رواية فهد ليل الفصل الثامن 8 - بقلم بسملة الطوخي

سهر.. الوو سامر الحقني بسرعة. سامر.. براحة بس فيه إيه؟ سهر حكت له كل اللي حصل وعرفته المكان. سهر.. تمام بعتلك اللوكيشن دلوقتي. سامر.. تمام، عومي على هواه ويخليه يصدق، وحاولي متخليوش يلمسك لغاية ما أجي. سهر.. خلاص سلام عشان هو خرج دلوقتي، سلام. زياد.. إيه ياحلو، مش يلا؟ سهر.. ماشي، بس أنا محتاجة بس نص ساعة أجهز عشان أوبلك سهرة حلوة، ولا إنت مش عايز؟ زياد.. إزاي بس، ماشي أنا هطلع أتفرج على التلفزيون لغاية ما تجهزي.

وفجأة يخبط الباب. زياد.. مين؟ طب جاى أهو، استنى اللي بيخبط، إنت مين؟ سامر وهو بيضربه.. دانا اللي هعرفك مين يا روح أمك، إنت تعرف تقرب من حاجة تخص سامر شاهين يا ابن***. وطلع المسدس وضرب بيه رجله. زياد بوجع.. ااااه. سامر وهو ينادي البوليس.. تعالوا خدوا الكلب ده. عند ليل. وباب الجرس بيرن. ليل.. حاضر جايه أهو، عشت وشفتي يابت يا ليل إنك تفتحي الباب ولا تنضفي، طيب جايه استناااا بس. ليل بصدمة ودموع وخوف.. إنت.

سامي.. أيوه أنا ياحلوة ياللي ضحكتي عليه، ولا عاش ولا مات اللي يضحك على سامي أبو الفتوح. ليل.. سيبني ياحيوان، ااااه. الحارس.. بتعمل إيه، سيبها. سامي وهو يطلع سكينة.. سيبوها، إلا أقسم بالله لأدبحها قدامكم هنا كلكم، وميهمنيش حد. الجنايني وهو يتسحب ويطلع الموبيل. فهد.. أيوه ياعم أحمد، في إيه؟ الجنايني.. أيوه ياباشا، فيه واحد هنا ماسك سكينة وحيضرب بيها المدام وسحالها قدام الشغالين كلهم، وبيموت فيها، ومحدش قادر يقرب.

فهد بخوف.. خلاص أنا جاي. فهد أخد العربية في أسرع سرعة لغاية ما وصلت 240، وصل في خمس دقايق. ليل بأنهيار.. ااااه الحقوني. سامي.. دانا هعرفك وهموتك قدامهم النهارده. وأخذ السكينة وغرزها في بطن ليل. فهد.. ليلللللللللللللل. الشرطة وصلت. امسكوه وقبضوا على سامي. فهد بدموع وليل داخل أحضانه.. ليل حبيبتي قومي متخافيش، حد يجيب الإسعاف بسرعة. وجات الإسعاف خدتها.

فهد بعياط.. قومي قومي يا حبيبتي، والله ما هخليكي تعملي حاجة تاني، قومي بقا، أنا بحبك يا ليل، بقيتي جزء أساسي من حياتي. ليل وهي شبه فاقدة الوعي.. ف.. فهد أنا بحبك، سامحني وخلي ماما وبابا وحاتم وسهر يسمحوني، متعيطش يا حبيبي. فهد بأمل.. متخافيش، مش هيحصلك حاجة. في المستشفى. خرج الدكتور.. للأسف دخلت غيبوبة، والله أعلم هتفوق إمتى. وفجأة فهد. سامر بصدمة.. فهدددد.