فوزية جريت في القاعة ورا الراجل اللي قلب عليها عصير.
بدأت تخنق:
"بقى يا حيوان يا بغل يا أعمى رايح تقلب العصير عالفستان اللي مفرحتش بيه؟
هو أنا هلبسه كل يوم؟ دا مرة واحدة بس في العمر.
مين يالا اللي مسلطك عليا؟ البت إسراء ولا نورا ولا سلمى ولا عمار ولا محمد ولا مين بالظبط؟"
إسراء ومحمد وعمار ونورا وسلمى كلهم في صوت واحد:
"وربنا ما إحنا ولا نعرفه."
إسراء وسلمى راحوا ياكلوا جاتوه وبيتفرجوا عالشكلة.
زاهد بيشد في فوزية:
"سبيه يا فوزية، فضحتينا، الراجل هيموت في إيدك."
فوزية:
"ابعد يا زاهد أحسنلك، وأجيب السكينة اللي هناك دي أطير رقبته بيها. منا رد سجون يابو!"
زاهد:
"بس هو مكنش قصده يا حبيبتي، يالا عشان نكتب الكتاب."
فوزية:
"لأ، لازم يتربى وياخد علقة حلوة كده يحلف بيها طول حياته ويقول مين اللي عمل كده.
وإلا ربنا ما يكون فيه جواز النهاردة وأبوظ الفرح وأمشي."
زاهد:
"لأ وعلى إيه، موتيه يا قلبي براحتك."
فوزية نزلت فوقه والراجل بيصوت تحت ايدها:
"الحقوني، أنتم واقفين تتفرجوا على الغولة دي؟ حوشوها من عليا."
فوزية بصت للكل وقالت:
"اللي هيقرب هعوره."
وكملت ضرب فيه وعضته في جسمه كله لغاية ما اتكلم وقال:
"دي واحدة اسمها تسنيم ومش بتحبك."
فوزية:
"مين تسنيم دي يا روح أمك؟"
تسنيم جت من ورا فوزية:
"وقالت أنا يا حبيبتي."
فوزية:
"حبك برص وعشرة خرس واتنين عمي وتلاتة طرش."
تسنيم:
"إيه ألفاظك البيئة دي؟ أنتي مفكرة نفسك مين وعاملة رعب للكل؟ أنا بقى مبخفش منك."
فوزية:
"تعالى نشوف يا طعمة."
إسراء:
"أيوا بقى، هتبقى مجزرة صاروخ. العب يا جامد."
سلمى:
"هتبقى نمبر وان، هاتوا الصحافة."
وهوب تسنيم وفوزية دخلوا في خناقة هما الاتنين.
كانت معركة بين التتار والهكسوس.
وفوزية قامت شايلة تسنيم ولفت بيها في الهوا وهوب رمتها بعيد.
سلمى:
"البت ماتت ولا إيه؟ تعالى نشوفها."
إسراء:
"استني بس أشرب البيبس وأكل الجاتوه ونروح نشوف ودعت ولا لسه."
سلمى:
"على رأيك، ناكل الأول أحسن."
كل المعازيم واقفين مصدومين من فوزية.
إزاي واحدة بالقوة دي.
محمد قال لزاهد:
"الناس بقت بتتكلم، هات يالا فوزية خلينا نكتب الكتاب ونخلص من أم الليلة دي."
زاهد:
"ماشي."
وجاب فوزية ونور كانت بتظبط طرحتها.
وراحوا عند المأذون وبدأ في كتب الكتاب.
سلمى:
"تعالي يالا نروح نشوف لغاية ما يكتبوا الكتاب."
إسراء:
"يالا يا سطا نروح."
وراحوا يشوفوا تسنيم لقيوا الناس بتسندها وطلبوا ليها الإسعاف.
مبقتش بتنطق.
إسراء:
"كنتي عملالي فيها شبح؟ وكمان على فوزية؟ طب كنتي اعملي شبح على البت نورا؟ (لو مؤاخذة يا نورا)."
سلمى:
"يا حرام، شايفة دراعها في ناحية ورجليها في اتجاه. يعني ياختي على شبابك."
إسراء:
"يالا يابت خلصوا كتبان الكتاب خلينا نرقص اسلو مع الناس دي."
سلمى:
"يالا يا كبير."
وراحوا يرقصوا مع العرسان.
وجه شابين عليهم:
"ما ترقصوا معنا بدل ما بترقصوا مع بعض؟"
إسراء:
"ملكش فيه يا شبح، وبعدين حد كان اشتكى؟"
سلمى:
"واحنا مش عايزين حد يرقص معنا، إحنا كده مستريحين مع بعض، ويالا العب بعيد عشان مضيعش اللحظة علينا."
وخلصوا رقص وبدأ الرقص الشعبي اللي بكرهه.
إسراء:
"أنا جعانة ومفيش في أم الفرح ده غير الجاتوه، تعالي ناكل منه وخلاص."
سلمى:
"تصدقي فعلا جوعنا بعد الرقص ده."
وراحوا ياكلوا ولقيوا فوزية وراهم.
فوزية:
"بتعملوا إيه؟ مسكتكوا."
إسراء والأكل في بوقها:
"ههه، بناكل أصل جعانين من الصبح."
سلمى:
"اها صح."
فوزية:
"لأ والله، بأمارة ما كنتم بتاكلوا لما كنت بضرب في البت العرة."
إسراء:
"اها، تصدقي نسيت، معلش بقى."
