رواية ضرة اختي الفصل الثامن عشر 18 - بقلم الكاتبة المجهولة

الدكتور طلع من العمليات بعد ساعتين: مدام رزان ولدت بالسلامة بس. يونس بخوف: بس إيه. الدكتور بأسف: مدام رزان عندها كانسر في مراحله الأخيرة. نوال بصدمة: إيه ده! يونس: إزاي هي كويسة صح؟ الدكتور: هي غايبة عن الوعي لسه، الولادة كانت صعبة، لو فاقت قبل 48 ساعة هنحاول بقدر الإمكان ننقذها. يونس بدموع: يااااارب. *** عطية: إياد بيه كويس، هو بس اتجوز. ... اتجووز مين؟ عطية: اتجوز بنت اللوا سراج الدمنهوري. ... بخبث:

امم، إياد دايماً بيقع واقف. عطية بخبث: بس مراته إيه صاروخ. ... بعصبية: اطلع براااا. عطية طلع والشخص اللي جوا اتنهد بشر. *** في المستشفى، في أوضة جنا: جنا صحيت وحاسة بتعب: امممم، ياه، عطشانة، هموت. صقر صحي وبصلها بخوف: مالك ي حبيبتي. جنا: عطشانة أوي. صقر جابلها مياه وشربها: انتي كويسة؟ جنا: أيوة، شكراً. صقر بحب: محدش بيشكر جوزه ي حبيبتي. جنا قلبها دق بشدة: ماشي. علي دخل عليهم: انت بتعمل إيه مع أختي لوحدكم؟

جنا بصتله بخوف ومسكت في صقر. صقر بصله بصه معناها: عجبك كده خوفتها. مرااااتي. علي قرب من جنا حضنها بحب: أنا أخوكي ي حبيبتي. جنا حست بالأمان في حضنه وابتسمت. صقر: أنا خارج شوية وجاي ي حبيبتي. وسابهم وروح البيت. شادية: أنا ماشية ي صقر، راحة لجنا أنا وسجدة. صقر بهدوء: تمام. شادية أخدت سجدة ومشيت. صقر طلع أوضة روح وخبط الباب. روح: ادخلي ي سجدة. صقر من برا: أنا صقر. روح اتوترت وقامت لبست طرحتها وطلعت: خير. صقر بهدوء:

ممكن أقعد معاكي حبة، عاوزك في موضوع. روح: تمام، جاية وراك. صقر نزل وروح نزلت وراه. صقر بهدوء: روح، أنا آسف. روح: على إيه. صقر وهو على نفس الهدوء: أنا عارف إني قربت منك بطريقة مش كويسة وإنتي متجوزة، أنا عارف إن حتى لو قربت منك وإنتي مطلقة ده حرام، أنا آسف ي روح، آسف، كانت لحظة شيطان. روح بصتله بكسوف وبصت في الأرض. صقر: روح، أنا اتجوزت جنا. روح: إيه! صقر باستغراب: إنتي مكنتيش موجودة وأنا بكتب عليها. روح بدموع:

لا، أنا كنت تعبت ومشيت. صقر: أنا آسف ي روح. روح بابتسامة: عادي ي صقر، إحنا كان بينا اتفاق من الأول. صقر بحزن: أنا عارف إن كان بينا اتفاق، بس أنا وعدتك إني هحاول أفكر فيكي بعد ما نصلح حال جنا. روح بحزن: عادي ي صقر، محصلش حاجة، عن إذنك. صقر اتنهد وقام طلع أوضته. روح دخلت أوضتها وقعدت تعيط ومسكت بطنها بتعب: أنا كنت حبيتك ي صقر، كنت حبيتك أوي. وقعدت تعيط لحد ما نامت. *** بعد يومين. يونس: يارب يارب تفوق بقي. بدر:

إن شاء الله هتفوق وهتكون كويسة. نوال بعياط: يارب يارب. فجأة لقوا أصوات كتيرة وضجة عند العناية المركزة والدكتور والممرضين يجروا على الأوضة اللي رزان فيها. فات نص ساعة. الدكتور طلع: البقاء لله. يونس بصدمة: نعم! نوال بعياط: ي حبيبتي ي بنتي ي حبيبتي ملحقتيش تتهني بشبابك، أنا آسفة إني بعدتك عني، ااااه ي وجع قلبي. بدر بدموع: إن لله وإن إليه راجعون، ربنا يرحمها يارب. يونس قعد على الأرض وحط إيده على وشه ودموعه نزلت. بدر:

اهدأ ي حبيبي، اهدأ، ادعيلها بالرحمة. *** في شقة إياد: نسرين: أنا زهقت ي إياد، عاوزة أروح شقتك بقي. إياد باستغراب: ما دي شقتي بردو ي نانو. نسرين بزهق: أنا عاوزة أروح الشقة التانية، عايزة أعيش فيها. إياد: حاضر ي حبيبتي، هشوف يونس مشي ولا لسه. نسرين: تمام. *** عند صقر: نزل راح المستشفى. أخد جنا راح بيتهم، دخلوا الشقة وقفل الباب وقرب منها.