رواية في عرين الاسد الفصل الحادي والعشرون 21 - بقلم اسراء محمد

حتى الدكتور طلع وقاله البقاء لله. أسد قال بصراخ: ماتت! لا لا. الدكتور قال: بسرعه، اهدي. المدام كانت حامل والجنين اتوفى، لكن المدام عايشة والحمد لله قدرنا ننقذها. وهي دلوقتي تحت تأثير البنج، ساعتين أو تلاتة بكتير أوي هتفوق. أسد قال بصدمة: كانت حامل؟ طيب هي يعني حالتها كويسة دلوقتي؟ الدكتور ربت على كتفه وقاله: اطمن، والله كويسة. وزي ما قلت لحضرتك، ساعتين أو تلاته كتير أوي هتفوق.

صفوان ربت على كتفه وقال: تتعوض يا ولدي، أهم حاجة إن مراتك صحتها بخير. أسد هز رأسه. بعد شويه، تالين طلعت، اتنقلت أوضة عادية وفات. أسد جري عليها بلهفة: تالين حبيبتي، حمد الله على السلامة. انتي كويسة؟ ها؟ وكانت الدموع تتساقط منه بغزارة. تالين رفعت أيدها مسحت دموعه وطبطبت عليه وقالت بتعب: أنا كويسة، اطمن. سعدية: ألف سلامة عليكي يا بتي. صفوان كذلك. تالين ردت بتعب: الله يسلمكم. عدت أيام، تالين صحتها كويسة جداً.

وليلي اتقبض عليها، وكده رانيا ومازن. وكمان ليلي اتسجنوا. نيجي بقي لموضوع شبيه أسد. كانوا قاعدين في الدار. أسد دخل وقاله: ادخل. دخل الشبيه. سلم على صفوان وعلي سعدية وتالين. أسد قال: طبعاً أنا لما جيت فهمتكم إن ده شبيهي ومازن جابه يعيش، على أساس إنه أنا. بس أنا كنت متفق معاه وكنت عارف كل حاجة. بس ده مش شبيهي، ده أخويا توأم. أنا طلع لي توأم. كلهم اتصدموا.

أسد قال: أيوه والله. أنا مقلتلكوش من الأول وقولت ليكوا إنه شبيهي وساعدني عشان كنت عايز أثبت إنه توأم. وفعلاً طلع توأم. بس اللي عايز أعرفه، إزاي تاه منكم وإحنا صغيرين لما اتولدنا؟ وانتوا عمركم ما جبتوا ليا سيرة زي دي. ولا إيه؟ نسيت أقول لكم، عشان أنا مش ابنكم الحقيقي. وانتوا لاقيني في الشارع وربتوني. صفوان وسعدية بصوا لبعض. أسد قال بدموع: أنا عرفت، متستغربوش. تالين قالت بصدمة: يعني أنت؟

أسد قال: أيوه يا تالين، مش ابنهم. أنا وأخويا يتامى. حد خدني رماني في الشارع، وأنا معرفش الحد ده مين. وخد أخويا وحطه في مكان تاني. هو ناس لقوه وحطوه في دار الأيتام. وأنا لقوني وربوني. سعدية راحت مسحت دموعه وقالت: متزعلش مننا، بس إحنا بنعتبرك ولدنا بجد. وحضنته جامد وقعدوا يعيطوا. عدت شهور، بل سنة. وتالين حامل وبتولد، وكانت الولادة صعبة. بعد فترة، الدكتور طلع وشايل بنت وقاله: المدام اتوفت.

أسد اتصدم، وكذلك الكل. وأسد جري على جوه ومكنش مصدق. والكل حزين وعملوا عزاء. وأسد حزن حزن السنين على حبيبته وطفلته وبنته. أميرة أمها ماشية في الشوارع اتجننت بعد ما صفوان رجع حق وفلوس أخوه منها، وهي خسرت كل حاجة. ليلي ورانيا ومازن اتحكم عليهم بالإعدام، لأن دول جرائم قتل. بعد سنين. أسد قاعد قدام التربة وماسك ورد وقال بحزن: النهاردة سنويتك، بقالك ١٠ سنين سايباني. جبت لك الورد اللي انتي بتحبيه أهو.

جت بنته وسماها تالين على اسم أمها، وحضنته وطبطبت عليه وعيطت وقالت له: كان نفسي أشوف ماما حبيبتي أوي يا بابا. كل البنات صحابي عندهم ماما وأنا لا. أسد حضنها بحزن وقال: اقرئي لها قرآن يا حبيبتي، يلا. وهي حاسة بيكي وسامعاكي. وقعدوا يقرأوا قرآن ويعيطوا.