رواية فتاة فى مهب الريح الفصل الحادي عشر 11 - بقلم يارا الششتاوى

ظل ينظر إليها لبعض الوقت. ريناد: في حاجة يا دكتور؟ كانت من داخلها تشعر بشيء غريب. دكتور ياسر: إنتي اسمك إيه؟ ريناد: اسمي ريناد. دكتور ياسر: ريناد إيه؟ ريناد: رينااااد. قاطعهما ولاء: يلا يا ريناد هنتأخر عالسكشن. ريناد: طب أنا مضطرة أمشي دلوقتي. دكتور ياسر: اتفضلي. ياسمين: كان عايزك في إيه؟ ريناد: مش عارفة. هو سألني عن اسمي بس ومكملناش كلام. ياسمين: اممم. أنا مش مرتاحة للدكتور ده. حاسة وراه حاجة. ولاء: وأنا كمان.

ريناد: هيكون وراه إيه. ده شكله طيب أوي. يلا بسرعة هنتأخر. ولاء: يلا. ياسمين: كل دي محاضرات من أول يوم؟ ريناد: بس بقى هتنيمينا معاكي. من ساعة ما جينا بتتاوبي. ارحمينا. ياسمين: يوووه بقى. عايزة أنام. أعمل إيه. ولاء: يلا وصلنا. دخل المعيد (محمود) : ازيكم يا شباب. أنا دكتور محمود. هدرسلكم مادة. فوقوا معايا كده. عارف إن كان عندكم محاضرات قبلي. إيه رأيكم في الكلية؟

ولاء: إيه الدكتور المز ده. عينه رمادي وشعره بني وطويل وب دقن. ياسمين: فاوقة إنتي أوي. ريناد: يا بنتي بقى. هكب عليكي إزازة الميه دي. ياسمين: ههههه. محمود: الدكتورة اللي نايمة دي. صحوها. ياسمين: هههه. ريناد: اصحي يا بنتي. فضحتنا. محمود: قولولها إن صوت الشخير وصل لي. ولاء: قومي الله يخربيتك. محمود: وبعدين بقى. هو ده مكان للنوم!! ريناد: مبتصحاش. أتى محمود إليهما. ناوليني كده إزازة الميه دي.

ياسمين: إيه ده. فيه إيه. دكتور محمود! مالها بردت كده. محمود: إنتي جاية تنامي هنا. برا. ياسمين: نظرت له بغضب. وخرجت. وتقول في نفسها: بره بره. تك قرف في شكلك. انتهى السكشن. ريناد: الو يا ياسمين. إنتي فين؟ ياسمين: أنا في الكافتيريا. ريناد: طب إحنا جايين أهو. ياسمين: ماشي. سلام. وصلا ريناد وولاء إلى الكافتيريا. ياسمين: هو فاكر نفسه مين. كده يطردني من أول سكشن. إيه القرف ده. ولاء: ما إنتي اللي نمتي وكنتي بتشخري كمان.

ياسمين: اسكتي خالص. قعدتي تقولي مزز. مززز. كته قرف. ريناد: اهدى بس وتعالي نجيب حاجة نشربها نروق أعصابنا. ياسمين: يلا. ولاء: يعني هتروحوا عالشركة وأنا هروح لوحدي؟ ريناد: معلش بقى يا لولو. هنحاول نخلص بسرعة ونيجي. ولاء: اشطا. هستناكم. ريناد: يلا يا ياسو مش ناقصين تهزيق تاني. كفاية الصبح. ياسمين: يلا يا ستي. اليوم العالمي للنكد. ريناد: إن شاء الله يخلص النكد ع كده. مراد: الورق ده يخلص قبل ما تمشوا. تمام؟

ريناد وياسمين في صوت واحد: حاضر. مراد: مش حاسسها كده. ريناد: مش كفاية تهزيق الصبح. مراد: لا. نفصل بين الجامعة وبين هنا. وفي الحالتين هتعصب عليكم عادي. ريناد: طب نلحق نخلص الورق بقى عشان نمشي بدري. مراد: إيه الطمع ده كمان. عايزين تمشوا بدري!!! ياسمين: لو خلصناهم بدري هنمشي صح؟! مراد: لو بقى. ريناد: يلا يا بنتي بسرعة. إن شاء الله نخلص بدري. بعد مرور بعض الوقت. ريناد: مراد بيه. خلصنا.

مراد: إيه ده. بالسرعة دي. وريني كده. ريناد: اتفضل. مراد: إيه ده. فيه جزء ناقص م اتكلمتوش عنه. ريناد: بس حضرتك مقولتش ع الجزء ده. مراد: لا أكيد قولت وانتوا نسيتوا. ريناد: حاضر. ياسمين: ها. يلا هنمشي. ريناد: لا. فيه جزء زيادة. ياسمين: يوووه. جزء إيه بقى. ريناد: أهو يا ستي زي ما بقولك كده. ياسمين: وأنا اللي خلاص جهزت حاجتي. ريناد: يلا نعمله بسرعة. ياسمين: يلا. بعد مرور بعض الوقت. ريناد: خلصنا يا مراد بيه.

مراد: وريني كده. طب وجزء... فين؟! ريناد: صبرني يارب. حاضر. مراد: بتقولي حاجة. شايفك مش مبسوطة كده. ريناد: هااا. مراد: نهض من مكانه. واقترب منها. ها. بتقولي إيه؟! ريناد: ظلت ترجع للخلف حتى اصطدمت بالحائط. مبقولش. مراد: لا قولتي. ريناد: هربت من يديه. سلام بقى. نلحق نخلص الجزء. مراد: 🤨🤨 ياسمين: ها. هنمشي. ريناد: لا. ياسمين: إيه تاني. ريناد: شوية وهروح أتضارب معاه. أنا زهقت. ياسمين: هنضارب.

ريناد: يلا خلينا نخلص. الساعة بقت ٦. بعد مرور ساعة. ريناد: بصي. تعالي نروحله سوا المرة دي. ياسمين: ماشي. ريناد وياسمين: خلصنا. مراد: وروني كده. ريناد: لا بلاش الكلمة دي. مراد: خلاص تمام. تقدروا تروحوا. ياسمين: هييه. أخيررررا. ريناد: يلا بينا. في الشارع. ياسمين: زمان ولاء مستنيانا بقالها كتير. ريناد: آه. وفجأة بدأت ترتعش وترتجف من الخوف. ياسمين: مالك. في إيه؟!