رواية فقلبي زعيم مافيا الفصل الثالث 3 - بقلم نعمة احمد

راح عند الباب وراح يفتحه. بصدمة: إيه ده! أنا: إيه فيه إيه؟ الباب مش بيفتح. أنا: بقا راجل زيك وزعيم مافيا ولمؤاخذة خيخه. تعالى افتحيه إنتِ يا سوبر هيرو. قمت بغرور: وسع وسع. حاولت أفتحه مبيتفتحش، مرة واتنين وتلاتة ومش بيفتح. إيه يا هيرو مالك؟ الباب فيه مشكلة، على فكرة. حاول يزق الباب برجله مبيفتحش. شكله لازم يتفتح من بره. اتصل على صاحبك طيب ييجي يفتحه. طيب. راح يتصل لقى مفيش شبكة. يووه، مفيش زفت. إيه معكش رصيد؟

عيبه في حقك دي يا سطا. مفيش شبكة، ويا ريت تنقطينا بسكاتك شوية. قعدت كملت أكل. طيب. عمال يخبط ويرزع في الباب ومبيتفتحش. لو سمحت يااا... ا، لأ صحيح، هو انت اسمك إيه؟ اسمي إلياس. إلياس، اممم. وإنتِ؟ مش عيب تبقى خاطفيني ومش عارف اسمي، عموماً أنا اسمي ملك. ممم. طيب هنعمل إيه؟ شكلي هضطر أقعد هنا النهارده. يا نصيبتي! إنت عايزني آمن على نفسي مع واحد مافيا زيك. قرب مني: وأنا هعملك إيه يعني؟

إنت متقدرش تعملي حاجة، بس أنا بخاف على نفسي برضه. مقدرش إزاي وأنا معاكي وفاتحة مقطوعة ومحدش هيسمعك لو صرخت من هنا للصبح. إنت قصدك إيه! أنا بعرفك بس. لا متعرفنيش. راح نام على الأرض وإيده تحت راسه. أنا بتساءل: هو إنت إزاي كده؟ بإستغراب: إزاي يعني مش فاهم؟ يعني المفروض إنك تعذبني بقى وتمنع عني الأكل وكده. شكلك بتقرأ روايات كتير. فعلاً عرفت منين؟ من الأوفر اللي بتقوليه. طب هتتجوزني في الآخر ونحب بعض بقى وكده.

نامي يا ملك نامي. قعدت على جنب. ممكن أسأل سؤال؟ تنهد: اتفضلي. هو البنت دي... يا ريت اللي ميخصكيش متتدخليش فيه. سكت: ...... تنهد: آسف. متتأسفش يبني، إنت هتخليني أح... ضحك: أنا عارف إني أتحب من أول مرة. ضحكت. فضلت ساكتة شوية، وبعدين رحت في النوم. تاني يوم الصبح صحيت وملقتوش. بخضة: إلياس! إلياس! جالي بسرعة: فيه إيه؟ كنت فين؟ كنت بلف في البيت يمكن ألاقي شبكة. تنهدت بارتياح: طيب. مالك اتسرعتي كده ليه؟

افتكرتك سبتني ومشيت وقعدت أتخيل حاجات شنيعة. ضحك: قولتلك بطلي روايات كتير. ممكن سؤال؟ أسئلتك كترت. سؤال بريء. هااا. ومتتعصبش عشان إنت مش عارف أنا ممكن أعمل إيه. هتعملي إيه يعني؟ هعيط طبعاً، إيه السؤال ده. ضحك: ....... هو إنت بتشتغل إيه بالظبط؟ يعني في السلاح ولا الأعضاء ولا... بس بس بس! فيه إيه؟ إيه الإجرام ده؟ ماهو ده شغل المافيا. هو إنتِ عشان شفتيني بـهدد واحدة في حتة ضلمة عشان تقتل أبقى كده مافيا؟

لأ طبعاً، لو فيه حاجة أعلى من المافيا كنت قولتها. طالما أعضاء لأ وسلاح لأ، يبقى الكيف. إيه الكيف ده!!!! يعني مافيا ومش عارف الكيف، شكلك مافيا مضروب وأي كلام. أنااا... قاطع كلامه صوت حد بيخبط عالباب...