فوزية:
"طب ياختي وسعولي بقى كده عشان هموت من الجوع، وهدخل أنا عالتورتة دي وكلوا أنتم الجاتوه."
سلمى:
"هو ده الكلام."
فوزية كانت بتاكل بشراهة، انقضت عالتورتة.
زاهد بيدور عليها ومش عارف هي فين.
و راح يسأل عليها محمد وعمار قالوا مش شافوها.
وسأل اخواته برضوا مش شافوها.
بالصدفة لمحها وهى غاطسة في التورتة وبتاكل كأن بقالها سنة مكلتش.
زاهد راح ليها ووقف وراها وقال:
"إيه اللي أنتي عملاه ده؟ نفسك يا مفجوعة؟"
فوزية اتخضت وبصتله وكان وشها متلحوس بسبب التورتة:
"أنا أنا أنا كنت بس بدوقها."
زاهد:
"ده كله وبدوقيها؟ أنتي هتاكلينا في الآخر يا ما؟"
فوزية:
"إيه يا حبيبي، أكل براحتي، أنت ناوي تجوعني ولا إيه؟"
زاهد:
"فوزية، طلعتي بتعرفي تقولي حبيبي اهو، الحمد لله، دا كنت فقدت فيكي الأمل."
فوزية:
"حد قالك عديمة المشاعر يا عنيا؟ دا أنا عليا رومانسية متخطرش على بالك، كنت سايباها لزوجي قرة عيني."
زاهد:
"طب ما توريني كده يا حبيبتي."
وقرب على شفايفها.
وهنا فوزية داست على رجله، خلته يصرخ ورجع لورا.
فوزية:
"أنا مش قصدي على الرومانسية دي يا قليل الأدب يا سافل يا منحرف يا واطي يا مش محترم ياللي مش متربي."
زاهد:
"اومال إيه فكرك عالرومانسية يا ختي؟"
فوزية:
"إننا نحترم بعض، تقولي يا حجة فوزية يا ولية يا زوجتي كده."
زاهد:
"لأ يا شيخة، لقيتي الكلام ده في قاموس مين؟ وبعدين أنا كنت بدي امسحلك التورتة اللي على بوقك."
فوزية:
"رايح تمسحه بالبوس ولا مفيش مناديل؟"
زاهد:
"هتجبلي جلطة قدامي يا فوزية، عشان نسلم عالناس ونروح."
وراحوا وسلموا عالمعازيم.
وكل واحد ركب عربيته مع عروسته ووصوا العمارة.
وهما طالعين عالسلم إسراء وسلمى طالعين وراهم وبيغنوا.
إسراء:
"هيصة وأمك والدة بريصة وأبوك ماسك مصيصة."
سلمى:
"وهيصة."
إسراء:
"هيصة ونهيص."
سلمى:
"هيصة."
إسراء:
"عند العريس وهيصة."
سلمى:
"وهيصة."
وكل واحد وصل مع عروسته قدام شقته.
طبعا كلهم كانوا في نفس دور العمارة.
زاهد بص لاسراء وسلمى:
"إحنا خلصنا الفرح خلاص، يالا بقى على بيتكوا."
إسراء:
"هششششش، بدنا نسلم عالعرايس."
سلمى:
"ايوا ادخل أنت ومش توجع راسنا."
وراحوا يسلموا على نور الأول ومحمد خدها ودخل.
وبعد كده سلموا على فوزية وزاهد خدها ودخل.
وبعد كده سلموا على نورا.
إسراء:
"اهئ اهئ، خلاص يا نونو، ودعتي العزوبية يا قلبي."
نورا:
"يعني ضحكتي في وشهم وجاية تعيطي في وشي أنا؟ يالا يا عمار خلينا ندخل."
إسراء:
"براحة ياختي مش هنسلم عالأملة يعني، ادخل يا مورة معاها."
سلمى:
"يلا يا سوسو نروح نجيب حاجات من السوبر ماركت نتسلى فيهم واحنا في الطريق."
إسراء:
"يلا يا قلبي سيبك منهم."
عند زاهد دخل وغير وكمان فوزية وصلوا.
زاهد بيقرب على فوزية ولسه بده يمسك ايدها.
فوزية صرخت ووقفت عالسرير:
"بص ياض أنت لو قربت مني هنتحر من عالسرير ده أنت فاهم؟ وألم عليك الناس الأول."
زاهد:
"أنتي هبلة يابت؟ أنا جوزك ياما."
فوزية:
"وإيه يعني؟ عايز تتحرش بيا صح؟"
زاهد:
"لأ طبعا، أنا بس كنت بمسك ايدك عشان احسسك بالدفا والأمان والحنان."
فوزية:
"حنان دي تبقى أمك."
زاهد:
"شدها بسرعة وبقت في حضنه وباس راسها وايديها. ونسيبهم بقى مع بعضهم."
عند محمد ونور غيروا وصلوا.
ونور كانت قاعدة مكسوفة.
محمد قعد جمبها وباس راسها وقال:
"أخيرا بقيتي مراتي ومكتوبة على اسمي، مبارك عليا."
نور:
"الله يبارك فيك يا مودي."
محمد:
"قلب مودك يا حبيبتي."
وقرب منها.
ونسيبهم بقى مع بعض.
عند عمار ونورا غيروا وصلوا.
وعمار راح يجيب ماية ودخل الأوضة ولكن انصدم من نورا.