "امشي ي إياد."

إياد بصّله بقلة حيلة وقام مشي. *** بالليل. روح قاعدة في الطيارة وحاطة إيدها على بطنها. "لو سمحتي ي آنسة ممكن أعدي عشان أقعد؟ روح بصت واتفاجأت أما شافت...