رواية فاطم الفصل الخامس عشر 15 - بقلم فاطمه الدمرداش

خالد: يستي كل واحده تروح لحالها متخافوش. اللي محيرني البنت محترمه وبنت ناس، اخت رامز، ازى يعني؟ سحر: صوابع ايدك مش زي بعض. روح أنت، انا اللي قعد هنا معاها. مهما كان دى بنت، والواحده منا تاخد لو لقيت راجل. خالد: وانا هعملها. سحر: انت مش هتعمل حاجه، بس بنت بريئة زى دى تخاف. دى بنت عز مشفتش من الدنيا حاجة زينا. خالد: والله انك اصيلة. واحده غيرك كانت عملت البدع فيها.

سحر: ملهاش ذنب ولا حته. مكنتش عايزة اعمل زيه واجيبها هنا. بس مضطرة علشان صوري اللي هي مش على لبسي. وحسبي الله ونعم الوكيل فيها. هو ربنا يفكها ونبلغ ويمسح غصب عنه. خالد: ان شاءلله خير. بس برضو خدو الحذر، انتو مش مهما كان نسوان. سحر: متخافش. عمرو: مش وقتك يارغد دلوقتي. جميله: ما يمكن تكون لقيت حاجة. عمرو: ممكن. الوريم: بعيط. الو يا دكتور. عمرو: انتي مين؟ الوريم: انا ريم يا عمو. تعالي بسرعه. عمرو: حصل ايه؟

الوريم: في واحده اسمها فاطم. عمرو: فاطم مالها؟ احكي. الوريم: بتنزف جامد. حد ضربها بعنف. عمرو: انتو فين؟ هاتي عنوان بيتكم بسرعه. خرج يجري. جميله: في ايه يا دكتور؟ عمرو: فاطم، لقو فاطم يا جميلة. نعمه: بنتي بنتي. جميله: الحمدلله. يالا بينا يا طنط. عمرو: تعالو معايا. اركبو العربيه بسرعه. ياترى عملو فيكي ايه؟ جميله: اهدى يا دكتور مش كده. عمرو: اهدي ازي؟ انا حاسس نار بتاكل قلبي كده. جميله: ان شاءلله خير.

كانت بتشوف كل فترة وبتطمن عليه. وفجأة مسك. انا هموت. نسرين: حد يلحقني. اتلم الشفت كله. خرجوه بصعوبه من بين ايده. حليم: حسو بيا يا ناس. هموت. حد يجبلي سجارة، برشامه. نار بتاكل جسمي نار. ابوس ايديكم حد يخرجني. بتخرجو لي وبتسيبوني لوحدي. انا مش مجنون يا دكتور. يا فاطم انتي فينك؟ يا جميلة انا أسف يا جميلة. حد يجبلي جميلة. جميله فين؟ جميله. جميله انا عايز جميله. علشان خاطري هاتلولي جميله.

والله انا اسف. حد يقولها اني مش هزعق لفاطم لنقاب، بس اشوف جميلة. اتصلت نسرين: يا دكتور عمرو الحقنا. حليم حالته حرجه جدا. عمرو: لطفك يارب. في ايه يا نسرين؟ بيزعق جامد وبيعيط. مش بيردد غير اسم واحده اسمها جميله. عمرو: جميله. طيب سلام. مش هقدر ارجع دلوقتي. ادي اي حقنه مسكن. خليه ينام. نسرين: حاضر. جميله: حضرتك في حاجة؟ اصل قولت اسمي. عمرو: حليم مش بينادي غير على اسمك.

جميله: انا. انا. انا. والله مش ليا علاقه بيه. يدوب صاحبة فاطم. بس مفيش اي حاجة تاني. عمرو: عارف طبعا. ممكن بيكون بيلهوس فبينطق اي اسم جه فباله. الطريق كله بتفكر ودموعها غلبتها من الزعل على حليم وفاطم. لكن موضوع حليم انه مش بينادي غير باسمها ده كان مأثر فيها اوى. نعمه: بتعب. هموت ياناس. ودوني لبنتي. عمرو: خمس دقايق. يامسهل يارب. رغد: يبنتي رني تاني. النزيف مش راضي يقف. منك لله يا رامز. منك لله. ريم: في عربيه جات.

رغد: يبقا هو. اجمدي ياحبيبتي. عمرو جه وهناخدك للمستشفي. هات العواقب سليمه يا رب. دخل عمرو و…….