رواية فرح وشخصياتها الفصل الثاني 2 - بقلم ايه

فرح: دلوقتي عايزة معلومات عن الضحية رقم اتنين. عمر: عز أحمد الأسيوطي، 50 سنة، رجل أعمال كبير عنده شركات بره مصر، ثروته تقدر بـ 5 مليون دولار. عايش في فيلا مع بنته الوحيدة، عندها 27 سنة، مش متجوزة. مراته متوفية من 5 سنين. فرح: كفاية حلو كده. عمر: بس إزاي هتبدي مع عز وإنتي مخلصتيش من جاسر أساساً؟ فرح بابتسامة ثقة: كل حاجة حلوة في وقتها. عمر بتفكيره: مش مطمنلك، حاسس إنك هتوقعيني معاكي. لازم أهرب بسرعة. فرح: إيه ده؟

جاسر بيرن عليا. عمر: عايز إيه ده كمان؟ فرح: استنى وشوف. جاسر: عاملة إيه دلوقتي يا حبيبتي؟ عايزة تقارير عن حالة أمك. فرح: الحمد لله، بس مش هديك التقارير عشان مش عايزة جميل من حد. جاسر: بس أنا مش أي حد، وأنا حابب أساعدك. فرح بخبث: أنا قررت إني هفتح مشروع. لو عايز تساعدني بجد، ساعدني في المشروع. لو مش عايز تساعد... جاسر بمقاطعة: لا طبعاً، عايز أساعدك.

فرح: أنا بفكر أفتح مكتب صغير، وكل حاجة جاهزة ولقيت المكان وظبطت كل حاجة، بس ناقصاني شوية فلوس. جاسر: مش مشكلة، قوليلي ناقص كام وأنا أدفع. فرح بابتسامة خبث: 300 ألف. جاسر بصدمة: 300 ألف؟ إيه ده؟ دي تعملك بدل العملية خمسة. فرح بتصنع الزعل: جرا إيه يا جاسر؟ لو مش عايز تساعدني ما تساعدنيش، وأصلاً فلوسك كانت هترجع لك لما الأرباح تيجي. وأنا أسفة إني طلبت مساعدتك، مع السلامة.

جاسر بسرعة: لا خلاص خلاص، أنا آسف، بس انصدمت. هحولك الفلوس، عايز رقم حسابك. عمر بتفكيره: يا بنت اللعيبة! لا دي شكلها هتكسبني فلوس كتير. مش لازم أخلع دلوقتي. فرح بتفكير: بس أنا معنديش حساب يا جاسر، هاجي آخد الفلوس منك أنا. جاسر بفرح: يعني أخيراً هشوفك يا شيرين. فرح: آه، يلا سلام. عمر وهو بيعمل نفسه مش عارف حاجة: ها، ده عايز منك إيه؟ فرح بابتسامة نصر: هاخد منه 300 ألف، بعدين هنروح على اللي بعده. عمر: 300 ألف؟

يا فرح، ما تنسينيش معاكي. فرح بابتسامة: تقدر تاخدهم كلهم. عمر بصدمة: إيه؟ هي اللي تاخدهم كلهم؟ فرح بضحك: الفلوس. ودلوقتي يلا اطلع برا، لازم ألبس عشان رايحة لعز، عنده خروجة بعد نص ساعة. بعد ما خلصت. فرح: حلوة أوي. نسميكي إيه بقى؟ امممم، لايق عليكي اسم كاميليا. عمر: مين إنتي؟ فرح وهي بتغير صوتها: معاك كاميليا. عمر: إنتي صحبة فرح يعني؟ فرح: دي أنا فرح يا عمر، بجد معرفتنيش. عمر فضل متنح فيها،

بعدها قالها: منك لله يا شيخة. معرفتنيش. خدي ده الخط الجديد. فرح: يلا سلام. بعد ما وصلت للمطعم اللي فيه عز. فرح: يووه بقى، ده الاقيه فين؟ بعدها بتسمع صوت خناقة كبيرة في المطعم، بتلاقي عز راسه مضروب وواقع. فرح بابتسامة: أيوه، ده الوقت المناسب. فرح وهي بتمثل الخوف وبتنزل تقع على الأرض جنب عز: يا أستاذ، إنت كويس؟ حصلك إيه؟ إيه ده؟ راسك بتنزف، حد يتصل بالإسعاف. بعدها بتيجي الإسعاف وبتاخده للمستشفى، وفرح بتروح معاهم.

فرح للممرضة: هو عامل إيه دلوقتي؟ الممرضة: الحمد لله، فاق. بس عايزينه تيجي تدفعي الحساب عشان نخرجه. فرح بتردد: طب ماشي، حالا هدفع الحساب. فرح في تفكيرها وهي بتدفع الحساب: آخر الزمن، أنا اللي بسرقهم بدفع لهم الحساب. وهي واقفة بتحاسب، سمعت الممرضة بتتكلم مع عز اللي خرج على طول. عز: عايز أدفع الحساب. الممرضة: اللي جابتك هنا دفعت الحساب دلوقتي. بصي اهي. فرح أول ما سمعت الكلام عملت نفسها مروحة، بس عز

حط إيده على كتفها بيوقفها: آنسة، استني. فرح بابتسامة خبث: دلوقتي كده نقدر نقول مبروك. وبتلف عليه.